مركز تحميل الصور والملفات
 

العودة   ¬°•| منتديات نبـض الإمارات |•°¬ > ღ♥ღ النبض الأدبي ღ♥ღ > [ نبض القصص والروايات ~

الإهداءات

إضافة رد
 
أدوات الموضوع انواع عرض الموضوع
#1  
قديم 25-04-2015, 02:24 PM
عنودهه
نبض اماراتي جديد
عنودهه غير متواجد حالياً
 رقم العضوية : 25873
 تاريخ التسجيل : Apr 2015
 فترة الأقامة : 1671 يوم
 أخر زيارة : 22-05-2015 (07:42 PM)
 المشاركات : 3 [ + ]
 التقييم : 10
 معدل التقييم : عنودهه is on a distinguished road
بيانات اضافيه [ + ]
افتراضي روايه حبك دفى سنيني* ،



الشخصيات؛
بوراشد : مغرور ، وكل همه الفلوس وعمره 42
ام راشد : على نياتها وعمرها 39
راشد : عمره 27 كان متزوج بس مطلق وعنده منها بنت اسمها مهره عمرها سنتين.
حمدان : يدرس ف الجامعه وعمره 22 ونص
ميثه : راعيه شباب ومشاكل وعمرها 18 وتدرس ف ثالث ثانوي
_____
العايله الثانيه ~
بومنصور : على نياته وما همه شي وعمره 39
ام منصور : متوفيهه بـ جلطه🔝
منصور : معضل عالاخير وعمره 24 ونص
هزاعْ : يدرس ف الجامعه وعمره 22
الريم : عيونها واسعه وتدرس ف الجامعه وعمرها 19
____
العايله الاخيره ~
علي : معضل عالاخير ، متزوج من بريطانيه بس مب جايفنها من 16 سنه ، ومهتم ف بناته وايد وعمره 31
بناته التوأم :
علياء : مغروره وعيونها رصاصيه وعمرها 17
شما : على نياتها وتشبه علياء وايد.
----
اذا شفت فيه تفاعل بكمل ؛ 🌚

_________________________________________________




v,hdi pf; ]tn skdkd* K lk l'gri hggi hgv,p hgstv hg,rj hf, hpsk hvd] f fkj dgh v],] aiv ugn yvt uav tk]r ,g]d K





رد مع اقتباس
قديم 25-04-2015, 09:41 PM   #2
عنودهه
نبض اماراتي جديد


الصورة الرمزية عنودهه
عنودهه غير متواجد حالياً

بيانات اضافيه [ + ]
 رقم العضوية : 25873
 تاريخ التسجيل :  Apr 2015
 أخر زيارة : 22-05-2015 (07:42 PM)
 المشاركات : 3 [ + ]
 التقييم :  10
افتراضي رد: روايه حبك دفى سنيني* ،



-البآرت الاولْ-
ف قـاعه العـرس
صوب الرياييل
راشد يتأفف : نايف قولهم ماباها والله هب غصب
نايف*عم راشد الصغير* : راشد خلاص ماشي وقت احين عرسك ، توكل على الله
راشد بضيج : ومهاري؟ *مهاري بنته عمرها سنتين*
نايف يطبطب ع جتفهه : مهاري بنتك انا بعتني فيها جان تبا ، انت افرح احين
راشد احمرن عيونه : وابويه ماهمه غير الفلوس ، هذا الي يباه من الدنيا
نايف يواسيه : اخوي من هو وصغير والغرور لاعب فيه لعب ، المهم ماعليك تصرف عادي
بوراشد بفرح : يالله ابويه راشد
راشد بجديه : ابويه ما بدخل عندها ، بترياها ف السياره
بوراشد همس له : اذا مادخلت لا انا ابوك ولا انت ولدي
راشد طالعه بنظره : سمعاً وطاعه ، بس عقب لا تلوموني لو طلقتها اقل من شهر (وراح صوب قاعه الحريم)
بوراشد : انا محد بييب لي الظغط غير هذا العنيد ، مادري متى بيبّر والدينه (ولحقه)

~

فـ قآعة الحريم؛
علياء : تصدقين فطوم ، حلوهه وايد العروس :/
فطوم *ربيعتها الروح بالروح* : تجنن ماشاءالله ، وستايلها بسيط ( وقامت)
علياء : وييينن ؟ بعدهه وقت
فطوم : اخويه برع يتريانيِ (وحطت الشيله ع راسها) يالله تعالي وصليني
علياء تلبس عباتها : يلا
(( وسارت توصلهآ ، وشافوا عند البوابه راشد وبوراشدْ ))
بوراشد : وين سايره علياء
علياء : بوصل فطوم عند السياره ويايه؛
بوراشد يعدل عقال ولده : يالله ولديه
راشد فخاطره : افف يعلها اطيح ويخلص العرس (وشغلوآ الزفهه ودخلوآ)
~
فطوم : السلام عليكم سويلم
سالم *اخو فطوم المتوسطْ* : اا ، هلا فطيم
فطوم : يالله حرك ش تتريا
سالم يطالع عليا : هاي ربيعتج!
فطوم بخبث : وانت ش تباها ،
سالم توتر : لالا ولا شي (وحرك السياره)
~

ف قاعة الحريم؛
قصوآ الكيك وشربوهم العصيرْ ، وراشد فـ كل شي يعآرض؛
راشد يهمسْ لـ منال : يالله خلينا نروح
منال *حرمته* : راشد جأنهه وقت؟
راشد رفع حايبه : اشوفه عايبنج المكان (ووقف) يالله قومي
منال ف خاطرها : بلاه ضايج '
(( ووقفوا وتوجهوا للبـاب ))
ام راشد تحضن ولدها : الله يهنيك يا ولديه ويرزقك بالذريه الصالحه
راشد يحضنها : امايه مهآري لا تنسينهآ ، اعتنوآ فيهآ على مانرجع من السفر
ام راشد تمسح دموعها : مهاري ف عيوني (وتمسح ع ايده) استانس انت وحرمتك
راشد يتنهد : ان شاء الله؛
(( وركبوآ السياره الليموزين وودتهم فندق قصر الامارات؛ ))
-------
شوهه تتوقعون مستقبل راشد مع منال ؟
هل بيطلقها ولا لا؟
سالم وعلياء بتطور علاقتهم ولا لا ؟
-توقعاتكم-
~


 

رد مع اقتباس
قديم 26-04-2015, 02:50 PM   #3
عنودهه
نبض اماراتي جديد


الصورة الرمزية عنودهه
عنودهه غير متواجد حالياً

بيانات اضافيه [ + ]
 رقم العضوية : 25873
 تاريخ التسجيل :  Apr 2015
 أخر زيارة : 22-05-2015 (07:42 PM)
 المشاركات : 3 [ + ]
 التقييم :  10
افتراضي رد: روايه حبك دفى سنيني* ،



الساعه 2 ف الليلْ ؛
صوب عليِ *ابو شما وعلياء*
رن فونه ، شاف الرقم وما شله ، دق مره ثانيه ، رد ب ضيج؛
علي يتنهد : ماذا تريدين مني بعد 16 سنه؟
........ : اريد رؤيتهم
علي باستغراب : ماذا؟ وماذا تريدين منهم وانتي تركتيهم منذ 16 سنه !
....... تصيح : ارجوك ، اريد رؤيتهم فقط
علي بضيج : مستحيل ، لن اسمح لك يا سوزان
سوزان *طليقته البريطانيه* : ارجوك يا علي ، ارجوك فقط اريد رؤيتهم ولو من بعيد
علي : سوزان ، كلمه واحد ولن اغيرها ، لن تريهم !
سوزان : حسناً ، سوف ارفع عليك قضية
علي : هههه هل هذا تهديد؟ حسنا ارفعي واخبريني متى موعدها (وسكر الفون)
علي فخاطرها : هذي ش يابها بعد 16 سنه؟ ياربيه بتسويلي مشاكل مع عليا وشما (وتنهد) يارب لطفك
(وسار صوب غرف بناته)
باسهم وغطاهم عدل عن البرد ، وقعد يتأملهم ؛
علي : الله يخليكم لي ❤️ (وباسهم ع راسهم وراح غرفته)

سوزان : عمرها 29 سنه ، مطلقه هيه وعلي من 16 سنه تقريبا ، سوزان جميله ، عيونها زرق وبيضه بياض الثلج . وطولها متوسط وجسمها رشيق
~

ف قصر الامارات؛ عند راشد و منال؛
منال يالسه ب فستانها ومتوتره : بتروح تتسبح؟
راشد بضيج : يعني وين بروح مثلا؟ (ودخل الحمام)
منال فخاطرها : بلاه ضايج (وبخوف) كيف بخبره اني ؟ ااهه يارب سترك
بعد عشر دقايقق ، طلع راشد وكان لابس تيشرت اصفر ضيج عليه وشورت بيج.
منال انحرجت ونزلت راسها و ف نفس الوقت تذكرت سالفتها؛
راشد يعدل شعره : سمعي يابنت الناس
منال رفعت راسها ورنت ف اذنها ( بنت الناس ) وايد شكت ف عمرها؛
راشد : انا تزوجتج رضا لأبوي لا غير ، لا يروح فكرج بعيد اني احبج وفخاطري فيج ومن هالسوالف
منال : بـ ( قطعها راشد )
راشد : انا ما خلصت كلامي ، من هالدقيقه نتعامل كأنا آخوان وزواجنا ع ورق وبس.
منال وقفت : اخووواننن؟ رااشد كيف اخوان يعني
راشد قرب صوبها : اخوان ، يعني اخوان ، شرات ما اعامل اختي ميثه ، واقل بعد
منال طاحت دمعتها : راشد كيف اخوان ؟ واذ ( قاطعها راشد )
راشد قعد وحط ريل ع ريل : لا يروح فكرج بعيد تراني ما بقرب صوبج واساسا هب فخاطري فيج (وتنهد)
منال تمسح دموعها وفخاطرها : اخبرهه ولا لا ؟ ااهه يارب سترك . الله يسامحج ياميثه على هالسوات الله يسامحج
راشد طالعها : عن اذنج (ووقف)
منال مسكته : وين بتروح
راشد : هيه صح ونسيت اخبرج ، من هالدقيقه ما يخصج في روحاتي ويياتي (وودر ايدها وراح)
منال حطت كفها ع ويهها وصاحت صياح.
وومسكت فونها ودقت ع ميثه؛
منال بصراخ : الله ياخذذجج وافففتك منج ، الله يسااامحج يارربييه (وتشاهق) كيف رضيتي ب حرمه اخوج تكون جييه كيففف؟ ليش تبين تخربين حيياتي وحياة اخوجج ليشش ؟
ميثه *اخت راشد* ببرود : اوه حرمه اخوي داقه علي نصايف الليالي، وينه اخوي يمردغج شويه
منال : انتي ليشش سويتي جيه؟ انا ليش صدقتج (ومسحت دموعها) بس تعرفين ربج ما ينسى عبده
ميثه بتأفف : خلصتي فلمج؟
منال صارخت بألم : الله يسامحج ياربييهههه اللله يساااامحجححج (وتصيح)
ميثه : هفف روحي ستري ع عمرج احسن (وصكت الفون ف ويههآ)
منال فرت الفون ع المرايا وانكسرت.
منال طاحت ع الارض وصاحت صياح الدنيا لين مآرقدت؛ (طبعا ب فستانها ومكياجها اللي اخترب من الصياح)

-------------
توقعاتكم؟
اذا شفت فيه ردود بكمل 😥💞


 

رد مع اقتباس
قديم 02-05-2015, 04:06 PM   #4
بدور2011
نبض اماراتي


الصورة الرمزية بدور2011
بدور2011 غير متواجد حالياً

بيانات اضافيه [ + ]
 رقم العضوية : 25900
 تاريخ التسجيل :  Apr 2015
 أخر زيارة : 22-05-2015 (12:34 AM)
 المشاركات : 13 [ + ]
 التقييم :  10
افتراضي رد: روايه حبك دفى سنيني* ،



مشكوررررر


 

رد مع اقتباس
قديم 09-05-2015, 01:06 AM   #5
مشكلتي بهالدنيا
نبض اماراتي حبوب


الصورة الرمزية مشكلتي بهالدنيا
مشكلتي بهالدنيا غير متواجد حالياً

بيانات اضافيه [ + ]
 رقم العضوية : 23592
 تاريخ التسجيل :  Aug 2013
 أخر زيارة : 02-06-2015 (06:12 PM)
 المشاركات : 187 [ + ]
 التقييم :  19
افتراضي رد: روايه حبك دفى سنيني* ،



حلوه اارواية فديتج كمليها بتابعها انا
بس ملاحظه احس البارت قصير مرة ومافي تفاصيل حلوة ومثيرة ف اارواية
اتمنى انج تكتبين كل شي بالتفصيل عسب نقدر نتخيل عدل
والسموحه


 

رد مع اقتباس
إضافة رد

مواقع النشر (المفضلة)

الكلمات الدلالية (Tags)
من, مطلقه, الله, الروح, السفر, الوقت, ابو, احسن, اريد, ب, بنت, يلا, ردود, شهر, على, غرف, عشر, فندق, ولدي, ،


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 07:54 AM.

Powered by vBulletin® Copyright ©2000 - 2019, Jelsoft Enterprises Ltd. , Designed & TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الآراء المطروحة بالمنتدى تعبر عن أصحابها و لا علاقة لصاحب المنتدى بها

تصميم : المصمم العربي .. Design By : www.araby4design.com