مركز تحميل الصور والملفات
 

العودة   ¬°•| منتديات نبـض الإمارات |•°¬ > ღ♥ღ النبض الأدبي ღ♥ღ > [ نبض القصص والروايات ~

الإهداءات

إضافة رد
 
أدوات الموضوع انواع عرض الموضوع
#1  
قديم 26-05-2012, 05:31 PM
دمـ‘ـعة عـ‘ـين
نبض اماراتي
دمـ‘ـعة عـ‘ـين غير متواجد حالياً
 رقم العضوية : 20953
 تاريخ التسجيل : May 2012
 فترة الأقامة : 2737 يوم
 أخر زيارة : 13-06-2012 (02:16 PM)
 المشاركات : 35 [ + ]
 التقييم : 10
 معدل التقييم : دمـ‘ـعة عـ‘ـين is on a distinguished road
بيانات اضافيه [ + ]
افتراضي قصة حب عضوين في احد المنتديات



السلام عليكم ورحمة الله وبركاته



بنت عمرهاا 20 سنه كانت تتصفح برامج الأنترنت فتحت أكثر من موقع فلفت نظرهاا منتدى من
المنتديات اشتركت فيه عجبهاا شكله ارتاحت له قعدت اتشارك وتحط مواضيع مع مرور الايام انشات
صدقاات مع البنات سوالف وضحك ومقالب للاعضاء وكل يوم على هالموال مرت شهور على
اشتراكهاااا فى هالمنتدى فى يوم من الايام وصلتهاا رساله على الخاص من المراقب الاسير
وهالرساله كاتب فيهاا أنه معجب فيهااااا وبأخلاقها وحاب يتعرف عليهاا ...وكل هالكلام كان عن طريق الرسايل الخاصه ..



دمعة وفى : اسمع اخووي أناا ماعرفك وانته ماتعرفني ولو سمحت عن الكلام الفاضي اللي ماله معنى .



الاسير : هذا كلام فاضي !!! هذا اللي اقوله كلام فااضي !! الله يسامحج .




دمعة وفى طنشته ماردت عليه واليوم الثاني وصلتهااااا رساله من الاسير .




الاسير : السلام عليكم . كيف حالج ؟؟ شو أخبارج حبيبتي ؟؟



دمعة وفى ماردت عليه ماعرفت شنوو تسووي وبعد مرت الايام وهو يطرش هالرسايل ويزعجهاا مايخليهاااا تقرأ أي موضوع ويكتب لهاااا كل شئ يصير له فى حياته اليوميه مثلا بروح الصناعيه وبرجع وبروح السوق وبرجع وبروح المستشفى وبرجع .....ألخ



ودمعة وفى ساكته ماترد عليه حاولت تحط تجاهل حق رسايله ماقدرت لانه مراقب .
وبعد فتره دمعة وفى كتبت بالاهداءات أنهاا مسافره ألمانياا وأنه يمكن تتأخر وأول ما قرأ الاهداءات طرشلهاااا رساله .



الاسير : أنتي ليش تعذبيني جيه حرام عليج اتسافرين وتخليني بروحي حرام



دمعة وفى : أناا ماعطيتك شئ ولا سويتلك شئ عشان تقولي حرام عليج وأنته شنوو تبي مني ؟؟




الاسير: أنتي ليش عنيده عطيتج قلبي وحياتي وابتعدت عن أهلى ونااسي وهذا كله عشانج أنتي بس وابيع الكل واشتريج ..
دمعة وفى : لاتعليق




الاسير : ليش أنتي جذي ؟؟ قبل لاتسافرين قوليلي صارحيني منو انااا بالنسبه لج طفئ النار اللي فيني ..



دمعة وفى : بحفظ الله بخليك .




الاسير : هذا اهداء لج أغنية من بين النااااااااس حبيتك وانااا بستنااج لين ترجعين وبكتب كل يوم رساله حبيبتي .



سافرت دمعة وفى ومرت شهرين على سفرهاااااا ورجعت مشتااقه حق صديقااتهاااا وسوالفهن ويوم دشت المنتدى والرسايل عندهاا يمكن خمسين



رساله يوم فتحتهاا كلهاا كانت من الاسير قعدت تقرأ وتفتح رساله وراء


رساله والرسايل كانت تحكي يوميات الاسير بالتفصيل وكل شئ صار له



دمعة وفى حذفت كل الرسايل ماهتمت له . ردت تقرأ مواضيع وتتكلم مع
صديقااتهااااا وشووي توصلهاا رساله من الاسير .




الاسير: الحمد الله على السلامه والله العظيم اشتقت لج واايد والمنتدى مب حلو بدونج حبيبتي .



دمعة وفى : الله يسلمك .



الاسير : انتي ليش جافه معااي ؟؟ ليش قاسيه ؟ ليش انتي أنانيه ؟؟ قلت بتسافرين بتفكرين فيني بتحسين بس انتي الله يسامحج ..



دمعة وفى : أخووي شوف أنا مابي أعطيك آمال انته بعيد عنهاااا واناا بعيده عنهااا وخلناا نبتعد بالطيب لانك أنته وين واناا وين ودامني احترمك بليز ابتعد .



الاسير : بس قوليلي كلمه حلوه أناا طمعان بخلاقج وكرمج وانتي دخلتي قلبي أرجوج على الاقل قوليلي حبيبي لاتحرميني من هالكلمه واناا مابخليج لين ماتقولينهاا حتى لو نذليت عندج ..



دمعة وفى : أخووي هذي الكلمه بشوو بتنفعك مابتنفعك بشئ شوف اناا بخليلك المنتدى وبطلع بلا رجعه . بحفظ الله .



الاسير: خلاص لاتقولينهاا خلاص بس لاتخليني بروحي أرجوج على الاقل أشوف نك نيم مالج واعرف انج بخييير .




بعد فتره قبل رمضان الماضي كتب رساله يقول فيهاا انه رايح العمره مع الشباب



دمعة وفى : الله يهديك .


الاسير : تعرفين شئ أنتي حبيبتي وبظلين حبيبتي لين ماموت ياملاكي العنيد وبظلين ملاكي العنيد للابد .



دمعة وفى : بحفظ الله .


مرت الايام وهو مسافر ودمعة وفى ادش المنتدى وتقرأ مواضيع وتسولف مثل قبل بس فى يوم من الايامحست أنهااااا مضايقه حيل ماعرفت شنوو سبب ضيقتهاا تحس شئ ناقصنهاا


فجأه طرأ على بالهاا الاسير بس ماتعرف شنوو هالشعور اللي فيهاا شووق وله حب حنين له وتقول فى خاطرهاا ( وين اللي كان يضايقني )
حست بقيمته حست انهاا ذلته وايييييد هيه حبته بس ماتقدر تعطيه حبهاا ماتقدر تعترف له والاسباب واييييد وتقول القدر مابيجمعناا لانه هو ين واناااااا وين لكن ماعرفت تعبر عن مشاعرهاا اتجااه ..
فجأه فتحت صفحة الرسايل بلا شعور أهدته أغنية الاماكن كلهاا مشتاقه لك .... ألخ


مرت اسبوعين على سفرته ولا رجع ودمعة وفى بالهاا مشغول عليه دشت المنتدى يوم شافت رساله فرحت قالت فى خاطرهاا (وصل) بعدين شافت أنهاا من المدير العام اللي هو ولد عم الاسير حزنت


فتحت الرساله وياليتهاا مافتحتهاا كانت تقول الرساله بأن الاسير مـــــات
.انصدمت دمعة وفى وهي تقرأ الرساله ماعرفت شووو تسووي حست انهاا مخنوقه ماقادره تقول شئ أو تكتب شئ وفى كل مره تفتح الكمبيوتر تسكره بس فيهاا فضول تباا تعرف شنوو اللي صاار له وكيف مات ؟أتجرأت ودخلت المنتدى وكتبت حقولد عمه رساله تسأله عنه وياليتهاا ماسألته ..


رسالة المدير العام : كان راجع من العمره واتصل فيني وقالي أفتح
المنتدى واشوف اذا رساله وصلته منج وهو على الخط فتحت المنتدى وشفت
رسالتج والاهداء مالج فقلتله فرح واييد بالاهداء وقعد يقول لي فى التلفون والله اني احبهاا هالانسانه ويقول متى برجع ؟؟وسكر التلفون عني واليوم الثاني وصلناا الخبر بأنه فى المستشفى سافرت له وصلت عنده فى الغرفه وكان يتكلم مافيه شئ ويقول أريد اسولف
معهاابس حاس اني بموت قبل لا أسمع منهاا شئ وعطاني رساله لج وقال الشهادتين وماااااااات والاطبااء قالو انه بسبب النزيف الحاد مااات
وعرفي انه ذكرج انتي ونسى اهله مافكر فيهم فكر فيج انتي وبس يعني باع اهله وشتراج والسموحه


.وهذي رسالة الاسير الاخيره : حبيبتي ملاكي العنيد أناا حبيتج بصدق ويشهد الله على كلامي وبظل أحبج طول عمري أو مابقى لي من العمر ولا بخونج بظل وفى لحبج كنت أريد أشووف كلمة حبيبي يوم أوصل بس اناا راضي بحكم رب العالمين كنت اريد احس بمعنااته وطعمهاا بس يمكن ماارجع يا ملاكي بس عرفي اني راضي عنج كل الرضاا حبيبتي اذا مت لاتندمين علىاي شئ اناا ماشفتهاا هالكلمه الحين بشوفهاا بعدين لانه دنيتي زايله واناا حاس بهاا شئ واناا اول شئ بطلبه من الله اني اشوفج أنتي ملاكي العنيد هناك الله مابيحرمني منج واتمنى أنج تعيشين حياتج فى الدنياا مع اللي خترتيه لاني باخذج منه حبيبتي اهديج كل ورود العالم ياملاكي العنيد حبيبتي افرحي لا تشيلين هم الدنياا واناا بستنااج مع خالص حبي .



دمعة وفى قعدت تصيح وتلوم نفسهاا على كل اللي صار وتقول ليتني مادشيت المنتدى ولا عرفت شئ عنه أناا انسانه بلا مشاعر ولا أحااسيس كيف بعيش حياتي واناا حرمت هالانسان حياته .
ماقدرت تستحمل أكثر من جيه كتبت رساله حق المدير تقوله انهاا بتطلع
من المنتدى وانته مابترجع لانهاا ماتقدر تشووف كل شئ يذكرهاا فيه
توقيعه مواضيعه ضحكته فى الالعاب فى كل شئ ..



المدير العام : نحن بنغلق المنتدى لانه مانقدر انكمل فيه بدونه لانه
خلاص الحزن مسيطر على الكل ونسيت اقولج أنه قبل لايسافر قالي اجهز
سيارته واكتب عليهاا ملاكي العنيد واناا جهزتهاا وهااي صوره منهاا
لانه الله ماأراد انه يهديج اياااه يوم يرجع بس نحن راضين بحكم الله



دمعة وفى : أنته ليش جيه تحسسني بالذنب وتعذبني حرام عليك حرام .



المدير العام : هذا اللي يريده واناا اوصل الامانه والوصيه لا اكثر
ولا أقل وانتي الله يسامحج على كل اللي سويتيه فيه .


طلعت دمعة وفى بلارجعه وهيه تحمل معااههاا الحزن والندامه واللوم
على كل شئ سوته فيه الله يرحمهااااااااا ..
آسفه حبيبي اذا ماقلت هالكلمه لك مابقولهااااااااا لغيرك ملاكك العنيد
لـكـي تــدرك قـيـمـة الـحـبـيـب أو الـحـبـيـبـة... أفـقـدهـــ
خذاك الزمن مني وترك
لي أشواقي
لكن ماخذا ذكراك منباقي أوراقي
عيشووا اليوم بيومه
عضوين المنتديات




rwm pf uq,dk td hp] hglkj]dhj > lv,v lk lkj]n l,q,u l,ru hglhqd hggi hghlh;k hgehkd hg]l hg,rj hvd] h;ev fvhl[ fkj d,ldhj pkdk vlqhk w,vi td ,v,]





رد مع اقتباس
قديم 01-06-2012, 02:30 AM   #2
بعثرني حبكـ
نبض اماراتي فضي


الصورة الرمزية بعثرني حبكـ
بعثرني حبكـ غير متواجد حالياً

بيانات اضافيه [ + ]
 رقم العضوية : 12383
 تاريخ التسجيل :  Nov 2009
 أخر زيارة : 07-10-2014 (12:13 AM)
 المشاركات : 2,174 [ + ]
 التقييم :  82
 MMS ~
MMS ~
افتراضي رد: قصة حب عضوين في احد المنتديات



ناييييييييييييييس


 
 توقيع : بعثرني حبكـ



رد مع اقتباس
قديم 01-06-2012, 06:47 AM   #3
بنت آل علي
مجموعة النخبة


الصورة الرمزية بنت آل علي
بنت آل علي غير متواجد حالياً

بيانات اضافيه [ + ]
 رقم العضوية : 2741
 تاريخ التسجيل :  Dec 2007
 أخر زيارة : 14-07-2016 (12:25 AM)
 المشاركات : 31,733 [ + ]
 التقييم :  1590
 MMS ~
MMS ~
افتراضي رد: قصة حب عضوين في احد المنتديات



بسم الله الرحمن الرحيم وعليكم السلام ورحمة الله وبركاته؛ شكرا لإنتقائج.‏ قصة حلوة بس تعور القلب؛ عموما لاهنتي حبوبه وحفظج الرحمن:‏)‏
Posted via Mobile Device


 

رد مع اقتباس
قديم 01-06-2012, 03:24 PM   #4
ح‘ـبك سـر شقآيآ,,♥
مجموعة النخبة


الصورة الرمزية ح‘ـبك سـر شقآيآ,,♥
ح‘ـبك سـر شقآيآ,,♥ غير متواجد حالياً

بيانات اضافيه [ + ]
 رقم العضوية : 19967
 تاريخ التسجيل :  Jan 2012
 أخر زيارة : 17-07-2016 (03:57 AM)
 المشاركات : 5,159 [ + ]
 التقييم :  640
 الدولهـ
United Arab Emirates
 الجنس ~
Female
 SMS ~
ابي اعيْش { ويآإأك }لآخر الع‘ـمرْ ورَبي دآيم الدوؤوم..~
افتراضي رد: قصة حب عضوين في احد المنتديات



السلآم عليكم ورحمة الله وبركآته..
مسآء اللولو والمرجآن..

[ دمعة عين]..
صج قصة تعور القلب ومن خآطر بعد..
والله يحفظ كل منهو غآلي علينآ..
تسلمين خويتية ع الطرح الرآئع..
ربي يعطيج الصحة والعآفية..
ونتريآ اليديد من صوبج الغلا..
قوآج الله..

تحيآتي:
ح‘ـبك سر شقآيآ..


 

رد مع اقتباس
قديم 01-06-2012, 05:51 PM   #5
amiraalro0ouh
نبض اماراتي


الصورة الرمزية amiraalro0ouh
amiraalro0ouh غير متواجد حالياً

بيانات اضافيه [ + ]
 رقم العضوية : 21013
 تاريخ التسجيل :  May 2012
 أخر زيارة : 19-06-2016 (01:39 PM)
 المشاركات : 14 [ + ]
 التقييم :  10
Lovesuae رد: قصة حب عضوين في احد المنتديات



مساء المسك و العود للجميع
بصراحة القصة تعور القلب
وفي نفس الوقت فيها معلومة ابي اقولها
((إن كل إنسان بيحس بقيمت غيره وقت الرحيل))


 
 توقيع : amiraalro0ouh



رد مع اقتباس
قديم 02-06-2012, 05:35 PM   #6
كلي دلـع !
نبض اماراتي حساس


الصورة الرمزية كلي دلـع !
كلي دلـع ! غير متواجد حالياً

بيانات اضافيه [ + ]
 رقم العضوية : 20795
 تاريخ التسجيل :  May 2012
 أخر زيارة : 19-04-2013 (02:10 AM)
 المشاركات : 56 [ + ]
 التقييم :  10
افتراضي رد: قصة حب عضوين في احد المنتديات



كللش نآـآيس
بس وربي يقطططع القلب
الله يحفظ كل غآـآلي لغآـآليته
تسلمين خيتوـو


 

رد مع اقتباس
قديم 14-06-2012, 01:46 PM   #7
كاتبه المشاعر
Banned


الصورة الرمزية كاتبه المشاعر
كاتبه المشاعر غير متواجد حالياً

بيانات اضافيه [ + ]
 رقم العضوية : 20670
 تاريخ التسجيل :  Apr 2012
 أخر زيارة : 12-11-2012 (04:37 PM)
 المشاركات : 831 [ + ]
 التقييم :  11
 MMS ~
MMS ~
افتراضي رد: قصة حب عضوين في احد المنتديات



ههههههههههههههههههههه


 

رد مع اقتباس
قديم 14-06-2012, 04:32 PM   #8
هارد لك ياقلب
نبض اماراتي متطور


الصورة الرمزية هارد لك ياقلب
هارد لك ياقلب غير متواجد حالياً

بيانات اضافيه [ + ]
 رقم العضوية : 21102
 تاريخ التسجيل :  Jun 2012
 أخر زيارة : 03-07-2012 (04:21 PM)
 المشاركات : 139 [ + ]
 التقييم :  12
افتراضي رد: قصة حب عضوين في احد المنتديات



ياحياتي القصه تحزن

بس مستحيل يكون في حب هذا الوقت

لا بالحقيقه ولا بالمنتديات كلهم يلعبون ويضيعون وقت

الحمدالله على كل حال

يسلمو حبيبتي لاخلا ولاعدم يارب


 
 توقيع : هارد لك ياقلب


فمــان الله ياوجهــ ن
تركنا للشقى وارتاح
الى اعلى جنان الخلد يــا نايف


رد مع اقتباس
قديم 23-06-2012, 09:46 PM   #9
احبج ليش اخاف
نبض اماراتي حساس


الصورة الرمزية احبج ليش اخاف
احبج ليش اخاف غير متواجد حالياً

بيانات اضافيه [ + ]
 رقم العضوية : 19395
 تاريخ التسجيل :  Nov 2011
 أخر زيارة : 16-11-2012 (05:41 AM)
 المشاركات : 69 [ + ]
 التقييم :  10
 MMS ~
MMS ~
افتراضي رد: قصة حب عضوين في احد المنتديات



قصهـ حزيينهـ بصراحة همتني دمعة وفا3//>


 
 توقيع : احبج ليش اخاف

آحترممَ آلكلَ ()'
ليسَس ضعَف مني !
لكن هَنآكك مننَ تعببٌ
= فيَ تربيتيٌ 3-|.

ﭑحبِ منٌ ي̉حبن̉يَ ' ُ
لكن̉ي ﭑعش͠ق@.
م̉نُ يھٓﭠم بيَ


ﭠہڕى الم̵سألھٓ ː
- (اح̃ساس </3
ماھٓي ﭠع̃ال
- [حبني وٓ اح̃بک]


رد مع اقتباس
قديم 05-08-2012, 06:36 AM   #10
$النعيميه$
نبض اماراتي


الصورة الرمزية $النعيميه$
$النعيميه$ غير متواجد حالياً

بيانات اضافيه [ + ]
 رقم العضوية : 21482
 تاريخ التسجيل :  Aug 2012
 أخر زيارة : 29-08-2012 (07:02 AM)
 المشاركات : 16 [ + ]
 التقييم :  10
افتراضي رد: قصة حب عضوين في احد المنتديات



قصه حلوه بس تعور القلب ...


 

رد مع اقتباس
إضافة رد

مواقع النشر (المفضلة)

الكلمات الدلالية (Tags)
., مرور, من, منتدى, موضوع, موقع, الماضي, الله, الاماكن, الثاني, الدم, الوقت, اريد, اكثر, برامج, بنت, يوميات, حنين, رمضان, صوره, في, ورود


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 06:45 AM.

Powered by vBulletin® Copyright ©2000 - 2019, Jelsoft Enterprises Ltd. , Designed & TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الآراء المطروحة بالمنتدى تعبر عن أصحابها و لا علاقة لصاحب المنتدى بها

تصميم : المصمم العربي .. Design By : www.araby4design.com