مركز تحميل الصور والملفات
 

العودة   ¬°•| منتديات نبـض الإمارات |•°¬ > ღ♥ღ النبض الأدبي ღ♥ღ > [ نبض القصص والروايات ~

الإهداءات

إضافة رد
 
أدوات الموضوع انواع عرض الموضوع
قديم 17-01-2016, 03:41 PM   #11
لمحت جروح
نبض اماراتي حساس


الصورة الرمزية لمحت جروح
لمحت جروح غير متواجد حالياً

بيانات اضافيه [ + ]
 رقم العضوية : 25707
 تاريخ التسجيل :  Mar 2015
 أخر زيارة : 07-10-2019 (08:02 AM)
 المشاركات : 92 [ + ]
 التقييم :  10
افتراضي رد: ليتك من نصيبي



وقف حمد السياره وقعد يصيحح والبنت كانت لاحقته ف اتصلت ع امه

ام حمد : الو
ساره : الوو خالوه
ام حمد : بلاج ساره عسى م شر
ساره: خالوه انتي قلتيلي اراقب حمد والحين هو موقف السياره عن تقاطع 11 وقاع يصيح
ام حمد : مشكوره حبيبتي دقايق واجوفه


لما وصلت امه فتحت الباب حمد لا اراديا حضنها وقعد يصيح

حمد : اميه انا ليش مو مكتوب لي السعاده كرهت حياتي كرهت كل شي حولي وانتي ...
قاطعته امه : لا تلومني يا ولدي مجبوره يالله خ نروح البيت

نام حمد فحضن امه ولما قام
حمد فنفسه : اوفف انا شسويت امس

قام عسب يطلع شافته امه

ام حمد : ماماتي تعال تريق معانا
حمد: وينج من 13 سنه الحين قاع تصلحين اغلاطج
ام حمد : حمممد
طلع من البيت

ريل امه شافه طالع : شحالك حمد
حمد سمعه بس سواله طاف فتح فونه جاف فوق 50 مكالمه
حمد : طاااع حارقين الفون هذيل

وصل البيت ابوه استقبله بابتسامه الحقد

بوحمد : وين كنت ؟
حمد : انت م عندك شغل ؟
بو حمد :قلت لك وين كنت ؟
حمد : عند حرمتي
بوحمد : لما ارمسك عدل ترد علي باحترام
حمد : اوه شكلك نسيت تعلمني هالقاعده علمني اياها بعدين لاني مشغول الحين



 

رد مع اقتباس
قديم 17-01-2016, 04:49 PM   #12
لمحت جروح
نبض اماراتي حساس


الصورة الرمزية لمحت جروح
لمحت جروح غير متواجد حالياً

بيانات اضافيه [ + ]
 رقم العضوية : 25707
 تاريخ التسجيل :  Mar 2015
 أخر زيارة : 07-10-2019 (08:02 AM)
 المشاركات : 92 [ + ]
 التقييم :  10
افتراضي رد: ليتك من نصيبي



بوحمد : ياا ولد الجلب
حمد : هههه يسب روحه
بوحمد قام مسك حمد وخذ عنه السويج والفون
حمد ظهر فونه الثاني وسويج السياره الثانيه : هااا بعد هذيل خذهم
ابوهه انقهر وظهر من الغرفه


ساره : تصدقين خلود انه حمد م عرفني
خلود : طبيعي ولد عمي م يعرف حد
ساره : بس انا كنت وايد معاه لما كنا صغار
خلود : هههه انتي تعالي لو عمي يعرف انج توصلين كل الاخبار لطليقته بيجتلج
ساره : والله هم ع نياتهم لكن عمج شري
خلود : طاااع ادافعين عنهم بعد
ساره : صراحه انا مع الحق وحمد الصراحه وايد كاسر خاطري
خلود: يالله شو سوى الفارس المغوار عسب يكسر خاطرج
ساره : تعرفين لما قلت لج بسير القريه شفته عساس اني استهبل قمت وشفشفته
خلود : يااااالغبيهه
ساره : عادي ك اخوي بعدين انا اكبر عنه المهمم عقب راح ووقف صوب الشارع وقعد يصيح
خلود : ريال كبره كبر يصيح
ساره : حطين روحج مكانه عقب بتحسين
خلود : احط روحي مكان واحد يرفع صوته ع ابوهه وعععع
ساره : انتي لو حد يمد ايده عليج كل يوم م بتكرهينه ؟
خلود : اكيد بدون م تسالين بعد
ساره : هو جي ف شرات م تقولين اكيد بيكره ابوه


...................................
حمد : الوو
ام حمد : حمد ويت لا تسكر
حمد ساكت
ام حمد : انا اسفه ع اللي سويته بس ياولدي الظروف اجبرتني
حمد : لا تقولين الظروف انتي اجبرتي روحج
ام حمد : حمد انت ولدي وانا م اقدر استغني عنك
حمد : ولدج الحين تذكرتي ؟
وينج لما كنت امرض الليل وم اللقى من يداويني
وينج لما كان ابوي يضربني واقعد طول الليل اصيح
وينج لما كان الاستاذ يقولي امك م تعرف ادرسك
وينج لما م يعيبني الاكل واتم طول الليل يوعان
وينج لما اجوف الكل يحضن امه وانا انتظر صوب الباب
وينج لما كل ام تصبح ع ولدها فالعيد
وينججججج فهميني ؟؟؟
ام حمد وهي تصيح : حمد بسس ارحمني
حمد : تدرين كانو يسالوني وين امك ؟ اقولهم ماتت استحي اقولهم خلتني وراحت اتزوجت وعاشت حياتها واناا كنت ولاشي بالنسبه لها
سكر فويهاا وفر الفون
حمد وهو يصرخ : بعععد شووو بعدد م تعذبت يليتنيي متت وارتحتت

نهيان سمع صراخه ودخل

نهيان : حمد شفيك؟
حمد : اطلع برع
نهيان طلع بدون م يناقشه
قعد صوب غرفه حمد
نهيان فنفسه : يليت انا اللي اتعذب ولا انت

وداد : نهيانوه شو تسوى هني
نهيان : اشر لها عسب تسكت
وداد : قاع تسمع هالعله باجر يقتل روحه ونفتك منه
قام نهيان وسحب وداد بعيد :انتي متى بتصطلبين ؟
وداد : اخخ بطل ايدي يعل ايدك الكسر
نهيان : انتو طالعين ع منو كل واحد لسانه اطول من الثاني
وداد : ع ابوك الملسون
نهيان فج عينه : يعني مو ابوج
وداد : انجلع



........................................
صوب عائله بو راشد


ريم: ابويه باجيلي سنه واتخرج ووويعني
بوراشد: يعني شو
ريم : هديه نجاحي
بو راشد : هيهه اختاري وانا ع امرج لو بمليون
محمد : ابويه يعني ادلعها واحن لا
بو راشد : اخر العنقود من حقها
ريم : ابا اتزوج حمد
محمد : تتزوجين هاللوث!!
بوراشد : محمد شو هالرمسه ؟, احسن م اخترتي
ريم شاقه البسمه : مشكور غناتي
بو راشد : بس مو جنه بعدك يهاال
ريم : ابويهههه
بو راشد : خلاص ع امرج
ريم : انزين متى بترمس عمي بوحمد
بو راشد : باجر


 

رد مع اقتباس
قديم 18-01-2016, 05:39 PM   #13
لمحت جروح
نبض اماراتي حساس


الصورة الرمزية لمحت جروح
لمحت جروح غير متواجد حالياً

بيانات اضافيه [ + ]
 رقم العضوية : 25707
 تاريخ التسجيل :  Mar 2015
 أخر زيارة : 07-10-2019 (08:02 AM)
 المشاركات : 92 [ + ]
 التقييم :  10
افتراضي رد: ليتك من نصيبي



يومم الجمعه فبيت بوحمد

حد يدق الباب طبعا الخدامه فتحته

الخدامه : بابا محمد بو راشد يبغي انتي
بوحمد : دخليه
بو راشد : هود هود
حمد : هدااااا هدااا هههه تفضل عمي
بو راشد : اشوه انك موجود ابغيك بكلمه راس انت وابوك
بوحمد : تعال اقرب
بو راشد وحمد قعدو
بو راشد : مادري كيف ابدا الموضوع بس بنتي تبغي حمد
حممد فج عينه من الصدمه
بوحمد : واحن م بنردك موافقين
حمد طالع ابوه عقب طلع من البيت
بو راشد : بلاه حمد
بوحمد : شكله استحى م عليك منه
بو راشد حس انه في شي غريب : يالله عيل م ابغي اطول عليكم مع السلامه
بوحمد : مع السلامه
بوحمد فنفسه : قلتلك بتندم يا حمد هههه


بو راشد جاف حمد برع

بو راشد : حمد فيك شي
حمد : لا عمي م فيني
بو راشد : حسيتك اضايجت من الموضوع
حمد سااكت
بو راشد : انا م ابغيك تاخذها غصبن عنك فكر عقب رد علي خبر
حمد : ان شاء الله


حمد فنفسه : اطلع من شي وادخل شي ثاني افففف ش هالحال


سعيد : هلا
حمد : اهلين
سعيد : شحالك
حمد : مووووو بخير
سعيد : افاا
حمد : شسمه انا بسير الفجيره عند واحد من الربع اذا حد سال عني قوله توفى ههههه
سعيد : هههه حبيبي م عندك ليسن بعدك ياهل
حمد : روح لاه قال ليسن


............................
الشباب طايحين فالمبزره مغازل

مايد : صفرن خمسن صفرن هههههه
زيود : اووف قويه
حمدان : طاع شكلها تقول تيس
الكل : ههههههههههه
مايد : مصخره
سعود : ايههه اصطلبو
حمدان : احن نفتك من حمد تيي انت تنصحنا
الكل : هيه والله
مايد : ها سعود لو م متزوج جان طايح مغازل شراتنا
زيود : الا اقولكم وين حمد
سعيد : سار الفجيره
سعود : طاع شيسوي هناك
سعيد : عند حبيبته
مايد : هيه صح حبيبته من الفجيره
سعيد : امزحح لا تظلم الريال رايح عند ربيعه
مايد غمز لسعود : اهاااا


 

رد مع اقتباس
قديم 19-01-2016, 07:10 PM   #14
لمحت جروح
نبض اماراتي حساس


الصورة الرمزية لمحت جروح
لمحت جروح غير متواجد حالياً

بيانات اضافيه [ + ]
 رقم العضوية : 25707
 تاريخ التسجيل :  Mar 2015
 أخر زيارة : 07-10-2019 (08:02 AM)
 المشاركات : 92 [ + ]
 التقييم :  10
افتراضي رد: ليتك من نصيبي



حمد وقتها قرر يغير حياته
يعني يعيش بعيد عن الكل ويغير كل ارقاامه ومحد يعرف عنه شي

يوم ويومين واسبوع بالاحرى مايد وسعود متلعوزين

ام حمد : مايد شحال حمد ؟
مايد : ها خالوه ماعرف
ام حمد : انزين هاته برمسه
مايد : خالوه حمد من اسبوع مو مبين
ام حمد : كيف هو قالي بيرقد فاليخت عندكم
مايد : بس نحن م شفنا ويهه اصلا
ام حمد : ها وين راح تهقى عند ابوه ؟
مايد : اخاف خالي مسوي به شي
ام حمد : لا تخوفني انا بسير اجوف


ام حمد سارت بيت بوحمد ظهر لها بو حمد

ام حمد صدت الصوب الثاني : ابغي اشوف ولدي
بو حمد : ولدج اظن ذالف عندج من السبت
ام حمد : محد عندي
بوحمد : هه طلعي طلعي
ام حمد دزت الباب : قلت لك وين ولدي ؟
نهيان : حمد مو هني عموه
ام حمد : كيف مو هني وين راح هالولد ؟
نهيان : سالتي ربعه ؟
ام حمد : قالولي م عندهم
نهيان : بلبس كندورتي وادور وياج
بو حمد يود نهيان : انت م يخصك تبي هي ادوره روحها
ام حمد : ترا الجلب دومه جلب
وظهرت



شوي وحمد يتصل ل مايد

حمد : مايد
مايد : حمممد وينك جالبين الدنيا عليك
حمد : اناا فدبي بس شسمه مابي حد يعرف بس انت والشباب
مايد : ليش ؟
حمد : تعال وافهمك
مايد : اوك




وصل مايد وربعه

زيود : حمد شو تسوى ؟
حمد : انا بسافر
سعود : مو كيفك
حمد : قلت لك بسافر يعني بسافر
مايد : انزين وين ؟
حمد : مو لازم تعرفون بس المهم قلت بودعكم
سحب حمد زيود لحضنه
حمد : بشتاقلك يالوحش
شوي وحد يدق الباب
قام سعيد وبطله

الكلل فج عينه

بوحمد : مرحبااا
حمد : شو هالحالهه
شاف بوحمد جنطه حمد وشاف الجواز صوب الجنطه وخذه ع طول
حمد : هات الجواز
بو حمد : بتسافر بدون علمي م يصير
حمد : هاااات الجواز
بو حمد عطلى حمد كف : صوتكك هذا م ترفعه مره ثانيه
حمد : جببببببببببب
بو حمد ياي بيضرب حمد بس الشباب مسكوه
حمد دزه برع وسكر الباب
وقام يفر ملابسه من الجنطه : الله يعلنهههه
الشباب يتاملونه
حمد : لا اطالعوني جيي طلعوا برعععع


 

رد مع اقتباس
قديم 23-01-2016, 10:53 AM   #15
لمحت جروح
نبض اماراتي حساس


الصورة الرمزية لمحت جروح
لمحت جروح غير متواجد حالياً

بيانات اضافيه [ + ]
 رقم العضوية : 25707
 تاريخ التسجيل :  Mar 2015
 أخر زيارة : 07-10-2019 (08:02 AM)
 المشاركات : 92 [ + ]
 التقييم :  10
افتراضي رد: ليتك من نصيبي



وبعد تعب رقد حمد
قام الصبح جاف ربعه مسوين له الريوق وصراخ وجي
وحمد قاعد يضحك عليهم
سار عطول ع الطاوله عسب ياكل
سعود رفسه: قوم قوم غسل ويهك بالاول
حمد: ان شاءالله يدي
زيود: اقولكم بعدين بنطلع
حمد: مردف
سعيد: خسيي دبي مول
مايد: جب انت وياه امارات مول
حمد: اقولكم مردفف يعني مردف
سعود : فكونا بس بنسير كل المولات
حمد: اخر شي مردف
مايد: لا اخر شي امارات مول
سعيد: لا حبايبي اخر شي دبي مول
س قعدو فالشقه احسن لكم
الكل: ههههه
خلص حمد ريوق وقام عسب يبدل ملابسه
رفع قميصه ورد لبسه وطلع من الغرفه وسار المطبخ
زيود فنفسه: ليش م فصخ قميصه هني
س زيووود قوم سوالي قهوه
زيود: هاا زين
سار زيود المطبخ شاف حمد يبدل وظهره كله علامات ضرب
زيود واقف منصدم والشباب وراه
طلع من الشقه وهو يقول فنفسه: يعني طلعت من الغرفه عسب م نجوف علامات الضرب اللي ضربها ابوك الغبي اوك يا حمد
سار زيود الصيدليه وياب مرهم دخل الشقه وغمز لشباب عسب يفصخون قميص حمد
حمد: ايههه شو تسون قومو عني
زيود وهو يحط المرهم ع جروحه: انت ثور وغبي وعنز بعد
حمد : ههههه يعلك شو ها ريحته وهف
الكل: هههههههه
حمد فنفسه : انا بدونكم مادري كيف بكون الله لا يحرمني منكم
طلعوا كلهم من الشقه عسب يسيرون المطعم

صوب عائله ابو حمد

وداد: ابوي حمد وين ؟
بو حمد:ليش شتبينه
وداد: م اجوفه هني مختفي من شهر
بو حمد: م يخصج
نهيان طالع ابوه: انت شو وراك
بو حمد: وراي كرسي
قام نهيان: بعرف كل شي بس ويت
بو حمد: عله شرا اخوك
حمدان: السلام عليكم
نهيان: وعليكم السلام
حمدان: بلاكم قالبين عزا
نهيان: اللي يعيش مع هالعائله غصب يقلب عزا
حمدان: ليش شو صاير ؟
بو حمد: م عليك منه تعال اقعد
حمدان : ابويه ابغيك ف موضوع
بو حمد: امر
حمدان: ابغي اتزوج
بو حمد: الساعه المباركه من بنت الحلال ؟
حمدان: وحده اسمها فطيم بس يابوي صغيره يعني تقدر ادبر صح
بوحمد : اي اقدر ادبر بس بنت من ؟
حمدان: بنت ****

فطيم هي نفس البنت اللي حبها حمد


 

رد مع اقتباس
قديم 23-01-2016, 06:36 PM   #16
لمحت جروح
نبض اماراتي حساس


الصورة الرمزية لمحت جروح
لمحت جروح غير متواجد حالياً

بيانات اضافيه [ + ]
 رقم العضوية : 25707
 تاريخ التسجيل :  Mar 2015
 أخر زيارة : 07-10-2019 (08:02 AM)
 المشاركات : 92 [ + ]
 التقييم :  10
افتراضي رد: ليتك من نصيبي



حمد : شباب انا بسير اخذ باجي اغراضي من البيت
زيود : اسير وياك
حمد : لا ماله داعي
سعود : خله يسير عسب ابوك م يسوي بك شي
حمد : يالله اوك
راح حمد
زيود: مشكور حبيبي وغمز له
زيود يحب وداد اخت حمد عسب جي قال بيسير معاه


دخل حمد البيت
مرت ابوه : الناس ادق الباب
حمد سوى طاف وصعد فوق
زيود : السلام عليكم
مرت ابوه : وعليكم السلام
نهيان : حمد وينك كل هالمده
حمد : ولاشي قلت بفتك من مشاكل ابوي شوي
نهيان : زين تسوي , اوه شحالك زيود
زيود : تمام والله
نهيان : دوم يارب
وداد : تبون تعرفون اخر خبر
حمد : لا م نبي
وداد : انجلع بقول لنهيان
نهيان : قولي قولي
وداد : حمدان بيتزوج وحده اسمها فطيم من الفجيره واونه صغيره
حمد فج عينه : بنت منو ؟
وداد : اظن قال بنت ***
زيود يطالع حمد
حمد منزل راسه والدموع فعينه
سار غرفه حمدان
حمدان : اوه وينك منقرض
حمد : لا تتزوجها
حمدان : ومنو انت عسب تمنعني
حمد : قلت لك لا تتزوجها
حمدان : اسمعني بتزوجها غصبن عنك
مسك حمد حمدان من قميصه : والله العظيم لتندم ان تزوجتها
زيود ونهيان سمعوا الصريخ وسارو لغرفه حمدان
نهيان : شو السالفه
زيود : اللي بيتزوجها حمدان تكون حبيبه حمد
حمدان ونهيان فجوا عينهم
حمدان : لا ترقع بالسالفه
حمد طلع من الغرفه وزيود وراه سار يشل اغراضه بسرعه وطلع من البيت
زيود :حمد لا اضايج روحك
حمد : اناا م احبهاا بس مابا اعيش مع ماضي طول حياتي
زيود : انسى
حمد : لو انت عايش شرات وضعي م بتتجرا تقولي انسى


حمد : الو
ام حمد : ها ولدي وينك
حمد : هههه ماله داعي تهتمي م بيرجع كل شي شرا اول
وسكر الفون

زيود : ليش تمنع امك من انها تصلح غلطها
حمد : الكوب اذا انكسر م بيرجع شرا اول بيكون لكسره اثر وهذا قلبي ان انكسر م يرجع شرا اول
زيود سااااكت

وصلو عند الشباب

مايد : اليوم بنسوي بارتي فاليخت
حمد : لا تحسبون حسابي م بسير
الكل : حمممد
حمد: خلونا نسير البحر ملينا من البارتيات
سعيد : بس انت تجهز كل شي
حمد دق صدره : افاا عليك
حمد ضبط كل شي
بوصف لكم المكان

كانت قعده بدو وشموع ع طرف وبالونات هيليوم ولحن خفيف والاكل والشاي ع طرف ومحطي لهم تلفزيون جدام عسب يلعبون فيفا

وصلو الكل

سعود : لا بفج حلجي غصبن عني ههههه
مايد : قلب رومنسي مره وحده
زيود : لا لا مستحيل حمد يسوي جي!
سعيد : هههه خلونا نقعد


 

رد مع اقتباس
قديم 23-01-2016, 06:52 PM   #17
لمحت جروح
نبض اماراتي حساس


الصورة الرمزية لمحت جروح
لمحت جروح غير متواجد حالياً

بيانات اضافيه [ + ]
 رقم العضوية : 25707
 تاريخ التسجيل :  Mar 2015
 أخر زيارة : 07-10-2019 (08:02 AM)
 المشاركات : 92 [ + ]
 التقييم :  10
افتراضي رد: ليتك من نصيبي



سعيد : حمد وين م اجوفه ؟
مايد : ويت بتصله

حمد : الو
مايد : هلا وينك ؟
حمد : جوفو وراكم
مايد : اونه طالعو ورى
الكل صد ورى
حمد : سبرااااااااااايز
الكل فاج حلجه
مايد استحى : هههههه والله م اصدق انك مسوي جي
حمد كان يعرف كل شي عن ربعه ف قام وواعد كل حبايبهم
حمد : زيود تتحراني م اعرف انك تحب وداد
زيود : اسف هههه
حمد صد ع البنات : شو فيكم واقفين سيرو
وداد اطالعه : حتى انا
حمد ابتسم : هيه
طبعاا الكل مستانس وفرحان اول مره يجتمعون
سعيد : هذي اهلها كيف رضو ( ياشر ع حبيبته )
حمد : اللي يبي شي يوصله مهما كان
قام وزع عليهم الشاي والقهوه عقب سار صوب البحر
مايد : ها شيسوي هناك (يقصد حمد )
سعود : شو تجوفه يفكر
سعيد : شو رايكم نتصل ع حبيبته فطيم ونخليها تيي
زيود : لا حبيبي نساها لا تفتح جروحه
مايد : منو قالك ؟
زيود :هو
سعود : عيل اظمن لك انه خريط
وداد : ويت ليش تفكرون فيه خلونه يولي
هني زيود عصب : شو يولي اذا انتي م تعتبرينه اخوج احن نعتبره اكثر عن اخونا
سعود قاطعه : زيود اسكت
زيود : بسكت بسكت
وداد : اوفف
زيود :لا تتافافين
البنات يسكتون وداد
حمد : بلاكم
وداد : ال..
مرت سعود سكرت ع حلجها
مرت سعود : اطمن ماكو شي
حمد : ام لسانين قالت لكم شي صح
زيود : لا حبيبي اطمن
وداد قعدت تعيب ع زيود : لا حبيبي اطمن
قام زيود عسب يضربها بس مسكوه الشباب
حمد م كان مهتم لانه سرحان

سعود : خلونا نلعب جراه وصراحه
الكل : اوكك


 

رد مع اقتباس
قديم 23-01-2016, 07:09 PM   #18
لمحت جروح
نبض اماراتي حساس


الصورة الرمزية لمحت جروح
لمحت جروح غير متواجد حالياً

بيانات اضافيه [ + ]
 رقم العضوية : 25707
 تاريخ التسجيل :  Mar 2015
 أخر زيارة : 07-10-2019 (08:02 AM)
 المشاركات : 92 [ + ]
 التقييم :  10
افتراضي رد: ليتك من نصيبي



سعود يسال حمد

سعود : شسم حبيبتك ؟
حمد:مهره
مايد : كيف ؟
حمد : انا مشغول بروح وسعيد حبيتك لازم توصل البيت قبل الساعه 8 و ميود حبيبتك بعد لازم ترد وياها
سعيد : ها بلاه
حبيبت سعيد : عفكره هو عنده اسك واظن يرمس وحده اسمها مهره ووايد بنات
سعيد : و انتي كيف تعرفين
حبيبت سعيد : اتابعه لاه
سعيد طالعها بذيج النظره اللي دمعت عينها فيها
مرت سعود : ايه بلاك ع البنت
سعيد : تدلع
زيود : خخخخ
وداد : ضحكه تيس
زيود هني عطها كف وشوي وصاحت
وداد : الله يلعنك اكرهك
مايد :زيود بلاك ع البنت
زيود: اطفر بالواحد وفوق جي بطرانه ودلوعه مادري حمد كيف مستحملنها
سعود يخز زيود عسب يسكت
زيود :ميود حبيبتك مالها حس
مايد :تستحي
زيود : ايواهه ههه سيرو تمشون انزين عسب تاخذون راحتكم
مايد : هههه اوك
زيود :وانتي يالصياحه اوصلج البيت ؟
وداد قامت : بسير بروحي
زيود سحبها وركبها سيارته وراحو
سعود : قوم نشوي
سعيد : يالله
ومرت سعود وسعيد يسولفون

صوب زيود ووداد

زيود يطالعها :زعلتي
وداد صاده الصوب الثاني و ساكته
زيود لف ويهها : اروح فدوه لزعلانه
وداد : بعد م فشلتني
زيود : بيبي انا ابغيج تتغيرين مو جي
وداد : م راح اتغير
زيود: ع راحتج
وصلو صوب بيت بوحمد
وداد اطالع زيود : انزين م بتحضني
زيود : هههه تعالي يا بعد قلبي
نزلت وداد وسار حمد صوب زيود

زيود : منو مهره ؟
حمد : محد بس بغيت اصرف
زيود : حمد لا تجذب
حمد : وحده احبهاا
زيود : وفط..
حمد قاطعه : م تفهمون نسيتهاا طلعتها من بالي
زيود : وعادي حمدان يتزوجها
حمد : يتزوجون وانا شعلي منهم


 

رد مع اقتباس
قديم 28-01-2016, 06:40 AM   #19
ِABo0oD ALjasmi...
نبض اماراتي


الصورة الرمزية ِABo0oD ALjasmi...
ِABo0oD ALjasmi... غير متواجد حالياً

بيانات اضافيه [ + ]
 رقم العضوية : 26982
 تاريخ التسجيل :  Jan 2016
 أخر زيارة : 18-02-2016 (06:09 AM)
 المشاركات : 23 [ + ]
 التقييم :  10
افتراضي رد: ليتك من نصيبي



يسلمووو


 
 توقيع : ِABo0oD ALjasmi...

.....ABo0oD ALjasmi.....

[IMG]file:///C:/Users/User/Desktop/zzzz/AAA.jpg[/IMG]


رد مع اقتباس
قديم 28-01-2016, 03:39 PM   #20
لمحت جروح
نبض اماراتي حساس


الصورة الرمزية لمحت جروح
لمحت جروح غير متواجد حالياً

بيانات اضافيه [ + ]
 رقم العضوية : 25707
 تاريخ التسجيل :  Mar 2015
 أخر زيارة : 07-10-2019 (08:02 AM)
 المشاركات : 92 [ + ]
 التقييم :  10
Heart55rd رد: ليتك من نصيبي



اقتباس
المشاركة الأصلية كتبت بواسطة ِABo0oD ALjasmi...
يسلمووو

يسلمك


 

رد مع اقتباس
إضافة رد

مواقع النشر (المفضلة)

الكلمات الدلالية (Tags)
ماسك, محمد, مع, له, من, مول, الله, الامن, الباب, الشباب, الشيخ, العين, الوقت, ابغي, احم احم, اصدق, اكثر, بلاك, بدون, حركات, خفيف, رايك, راس, روعه, شعر, شهر, على, عشر, في, ههههههههههه, ولدي, ورد, ،


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 09:49 PM.

Powered by vBulletin® Copyright ©2000 - 2019, Jelsoft Enterprises Ltd. , Designed & TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الآراء المطروحة بالمنتدى تعبر عن أصحابها و لا علاقة لصاحب المنتدى بها

تصميم : المصمم العربي .. Design By : www.araby4design.com