مركز تحميل الصور والملفات
 

العودة   ¬°•| منتديات نبـض الإمارات |•°¬ > ღ♥ღ النبض الأدبي ღ♥ღ > [ نبض القصص والروايات ~

الإهداءات

إضافة رد
 
أدوات الموضوع انواع عرض الموضوع
#1  
قديم 25-12-2011, 09:31 PM
الحب اختياري
نبض اماراتي حبوب
الحب اختياري غير متواجد حالياً
 رقم العضوية : 19798
 تاريخ التسجيل : Dec 2011
 فترة الأقامة : 2885 يوم
 أخر زيارة : 14-09-2013 (05:01 PM)
 المشاركات : 167 [ + ]
 التقييم : 14
 معدل التقييم : الحب اختياري is on a distinguished road
بيانات اضافيه [ + ]
Newsuae2 الحب اختياري



السلام عليكم ورحمة الله وبركاته
وياكم اختكم الحب اختياري..
احب اقدم روايتي الاولى اللي حبيت انزلها في منتدى نبض الامارات

واتمنى ان تنال اعجاب الجميع..
يمكن البارتات تكون قصار شوي بس هي حلوه
وشكرا واتمنى ان تتقبلو مروري..




hgpf hojdhvd 45 lhk[, lpl] la;gm lkj]n hggi hghlhvhj hghs,] hgh,g hgh,gn hgehkd hgolds hg]vhsm hgd,l hgv,p hgshfu hgauv hg,rj hfyd hf, hf,ugd hf,/fd hf'hg hpl hpl hpsk hvrhl hajvd hsf,u h;ev fhgofv fkhjd ]fd pf,f otdt vhd; v,ui aih]m schg ud] thwg td td hghlhvhj iiiii kfq kfq hghlhvhj k,l k,t qv,vd _ K





رد مع اقتباس
قديم 25-12-2011, 10:20 PM   #2
جروح الزمن
نبض اماراتي حساس


الصورة الرمزية جروح الزمن
جروح الزمن غير متواجد حالياً

بيانات اضافيه [ + ]
 رقم العضوية : 18475
 تاريخ التسجيل :  Aug 2011
 أخر زيارة : 11-06-2012 (01:49 PM)
 المشاركات : 78 [ + ]
 التقييم :  25
 الدولهـ
United Arab Emirates
 الجنس ~
Male
 MMS ~
MMS ~
افتراضي رد: الحب اختياري



وعليكم السلاام والرحمة ..

بنظاارج اختيه ..

لااا تطولين ^6


 
 توقيع : جروح الزمن

تمنع التواقيــع اللي فيها موسيقى "



إدارة نبـــضّ الـإمارات


رد مع اقتباس
قديم 27-12-2011, 06:40 PM   #3
الحب اختياري
نبض اماراتي حبوب


الصورة الرمزية الحب اختياري
الحب اختياري غير متواجد حالياً

بيانات اضافيه [ + ]
 رقم العضوية : 19798
 تاريخ التسجيل :  Dec 2011
 أخر زيارة : 14-09-2013 (05:01 PM)
 المشاركات : 167 [ + ]
 التقييم :  14
افتراضي رد: الحب اختياري



احم راح انزل البارت الاول
يمكن في تفاعل اكثر ويا الروايه
اممم انتظروني بعد دقايق قليله


 

رد مع اقتباس
قديم 27-12-2011, 07:21 PM   #4
الحب اختياري
نبض اماراتي حبوب


الصورة الرمزية الحب اختياري
الحب اختياري غير متواجد حالياً

بيانات اضافيه [ + ]
 رقم العضوية : 19798
 تاريخ التسجيل :  Dec 2011
 أخر زيارة : 14-09-2013 (05:01 PM)
 المشاركات : 167 [ + ]
 التقييم :  14
Newsuae2 رد: الحب اختياري



البارت الاول



((في دبي عند عايلة ابو نوف))


نوف:اوف اوف لاعت جبدي من الدراسة متى بفتك. (نوف عمرها 17 سنة- دلوعة امها-اخر سنة فالدراسة يعني 3 ثانوي)
ام نوف:اعوذ بالله منج كل صبح ضرابة على المدرسة يقول شالة المدرسة فوق راسج .( ام نوف عمرها 36 سنة )
نوف:اوف متى بحصل ليسن كل إجازة قاعدة فالبيت خل الريم تكبر بتحطولها دريولية وسيارة ..باي باي..
ام نوف:الله وياج بس ماتريقتي..
نوف:مابي ريوق بتريق فالمدرسة مع السلامة..


((عند عايلة ابو مكتوم في بوظبي))


سارة:مكتوم يالله اتأخرت لوعة جبدي وذليتني على توصيلتك. (سارة عمرها17 سنة ربيعت نوف من الطفولة- اخر سنة ويا نوف )
مكتوم:احمدي ربج اوصلج ولا انا إجازه المفروض راقد..( مكتوم عمره 19 سنة- اخر سنه فكلية الشرطة )
سارة:الحمدالله والشكر احمد ربك بتوصل اميره المدرسه ولا منو يركب وياك انته وويهك..
مكتوم:احسن عن ويهج يقول تمساح طوفي طوفي..
مكتوم+سارة:يالله امايه باي..
أم مكتوم:حافظنكم الرحمن..مع السلامه( أم مكتوم عمرها 40 سنة )
______________________________________________

((عند عايلة ابو نوف في دبي))


((مر الصبح على خير على هذي العائلتين وجت الساعة 2:30 ظهرا..))
نوف:السلام عليكم امايه اوف ماصدقت ايي الخميس علشان اظهر..
ام نوف:وعليكم السلام.. منو بيوديج؟
نوف:امي اليوم سارة بتمر عليه هي ودريوليتها بنروح نتمشى في دبي مول بدال حكرة البيت..
ام نوف: اسألي ابوج يمكن مايرضى..
نوف:امي بلييز حاولي معاه


((عند عايلة ابو مكتوم في بوظبي))


((دخل مكتوم ويه اخته سارة سلموا على امهم وحبوها على راسها..))
ام مكتوم:ليش سارة فرحانة اكيييد عندج شيء..
سارة:هيه والله يا امايه اليوم بنروح دبي..
ام مكتوم:شو عندج فدبي؟!
سارة:بمر على اربيعتي نوف بنروح وياها المول وبرجع مابتأخر بلييز..
ام مكتوم:منو بيوديج؟
سارة:اممم الدريولية مالتي..
ام مكتوم:شو رايك يامكتوم؟انته ريال البيت..
سارة:اكيد مابيقول شيء اليوم الخميس بلييز..
مكتوم:براحتكم..
((أدري استغربتم وقلتوا ليش وين ابوه؟ وليش ابوه مب ريال البيت؟لانه ابوه منفصل عن امه فهو بدال ابوه))


((عند عايلة ابو وليد في بوظبي))


وليد:السلام عليكم امايه.( وليد عمره 26 سنة –يشتغل فشركة صديقة سعيد –ربعه هم علي و سعيد)
ام وليد:وعليكم السلام يالغالي..( ام وليد عمرها 38 سنة )
وليد:وين عيل فطوم.. لين الحين فالمدرسة؟!
ام وليد: لا فوق وحليلها مريضة..(فطوم عمرها 17 سنة – 3 ثانوي )
وليد:وي فديت اختي شوفيها؟!
محمد:السلام عليكم, بلاها اختي..(محمد 23 سنة –يشتغل في شركة)
ام وليد+وليد:مريضة..
محمد:بروح اشوفها..
وليد:بيي وياك..
((وصعدوا يشوفون فطوم دلوعتهم..))






كت:شو تتوقعون فيها فطوم؟!


بتسير نوف ويه سار ولو سارت شو بيصير؟!


اتمنى ان البارت يعيبكم من البداية .. ابي تفاعل علشان اكمل ..


 

رد مع اقتباس
قديم 08-01-2012, 05:01 PM   #5
الحب اختياري
نبض اماراتي حبوب


الصورة الرمزية الحب اختياري
الحب اختياري غير متواجد حالياً

بيانات اضافيه [ + ]
 رقم العضوية : 19798
 تاريخ التسجيل :  Dec 2011
 أخر زيارة : 14-09-2013 (05:01 PM)
 المشاركات : 167 [ + ]
 التقييم :  14
افتراضي رد: الحب اختياري



البارت الثاني



عند بو وليد في بوظبي

وليد:ياربي فديت دلوعتي المريضة..سلامات..
فطوم:الله يسلمك,محمد شوفيك تطالعني؟
محمد:أحس من زمان مب شايفنج,سلامتج خيتو..
فطوم:الله يسلمكم..
محمد+وليد:قومي اتسبحي و نزلي اتغدي ويانا..
فطوم:ان شاء الله الحين نازله وراكم..

عند عايلة بو نوف في دبي

ام نوف:نور البيت يابو نوف..
ابو نوف: منور بوجودج يالغالية..(ابو نوف عمره 40 سنة )
ام نوف:طلبتك ولا تردني..
ابو نوف: آمريني يالغالية في مرة رديتج..
ام نوف:بنتك اليوم تبى تطلع ويه اربيعاتها
ابو نوف: منو بيوديهم؟!
ام نوف:اربيعتها و الدريولية مالها..
ابو نوف:الله وياها..
ام نوف:عيل بروح انجب الغدا و ابشرها..
نوف قاعدة على لابها و اندق الباب ..
نوف:ريم انا مب متفيجة لج..
دخلت ام نوف:انا امج مب الريم ..امممم ابوج وافق..
نوف:والله ..عفدت فحضن امها.. شكرا امايه بروح ابشر سارة بخليها تتغدى و تطلع من الحين عشان توصل من وقت..
ام نوف:انزلي اتغدي..
نوف:ان شاء الله..


خلصت العوائل من الغدى وانطلقت سيارة سارة المرسيدس الى دبي دار الحي..

سارة:حبيبتي يالله انا طلعت بوصل قريب من بيتكم بدقلج كول(Call)
نوف:اوك باي..
وطلعت نوف بنطلون جنز وقميص وعباه مفتوحه ونعال كعب..
الريم:فديت نوفي انا,وديني ويااج..(الريم عمرها 5 سنوات )
نوف:ههههه.. اقول خلي التفدي لج طلعت كبار واليهال مالهم مكان ورزة,بررع خليني اتلبس..

((وساعات دقت سارة وبدت نوف تتلبس وتعدلت))

واندق هرن المرسيدس ونزلت نوف:يالله انا رايحة مع السلامة..


عند عايلة بو وليد وشخصيا عند محمد في بوظبي


رن تلفون محمد:هلا حمد كيف الحال؟!
حمد:اهلين فديتك قوم خلنا انروح دبي..(حمد عمره 19 سنة –فالجامعة ثاني سنة-محمد وحمد اصدقاء من يوم كانوا صغار)
محمد:خلاص تم اتلبس وبمر عليك..


الساعه 5:30 في بيت بو سعيد في بوظبي


سعيد:شذوي,شهود تعالوا..(سعيد 26سنه –يشتغل في شركه ابوه- علي و وليد اصدقاء)
شذى+شهد:هلا ,آمر..
سعيد:اليوم بتيكم بنت اتعرفوا عليها,بتي ويه اخوها لأن عندي انا واخوها شغل..
شذى+شهد:ان شاء الله


في بيت ابو وليد في بوظبي


وليد:فطوم يالله تأخرنا..
ام وليد +ابو وليد:على وين مودي اختك؟
وليد:بوديها وياي بيت اربيعي عنده خوات بدال حكرة البيت بخليها تغير جو..
فطوم:يالله مشينا..
ام وليد+ابو وليد:الله يحفظكم..
ركبوا السيارة وتوجهوا الى بيت بو سعيد..
فطوم:استحي,ما اعرفهم..
وليد:لا تخافين مدام اخوهم حبوب اكيد هم جي ..
فطوم:ان شاء الله
نزلت فطوم و وليد بيت سعيد
شذى وشهد:توه مانور البيت حبيبتي حياج البيت بيتج..
وسحبوها كأنه يعرفونها من زمان وهي فرحت ..
شذى:انا اسمي شذى عمري 19 سنة والمفروض في الجامعة ولكن سبب ظروف ماكملت..
شهد:انا اسمي شهد عمري 25 سنة وما اداوم اخوي فديته مب مقصر ويانا..
فطوم:الله يخليه لكم امم انا عمري 17 اخر سنة في فالثانوية..
شهد+شذى:آمين..


في الميلس عند الشباب في بوظبي


سعيد:ياربي على السرحان,مانروم عليه لا يكون فأختي..
وليد:ههههه .. لالا بس ابي اسألك كم عمارهم..
سعيد:اللي سحبت اختك عمرها 19 واللي حذالها 25 سنة..
وليد:اها العمر كله يارب..
سعيد:وياك ان شاء الله ..
وليد:المهم خلنا فشغلنا..
سعيد:اول شو تشرب بخلي اختي اتيبلك..
وليد:ليش ماعندكم خدامة؟
سعيد:لا نحن مانحب خدامة خواتي يشتغلون..
وليد:اها,ابي ماي وعصير مانجو..
سعيد:ان شاء الله
طلع من الميلس وتوجه للصالة
سعيد:هود هود..
شذى:نعم ياخوي..
سعيد:هاتي ماي و عصير مانجو حق وليد..
شذى:ان شاء الله ..


في المول عند نوف و سارة في دبي

سارة:نوفي شوفي هذا يطالعج..
نوف:معجب..
فجأة واحد دعم نوف وكان شكله حلو ويلفت الانظار ولابس نظارة وميود عصا كشخة
نوف بعصبية:اشلق ماتشوف العمي يشوف والمشكلة لابس نظارة يقول في شمس ههه.بستهزاء ميود عصا يبي يخلي عمرة شيء شيء:؟؟


كت
شو تتوقعون بيصر ويه شذى يوم بتحدر الميلس؟ّ!
شو تتوقعون بيرد عليها الولد,منو بيكون؟
شو بتكون ردة فعل نوف؟!


 

رد مع اقتباس
قديم 08-01-2012, 05:50 PM   #6
احاسيس طفله
نبض اماراتي


الصورة الرمزية احاسيس طفله
احاسيس طفله غير متواجد حالياً

بيانات اضافيه [ + ]
 رقم العضوية : 19920
 تاريخ التسجيل :  Jan 2012
 أخر زيارة : 21-11-2012 (10:26 PM)
 المشاركات : 41 [ + ]
 التقييم :  18
افتراضي رد: الحب اختياري



ناايس القصه يله كملي


 
 توقيع : احاسيس طفله



رد مع اقتباس
قديم 10-01-2012, 07:24 PM   #7
غرور قلبيـۓ
نبض اماراتي


الصورة الرمزية غرور قلبيـۓ
غرور قلبيـۓ غير متواجد حالياً

بيانات اضافيه [ + ]
 رقم العضوية : 19745
 تاريخ التسجيل :  Dec 2011
 أخر زيارة : 26-09-2012 (09:23 PM)
 المشاركات : 10 [ + ]
 التقييم :  10
افتراضي رد: الحب اختياري



وييين التكلمة ؟؟

البارتيين وااايد عيبوني بليييز لا طولين


 

رد مع اقتباس
قديم 11-01-2012, 07:57 PM   #8
الحب اختياري
نبض اماراتي حبوب


الصورة الرمزية الحب اختياري
الحب اختياري غير متواجد حالياً

بيانات اضافيه [ + ]
 رقم العضوية : 19798
 تاريخ التسجيل :  Dec 2011
 أخر زيارة : 14-09-2013 (05:01 PM)
 المشاركات : 167 [ + ]
 التقييم :  14
افتراضي رد: الحب اختياري



هههههه سامحوني والله
كنت بنزل البارحه بس
كنت مريضه ونمت ع الاب
ههههههه الحين بنزل بارتين


 

رد مع اقتباس
قديم 11-01-2012, 08:22 PM   #9
الحب اختياري
نبض اماراتي حبوب


الصورة الرمزية الحب اختياري
الحب اختياري غير متواجد حالياً

بيانات اضافيه [ + ]
 رقم العضوية : 19798
 تاريخ التسجيل :  Dec 2011
 أخر زيارة : 14-09-2013 (05:01 PM)
 المشاركات : 167 [ + ]
 التقييم :  14
افتراضي رد: الحب اختياري



البارت الثالث


الساعة 6:00 في مدينة بوظبي في بيت بوعلي


العنود:هلا امايه, هلا ابوية..(العنود عمرها 17 سنة –ثالث ثنوي)
ابو علي+ام علي:اهلين..(ابو علي عمره 46 سنة )
العنود:وين حمد مريت عليه الغرفة مارد علي شكله مب موجود..
ام علي: اخوج طلع مع محمد..( ام علي عمرها 41 سنة )

دق قلب العنود.. طق طق طق طق طق طق طق طق طق طق طق طق طق ..

العنود:فديته ياربي..
ابو علي:فدتج النت حد يتفدى عيال العرب صدق اني ماربيتج..
العنود:اوي انا شو قلت؟ لا ابوي انا اقصد اخوي..


في بوظبي عند عايلة مكتوم


مكتوم:امايه انا بطلع تامرتني بحايه؟
ام مكتوم:الله وياك انتبه لنفسك لا تتأخر..
مكتوم:ان شاء الله..

انرد لابطالنا فدبي اللي اليوم كل واحد بيحب من اللقاء الاول..

حمد:دخلت قلبي إلا اييب راسها (حمد عمره 19 سنة –فالجامعة ثاني سنة)
محمد:هههه مابتروم هي ويهه ماعطتك
حمد:لا تحاول بييبه لا تتحداني..
محمد:اتحداك فهالبنت اتحداك..
حمد:شمعنى بس فيها..
محمد:لانه يبين عليها انه مب اي حد اييب راسها..
حمد:بنشوف..




في بوظبي عند عايلة ابو علي


علي:ياربي وين اروح..(علي عمره 26 سنة – شرطة العين- علي و سعيد و وليد ربع)
ام علي:شل العنود واطلع وياها..
علي:لالا مافيني على صدعتها..
ام علي:وحليلها ماسوت شيء..
علي:امممممم غمضتني..العنود..عنودوه..
العنود:نعم..
علي:الله ينعم بحالج..روحي اتلبسي بطلعج معاي بوديج المارينا..
العنود:هي والله بتسوي خير..
علي:ليش؟؟
العنود:الاسبوع الياي وحدة ويانا فالسكول اتقول عيد ميلاد اربيعتها اذا سوت عيد ميلاد بتعزمني..
علي:منو بيوديج؟؟
العنود:مادري يمكن حمد..
ام علي:يالله روحي اتلبسي..
العنود:اوك..

راحت العنود تتلبس ولبست تنوره و قميص وعباه مسكره ونزلت
في بوظبي في الميلس عند سعيد و وليد

دخلت شذى:السلام عليكم..
وليد تم يناظر فيها:وعليكم السلام..
رن تلفون سعيد واضطر انه يطلع..كانت مكالمة من واحد فالشركة..
وليد:شخبارج شذى؟
شذى:بخير..
وليد في قلبه:فديت هالصوت الرقيق..
قدمت العصير قالت:تفضل..
وليد:دام فضلج..
شذى:فيني شي علشان تطالعني جي..
وليد: هي فخاطري اقولج شيء بس ماتزعلين..
دخل سعيد:سوري تأخرت يالله روحي عند البنات
وراحت وخلت وليد يتعذب..
دخلت الصاله
البنات وهي تطالع فطوم:سوري اتأخرت..
البنات:هههه.. خذي راحتج..
شذى:شوو فيكم تضحكون؟
البنات:نضحك على المتيمه فالحب..
انقفطت وسكتت..

وصلت سياره علي للمارينا ونزلوا
العنود:خيبه كيف زحمة..
علي:هههه.. لاتنسين اليوم الخميس..
العنود:عاد مب جي..
علي:طوفي اي محل تبين؟!
العنود:مادري اي واحد حلو بنحدره..
ومشوا لين مالقوا محل روعة اشترت بدلة وطلعوا وراحوا يتعشون وردوا البيت..
انرد دبي (دبي مول) الساعه 7:15
تمت نوف واقفة وتطالع اي اجابه منه ولكن هو اقترب وعق نظارته ونوف انصدمت :معقولة,لا انا شو سويت..
الولد:الحين عرفتي ليش لا تحكمين على الشخص من عنوانه..
نوف:سوري ونزلت راسها,ماكان قصدي بس كنت معصبة..
الولد:لا تعقين حرتج بالناس مره ثانية ومشى وخلاها تتسائل..
نوف دمعت عيونها وقعدت تطالع سارة..
نوف:معقولة لا ما صدق..
سارة:نوف,طوفي صار اللي صار..
نوف:مستحيل انا شو سويت..
ومشوا ويه بعض لين البوابة وجابلوا حمد ومحمد..
حمد:شو فيها اتصيح تتوقع حد زعلها؟؟
محمد:مادري والله..
ركبت نوف السيارة وهي متضايقة..
ميسي:وين بدكم اتروحون الحين؟
سارة:اممم,البيت..
نوف: لا ابي اروح البحر...
ميسي:اوك..

اممم بعرفكم على الولد اسمه عبدالله عمره 20 سنة ..
عبدالله:ياربي شو سويت وشو قلت للبنت حرام غمضتني اخاف تسوي شيء فعمرها..


كت شو بيصير فالبارتات الياية..


 

رد مع اقتباس
قديم 13-01-2012, 03:05 AM   #10
الحب اختياري
نبض اماراتي حبوب


الصورة الرمزية الحب اختياري
الحب اختياري غير متواجد حالياً

بيانات اضافيه [ + ]
 رقم العضوية : 19798
 تاريخ التسجيل :  Dec 2011
 أخر زيارة : 14-09-2013 (05:01 PM)
 المشاركات : 167 [ + ]
 التقييم :  14
افتراضي رد: الحب اختياري



البارت الرابع


في بوظبي عند مكتوم فالسيارة:الو سارة رجعتي بوظبي ولا بعدج؟؟
سارة:بعدني,نوف تبى اتروح البحر وديتها..
مكتوم:ليش شو فيها؟؟
سارة:مادري والله..
مكتوم:خلاص نزليها بعدين رجعي وطمنيني عليج وانتي فالخط..
سارة:اوك باي..
مكتوم:مع السلامة

في دبي عند نوف فالبحر:منو كان على الخط؟؟
سارة:اخوي مكتوم..
دق قلب نوف وغيرت السالفة قعدوا شوي وهدت ((الحل الوحيد المتضايق يشكي همه للبحر))
نوف:يالله مشينا نزليني البيت و توكلي عن تتأخرين..
سارة:اوك فديتج..
ميسي:مدام وين الحين بدك تروحي؟؟
نوف:وديني بيتنا..
ميسي:حاضر..


في بوظبي عند عايلة بوسعيد


شهد:ابصراحة حبيت فطوم وايد حبوبة..
شذى:وانا بعد بس نسينا ناخذ رقمها بخبر سعيد يخبر أخوها..
شهد:ههه تقصدين حبيب القلب..
شذى:اصطلبي ..
ودخل عليهم سعيد:شو فيكم تتضاربون جنكم توم و جيري؟؟
شذى+شهد:ماشيء..
شهد:اقولك فديتك اخوي سعيد هاتلنا رقم فطوم..
سعيد:فالكم طيب..
شذى:فالك مايخيب..

في دبي الساعة 8:30..وصلت نوف وسلمت على ساره ونزلت
نوف:السلام عليكم..(وراحت فوق من غير ماتسمع رد من حد )
نوف:اووف انا ليش افكر فيه واطلع لعمري الشعر الابيض خليني احدر اسبح وبعدين بشوف سارة وبقعد على اللاب..(سمعت حد يزقرها تحت)

الساعه 9:00 وصل محمد و حمد بوظبي وكل واحد سار البيت شاف وليد ويه فطوم
دخل عليهم:اوي الحبايب ويه بعض..
وليد:اول سلم مب داخل على كفار..
محمد:سوري السلام عليكم
فاطمة+وليد:وعليكم السلام
محمد:شو تسوون؟؟
فاطمة:ماشيء انسولف عن طلعت اليوم..
محمد:ليش وين رحتوا؟؟
فطوم:وداني بيت اربيعه عنده خوات طيبات..
محمد:اها انا بروح اسبح ويمكن ارقد تعبان..
فاطمة+وليد:الله وياك..

اما في دبي عند نوف طلعت من الحمام الساعه 9:30 اتلبست ولفت شعرها بالفوطة ونزلت تحت
نوف:نعم امايه..
ام نوف:يقولج ابوج الاسبوع الياي عيد ميلادج وين بتسوينها؟
نوف:فالبيت,برع بالحوش..
ام نوف:خلاص باجر بنروح نشتري لج لبس او يوم الخميس لان الجمعه الحفلة..
نوف:ان شاء الله ((صعدت فوق الغرفة))
نوف:الو سارة وينج؟؟
سارة:قريب من البيت..
نوف:اها الحمدالله على السلامة..
سارة:الله يسلمج,بوصل البيت وبكلمج اوك..
نوف:اوك فديتج مع السلامة..

وسكرت سارة من نوف

في بوظبي في سيارة سارة:الو مكتوم انا قريبة من البيت..
مكتوم:اوك فديتج انا بعد شوي بي البيت..
سارة:اوك لا تتأخر..
مكتوم:ان شاء الله باي

مر اليوم على خير وكل العوائل نامت ..مر يومين على هاي الحالة يه يوم السبت الصبح الساعه 7:00
شهد+شذى:صباح الخير..
سعيد:صباح الورد..
شذى: لا تنسى اتخبر وليد تمت ساكته ثواني وكملت عن الرقم..
سعيد: شو فيج ناهيتي يوم قلتي اسمه؟
شذى:اخذ نفس حرام ولا ؟
سعيد: لا بس اشك..
ضحكت شهد عليها و ضحك سعيد


في بوظبي في الدوام الساعه 8:00

سعيد:هلا والله بو وليد..
وليد:اهلين..شخبارك؟؟
سعيد:بخير..ومن صوبك؟؟
وليد:بخير..الحمدالله..
سعيد:اقول ابي رقم فطوم حق خواتي يبونه..
وليد:خلاص بكتبلك اياه وبطرشه ..

كل واحد راح مكتبه وقعدوا يشتغلون

اما في دبي عند نوف نشت الساعه 1:15 الظهر ..دخلت تسبحت و صلت و قرت قرآن..نزلت تحت
نوف:السلام عليكم..
الريم+ام نوف:وعليكم السلام..
نوف:امي اليوم بروح المكتبه بشتري لي اغراض ناقصه لي..
الريم:بي وياج لا تقولين لا..
نوف:انزين على الساعه 6:00 اجهزي ..
الريم:ان شاء الله ..
ام نوف:بخبر الدريول ..يجهز السيارة لكم..


في بوظبي في بيت علي

حمد:هلا والله محمد..
محمد:اهلين..
حمد:وين انته فالدوام؟؟
محمد:هي بعد شوي بيخلص الدوام..
حمد:اها خلاص عيل بخليك ..
محمد:اوك مع السلامة..


الساعه 2:20 في بوظبي في بيت بوسعيد

سعيد شذى و شهد تعالوا وينكم..

شذى+شهد:هلا اخوي آمر ..
سعيد:حطوا الغدى وتعالوا بخبركم شيء..
شذى:ان شاء الله ..
وراحو ينجبون الغدى,,
سعيد: يبتلكم رقمها..
شذى:احلف عطني اياه..
سعيد:خذيه 050\*******
شذى:شكرا..
خلصوا العوائل غدى..

في بوظبي في بيت بو وليد في غرفة فاطمة الساعه 4:00 رن تلفون فطوم ((ترن ترن ترن ترن ترن ترن )) وردت فطوم وكان حذالها وليد يسولف وياها..
فطوم:ألو..انصدمت من طلع لها صوت رجولي..
.....:فديت هالصوت انا..
فطوم:منو وياي؟؟
.......:واحد مزيون معجب فيج..
فرت الفون على وليد
وليد:ألو
......:((سمع صوت انوثي يقول )) هلا وليد..
وليد:منو؟!
...:امم انا شذى اخت سعيد..
انصدم وليد وقلبه دق..





كتتتتتتتتتتتتت


كتتتتتتتتتتتتت



كت شو تتوقعون يستوي؟؟


 

رد مع اقتباس
إضافة رد

مواقع النشر (المفضلة)

الكلمات الدلالية (Tags)
45, مانجو, محمد, مشكلة, منتدى, الله, الامارات, الاسود, الاول, الاولى, الثاني, الخميس, الدراسة, اليوم, الروح, السابع, الشعر, الوقت, ابغي, ابو, ابوعلي, ابوظبي, ابطال, احم احم, احسن, ارقام, اشتري, اسبوع, اكثر, بالخبر, بناتي, دبي, حبوب, خفيف, رايك, روعه, شهادة, سؤال, عيد, فاصل, في, في الامارات, ههههه, نبض, نبض الامارات, نوم, نوف, ضروري, _, ،


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 06:24 AM.

Powered by vBulletin® Copyright ©2000 - 2019, Jelsoft Enterprises Ltd. , Designed & TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الآراء المطروحة بالمنتدى تعبر عن أصحابها و لا علاقة لصاحب المنتدى بها

تصميم : المصمم العربي .. Design By : www.araby4design.com