مركز تحميل الصور والملفات
 

العودة   ¬°•| منتديات نبـض الإمارات |•°¬ > ღ♥ღ النبض الأدبي ღ♥ღ > [ نبض القصص والروايات ~

الإهداءات

إضافة رد
 
أدوات الموضوع انواع عرض الموضوع
#1  
قديم 07-06-2014, 04:30 PM
نبض والاحاسيس
نبض اماراتي جديد
نبض والاحاسيس غير متواجد حالياً
 رقم العضوية : 24649
 تاريخ التسجيل : Jun 2014
 فترة الأقامة : 1990 يوم
 أخر زيارة : 12-06-2014 (11:14 PM)
 المشاركات : 5 [ + ]
 التقييم : 10
 معدل التقييم : نبض والاحاسيس is on a distinguished road
بيانات اضافيه [ + ]
افتراضي روايه مو حزينة فاقدة نفسي القديمة




عايله ابو سعيد:-

ابو سعيد(حمد):انسان طيب وحبوب والكل يحبه حنون على عياله و حرمته عنده شركة مقاولات

ام سعيد(حمدة):انسانه طيبه وحبوبه الي يشوفها ما يقول انها معرسه وعندها عيال الانها خريشة و اتقوم بالواجب دوم

سعيد: طبعا هو البكر العاقل احياننا يكون مشدد و احياننا يكون سوالف وعنده قانون ( وقت الضحك ضحك وقت الجد جد) عمره 25
فيصل : هالولد شو اقول عنه يحب يناقر أي حد واكثر شي خواتة مشبعنهم بالمقالب (الناس تكبر تعقل بس فيصل يكبر يستخف) اول سنة جامعة عمرة 19 سنة
سارا و وعد : شاطرات في كل شيء من ناحيه الطبخ و الافكار بشكل عام و لهم اسلوب فالتعامل مع حتى فالأشخاص الي ما يعرفونهم بس سارا .مستحيل اتبين لحد انها متضايقة او ان فيها شيء بس الحلو فيها انها اتحب تواسي غيرها انا وعد بسرعة تتحسس بسرعه تزعل بس في شيء واحد يختلفون فيه هم الثنتين و بتعرفونة ان شاء الله فالقصه .. عمارهم 15 سنة




عايله ابو محمد:-
ابو محمد(عيسى): اخو بو سعيد شوي مشدد على حرمته وعيالة واكبر مشكلة الي فيه بسرعه يقتنع بكلام أي حد غير عن اخوة بوايد.
ام محمد (عاشه):انسانه طيوبه و اتحب عيالها وذويقه ذووقها حلوو ف كل شيء و الكل يحبها وايلس وياها ماتحب كلمه (لاتعصبين) صبورة صابرة في كل شيء مكتوب لها

شيخة :توئمها مهره الكل يحبهم وخريشات نفس الطول هم قصار شوي عيونهم تجذب الواحد ولونها بني فاتح و بيض دلوعات بس طيوبات و محد يقدر يميز من بينهم فطوم فيها غمازة عسب جي يعرفون يميزون من بينهم و احلى شي فيهم انهم اجتماعيات قروب كامل مع سارا و وعد.. عمارهم 16 سنه .

محمد: مغازلجي وااااايد كليوم طااايح فالموول ويا فيصل ويحب يطقم وياه مسوين شرات قصه الشعر اول سنة جامعة عمرة 19 سنة
(البارت الاول .. فبيت بو سعيد )
طبعا العايلة كلها مرتبشة فرحانه لانهم بيطلعون طلعه عائلية .. بيطلون مع عايلة بو محمد بيسيرون مزرعه بو سعيد شالين اغراضهم الي يحتاجونها لانهم ببيتون لين يوم السبت ..
بو محمد يزاعج : يلا يا عيال عمكم طلع بنتاخر عليهم عقب .. عايشة ابوي سيري اتطالعيهم و انا بسير السيارة بودي الاغراض و بترياكم
عايشة (ام محمد) : ان شاء الله الحين بنش بسير
بو محمد : بسرعة .. طلع بو محمد على طول ودا الاغراض و شغل السيارة عسب اتحر لين ايون اهل البيت..
وراحت ام محمد فوق .
مهرة : اييه شيخو خبريني أي روج احط انزين عنابي و لا هالاحمر ولا ها ..؟
شيخو: مهره حبيبي اللونين حلوين حطي أي شي يلا خل انسير ابوية روحه محتشر لو هون عادي نيلس فالبيت
دشت عليهم امهم : يلاااا شو تسون كل ها ابوكم معصب
فطوم و شيخة : يلا خلاص خلصنا
و بسرعه لبسو عبيهم ونزلو ركبو السيارة
بو محمد وهو شوي معصب : شو هال تأخير يا بنات ؟!!!!
مهره : سوري ابوييه والله كنا انرتب اغراضنا
بو محمد يطالعها بنظره : انا اقول خفي من الي على شفايفج احسن ولا بنزلج
مهره : زين زين خلاص
تمو شيخو و مهره يسولفون ويا بعض ويضحكون يسلون عمارهم لين يوصلون دبي ..و محمد قال ان مايروم يسير وياهم الحين لان عنده كم من شغله عسب سيارتة بخلص وبسير المزرعة

اما صوب عايلة بو سعيد
طالعين من قبل بو محمد ف وصلو المزرعة قبل رتبو الاغراض و دخنو البيت و الحجر و وعد وسارا مرو الشيشة لقطو من الحلويات و الجبسات و العصاير حق السهره و كانو مخططين شو يسون من سويتات و من هالسوالف و اختارو احلى حجرة و اوسع عسب يسهرون فيها و يتطالعون فلم هندي و طبعا سارا هي دخلت المطبخ سوت صحنين حلا اما وعد رتبت المكان و زينت الطاوله و خلت شكل الحجرة وااااو حطت الورد فالمزهريه و وزعت الشموع بس ماولعتهم و شوي الكل وصل وصار المكان ازعاج و اكتملت الفرحة بينهم والحمدالله الكل كان مستانس بس فيصل و محمد كانو فالدرب جريب المزرعه


(البارت الثاني )
شيخو : وعوووووووودددديي مس يوو يا عومري
وعد مستحية بس ماتبي اتبين : جييه بلاها ؟؟ هههههه حبيبي شيخو والله مي مور حبي
البنات كلهم ضحكو
سارا : انزين وانا !!
شيخو : اه ه ه ه ه انتتتتتييي الععععشششششقققق و قسم
مهره |: ياخي والله اتجننون
وعد : بعد عمري ....... انزين يلا بدلو خل ننزل نيلس وياهم لان اعتقد يايبين دراجات و هالسوالف
شيخة و سارو اتحمسو:اووووووووونه .. اصلن نحن ليش اهني ؟؟ امشو امشو خل ننزل هههههه
البنات : يلا فووقا
و نزلن البنات مخترشات لان تعرفون عاد من متى مب شايفين بعض مخزنين شطانة..
فالصاله ... الكل كان يالس .. ابو محمد و ام محمد و محمد و سعيد و ابو سعيد و فيصل و ام سعيد و يدتهم الي هي ام ابو سعيد و ابو محمد ..دخلو البنات شاقين الحلج : السلام عليكم ..
الكل : وعليكم السلام و الرحمة
دخلن البنات سلمن على الكل و باسو راس يدتهم
فيصل بمصخرة : شيخو الدبة اشحالج
شيخة : طاااع ها انتو ..ههه بخير الحمدالله
ابو محمد : شيخه احترمي ولد عمج عيب
شيخة اهني حست بشي : ابوييه يعني هو الي بداا يعني شو ؟؟
ابو محمد : ماعلية احترمية
فيصل بنظرة نصر : هههه اححم اححم
بو سعيد : وانت يالهرم شحقه اتناقرها
فيصل : امزح وياها ابوي والله .. اخخخ ياقلبي شقد احبها
بو سعيد : شوووو ؟؟؟
فيصل ارتبك : ( ششتت زخني الشيبه )لاا لاا ابوي فديت خشمك ماقلت شي بس قلت مسكين انا كلة يهزبوني
بو سعيد : اها .. زين تادب عيل
شيخو: عععمممييي عممميي نبا نلعب بالدراجات بليز الله يخليك
محمد: ابوييه بنتك طماعه تبا تلعب بالدراجات مب دراجة وحدة
الكل :ههههههههههههههه
شيخو اونها اتكلم اخوهاا بصوت خفيف : ايه اسكت اختك انا استر علي ..* بصوت عالي* ا ء ء ء لالا انا ارمس عني انا و البنات
اليدة : لا ماشي يلا انتو بنات يلسو فمكانكم عيب ماعندنا بنات يركبن دراجه
سارا : يدوووو حرااام عليج
اليدة : اييببو الخيزراانه اجوف
البنات : لاالاالاالاا خلاص كله ولا هالخيزرانه
الكل : هههههههههههههههههههههه
شيخه اتطالع فيصل : تضحك بليا ضرس قول امين
فيصل منصد : بااااااال ليش !!!
شيخه : جب اقول جب .. اتصد عنه و اترمس البنات تبون شي من المطبخ يوعانه
سارا : لا يكون مب متغدية ؟
شيخة :بلا متغدية بس يعت اقين
سارا: بالعافيه حبيبتي
مهره : اختيه ايبي لي شي وياج
شيخة : اوكي عزيزتي ... نشت شيخة حست ان فيصل يطالعها بس ماصدت اطالعه و هي تمشي اتحس انه بي وراها يلعوزها .. فيوم وصلت المطبخ دخل الي اتوقعت انه بيدخل
فيصل : شواخي
شيخة امية الف استفهام و تعجب ف ويها :!!! شواخي ؟؟ : خير ؟؟
فيصل يلس على الطاولة عدال وين هي كانت واقفه : انزين ليش كارهتني جي ؟؟
شيخة : كيفي ؟؟
فيصل : شيخه !
شيخة : نعم
فيصل بنبره حنونة و هادية : انا اسف لو ضايقتج ولا شي ترا عادي ماكان قصدي اني ازعلج او اضايقج
شيخة وهي مب مهتمة : انزين ؟؟
فيصل : اوك خلاص شكرا بخليج مابثقل عليج .. . بكل هدوء قام كان يقول ما بتهتم حتى لو قمت حتى لو زعلت بس ....
شيخة : فيصل !
انصدم فيصل ماتوقعها انها بتزقرة بس رد عليها بكل برود : احطلك شي ويانا ؟
فيصل مستانس بس شوي مثقل عمره :لا مابي تسلمين
شيخة: طيب فكني و شل عني الصينية ماروم اشلها
فيصل : حتى انا ماروم دوري حد غيري يشل عنج
شيخة : انا اقول اذلف احسن
فيصل : هه هه هه مصلحه .. باي
شيخه : والله حيوان انا اراويك .. زقرت وحده من الخدم اتساعدها اتشل عنها لين الباب و عقب اتشل عنها
اول ما دخلت كانت متنرفزه من فيصل شوي
شيخة : فطوم تعالي يودي عني شوي بقرب الطاوله
يت مهره صوبها : ان شاء الله
و قربت الطاوله و عدلت الوضع و يلسن كلهم عدال بعض ويا فيصل يلس من بين خواته وعد و سارا
شيخو عصبت : خيييير خييييير شششوووو يلا يلا
فيصل : كيفي ياخي ياي عند خواتي
شيخو : يددددووووووووه ....يددددددددددووه
فيصل : ايييه اييييه خلاص مابا كله ولا العيوز تينا بخيزرانتها
مهره: ماعليه والله بخبرها
اليدة : بلاج انتي اتباغمين ... وانت شو عندك يالس عند البنات
فيصل :يدوه انا يالس عند خواتي
اليدة رفعت خيزرانتها اونه بتضربه :جب اقول جب سير عند محمد
مهره ترمس و اتطالع فيصل : يددوووة تعرفين فييصل !!!
اليدة : بلاه بعد !!
شيخة بقهر : يدو انا بخبرج .. الله يسلمج انا زقرتج صح ؟؟ عقب فيصل قال " ايييه اييييه خلاص مابا كله ولا العيوز تينا بخيزرانتها"
و اتطالعه بحقد : اححسن يلا زوول
تمت اليدة تلحق فيصل و تهزبه و الكل يضحك : اذا انا العيوز عيل حرمتك شو بتطلع ؟؟
فيصل : خلاص يدو استريحي مافينا الضغط عندج يرتفع
اليدة : اذلف قوم ايب لي ماي
راح فيصل ايب ل يدتة ماي و تمو البنات ياكلون و يسولفون و هم مستمتعين بالاكل
.................................................
( البارت الثالث).
بعد هالسوالف و الحشرة الكل قام الي يلس برع و الي راح فوق و الي راح الجمعية يعني عم الهدوء
تمت اليدة اتدخن البيت كامل و مرتبين المكان مره ثانيه .. اما فوق صوب البنات * سارا و وعد و شيخة و مهرة *
مهره : اقولكم شو ناوين تلبسون ؟
شيخة : بنطلون طبعا !!
سارا : حبيبتي تتحرين روحج فالبيت ؟
شيخه : شوووو عادي انزين ؟؟
سارا : لا طبعا فيصل و محمد و سعيد اهنيه نسيتو ولا شو
وعد : تعالو بتخبرج سعيد شو بلاه اليوم كله ساكت والله ماله حس اليوم موول
مهره: هيه والله صح ابد ما كان يرمس
وعد : مهروه مهروه مهروه مهرووه
مهره : بلالالااااج ؟؟؟
وعد : شخبار ربيعتج بشرى !! والله العظيم اشتقت لها ويييه من زمان عنها
مهره: تمام الحمد الله
شيخة : انزين رمسوها خل تي عدنا اهنيه
مهره: ماعتقد يخلونها لان امها مسافره وجي يعني
وعد : يحليلها حبيبتي والله الله يردها بالسلامه يارب
البنات : امييين
شيخة : انزين يلا الحين شو شوو ناوين تلبسون ؟ظظ
سارا : انا عن نفسي مب ناقصه كلام من حد بلبس مخوره
وعد : هيه انا بعد
مهره: انا بععد مافيني ابوي يهزبني
شيخة وهي فاجه عينها : يعني شوو مابتلعبون دراجات ؟؟
سارا و وعد: لا
شيخه : كيفكم انا عن نفسي وحدة تبا تركب دراجة
مهره : اننننااا ييتتتننننيي ففكككررره ممتازه
البنات : مهرروووه شو الي برااسج ..
وعد : قولي يا ماما شو الي براسج ؟؟
مهره : اغرد ؟؟
شيخو : مهرو شو رايج بعد اتنابحين ؟
مهروه :هاي بلاها ؟؟ المهم ماعلينا .. شو رايكم خلاص بنلبس بنطلون تحت الخوار و عادي يعني انروم نركب عادي
وعد: انزين و الي تحت شو عنهم
سارا : عادي بنتسحب لين الراجه شوي شوي
شيخة : انزين يلا
اتلبسو البنات و اتكشخو كشخة خفيفه و كل وحدة طلعت احلى عن الثانيه و كانت مخوراتهم وايد حلوة مطقمين بس يختلفون فالالوان و قعدو يتصورون .. بعد ماخلصو وكل شي نزلن تحت بس ما كان حد يالس فالبيت كلهم يالسين برع بس البنات ما يدرو انهم يالسين برع
سارا : اويه وينهم البيت فاضي
شيخو: اقولكم على قوله يدوه.. جيييه ويدي ويينهم
البنات :ههههههههههههههههههههههههههههه
اليدة : ضحكتن بليا ضرس قولو امين
مهره: جيي ويدي بلاج .. ترمس و اتطالع البنات
البنات : ههههههههههههههههههههههه
شيخو : ويدي يدوه وينهم عيالج ؟؟
اليده : منو
وعد: يدو يطرون عيالج حمد و عيسى .. عمي و ابوي
اليدة : صدق انكم ما تستحون .. يالسين برع
شيخة : يلا يدووتي جاااو بباي
اليدة : اتقوليلي جب ماعليه ان ما خبرت ابوج
البنات ضحكو .. شيخه : يدو الله يهديج متى قلت لج جب ؟؟
اليده: قومي قومي لا ترمسيني
شيخة : خلاص يلا فمان الله ... ييلا تحركو شو تتريون
سارا : انا شفت جرائه بس مثل جرائه ها لاء مفيش
الكل ضحك و مستانسين عل خطه الي مخططين يسونها .. البنات السلام عليكم ؟؟ و يلسو
الكل : وعليكم السلام و الرحمة
ابو سعيد يدور فونه ..
شيخه : عمي شو يالس اتدور
ابو سعيد:تيلفوني وينوه
وعد : عمي يمكن ناسنه فمكان
شيخه تمت اتدور وياه : عمي ها فونك ؟
ابو سعيد: هي ها .. اتصلي حق فيصل قولي له لا يتحير وخل ايب وياه فحم و غاز نبغي نشوي ماشي وقت
شيخو اتحسفت انها دورت الفون و انها حصلتها وها اتصيح مالقت غير هالادمي تتصل له بس ما كتفت بالرد الا : ان شاء الله
اتصلت شيخة ل فيصل
فيصل : السلام عليك ابوي امر
شيخة بدون نفس : مب ابوك
فيصل : اوهو خيير شو تبين
شيخة :شو ابا فيك يا حسرة ابوك يقول لا تتحير و ايب وياك غاز و فحم
فيصل : زين
شيخه: باي .. وبندت على طول
فيصل : حشى متوحشة .. خبله خبله
طبعا فيصل و محمد طالعين و محمد كان يسممع المحادثة الي صارت بين فيصل و شيخه و تم ناقع ضحك لان يدري ان اخته ملسونه .
.................................................. .
(البارت الرابع)
شيخة : وعود و سارو كيف متحملين اخوكم ؟!
سارا : اخونا بعد كيف ما نتحملة
شيخة: غبي غبي .. بصوت خفيف . يلا قوممو بسرعه .. اترمس عمها و ابوها : عمي و ابوي بنسير نيلس صوب النافوره
ابو محمد و ابو سعيد: اوكي .. تحملو على عماركم
و اتسحبو البنات شوي شوي و بعد ما كلهم اتسحبو و وصلو صوب مكان الدراجات و اتاكدو من بعض ان محد حس فيهم
وعد: انزين انا ماعرف وين ابوي يحط سويج الدراجات
سارا : بلا هو دوم يعلقهم اهني
شيخو : هاذو هم ها يلا بسرعه
مهره: دراجتي البيضا مالتي
وعد: مهرو عاد يلا كلهم نفس الشي .
مهره : يلا ايلا طلعنا
و طلعو البنات و هم مستانسين و اول ما طلعو من الباب شغلو الدراجات و تمو يشاوحون شوي و عقب انتشرو كل وحدة راحت ف صوب ..
وطبعا ضيعو بعض و كل وحدة اتدور الثانية .. وعلى حسن حضهم يوم كانو يتسابقون محمد و فيصل وصلو المزرعة و تم فيصل يدور شيخه بس ما حصلها تم ساكت و راح صوب ابوه:ابوي يبت لك فحم و غاز انت طلبت مني ايبهم لك
ابو محمد : هي ابوي يزاك الله الف خير
ام محمد : والله هالبنات ما شاء الله عليهم جنهم اصبيان
ام سعيد : و شيخة بنتج ما شاء الله عليها ربي يحفظها ملسونه بس محترمه بتكبر ان شاء الله بتعقل
ام محمد : عاد انتي اهنيه ما غلطتي ابلواتها يتشكون من لسانها يعني يقولون ان ماتسكت عن حقها بس شاطره
ام سعيد : هييه ما شاء الله عليها ... اتصدقين ؟ ودي اغير اثاث بيتي شو رايج اتساعديني و يوم انرد بوظبي ننزل انا وانتي السوق ؟
ام محمد: افا عليج و الله ما طلبتي .. تعالي الا بتخبرج سعيد ولدج بلاه اليوم ماله حس موول
ام سعيد : والله يختيه مادري من شفته ولا رمستة ولا هو رمس مع حد
ام محمد : ولدج كبر يا حمدة .. لازم اتدورون شريكة حياته مايصير جي
ام سعيد : سعيد ما ياني و قالي انه يبا يعرس ولا يابلي الطاري
ام محمد : يوم بتردين بوظبي يلسي وياه و ساليه جان بغا
ام سعيد : ان شاء الله
وتمو يسولفون ويتذكرون ايام الطفولة وحياتهم كيف كانت. محمد اول ما وصل على طول دخل يسبح اما فيصل سال الي موجودين : وين سعيد
ام سعيد : قال عنده مشوار بيخلصه و بيرد
فيصل : و البنات ؟
ام سعيد : مادري بس سمعتهم يبون ايلسون صوب النافورة
فيصل : زين مشكورة
و راح فيصل صوب النافوره بس ماحصل حد بس انصدم يوم شاف ان في نقص ف عدد الدراجات شغل له دراجة وراح يدور عليهم تم يدور عليهم لين خلاص عصب ولا شوي يسمع صوت دراجة ويشوف وحدة مسرعه ..
سارا : اويييييه ها منو ؟؟؟ شييييت ها فييصصل و دحت بريييك
فيصل معصب : بسرعه سيري المزرعه ... وين البنات ؟؟
سارا : الحين بيون وراي كانو
فيصل : انزين يلا سيري داخل بسرعه
و شوي يو وعد و مهره و شيخة وقفهم فيصل وهزبهم و شيخه تبا اتعاندة قالت ما بدخل شوب تسوي ؟؟
مهره : فيصل دخيلك بس شوي
شيخة : مايخصك فينا يا بوي
فيصل من كثر ما انه اغتاض منها بند الدراجة وشل السويج و تحرك و خلاها يبا يخوفها .. شيخة خافت لان المكان مضلم
شيخة : ايه لا تستهبل ايب السويييييج برد المزرعه بس ايب
فيصل رد لها بس ما عطاها السويج خلاها اتجابله وهي مستحيه من الوقف الي هي فيه لانها مجابلتنه و رمسها : ليش جي اترمسيني حضرتج ؟؟
صدت عنه : كيفي
فيصل : كم عمرج ؟
شيخة استغربت من السؤال : 16 !
فيصل : وانا كم عمري ؟
شيخة : انزين ابعد .. ماعر ف شو دراني بعمرك
فيصل :عمري 19 سنه بيني وبينج اربع سنين يعني لازم تحترميني
شيخة :انزين ويعني 19 سنه اتحسسني يعني
فيصل : انزين يودي السويج و ردي المزرعه
شيخة : وانت ؟
فيصل : بيلس روحي شوي
شيخة حست بندم ليش جي اتعامل فيصل و ان لازم تحترمه لانه مثل اخوها و يكفي ان يخاف عليها و يهتم فيها
شيخة : اوك
راح فيصل و خلاها بس كان يراقبها من بعيد .. بس شيخة ما ردت المزرعة تمت مركزه وين يبا يروح عسب اتروح عنده و شوي لحقته
فيصل بصدمة :شو يايبنج اهنيه
شيخة : عشانك بعد شو
فيصل فنفس الوقت فرحان بالموقف الي صار و نفس الوقت خايف ان يحسون انها مب موجودة ويا البنات
فيصل : انزين ماعليه سيري بي
شيخة سوت له طااف بندت الدراجة ويلست حذاله بس بينهم مسافه صغيرة
شيخة : شو فيك قول اسمعك منو ضايجك
فيصل : انتي
شيخة تدري ان منها بس خلت عمرها مصدومة :انننا ؟؟؟ شو سويت ؟
فيصل : ابد ماسويتي شي
شيخه سرحت ف فيصل " طلع وسيم حلو بس يعني هو ليش كله يحب يناقرني فيصل انا ما اكره بس هو ينرفزني بسرعه .. حلو عليه ملامح الحزن بس ماحب اشوفه زعلان مني .. يمكن لو اتعدلت العلاقه بينا يفضفض لي .. لالا ماعتقد انا غبيه شو قاعده اقول لالا مستحيل
فيصل : شششيييخخخخووووو بلالالالالالاج قططععتيييني بنضرراتج
شيخو حست فعمرها و صار المكان عندها حار من القفطه : هااا بلالالالاك اتباغم
فيصل : من متى وانا ازقرج اعنبوه ماتسمعين
شيخو نزلت راسها : انزين سوري سرحت
فيصل : فشو
شيخه: جب جب مايخصك .. فكنا يلا فشو ضايقتك ؟
فيصل : وايد يهمج يعني .؟؟
شيخة : لا طبعا
فيصل : اها عيل اذا ما يهمج ليش واصله لين اهنيه و ماطعتي اتردين البيت .؟
شيخه قفطت ماعرفت شو تقول :اصلن انا الغلطانه الي يالسه وياك .. الحين خسي افكرايلس وياك باي
فيصل يبا يشوف اذا اتهمه ولا لا قال : اذا مارديت و سالو عني قولي لهم مادري لان الشي ما يهمج
شيخة : احسن لا ترد
و راحت شيخة عنه و اول ما وصلت المزرعه طبعا انهزبت و راحت فوق حصلت البنات و بع هزبوها و قالو لها ان بسهرون على فلم و ان وعد مجهزه كل شي من حلويات و هالسوالف دخلو البنات اتسبحن و لبسن بجايم و نزلو الكل تعشا الا شيخه طبعا كانت مع على قولتها الوسيم فقالت انها بتاكل عقب مع البنات مره وحدة
.................................................. .
شيخة : ساعكم الحين ؟
مهره : 12
شيخة :و تبونا الحين انشوف الفلم ؟؟لالالا شو بعده الوقت والله
سارا: ايه لالا شو بعدة الوقت
شيخه : والله بعدة يوم الكل بيدش داخل بيرقد بنشوفه شو الحين العايلة الكريمة كلها متيمعه برع ونحن داخل شو نسوي الفلم انروم انشوفه مرة مرتين ثلاث ارب قاطعتها سارا : خلااااااص بلااااج بسم الله اوك اوك بنشوفة عقب ..
وعد : بس نحن لابسين بجايم !!
شيخة: عاي بنلبس ثوب صلاه
سارا : زين يلا امشو سرينا
كل وحدة لبست لها ثوب صلاه و نزلن ويلسن وياهم صوب الضو يتدفون لان الجو بارد و قعدو مع بعض ويسولفون بس شيخه يالسه معاهم لكن تفكيرها مب وياهم
شيخه اترمس عمرها ها وين سار ياربي مايسوى علينا جي سوى انزين لازم يرد شو عليه مني هو
لا حول لله ابتلشنا فيه هالصبي . انزين يمكن استوابة شي ؟؟ لالا ان شاء الله هو بخير مافية شي انزين الحيين الساعه 12ونص و هو للحين مارد ؟ معقوله يعني ؟ .. كيفه برايه هو الي يسوي جي بعمره هو الخسران و اتنهدت شيخة بتعب تمت اتفكر شوي و فجاه قامت بدون لا ترمس و البنات كلهم مستغربين بلاها .. طلعت شيخة من المزرعة اتدوره و تمت تمشي و تمشي اتدور عليه وترمس عمرها : ها وين راح ياربي
فيصل : وراج
شههههققت شيخة : ببببسسسسم الله .. وضربته على جتفه وبدون حس قالت انت وييينك خفت عليك ترا
فيصل : ادري
شيخة : شو دراك
فيصل ابتسم و نزل راسه يطالع ريولها و حست شيخه بعمرها انها طالعه بدون نعال غطت ريولها بالثوب
فيصل : يوووم اقول
شيخة : انزين خبرني وين سرت
فيصل: تميت اغازل بالفون
شيخه بغت تعطيه كف بس مسكت عمرها :انا الغلطانه الي يايه ولا فوق ها احاتيك كمل كمل مغازلتك
فيصل ناقع ضحك عليها : ياغبيه تعالي
شيخه : خييييير ؟؟
فيصل :تعالي انزين
شيخه وهي معصبه: ييت شو تبا
فيصل ماسك ضحكتة: حط عينج بعيني
ارتبكت شيخة خسي خسي شو احط عيني بعينة مابا : خلصنا شعندك
فيصل : شوفي انت مب قوية انتي تتصنعين الجرأه مالت عليج
شيخة : قوية و غصبن عنك خوز عني
فيصل : الحين انا ويه واحد يغازل ؟؟
شيخه: اقووووووول انت بالذات اسكت ما خليت وحدة فالدولة الا و غازلتها هه يت على هاي يعني
فيصل : شيخه لين متى جي بتمين ؟؟ بس وياي بهالطبع ؟؟ جوفي انا ماتحملنج لاني صق احبج و اباج بس انتي عمرج ما بتحسين طول عمرج بتمين جي متكبره تعبت وانا كله اركض وراج كملت الحين سنه بعدج طول عمرج بتمين جي ؟؟ تتحرين الشي حلو ؟ لا طبعا مب حلو .. اوك لاتحبيني مشكوره لاتحبيني بس الطفي اسلوب جمعاي ... طول ما كان فيصل يرمس ويعاتب شيخه اتصيح و ترتجف لان الجو بارد بس فيصل خلص كلامه ومشا عنها ولا حتى قالها شي يبي يكسرها مثل ما كسرت قلبه خلته متضايج منها و يالس بروحه .. تمت شيخة تمشي شوي شوي ومنزله راسها اتفكر بكلام فيصل الي يدور وينعاد ف مخها شيخه* يعني شو الحين ها كرهني ؟؟ انزين انا الحين بديت اتقرب منه و اعدل وضعنا ما رام يصبر ؟ اتنهدت و مشت بسرعه لين وصلت المزرعه و جافته يالس وياهم ما عطت لحد اهتمام يلست بدون ماتسوي ازعااج كالعادة الكل لاحض هالشي شو فيها شيخة مو من عوايدها و كانت تكتفي بالرد عليهم ان مافيها شي و مريضه جسمها يعورها بس البنات عرفو انها مب مريضه وانها متضايقه ..ابو سعيد يبا يغيرجوها : شيخو سيري لعبي دراجه ابوي
شيخو بكل هدوء ردت : لا مشكور عمي مابي
ابو سعيد : افا غريبه
فيصل : تتحرا ماركبت ؟ ماتططوف دراجة هاي
شيخه شافت فيصل بنضره عادية و ماردت عليه مثل كل مره تتضارب معاه بس نزلت راسها
ابو سعيد : ايوا و انا اقوووول ليش قالت ماتبا تركب
الكل ضحك الا شيخه اكتفت انها تبتسم بس.. و كل حد شوي شوي بدا يترخص عسب يسير يرقد ما بقى الى البنات و فيصل تمو يسولفن سوالف عادية .. وفجاه
شيخة: عن اذنكم بسير ارقد
فيصل البنات ان خلوها اتم
سارا : ايييييه شيخو تمي يابوي
شيخه: ابا اسير ارقد من الصبح واعية
وعد: كلنا واعين من الصبح و رادين من الاسكول تعبانين و ها قاعدين
مهره: بليز شيخو بنلعب لعبه الخواطر
شيخة : لازم !!!!
الكل : هيييييييه
واخيرا بعد المحاولاات و المذلة الي انذلوها و اخر شي الحمدالله يلست وسو دايره عسب يلعبون و فالنص الضو و طلبو من شيخه انها تبدا و بدت وقالت خاطرتها

هونتها لكنها عيت تهون .. شيخة:
لاقلت راح الهم الاقيه قدامي ..
فيني ألم ما مر في قلب مطعون ..
فيني حزن ما مر فعيون الايتام ..
عاقل ولكن طحت في وقت مجنون ..
اصحاب انا والهم واحباب ونمون ..
ماهي صداقة يوم هي عشرة اعوام
وسلامتكم...

الكل : صح لسانج
مهره: يلا الحين دور منو ؟
فيصل : يصير انا ابدا ؟
الكل : هيه اكيد

فيصل: قلت انساك أكابر ،،، لقيتك تشغل الخاطر ،،،،
ولو بعدتك أنا خاسر ،،،، لأنك في البشر نادر ،،
ما همني غيرك ،، ولا حد بالغلا يسواك ,,,,,
وغلاة عيونك وقلبك وروحك " ما بنساك " !

مهره: يلا دوري لاه
الكل : يلا

مهره: رغٌمَ أّلَفِّرآقِ ، لَمَ أتّغٌيِّر ؛
فِّـهِآ أنِآ أګتّبِ وِأبِتّسمَ ،
وِمَآ زِّآلَتّ ضحٌګتّيِّ مَجِنِوِنِةّ لَآ تّعٌرفِّ أّلَهِدِوِء ،
وِمَآ زِّآلَتّ ګلَمَآتّيِّْ تّتّرآقِصٌ عٌلَى أَّسطّريِّ ،
وِمَآ زِّآلَتّ عٌيِّنِآيِّ جِمَيِّلَةّ ګـجِمَ


فيصل : كم انتي رائعه
الكل ضحك و كل وحدة قالت كم من قصية و اترخصو البنات يحملون الفلم الي كانو يبون يشوفونه و يطلعون العصاير ممن الثلاجه و سارا و مهره قالو يبون يسون فراخ اما شيخه تمت يالسة برع مع فيصل و كان بينهم هدوووووء
فيصل: لا تتضايجين من كلامي مب قصدي اضايقج كننت اباج تقوين اكثر لانج مب على كلشي انتي قوية
زين جي بينتي للكل حزنج و بينتي لي نقطه ضعفج ؟
شيخة : تميت يالس وياي عسب اتزيد ونسيت شي تبي اتقوله ؟
فيصل : لا مب يالس ازيدج بس لازم
شيخة : شكرا ماباك اتم وياي و تهتم فيني .. حقك علي انا اسفه ما كان لازم ايك لين برع و ازعل لانك كنت اتغازل وحده .. كيفج سو الي تباه مابينا شي عسب ازعل
فيصل بحزن : شيخو انا للحين اباج والله .. يعني صبرت عليج سنه كامله تقريبا ما بصبر عليج كل هاليوم؟
شيخة بنبره هاديه: فيصل لا تتعلق فيني ابد ما انفع للحب ولا لااعرف كيف يحبون بتتعب وياي وايد
فيصل : شيخة اذا كان هالشي من الطرفين ولا واحد فينا بيتعب صدقيني
شيخه: فييصل انا بعد على هالسوالف والله اني صغيره بعدني وراي دراسه السنه اليايه انا ثنويه عامه ابا اكون مهتمه براستي مابي مستواي ينزل الكل متعود علي على نسبي العاليه
فيصل : بساعدج ف دراستج جان تبين
شيخة : لا مابي اتعبك معاي انت روحك الي فيك مكفيك
فيصل : انتي راحتي .. انتي سعادتي ... انتي كل شي شيخه
شيخه : ماعليه
سارا اتزاعج : شيخووو يلا الففففللللم بدا
شيخة: يلا عن اذنك بسير توها بتقوم تذكرت ان فيصل ماك لشي من العصر .. فيصل ؟؟
فيصل : لبيه
شيخة: انت مب متعشي صح
فيصل : صح
شيخه: انزين طوف وياي بناكل انا بعد مب متعشية
فيصل : ان شاء الله وراحو المطبخ وتمت شيخه تطبخ اكل خفيف و تم فيصل يساعدها فالتحضير.

اما البنات فالحجره يتريون شيخه تيهم عسب يبدون يشوفون الفلم و الكل يكون موجود و كل شوي وحدة منهم تتحرطم
سارا: يعني شو الحينه مابتي هاي ولا شو
وعد : تدرون شو خلاص بنبدا انا وحدة ابا اشوف الفلم متحمسه ماروم اتريا
طبعا مثل ما قلت لكم ان شيخه كانت فالمطبخ مع فيصل سوت له و لها بيض طماط كانت اتسويه وهي خايفه ان يطلع مب حلو عقب فيصل يتم يعيب عليها .. بس فالنهايه طلع وايد لذيذ .. المهم دقايق و دخلت شيخه عل بنات و عرفت انهم محتشرين عشانها .. اول ما فتحت الباب ؟؟
شيخه: ههههههههه انزين خلاص امسحي دموعج
سارا : مابغيتي تين حضرتج !!!
شيخة: والله ابتلشنا مع اخوج اسويله عشا بعد شوو ؟؟
سارا : اها الحين حطي اللوم على اخوي !!
شيخه اتضايقت من اسلوب سارا بس ماحبت انها اترد عليها او اتزيد وياها بالكلام اكتفت بانها اتقول : وبعدين يعني ؟
سارا: اقول اقوووول يلا تعالي
شيخة : انزين امسحي دموعج
وعد: امانه حلفتكم قومو اتكافخو ؟
شيخه: انزين اي فلم بنشوف؟
سارا : هاك الفلم اليديد ram lella
شيخه بحماس فضييع: الللللللللللللللللللله
مهره و هي اتزاعج: حطططططططوووووو الفففلللللللللممم ييييلالالااااا
وعد: بليز انا وحدة مابا اسمع حححححسس ابا افهم القصه بليز بليز بليز اوك ؟
البنات: اوك
الفلم .. بقولكم كيف يالسين .. كانو يالسين على كرسي مال تقريبا 7 انفار ان وايد طويل و عريض و منسدحات على بعض و متلحفات .. اشكالهم كانت جدا كيوت و يدامهم كانو حاطين الطاوله الي فيها السويتات و هالسوالف ؟ و اندمجو فالفلم
صوب سعيد و محمد و فيصل الي كانو يالسين يسولفون فحجره النوم كل واحد كان يالس على فراشه و يرمس
محمد: سعيد ياخي يا ريال شو بلاك اليوم ؟؟
فيصل : شو بلاك اخوي نحن ياين المزرعه انغير جو و نستانس مايصير حد منا يكون متضايق .. قول يا خوي نحن اخوان صح ولا لا
سعيد: صح ياخوي صح بس جي السالفه
فيصل : انزين شو فيك
سعيد: والله ماشي بس شاغلني الدوام وايد ضغوطات علي يت اهني وياكم عسب خاطر امي يحليلها تمت اتحاول وياي
محمد: متاكد ؟؟!
سعيد: عيييل شوو اجذب عليك يعني ؟؟
محمد: لا محشوم يا ولد العم
فيصل : تعالو نيلس بررع الجو فنتاستيك
سعيد: اقول قوم عن ويهي قوم
فيصل ومحمد يطالعون بعض ان شو السالفه :شو السالفه
سعيد: شو ها بعد فنتاستك
فيصل : يعني الجو قميل
محمد اونه يرمس مصري : اه يعني القو قميل اوي اوي اوي
سعيد: الله يصبر اهل البيت عليكم
فيصل : الا قول الله يصبر القبيله كلها
الاولاد :ههههههههههههههههههه
سعيد: انت متى بتعقل متى ؟
محمد : اخوك مابيعقل مووووول
فيصل يفر محمد بالمخدة: طاااااع من يتتتكللللم اقول اسكت اسكت
سعيد اتثاوب يعني ان ياه رقاد لان ناش من الصبح .. وراد من الدوام هلكان و كمل كم من مشوار كان يبا يخلصه
محمد: محمد لا تستتتهههبل عاد
سعيد: شوو انت بعد احترمني تراني اكبر عنك
محمد: السموحه خلاص ارقد ارقد
سعيد على طول انسدح و غمض عينه تم يفكر و يفكر بالسالفه الي شاغله باله ما كانت عن الدوام ولا شي و اتذكر موقف صار اول لقا وياها
سعيد في هالفتره كان بعدة طالب جامعي .. انسان مثقف يحب يقرا كتب العلماء و الكتب الغريبه ..(في ستار بوكس الساعه 11:28 ) سعيد كان يالس بروحه كانت يقرا كتاب اسمة كيف تصبح انسان ناجح و مثقف ......و فجاه !!

اول لقاء من بينهم :-

(.........): السلام عليكم ..

سعيد مستغرب منو هاي الجريئه الي يت لين عندة: وعليكم السلام و الرحمة !!

(......): اشحالك!

سعيد وعلامه التعجب على ويهه : تمام الحمدالله ربي يعافيج

(......) : عادي ايلس ؟

سعيد: تفضلي اختي حياج

(......) وبدلع : مشكوور ...اامممممم انا اسفة لو خربت عليك

سعيد: لا عادي

(.....): وياك سميرة

سعيد :عاشت الاسامي

سميره : عاشت ايامك

سعيد طبعا مب مسوي لها اي اعتبار لان اصلن ما يعرفها ولا حتى يعرف منو هاي ...و بنت منو ...و من وين يايه اصلن..!

اتنهد سعيد ماحب يتذكر ذكرياته كلها مره وحدة عسب ما يتضايق اكثر واكثر .. ورققد .. اما عند فيصل ومحمد هم بعد رقدو على طول لانهم يحسون بتعب و تذكرو ان باجر وراهم نشه من الصبح

صوب البنات الي يشوفون الفلم.. استوت الساعه

طبعا مندمجين اندماج مب طبيعي لان جد الفلم حلو و رومنسي جدا جدا جدا ... بس شي ثنتين ما كانو مندمجين وايد الي هم ..؟؟

كانو وعد و سارا يرمسون بصوت خفيف عسب محد يسمعهم و ينهزبون : اختيه ؟!

سارا : ها اختيه بلاج ؟

وعد: ماتحسين ان في شي متغير في شيخه

سارا: انتي بعد لاحظتي فالشي ؟

وعد : هييه ..

سارا: فشو اتحسينها متغيره

وعد : يعني ماقامت تيلس ويانا وايد مثل قبل

سارا: هيه ادري بس نحن لازم انرمسها

وعد : برمسها انا والله يعني شو هالحاله الحين اذا يلست ويانا اتم ساكتة و ما ترمس و اتلعوزنا مثل قبل و اسلوبها صاير مادري كيف

سارا : شو الي غيرها اتحسين ؟!
وعد : فيصل !! قامت وايد تهتم فيه ؟؟

مهره : ايييييه سكككتوو لالاااااه

سارا : انزين انزين ..... وعد و سارا سكتو و كملو يطالعون الفلم .. وكانت الساعه 3:15 الفجر و خلص الفلم وكانت نهايه حزينه و اتصيح لان بطلين القصه جتلو عمارهم

شيخه : خسسسسييي والللللله خخخسسييي شو هالنهااااييه الخااايسه ليش جتلو عمارهم

مهره : اكيد بيجتلون عمارهم دام انهم يأسو من العالم و اهلهم مب راضين يزوجونهم

سارا: هالعيوز تققهر ياخي ليش جي هاي خل تموت يا بوي ..

وعد : لو اشوفها تدرون شو بقولها

البنات : شو ؟؟؟

وعد: توبي توبي وراج حفره

البنات :هههههههههههههههههههههههههههههه

شيخه : هههههههههههه الله يخس بليسج مب زين

وعد: هيه بعد شوو

سارا : بنات خلاص يلا نرقد ورانا نشه يت الساعه 4 بعد

مهره : لا بنصلي عقب بنرقد

البنات : اوك .... و اتريو البنات لين اذن الفير و كل وحده رقدت و ماخلت لها وقت حق التفكير او شي من التعب

...............................

عل ساعه 8 ام محمد و بو سعيد و ام سعيد و اليدة كانو يالسين برع عالدجه الي مسوينها حق اليلسه يتقهون .. اما ابو محمد كان يلف عند الشير و العنز و البط و البقر يتطمن عليهم و يعدل كم من شي بس مب بروحه !! وياه الزارع

ابو سعيد : ام سعيد عالساعه 2 كونو جاهزين و خبري العيال

ام سعيد : ان شاء الله تامر امر

ابو سعيد : تسلمين يالغاليه

اليدة : هيه انا بعد شلوني وياكم

ابو سعيد : ليش يدوو؟؟

اليدة : جي ويدي بلاك ؟؟ اخوك سالم بيني البيت ويا عياله الجمعه اليوم ترا لايكون مابتون عندي بعد ؟؟

ام محمد: لا لا امي بني اكيد لازم اليوم يمعه لازم ني لين ماني بيتج البيت العود

اليدة : زين

و شوي نشو الاولاد : السلام عليكم و الرحمة

ردو عليهم : وعليكم السلام

اليده : تعالو تعالو اتريقو حمدة (ام سعيد) صبي لهم الجاي

ام سعيد: ان شاء الله ..

سعيد: لالا اماية خلي عنج انا بنش اصب لنا

وصب الجاي له و لفيصل و محمد وتمو ياكلون و يسولفون

فيصل : اميي اليوم بنسير بيت يدو ولا لا

ام سعيد: هيه ان شاء الله

سعيد: شبعتو ولا بعدكم

فيصل و محمد: هيه شبعنا الحمدالله

سعيد : يلا عيل قومو خل انسير

اليده ترفع خيزرانتها: وييين ويين ؟؟

سعيد: يدو من صدقج بعد تبين تضربيني ؟؟

اليده :هيه عيل شو ؟؟ يلا يلا يلسو ماشي سيره مكان

ابو سعيد: امي هم ريايل جي تمنعينهم خلاص كبار هم مب يهال

اليدة: انت الي مخرب العيال

فيصل يبا يطلع اي خرطة يقولها : يدووي الله هداج وين بنسير يعني .. بنسير السوبر ماركت ناخذ كم من شي عقب بنمر الصيدلية

اليده: وشحقه يعني ؟؟

فيصل ارتبك و طالع محمد و سعيد

محمد: يدو انا تعبان ضاربتني سخونه من امس

اليده : اها زين سيرو لا تتحيرون

ابو سعيد: لا تتحيرون هيه بنسير بيت يدتك بعد الصلاه

الاولاد: ان شاء الله

وظهرو الاولاد و طبعا طلع بو محمد بويهم و طبعا قال لهم مثل ما قالو الباقين ان لا تتاخرون .. وراح بو محمد عندهم

يت الشغاله اتشل ال المواعين عسب تغسلهم

ام محمد: ايميلي البنات قامو؟؟

ايميلي : Sorry, dear, I do not understand you

ام محمد : انتي شو تقولين ؟؟ وابتلشنا فيهاا هاي بعد ماتعرف عربي

ايملي :what ?

ام سعيد اتاشر لها و هي ترمس: سارا و شيخه و وعد و مهره قامو ؟

ايميلي: Oh yeah .. No my dear

ام سعيد وهي اتاشر: سيري وعيهم

ايميلي:ok

وراحت الشغاله اتودي الموااعين المطبخ و عقب راحت فوق حجره البناات عسب اتوعيهم ... طق ..طق ..طق

البنات طبعا كانو سهرانات للفجر و من التعب مب حاسين بالشغاله الي اتدق الباب ... طق ...طق...طق

مهره: ويييييهههد ان شاء لللله منووووووو

اميلي: Me .. plz open the door

نشت مهره تفتح الباب وهي مسطله تبا ترقد : yes Emily what do you want

ايميلي: Your mother told me to tell you Wake

مهره : يااااربي نببببااا نرررققققد انزين .. What time is it now

ايميلي: I Think maybe 10

سارا : شو السالفه شو تبا هاي حشرتنا

مهره: يبونا انقوم

سارا اول ما سمعت ان مهره قالت يبونهم يقومون على طول اتلحفت و غطت جسمها كامل يعني ولا جنه سمعت شي

مهره : طع هاي .. Emily Tell my mom that we are tired and want to sleep a little

ايميلي : ok

وكملت مهره رقادها لان جد مسطلة اما الشغاله راحت اتوصل الكلام




v,hdi l, p.dkm thr]m ktsd hgr]dlm lhs; lpl] la;gm lk lrh,ghj hggi hgh,g hgehge hgehkd hgd,l hgauv hguhgl hg,rj hg'fo hf, hpsk eghe fgh; f],k dgh ]fd otdt vhs av;m av;m lrh,ghj time tgl 'hgf rhk,k ;hlg ;jhf ;d,j ;vsd





رد مع اقتباس
قديم 07-06-2014, 04:31 PM   #2
نبض والاحاسيس
نبض اماراتي جديد


الصورة الرمزية نبض والاحاسيس
نبض والاحاسيس غير متواجد حالياً

بيانات اضافيه [ + ]
 رقم العضوية : 24649
 تاريخ التسجيل :  Jun 2014
 أخر زيارة : 12-06-2014 (11:14 PM)
 المشاركات : 5 [ + ]
 التقييم :  10
افتراضي رد: روايه مو حزينة فاقدة نفسي القديمة



اتمنى ردودكم حبايبي ..


 

رد مع اقتباس
قديم 07-06-2014, 07:40 PM   #3
نبض والاحاسيس
نبض اماراتي جديد


الصورة الرمزية نبض والاحاسيس
نبض والاحاسيس غير متواجد حالياً

بيانات اضافيه [ + ]
 رقم العضوية : 24649
 تاريخ التسجيل :  Jun 2014
 أخر زيارة : 12-06-2014 (11:14 PM)
 المشاركات : 5 [ + ]
 التقييم :  10
افتراضي رد: روايه مو حزينة فاقدة نفسي القديمة



..


 
التعديل الأخير تم بواسطة نبض والاحاسيس ; 07-06-2014 الساعة 07:46 PM

رد مع اقتباس
قديم 07-06-2014, 07:44 PM   #4
نبض والاحاسيس
نبض اماراتي جديد


الصورة الرمزية نبض والاحاسيس
نبض والاحاسيس غير متواجد حالياً

بيانات اضافيه [ + ]
 رقم العضوية : 24649
 تاريخ التسجيل :  Jun 2014
 أخر زيارة : 12-06-2014 (11:14 PM)
 المشاركات : 5 [ + ]
 التقييم :  10
افتراضي رد: روايه مو حزينة فاقدة نفسي القديمة



ابو محمد راح صوب ام محمد و ام سعيد و ابو سعيد ويلس: يالله ظهري تعبت وانا اعدل فالشير
ابو سعيد: جان زقرتني اساعدك ماكان عندي شي
ابو محمد : لا انت ضيف لازم ترتاح
Mum mahra said she wants to sleep الشغالة يت صوبهم :
ام محمد وهي مب فاهمه عليها : شوو ؟؟
ابو سعيد : اتقولج : مهره اتقول تبا تناام
ام محمد : هييييه زين انا بسير لهم ماعليه هيل ماينشون بالادب .. انتي سيري جهزي اغراضنا يلا بنسير
ايميلي :ok
وراحت ام محمد صوب البنات عسب اتوعيهم ... طق طق طق.. : فجججججججججوووو الباب
طبعا البنات من اول دقه نشو
مهره ترمس وهي تعبانه منهد حيلها: ايه فجو الباب دوركم والله انا تعبانه ابا ارقد
سارا: خلاص انا ببطل الباب بس لحضة بتمغط
ام محمد : بتفجون الباب ولا اكسره ؟
وعد : ساااررووو ييلالا سيييرررييي
نشت سارا على طول بطلت الباب و شردت و دخلت الحمام و البنات اول ما شافو حركتها شهقو و زخو ضحكتهم لان ام محمد كانت تهزبهم
ام محمد: شححقققققققه ماتنشون بالزين
مهره : امي حرام عليكم تعبانين نبا نرقد
ام محمد : يلا يلا نشووو بنسير بيت يدتكم متاخرين لين تسبحون واتجهزون اغراضكم يبالكم وقت خاص
وعد ؟ ان شاء الله
وطلعت ام محمد وسكرت الباب وراها .. وطبعا وضعيا البنات انهم كانو يالسين عالسرير وجي منصدمين
وعد : تدرون ؟؟ عاد على هالدق و صريخ حسيت ان اخر يوم فعمري
شيخة : هههههههههههههه ... امي جي .. والله ماتشوفونها الصبح كيف اتوعيني حق المدرسه .. والله دق ولويه لين افج الباب و اخر شي ؟؟ مثل المنضرالي جفتو من شوي
وعد : هههههههههه ..حبيبي عمو والله الله يخليها لنا يارب
الكل : اميييييييييين
وعد: انزين شو عن سارا الي دخلت الحمام ؟؟
مهره: جنها وايد اتاخرت ؟
شيخة راحت صوب الحمام اتدق الباب : سارا شو تسوين كل ها ؟؟
سارا : اغسل ويهي يعني شوو ؟
وعد : الحين كل ها اتغسل ويها ؟؟.. عيل السبوح عندها كيف ؟؟
شيخه : سنه كامه.... هههههههههههههه..... انزين ساروو اسبحي خلاص مره وحده شي فوطه معلقه
سارا: اوك اوك اصلن انا اسبح هههههههههههه
مهره و وعد : ايييييييييييييييييييييه لالالالالالاا
شيخه : شوو؟؟
مهره : بتتاخر اكككثرر
شيخة: سارو لا تتاخر لان يتريونا برع
سارا: خلاص يلا خلصت
شيخه : لبستي ؟
سارا: هيه هيه
وعد: معععججججزززة
وشوي طلعت سارا من الحمام تنتفض من البرد لانهم كانو مشغلين المكيف على اعلى درجه
سارا وهي ترتجف : بررررررد
شيخه : انزين برد عيل شو ؟؟
سارا : نشفو لي شعري بلييز
وعد: شيخة يلا دشي اتسبحي وخلصي بنشف شعرها
شيخة : اوك ماي دارلينق


 

رد مع اقتباس
قديم 12-06-2014, 11:14 PM   #5
نبض والاحاسيس
نبض اماراتي جديد


الصورة الرمزية نبض والاحاسيس
نبض والاحاسيس غير متواجد حالياً

بيانات اضافيه [ + ]
 رقم العضوية : 24649
 تاريخ التسجيل :  Jun 2014
 أخر زيارة : 12-06-2014 (11:14 PM)
 المشاركات : 5 [ + ]
 التقييم :  10
افتراضي رد: روايه مو حزينة فاقدة نفسي القديمة




المهم وعد نشفت شعر سارا و شيخه خلصت دشت وراها وعد و عقب مهره و عقب قعدو يرتبون اغراضهم لان كانو مستعيلين كل حد بيروح بيت اليده ونزلو وحصلو كم من هزبه ههههههه
و سعيد و فيصل ومحمد ردو المزرعه من زمان و البنات كلهم اتوزعو لان ماشي مكان .. شيخه و وعد ركبو مع فيصل ومحمد اما مهره وسارا ركبو مع سعيد و الشغاله اما فسياره ابو سعيد و ابو محمد كانو حاطين الاغراض و ابو محمد كان مركب امه الي هي اليدة .. وتحركو كلهم ورا بض وطعا اول شي سياره ابو سعيد و عقب ابو محمد و عقب سياره سعيد و اخر شي كان فيصل ..اما صوب سياره فيصل طبعا مرتبشين و يغنون و عقب لفو صوب الشيشه الي يبا يعبي بترول يعبي يعني كل حد يسوي الي يبا يسويه
شيخه : ايه انا يوعانه ابا انزل
محمد : انا مافيني انزل نزلي ويا وعد و ردو بسرعه
شيخه : وعد راقده
جان يصد لها فيصل : انا بعد ماقدر انزل وراي سيد كامل يبون يعبون بترول
شيخه : انزين عادي يوم بتعبي وبتخلص بركن اهنيه و انا بدخل اتشرى بسرعه .. وبعدين شي وقت لان يبون يصلون ماصلو صلاه اليمعه ... طبعا شيخة كانت يالسه فالنص وترمس
فيصل : صدق ؟؟
شيخة : هيه عيل شو .. شيخه شلت فون فيصل ماكانت تعرف ان ها فونه و شافت خلفيه حرف ال - ام – تتحرا فون محمد و خلت الفون وحطته من وين ما شلته ..
فيصل تم يدور فونه ويوم حصلاه اتصل حق امه
فيصل :الوو
ام سعيد : هلا ولدي فيصل
فيصل: امي بتنزلون اتصلون ولا شو الحينه
ام سعيد : هيه بننزل نلحق عل صلاه
فيصل : يلا زين عيل فمان لله
ام سعيد : مع السلامة
محمد: فصول انا بنزل بسير الحمام
فيصل : سير... ونزل محمد
فيصل حرك السياره وبركن عسب شيخة تنزل تشتري الي تباه
شيخه تمت مصدومه ان طلع الفون فون فيصل مب فون محمد لان اثنينهم عندهم نفس الفون
فيصل صد صوب شيخة : يلا انزلي .. وعد ؟ وععععدد يلالا ننشي
وعد : ههههمممم مابا خلني برقد
فيصل: شيخه يلا نزلي عسب عقب اتروحين اتصلين
شيخة اترمسه و صاده صوب الدريشه : مابا انزل خلاص ودني صوب المسيد عند قوم امي
فيصل : بوديج بس نزلي خذي لج شي تاكلينه
شيخه صرررخت : بتتتتتوودييني صووووب قققوووم امي ولااا لالالالاءء
وعد فزعت : ايييييييييه بلاااااااااكم ؟!!!
شيخه: ماشي
فيصل انصدم من شيخه ان بلاها فجاه طنجرت و غيرت رايها ف ماحب الشي الي سوته بكل هدوء رد ريوس و راح صوب مصلى الحريم
فيصل تم يتطالع صوب الدريشه الي على يساره :يلا انزلي
شيخه: يلا وعد بنسير انصلي
ونزلو تم فيصل دقايق يستوعب الصرخه الي صرختها شيخه عليه عقب حرك و رد وين ماكان عسب ياخذ لهم من سوالف الحلويات و الجبسات و العصاير و من هالسوالف و رد بركن جريب المصلى و جاف ان محمد يدوره و سواله هرن عسب ينتبه له و اي صوبه
محمد : انت وين رحت يا ريال
فيصل يرد وهو ماله بارض : رحت اخذ كم من شي من داخل
محمد عرف ان فيصل فيه شي : انزين انت شو فيك
فيصل : شو فيني
محمد : مادريبك
فيصل اول ما شاف وعد و شيخه على طول ضرب هرن و ركبو
شيخه : ااااففف
وعد اتطالعها بستغراب : شييخه ؟؟
شيخه بدون نفس : ههاا..؟
وعد : بلاج ؟ جي انتي الحين
شيخه : ماشي .. اقول فيصل ؟ ححرك حررك
وعد انصدمت واتضايجت ان نعم شيخه ليش جي صايره و ليش جي ترمسهم
محمد بعصبيه: ششششييييييخخخخخهه اسسستتتحححيي عللللى ويييهج !! و احترمي عمممرج ... ولد عمممج ها مب اخوووج ؟؟؟ احححششمي احشمي مب ياهل انتي
فيصل يحاول يهدي محمد : خلالاااص يا محمد هدي ما صار شي
محمد بعصبيه : اننت شفتها كيف ترمس ؟؟
شيخه بكل برود : خله خله يعصب مادري عاد انا شسويت
الكل انصدم ؟؟ من شيخه .. فيصل ماتوقعها جي تكون ولا محمد متعود على اخته ان جي اترد عليه
صدت شيخه صوب الدريشه وقعدت اتفكر و اتفكر ..( انا شو فيني هالايام نفسيتي صايره خايسه ؟؟ انزين انا ليش اتضايت من الاسم و الحرف وانا اصلن ما احبه .. معقوله يعني اني احبه و انا مادري ؟؟.. لالا.. لالا ي شيخه لا .. وقعدت على هالحال لين رقدت ..)
وعد :...( شيخة فيها شي .. شيخه مب طبيعيه مول .. مب ها طبعها ,صح انها قويه بس مب جي ان جي اترمسني , و اترمس اخوها و فيصل ..حتى يوم كنا فالمزرعه كانت وايد غير ... قبل كانت اتسولف لنا عن ربيعاتها و سوالفها ويا ربعها يوم يتيمعون ...)
فيصل : ..( هاي مب شيخه الي انا اعرفها انا حبيتها سنه كامله .. و ماكانت جي .. انا ادري انها مضايجه من شي بس من شو انزين .. لايكووون شافت الخلفيه؟؟ لالا ماضن .. خلاص برايها عقب برمسها لو رمت
محمد: هاي بلاها جالبه علينا و مستوية طفسه ؟ انا اراويها ان ما خبرت عليها ابويه و يسنعها عدل


 

رد مع اقتباس
إضافة رد

مواقع النشر (المفضلة)

الكلمات الدلالية (Tags)
ماسك, محمد, مشكلة, من, مقاولات, الله, الاول, الثالث, الثاني, اليوم, الشعر, العالم, الوقت, الطبخ, ابو, احسن, ثلاث, بلاك, بدون, يلا, دبي, خفيف, راس, شركة, شركة مقاولات, time, فلم, طالب, قانون, كامل, كتاب, كيوت, كرسي


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 05:45 PM.

Powered by vBulletin® Copyright ©2000 - 2019, Jelsoft Enterprises Ltd. , Designed & TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الآراء المطروحة بالمنتدى تعبر عن أصحابها و لا علاقة لصاحب المنتدى بها

تصميم : المصمم العربي .. Design By : www.araby4design.com