مركز تحميل الصور والملفات
 

العودة   ¬°•| منتديات نبـض الإمارات |•°¬ > ღ♥ღ النبض الأدبي ღ♥ღ > [ نبض القصص والروايات ~

الإهداءات

إضافة رد
 
أدوات الموضوع انواع عرض الموضوع
#1  
قديم 27-09-2013, 12:47 AM
جوليت البداوة
نبض اماراتي جديد
جوليت البداوة غير متواجد حالياً
 رقم العضوية : 23457
 تاريخ التسجيل : Jul 2013
 فترة الأقامة : 2314 يوم
 أخر زيارة : 25-04-2014 (03:53 PM)
 العمر : 22
 المشاركات : 6 [ + ]
 التقييم : 10
 معدل التقييم : جوليت البداوة is on a distinguished road
بيانات اضافيه [ + ]
افتراضي بحمي اخواني دام الدنيا فرقت امي وابوي



بحمي اخواني دام الدنيا فرقت امي وابوي

قصهه اماراتيه
فيها احداث رومنسيه وفيها احداث حزينه وفيها احداث تضحك
القصه واقعيه بس فيها مواقف من الخيال نبدا

البارت 1
ف البدايه عائلة بو محمد
بومحمد(سعيد) عمره 58 وعنده شركه اهو وخوانهه ويحب عياله وايدد وطيب
ام محمد(موزه) عمرها 50 طبعا ماتشتغل وهي تحب عيالها وايد ومدلعتنهم وهي طيوبهه وايد
البجر محمد: عمره 26 معرس وعنده ولد اسمه سعيد وماخذ وديمه بنت بوسالم ربيع بومحمد
ميره:عمرها 24 ومزوجهه وعندها بنت وماخذه هزاع ولد ربيعة امها
مايد: عمره 22 ومب معرس طبعا مايد احلى اخوانه طويل وجسمه مرتب وخشمه سيوفي وعيونه ناعسه وحنطي يهتم ب سلامة بنت عمه وايدد ودومه يتخبر عنها وهو يشتغل وي ابوه ف الشركه
مبارك : عمره 19 وهو ربيع حامد اروح بروح يدرس ف الجامعه وهو طويل ويميل للون الاسمر عيونه وسيعه وخشمه سيوفي وماله خص ف البنات عكس حامد
مريم: عمرها 16 وهي الحين ثاني ثنوي وربيعة سلامة اروح بروح طويله وشعرها لين نص ظهرها وصابغتنه بني وهي حنطيه نفس اخوها مايد وتعشق سلامه
منصور اخر العنقود وعمره 14 ويعشق البلستيشن ويحب يطفر بأخوانه

عائله بو حمد
بوحمد(عبدالله) اصغر من اخوه بو محمد عمره 52 وهو طبعا يشتغل ف الشركه وي اخوه ووايد عصبي بس ف نفس الوقت طيب ومايهونون عليه عياله
ام حمد(شيخة) عمرها 48 وتحب عيالها وايدد وماترضا حد يزعلهم وهي وايد حبوبه وطيبه
حمد اكبر اخوانه وعمره 23 وهو ربيع مايد الروح بالروح يحب الحواطهه واخر شي يفكر فيه الزواج وخاصه لمن توفت خطيبته وهو وسيمم وحليو
حامد (بطلنا ف القصه) عمره 19 انسان مغازلجيييي اي بنت يشوفها يرقمها وهوو حليو معضل شوي وحنطي وخشمه سيوفي وعيونهه حلوهه
حمدة : عمرها 17 وهي الدلوعهه بين اخوانهاا لانها الوحيده بنت وتموت ف سلامي ومحد يعرف اسرارها غير سلامة
حميد:عمره 15 ومطفر ب حامد ومايخليه ف حاله ودومه يسمعه يوم يرمس البنات ويقعد يهدده لو بغى حايه منهه
حمدان اخر العنقود وعمره 12 هادي ويحب يلعب بلستيشن

عائله بو سلامة
طبعا ابو سلامة كان مزوج ام سلامه بس انفصلوو والحين عياله عنده
بوسلامة(راشد) عمره 39
ام سلامة(فاطمة) عمرها 30 بس انفصلت عن بو سلامه والحين هي مزوجه غيره
ام نهيان حرمة بو سلامة (خديجه) عمرها 28 وتحب عيالها وايد واحيانا تكون قاسيه وي سلامة وخوانها
سلامة( بطلتنا ف القصه ) عمرها 16 وهي ثاني ثنوي انسانه هاديه ماتحب المشاكل بس لو السالفه استحقت انها تكبر ماتسكت وايد خجولهه جميله ماشاء الله طويله جسمها مخصر شوي حنطيه شعرها نص ظهرها ولونه اسود ووايد غليض خشمها طويل وشفايفها صغيره تهتم ف اخوانها وايد مايهمها غير سعادة اخوانها
سيف : عمره 11 وايد هادي بس ينشد الظهر فيه مع صغر سنه
ساره : عمرها 5 بعدها ف الكيجي تو ووايد دلوعهه
اخوانها من ابوها
نهيان:عمره 3 سنين
ناصر:عمره سنه ونص
العصر ف مدينة العين بتحديد بيت بوسلامة
ف الحوي ع المهب الغاوي كانت سلامة قاعدة ومغمضه عيونها تذكر لما كان عمرها 13
بوسلامة(معصب) انتيي شوهه من البشر تحوطين ومودره عيالج وي البشاكير شوتتحرين ماشي حسيب
ام سلامة:انت شوهه ماخذني عسبت تتحكم فيني
بوسلامة(معصب) يعني ها ردج انتي طالق طالق طالق
غمضت سلامة ونزلت دمعه حاره ع خدها الناعم
سمعت حس ابوها وعلى طول مسحت دموعها
بوسلامة:ها سلامة قاعدة ماشاء الله
سلامة(تبتسم) هي ابويهه الجو حلوو
بوسلامة(يعطيها بيزات) ودي اخوانج اليوم الالعاب
سلامة: ليش انته مابتروح ويانا
بوسلامة:لا انا بطلع وي حرمتيه وعيالي
سلامة ( فخاطرها يعني نحن مب عيالك ) اها زين
دخلت سلامة داخل وخبرت اخوانها انه بيروحون المول
سارونه:سلامي باباه مابيروح ويانا؟
سلامة(وهي تمشط شعر سارة) لاا بيروح وي عموه خديجه وعيالها المطعم
ساره(بدلع) الالعاب احلى صحح؟
سلامة(تبتسم)هيه حبيبتي صح
على ساعة سبع ونص طلع بو سلامة وحرمته من الغرفه
بوسلامة:يلا سلامة نحن طالعين بغيتي شي
سلامة:لا ابويه مشكور
وظهروا وعقبهم ب عشر دقايق طلعت سلامة هي ودريول والبشكاره وخوانها وتوجهو للعين مول
عقب ربع ساعه وصلو ونزلوا
سيف:سلامة تعالي وياي ابا اوصل صوب الحمام
سلامة: اوكي اممم ميرا ودي ساروهه عند الالعاب ولما ادقلج ردي عليه فاهمه ولالا
ميرا:طيب
سلامة:يلا امش
وروحوا صوب حمامات الريايل ووقفت سلامة بعيد
عقب خمس دقايق طلع سيف وروحوا صوب الالعاب
سلامة(وهي ادق حق ميرا) سواف اذا شفتهم قولي
ميرا:هلوو سلامة
سلامة:ها ميرا وين انتو
ميرا(بخوف) سلامة انا مايعرف ساره وين روخ ( روح)
سلامة:شوههههه كيف ماتعرفين وين راحت انتي وين عنها
ميرا(بخوف اكثر) انا يروح يجيب ماي
سلامة(بعصبيه)اوههه باي باي
وبندت
سيف:ها شوصاير
سلامة:سيف ساروه مادري وين راحت شووف هاذي ميرا روح انت وياها دوروا ف الالعاب عدل وانا بدورها هناك
........
ساره(تضحك بدلع) حامد حامد انتهه وايد حلووو
مبارك:افاا ساروه وانا مب حلو يعني
ساره:حلو بس حامد احلى
حامد(يبوسها) ي قلبي انتي
مبارك(يكلم حامد) اييه قوم خل نردها صوب الالعاب والله عمي بينحرنا
حامد(يرمس ساره) سارونه باباتي وي منو يايه
ساره: وي سلامي وسواف وميرا
سلامة (وعيونها حمر) ساروهه
ساره (مسكت ايد حامد) انا مني عند حامد
حامد(منبهر ف جمال سلامة) احم شحالج بنت العم
سلامة:بخير ونت شحالك اممم حامد صح؟
حامد:هي نعم
سلامة(تأشر ع مبارك) ونت مبارك اخو ميود صح؟
مبارك(يبتسم) هيه
سلامة:شحالكم عساكم الا بخير
مبارك وحامد:يسرج الحال
حامد (يبوس ساره) يلا حبيبي الحين روحي عند اختجج
ساره:لاتخلاني بروحي تعال بييتنا ابا ارويك اللعابي
حامد:من عيوني
سلامة(تمسك ايد ساره) يلا ربي يحفظكم وسلمو ع الاهل
حامد ومبارك:يوصل
حامد(يمسك قلبه) ي ويلييي ي بروك شفتها كيف الحين هاي سلامة ماشاء الله وايد حلوهه معنه موليه مب حاطه شي فويها
مبارك:ي رجل ضع قليلا من القش في فمك انت مب مخلي بنت هب مرقمنها زين انك مارقمتها
حامد:هههه اقول جب بلا عبط قال قش قال
مبارك:هههههه
وقبل مايطلعون من المول مرت سلامة على هارديز وخذت سندويجات لها ولخوانهاا وللخدامة ودريول
وصلو البيت ع ساعه عشر ونص وابوها وحرمته بعدهم ماردو
ساروه:سلامي يوعانه ابي اكل
سلامة:يلا فديتج الحين بس يلا قومو غسلو ايديكم
قعدوا ياكلون وبعدهاا بدلت سلامة حق ساره
سلامة : فديتها الحلوه اناا
ساره(بدلع) شفتي حامد حلو وايددد
سلامة(تضحك) ههه هيه شفته
ساره:ههه
سلامة: يلا نامي الحين
ساره:اوكيي قوليلي قصهه
سلامة:اوكي
وقعدت تقول حق ساره قصه الين رقدت وبعدها ظهرت من الغرفه وقعدت ف الصاله الي فوق
سلامة(وهي تتنهد)يارب اسعد اخواني
دق تلفونها ع نغمة حسين الجسمي
حبيبي برشلوني... يموت ف برشلونه
وانا مدريدي لاكن .... بغير لعيونهه
سلامة(بصوت ناعم) الوهه
ميود:حيه هاصوت
سلامة:ههه الله يحيك شحالك مايد؟
مايد:بخير وسهاله من صوبج؟؟
سلامة:يسرك الحال
مايد:يعله دوم ها ماشاء الله ناشه بعدجج
سلامة: هي اتريا قوم ابويه بعدهم ماوصلوا
مايد: اهاا زينن
سلامة:شفت مبارك وحامد ف المول
مايد:والله؟
سلامة: هيه هه ماشاء الله عليهم صاروا ريايل
مايد: هههه العيال كبرت
سلامة:هههههه
مايد:يلا عيل اخليج الحينه
سلامة: اوكي فمان الله وسلم ع الاهل
مايد:يوصل
وسكروا
عقب نص ساعه وصلو قوم بوسلامة
بوسلامة: هااا سلامة بعدج سهرانه
سلامة:هي ابويه اترياكمم
خديجه:جيهه نحن هب يهال عسبت تترينا
بوسلامة:يلا نشي رقدي
سلامة: ان اشاء الله ابويهه
ودخلت غرفتها شافت اختها ساروهه الي راقدهه ومب حاس بدنيا
سلامة ااه ياربييي ساعدنيي ع هالحمل الثقيل مابا اقصر ع اخواني بشي ماباهم يحسووون انه امهم بعيده عنهم وانها هب مهتمه فيهممم
حطت راسهاا المخدهه وحاولت ترقد

تتوقعون شو بيصير بين سلامة ومايد هو بيحبها ولا ؟
شو موقف حامد بعد ماشاف سلامة؟
سلامة بتقدر تسعد اخوانها ؟




fpld ho,hkd ]hl hg]kdh tvrj hld ,hf,d > lfhv; lk hggi hg[lum hgd,l hgv,p hgudk hgk,v hg,rj hpsk hsf,u hsu] h;ev fgh; f],k fkj dgh pl]hk ]vf otdt vrl sdhvhj yvdf uav iiiii ,hl _ K rgfd





رد مع اقتباس
قديم 27-09-2013, 12:15 PM   #2
جوليت البداوة
نبض اماراتي جديد


الصورة الرمزية جوليت البداوة
جوليت البداوة غير متواجد حالياً

بيانات اضافيه [ + ]
 رقم العضوية : 23457
 تاريخ التسجيل :  Jul 2013
 العمر : 22
 أخر زيارة : 25-04-2014 (03:53 PM)
 المشاركات : 6 [ + ]
 التقييم :  10
افتراضي رد: بحمي اخواني دام الدنيا فرقت امي وابوي



اليوم الجمعة الساعه تسع ونص الصبح بتحديد ف بيت بوسلامة
نشت سلامة على حس ساروه اختها
سلامة(تبتسم)صباح الخير
ساره:صباح النور يلا قومي قومي ابي اتسبحح ابي البس ملابس يديده
سلامة:يلا اوكي
نشت سلامة وطلعت لختها سارة ملابس وسبحتها وبعدها لبستها ورتبت لها شعرها
سلامة:شوفي صرتي حلوهه الحين
سارة:ثحح ثححح
سلامة: ميراا ميرا
ميرا (وهي يايه)نعم سلامة
سلامة : سوي حق ساروه سندويجة جبن وبيض
ميرا:ان شاء الله(تمسك ايدط سارة) انتي جوعانه حبيبتي
سارة(بدلع)هي وايد
ابتسمت سلامة وروحت صوب كبتها طلعت لها كندوره عيناوية وعليها خوار فضي
ودشت تسبح
بعدها طلعت ووقفت جدام المرايه فتحت شعرها وقعدت تعدله رفعتهه ونزلت قصتها الحلوهه
طلعت من غرفتها ونزلت تحت
سلامة:صبحكم الله بالخير(وروحت صوب ابوها وباست راسه)
الكل:صبحج الله بالنور
روحت سلامة وقعدت عدال اخوها سيف
بوسلامة:ماتبين تتريقين
سلامة:لا مالي خاطر
خديجه:حبيبي
بوسلامة:عيونه
سلامة فخاطرها (هههه اونه حبيبي )
خديجه:اليوم خل نروح بيت اهليه
بوسلامة:والعيال؟ يعني اذا بنروح بنبات ولا بنضوي
خديجه:لا مابنبات بس زياره وعاد وين الا بوظبي ساعهه ولا ساعه ونص مابنتاخر ان اشاء الله
بوسلامة:خلاص اوكي سلامة فديتج روحي انتي واخوانج بيت عمج بوحمد
سلامة:ان اشاء الله
عقب الغدا تحرك بوسلامة هو وحرمته وعياله صوب بوظبي
..................
ف بيت بوحمد كان حامد قاعد ويرمس ف الفون
حامد:فديتج انتي اعشقج ي قلب حامد
....:حبيبي بتطلع وياي اليوم
حامد:(بضيج) لا مواعد الربع خليها وقت ثاني شماني
شما:خلاص اوكي
حامد:بخليج الحين الوالد يزقرني
شما : اوكي حبيبي باي
حامد:باي
وسكروا
............
اما ف بيت بوسلامة
طلعت سلامة من بيتهم الساعه خمس وروحوا لبيت عمها
وصلوا بيت قوم عمها دشت سلامة وهي ماسكه ايد ساروه وشافت حامد وحمده قاعدين
سلامة:السلام عليكم
حمده وحامد:وعليكم السلام
حمدوه قامت وحضنت سلامة
حمده:اشتقتلج ي دبهه
سلامة:(مستحيه لانه حامد موجود)هههه وانا اكثر
حمده(تشل ساروه)شحالج ساروتي
سارة:انا بخير قومي خليني بروح عند حامد
حمده(نزلتها) طاع الدبهه تحب حامددد
حامد(يبوس ساروه)هلا بقلبيي وغناتي وروحي
ساره:ههه
حامد:فديت هاضحكه
قرب سيف من حامد وتوايه وياهه
حامد:ها بوهناد كبران ماشاء الله عليك
سيف:ههههه انت بعد كبرت وصرت حليو
حامد:فديتكك ههه
سلامة:عيل وين عمي وخالوهه
ام حمد(وهي يايه من المطبخ)هلا والله ب سلامة توه مانور البيت
سلامة(تنش وتسلم ع حرمة عمها) منور باهله خالوهه شحالج عساج الا بخير
ام حمد:يسرج الحال ونتي شحالج ًوشحال ابوج واخوانج
سلامة:كلنا بخير خالوهه
حامد:سلامة انا بظهر سيف وساروه ويايه بنروح صوب مبزره
حمده:ايييه ي نذل شلنا وياككك
حامد:اوكي قومي لبسي
حمدة(تسحب سلامة)بسرعه عن يغير رايه نذل ها ادريبه
سلامة:ههههه
حامد:(يصارخ)خمس دقااااايقققق بس
لبست حمدهه عباتها المفتوحهه وتعطرة وحطت جحال بسيط وروج وردي
حامد:ها خلصتي
حمدة:يلا هي ماما نحن رايحين هاه
ام حمد:ربي يحفظكم
طبعا سيارة حامد جي 55 سوده عليها رقم ثلاثي
ركب سيف جدام وركبت حمده ورا سيف وسلامة ورا حامد وساروه ف النص
حامد طول ع صوت المسجل ومرتبش ويتنكسسس وحمدوه نفسهه
وصلو مبزره والجو كان حلووو
حمده:حامد حامد ابا انزللل
حامد:قبضي ارضجج شوتنزلين البقعه كلها شباب وعاد امره مايصدقون يشوفون بنت
حمده:انت ويانا انزيييين
حامد(يشوف سلامة ف المرايه الي جدام)ها سلامة تبين تنزلين
سلامة(مستحيه)هه مادري
حامد(ف خاطره ااخ فديت مستحاها ياربي هالبنت قمر ) ههه بشاور حبيبتي ساروه ها ساروه تبين تنزلين
ساروه(بدلع) هيهه
حامد قعد يدور باركن ونزلواا
حمده:ياربي الجوووو غرامممم
حامد:هي نعم انه غرامم
شما(من بعيد) خلود خلود مب هاي حمده الي ويانا ف السكول
خلود:هي والله وهاي سلامة
شما:قطيعة شو يايبنهن مبزره ظهرن راعيات سوالف
خلود:حرام عليجج شوفي وياهن ريال
شما:قومي قومي بنروح صوبهنن
خلود:امشييي
قربوا صوبهمم
شما(بدلع) حمدوه شحالج
حمدة(من ورا خاطرها) انا بخييير ونتي شحالج
حامد(ف خاطره ياخي هاصوت هب غريب عليه)
شما:انا زينه
لف حامد وانصدم لما شاف شما وهي نفس الشي
شما:اويههه حامد شو تسوي هني
حمده(فاجهه حلجهاا) اييه شوعرفج ف اخويههه
شما:ها اخوجج
حمده:شورايج انتي
حامد:منو انتي ماعرفج انا
سلامة(ف خاطرها ههه يبين انك راعي سوالف ي حامد الله يهديك)
شما:لاوالله كيف ماتعرفنيي حتى اختك ظهرت وياي ف المدرسة
حامد:شموههه ذلفي من اهني احسن لججج
شما:اوكي حبيبي لاتعصب بدقلك عقب
حامد تفشل من الموقف الي صار وحمده عصبت
حمده:حامددد مالقيت ترمس غير شموه الوصخههه حامد هاي هب زينههه مب مخليه واحد ف البلاد ماتعرفههه
حامد:انتي جب مالج خصصصص
حمده: اوكي اوكي
ركبوا السيارة وردوا البيت
حامد طول الدرب يتاففف وشما ادقله ومايرد عليها
اما سلامة ف كانت تفكر بالموقف الي صار
وصلو البيت ونزلهم. حامد وهووو طلععع اول مادشن البيت لقوا بوحمد وام حمد وحمد
سلامة وحمده وسيف: السلام عليكم
الكل:وعليكم السلام
قربت سلامة من عمها وسلمت عليه وسلمت ع حمد
بوحمد:ها بنتي شحالج عساج الا بخير
سلامة: يسرك الحال عمي
بوحمد:وشحال ابوج
سلامة:بخير الحمدالله سار هو وعمتي عند اهلها
بوحمد:هيه زيينن
حمدوه:امايهه نحن بنروح فوق حزه العشا ازقرونا
ام حمد:انزين فديتج
روحن سلامة وحمدوه فوق وروح سيف عند حمدان وساروه تمت عند بوحمد وام حمد
حمدوه:ماللت شفتيها هاي شموه طلع حامد يرمسهااا
سلامة(تضحك)هههه انزين عاديي شوتبين فيها
حمدوه:شوشوابا فيها هاي وحدههه من هالخياس والله مارضا اخوي يرمسها
سلامة:مادري والله
اما صوب حامد دق حق شما وهو معصب
حامد(معصب ويصارخ) انتي منو تتحرين عمرج بكل وقاحه تقولين اني انا اعرفج وجدام منوههه اختي وبنت عمي
شما(ببرود) مب انت تحبني يعني تستحي من حبنا
حامد(معصب)خسي انا احب وحده شراتجججج سمعي من اليوم ورايح ان شفتج متصله والله وثم والله كل شي يوصل لهلج فاهمهه
شما(تصيح) حامد حرام عليك انا احبك
حامد:هههه تحبيني هاا وكل يوم اشوفج وي واحد من ربعي يلا بوي توكلي
وسكر ف ويها
رن فون حامد ع اغنية عيضة المنهالي
احاتيك يلي غيابك مشغلن بالي
ولاريت منهو ع بعدك يسليني
شاف المتصل مبارك ورد عليه
مبارك:هلا هلا بالشقيق
حامد(بدون نفس)اهلين
مبارك(حس انه فيه شي) ها حامد بلاك
حامد:ماشي مب مهم
مبارك:براحتك انزين يلا وينك مر علي
حامد:يلا الحين خمس دقايق
............
ع ساعة عشر ونص ردت سلامة لبيتهم وحصلت قوم ابوها توهم واصلين من ابوظبي
بوسلامة:ها بنتي يتي من بيت عمج
سلامة:هي ابويه
خديجه(بدون نفس) يلا حبيبي امش خل نرقد انا وايد تعبانه
بوسلامة:يلا تصبحين ع خير
سلامة:ونتو من اهله
مسكت سلامة ايد ساره وسيف ودخلتهم الغرفه عندها ف هالحظه رن تلفون سلامة وكانت امها متصله وردت عليها
سلامة:هلا امايه شحالج
ام سلامة: يسرج الحال شحالج وشحال اخوانج
سلامة:الحمدالله كلنا بخير
ام سلامة : متى بتيون عندي
سلامة:ان اشاء الله الاسبوع الياي
ام سلامة:خلاص فديتج انا الحين بخليج وبوسي اخوانج
سلامة: ان اشاء الله
ام سلامة:فمان الله
سلامة:ربي يحفظج
وسكروا
شوتتوقعون يصير بين حامد وشما بيرجعون لبعض ولا؟؟؟
سلامة بتروح حق امها ولا بيصير لها ظرف يمنعها انها تروح لها ؟؟؟
حامد بيحب سلامة؟؟
اتريا توقعااتكم


 

رد مع اقتباس
قديم 27-09-2013, 09:23 PM   #3
~* ولد الشارجهـ *~
نبض اماراتي فعال


الصورة الرمزية ~* ولد الشارجهـ *~
~* ولد الشارجهـ *~ غير متواجد حالياً

بيانات اضافيه [ + ]
 رقم العضوية : 21901
 تاريخ التسجيل :  Oct 2012
 العمر : 25
 أخر زيارة : 19-09-2014 (01:46 PM)
 المشاركات : 1,018 [ + ]
 التقييم :  33
افتراضي رد: بحمي اخواني دام الدنيا فرقت امي وابوي



شوتتوقعون يصير بين حامد وشما بيرجعون لبعض ولا؟؟؟
ماظن .. بس خاطري حامد يصمها طراق .. هع

سلامة بتروح حق امها ولا بيصير لها ظرف يمنعها انها تروح لها ؟؟؟
ماظن بتسير ..

حامد بيحب سلامة؟؟
ع ماظن حبها من اول ما جافها .. بيحبها


ممكن اتكملين القصهـ .. يسلموو


 

رد مع اقتباس
قديم 29-09-2013, 10:23 AM   #4
السعمرانة
مجموعة النخبة


الصورة الرمزية السعمرانة
السعمرانة غير متواجد حالياً

بيانات اضافيه [ + ]
 رقم العضوية : 8393
 تاريخ التسجيل :  Oct 2005
 العمر : 31
 أخر زيارة : 05-08-2015 (03:16 PM)
 المشاركات : 10,984 [ + ]
 التقييم :  10
 الدولهـ
United Arab Emirates
 الجنس ~
Female
 MMS ~
MMS ~
افتراضي رد: بحمي اخواني دام الدنيا فرقت امي وابوي



وين باقي القصه >_<

يسلمو على القصه الحلوه


 
 توقيع : السعمرانة




لا اله الا الله محمد رسول الله


رد مع اقتباس
قديم 29-09-2013, 08:03 PM   #5
جوليت البداوة
نبض اماراتي جديد


الصورة الرمزية جوليت البداوة
جوليت البداوة غير متواجد حالياً

بيانات اضافيه [ + ]
 رقم العضوية : 23457
 تاريخ التسجيل :  Jul 2013
 العمر : 22
 أخر زيارة : 25-04-2014 (03:53 PM)
 المشاركات : 6 [ + ]
 التقييم :  10
افتراضي رد: بحمي اخواني دام الدنيا فرقت امي وابوي



السبت الساعه 10 الصبح ف بيت بوحامد
نش حامد ع صوت فونه وهو يرن
حامد(وصوته كله رقاد) الوو
....(بصوت ناعم) اويه هذا مب فون ميروه
حامد:لا هذا فون شهود
....:فديت الي دمه خفيف اناا
حامد: احمم ماتعرفنا ع الحلوه
....:اناا عايشة ونته ؟
حامد: عاشت الاسامي وانا حامد
عواش:عاشت ايامك وفديتك انا اسمك خبال
حامد:انتي الخبال ي قلبي
عواش:شكلك توك ناش من الرقاد
حامد: هي والله
عواش:عيل من تصحصح رمسني اوكي ي قلبي
حامد:اوكي فديتج
وسكروا
عواش:ههههه ها شموه يبت راسه ولا مايبته
شموه:هههه فديتج والله ي بنت عمي طلعتي كفو
عواش: افا عليج بس لين متى ارمسه بس تبين الصدق احس انه خبال وغرشوب
شموه:اخ ي عواش وربي انه وايد حليوووو احلى واحد شفته يكفيج شعرهه كيفف
عواش:انزين قوليلي لين متى ارمسه
شموه:مادريي لين تملين وعقب سحبي عليهه
عواش:(ف خاطرها ماضني امل منه دش بخاطري) امم شموه لوحبيته بتزعلين
شموه(تضحك) لاااا حلال عليججج ي كثرهم الشباب الي يبوني يت ع حامد يعني
عواش:ههههههه شعليج بوي
اما عند حامد نش وسبحح ونزل تحت وهو يغني
حمده:ها حمودوه اشوفك مرتبش شوعندك
حامد:حمودوه ف عينج بعدين صباح الخير
الكل:صباح النور
ام حمد: تعال افطر ويانا فديتك
حامد:لا امايه بطلع وي بروك بنتريق برع
حميد(يغمزله) وي بروك ولا وي حد ثاني
حامد:جب جب انت
حميد:عيل يلا بروح وياك
حامد:صك الدعنه وين تروح وياي
حميد: امايه ترا ولدج خريط عازم وحده من الوث ع ريوق يالس يصرف بيزات ابويه ع هايل
ام حمد:حميدوههه اصطلب اخوك الكبير هاه
حميد:انزين واخوي الكبير
حامد:يابوي جب يلا انا مروح
الكل:الله يحفظك
طلع حامد وركب سيارته ودق لمبارك
حامد:هلا هلا بروككك
مبارك:اهلييننننً
حامد:شحالك بن عمي
مبارك:يسرك حالي ومن صوبك
حامد:والله بخير ها وين ف البيت ولا
مبارك: هي والله ليش
حامد:يلا البس عشر دقايق وبيك عازمنك ع الريوق
مبارك:اوههه يلا عيل
سكروا ودق حامد حق عواش
عواش ع طول ردت
حامد:مرحب الساع
عواش:مرحبتييينن
حامد: حيي الله بالهصوت الغاوي
عواش:ههههه
حامدد:علها مديمه
عواش:اميين اممم وين انت
حامد:والله الحين بمر ع ولد عمي وبنروح نتريق ف شكسبير
عواش:اممم ابا اشوفك
حامد(بيموت من الفرحه)والله ؟؟ اوكي متى
عواش:يصير اي اتريق عندكم
حامد(متردد) امممم والله مادري بس خلاص تعالي اهم شي اشوفج
عواش(مستانسه)يلا بلبس وجي وبي ومن اوصل هناك بدق لك
وصل حامد عند بيت عمه وركب مبارك
حامد( يوايه مبارك) حي الله ولد العم علومك حبيبي
مبارك:يسرك الحال من صوبك
حامد:عال العال امممم بروك
مبارك:هاه
حامد:بتي تتريق ويانا وحده
مبارك(فاج ثمه) هااهه منو هاي بعد
حامد:وحده اسمهاعائشه تعرفت عليها الصبح
مبارك:بللل اليوم متعرف عليها مواعدنها يخربيتكك ياخي
حامد:ههههه شونسوي بعد
دقايق ووصلوا العين مول
حامد:بروك كيف شكلي موت ولا
مبارك:هيه مووت
قعدوا ف شكسبير ودق حامد حق عواش
حامد:وينج تأخرتي
عواش:توني داخله المطعم وين انتو ماشوفكم
حامد(تم يطالع حوله عقب انتبه لعواش)ههه انا شفتج يلا بيج وبيبج هني
عواش:اوكي
روح حامد صوبها عواش اول ماشفته تمت فاجه عيونها
حامد:هلا هلا بالحلوين
عواش:......
حامد:حببيبي حبيبي عويش
عواش:هاه
حامد:هههه بلاج سرحانه
عواش:ماتوقعت جي مزيون
حامد:والله انتي الي مزيونه (مسكها من ايدها) يلا امشي لا نتاخر ع ولد عمي
روحوا عند الطاوله وقعد حامد عدال بروك وهي مجبالتنهم
مبارك:(يظرب حامد بالخفيف) ي الجلب شوهاي عفان الله مب مستحيه حتى
حامد(يوطي صوته)بروك ي الثور لاتفضحنا اسكت
.............................
نروح صوب بيت بوسلامة
نشت سلامة ع الساعه 11
سلامة(بصوت ناعم) ساروه ساروه حياتي يلا نشي
ساروه(بدلع) ابي انام ماشبعت
سلامة:يلا فديتج عسبت اذاكر لج
ساروه:انزيين بقومم
نشت ساروه وروحت سلامة اطلع لها ملابس
سبحت ساروه ولبستهاا ونزلت هي وياها تحت لقت ابوها وحرمته ونهيان وناصر
سلامه:(وهي تبوس راس ابوها)صبحك الله بالخير ابويه
بوسلامة:صبحج الله بالنور
ساروه(تبوس خد ابوها)بابا صباح الخير
بوسلامة:صباح النور سارونه
خديجة:حبيبي اليوم انا عازمه ربيعاتي
بوسلامة:انزين انا اصلا بطلع عندي شغل وي واحد من الربع
خديجة(تبتسم)زيين عيل
سلامة:انزين انا بروح بيت عمي سعيد ابا اقعد عند مريوم
خديجة:لاتروحين انا اباج ويايه
سلامة(بحزن)بس انا عندي امتحان ومب فاهمه الدرس ومريوم فاهمتنه اباها ادرسني
بوسلامة(بدا يعصب)سلامة سمعي الرمسة
سلامة(بحزن)خلاص ان اشاء الله
............................
ف بيت بومحمد بتحديد ف غرفة مايد كان منسدح ويفكر ف سلامة
مايد(فخاطره افف ياخيي الحين انا كيف اقول لها اني احبها انزين هي تتحراني احبها ك اخ استغفر الله لامستحيل هي تحبني هي تعتبرني اخوها الكبير انزييين انا مب وايد كبير عليها بس فرق سبع سنوات مب وايد
يالله شسوي الحين) دق تلفونه وشاف انه سلامة الي متصله وع طول رد
مايد(بنبرة شوق)هلا بالهصوت
سلامة(مستحيه)هلا مايد شحالك
مايد:دامني سمعت صوتج اكيد بخير ومن صوبج
سلامة:يعله دوم امممم والله مب بخير
مايد:افا ليش
سلامة:بيون ربيعات حرمه ابوي وانا عندي امتحان واصلا مب فاهمه هادرس وابا اي عند مريوم ختك عسبت تفهمني وانا ماقدر اقولها تعالي لانه هي بعد لازم تدرس
مايد:اممممم انزين شورايج ايج انا الحين وادرسج وبتنحل السالفه
سلامة:خلاص اوكيي
مايد:عشرين دقيقه بالكثير وبكون عندكم
سلامة:اوكي درب السلامة
مايد:الله يسلمج... مع السلامة
وسكروا
بعد ربع ساعه وصل مايد ودخلته سلامة الميلس
شوي ودخل بوسلامة
نش مايد يسلم ع عمه
بوسلامة:ها مايد شحالك عساك بخير
مايد:يسرك الحال عمييي
بوسلامة:وشحال الاهل
مايد:مايشكون باس
بوسلامة:ماشاء الله ياي عندنا عيل
مايد:هيه والله ياي ادرس سلامة تقول انه مب فاهمه
بوسلامة:زين عيل وفرت عليها السيره لبيتكم وخاصه انه بيون حريم اليوم
مايد:هي جي ترا
بوسلامة:خلاص خذ راحتك عيل ومابتظهر من هني الا ونت متغدي
مايد:هههه ان اشاء الله عمي
وظهر بوسلامة من الميلس وراح عند حرمته والعيال
مايد:ها شو مب فاهمه
سلامة فجت الكتاب وخبرته الدرس الي مب فاهمتنه وتم يفهمها
ع الساعه وحده خلص مايد مدرس سلامة
سلامة:مشكور وايد مايد
مايد:جب جب ع شو تشكريني ماسويت شي اصلا
سلامة:هههه اوكي
مايد:(متردد)اممم سلامة ابا اقولج شي
سلامة(تبتسم)امرر مايد
مايد:امممم والله مادري كيف اقولج
سلامة(حست انه في شي) قول عاديي
مايد:لوقلتلج انه انا احبج شوبتقولين
سلامة توترت ونبضات قلبها زادت ماعرفت شوترد لانه هي تعتبر مايد ك اخ لا اكثر ولا اقل
مايد:(توتر)ءءءا انا اسف اذا زعلتج ولاشيييي والسموحه الحين بتوكل وظهررر
وقفت سلامة وحست انه الدنيا ادور بها
سلامة(ف خاطرها مستحيل احب مايد اصلا هو شرات اخوي لا مستحيل مايد عاد لالا ماصدق ياربيي شسوي والله الي فيني يكفيني ... نزلت دموعها لا ايرادي وقعدت وحطت ايدها ع ويهاا ونفجرت صياح ماتدري شو سبب الصياح بس كان ودها اطلع الي بخاطرها )
اما عند مايد ركب موتره وهو مضيججج ومتلوم انه قال لهااا وكل شوي يدق ايده ع السكان
وصل البيت تم دقايق ف الموترر عقبها نزل اول مادخل شاف مبارك وامه وابوه ومريم
مايد(بدون نفس )السلام عليكم
الكل:وعليكم السلام
ام محمد:يلا فديتك الحين بنحط الغدا
مايد:مب مشتهي بروح ارقد
بومحمد:مايد تعال اباك ف رمسه
روح مايد ويلس عداله امه وابوه مجابلنه
بومحمد:متى ناوي تعرس
مايد(بدون نفس) بعدني مافكر بالزواج
ام محمد:ليش ي ولديه انت صرت ريال خلاص
بومحمد:اسمعني ي مايد ترا انا رمسة عمك عبدالله وقلتله انه نبا بنته حمدة حقك وهي ماباقلها شي وتخلص
مايد حس انه حد جب ماي بارد ع راسه ماعرف شويرد
مايد:ابويه انا مابا حمدة انا قايل لكم انه انا ابا سلامة ونتو تدرون بها الشيي منووو قالكم تخبرون عميييي
بومحمد:(معصب) لاتم تراددني انا يالس اخبرك مب يالس اشاورك وبتاخذ حمدة غصبن عنك
مايد(يصارخ)انا مب ياهل عسبت تتحكمون فيني وباخذ الي اباهااا
بومحمد:بنشوووف
روح مايد لغرفته ورقع بالبات راح وانسدح
تم يفكر شويسوي لين رقد وهو مب حاس بعمره


 

رد مع اقتباس
قديم 30-09-2013, 02:11 AM   #6
~* ولد الشارجهـ *~
نبض اماراتي فعال


الصورة الرمزية ~* ولد الشارجهـ *~
~* ولد الشارجهـ *~ غير متواجد حالياً

بيانات اضافيه [ + ]
 رقم العضوية : 21901
 تاريخ التسجيل :  Oct 2012
 العمر : 25
 أخر زيارة : 19-09-2014 (01:46 PM)
 المشاركات : 1,018 [ + ]
 التقييم :  33
افتراضي رد: بحمي اخواني دام الدنيا فرقت امي وابوي



و التكملهـ متى ان شاء الله -.-


 

رد مع اقتباس
قديم 01-10-2013, 11:15 AM   #7
جوليت البداوة
نبض اماراتي جديد


الصورة الرمزية جوليت البداوة
جوليت البداوة غير متواجد حالياً

بيانات اضافيه [ + ]
 رقم العضوية : 23457
 تاريخ التسجيل :  Jul 2013
 العمر : 22
 أخر زيارة : 25-04-2014 (03:53 PM)
 المشاركات : 6 [ + ]
 التقييم :  10
افتراضي رد: بحمي اخواني دام الدنيا فرقت امي وابوي



قريب ان اشاء الله


 

رد مع اقتباس
قديم 11-10-2013, 10:47 PM   #8
جوليت البداوة
نبض اماراتي جديد


الصورة الرمزية جوليت البداوة
جوليت البداوة غير متواجد حالياً

بيانات اضافيه [ + ]
 رقم العضوية : 23457
 تاريخ التسجيل :  Jul 2013
 العمر : 22
 أخر زيارة : 25-04-2014 (03:53 PM)
 المشاركات : 6 [ + ]
 التقييم :  10
افتراضي رد: بحمي اخواني دام الدنيا فرقت امي وابوي



نهايه البارت 1
اما عند حمده من درت عن سالفة مايد وانه عمها يباها حقه وهي قافله الباب ع عمرها وتصيح
حمده وهي تشاهق انا مابا مايدد انا احب مبارك مبارك شو بيسوي لو درى عن االي صاار مستحييل مابا مابا مايد انا حق مبارك مبارك يباني وانا اباه ليش يسون فينا جيي لييش خشت راسها ف المخده وقعدت تصيح
بعد ماهدت شوي دقت حق مبارك مبارك اول ماشاف رقمها رد
مبارك:هلا حمدوهه
حمده(صوتها كله صياح) مبارك دريت عن الي بيصير
مبارك(بخوف)شومستوي حمدوه
حمده(تشاهق)ابوك خطبني حق مايد
.....اخخخ
حمدة:(تصارخ) مباااارك مبااااارك مباااركك لااا
تسكر الخط ارتبكت حمدوه ماعرفت شووصااارررر غير انها سمعت صرخه قويه حاولت تتصل وتتصل فوق الثلاثين مره بس محد رد
............
نروح صوب بيت بومحمد كانت الساعه اربع ونص
مايد بعده راقد بس وعاه صوت تلفونه الي دق مرتيين
مايد(بصوت تعبان)الوو مبارك
....:انته اخو مبارك؟
مايد(بخوف)هيه نعم منوه انته
....:معاك الضابط سهيل اخوك سوا حادث والحينه ب مستشفى توام قسم العمليات
مايد:شووووووهههه يلا باي الحين ياي
سكر الخط وع طول لبسسس وشل سويجه وطلع بدون مايخبر حد وهو ف طريق دق حق حمد
حمد:هلا ميود
مايد:حمد بسرعه تعال مستشفى توام مبارك سوى حادث
حمد:شوههه يلا اوكي الحين مسافة الطريق
فر حمد كل شي ف ايده وروح صوب المستشفى
بعد ربع ساعه وصل مايد وتخبر عن اخوه وخبروه انه ف العمليات وانه عنده نزيف حاد وقف عدال باب غرفة العمليات وهو يدعي انه مايصير شي لخوه بعد خمس دقايق وصل حمد وشاف مايد وراحله
حمد:وين مبارك مايد؟؟؟
مايد(بحزن) ف العمليات
حمد:كيف صار الحادث ماخبروك؟؟!
مايد(يتنهد)يقولون طاف الاشارة ودعمه باص وعقه الشارع الثاني
حمد:لاحول ولاقوة الا بالله تصبر ياخوي ان اشاء الله بيقوم بالسلامة
مايد:الله يسمع منك
حمد:انا بخبر قوم ابوي لازم يعرفون مايستوي نتم جي
واتصل حمد حق ابوه وخبره وابو حمد خبر اخوانه وروحوا المستشفى
بعد ربع ساعه وصلوا كلهم المستشفى بومحمد وبوحمد وبوسلامة وام محمد وحامد
ام محمد(تصيح)ااه ي ولدي بيروح عنيي
مايد يحضن امه ويحاول يهديهاا لين هدت
بعد ساعتين طلع الدكتور
بومحمد:ها دكتوور شوو؟
الدكتور:الحمدالله وقفنا النزيف بس بنحطه تحت المراقبه اءء انت ابوه صح
بومحمد:هيه نعم
الدكتور:تفضل عندي المكتب
خاف بومحمد بس روح ورا الدكتور
الدكتور:تفضل بومبارك
بومحمد قعد ف الكرسي وتم يطالع الدكتور
الدكتور: والله يابومبارك ماعرف كيف اقولك بس ولدك تعرض لحادث خطير وها الحادث ادى الى شلل نصفي
بومحمد حس انه حد جب ماي بارد عليه ماعرف شويقول
الدكتور:بس اذا استمر ويانا ف العلاج بيرجع مثل اول واحسن ان اشاء الله واباك توقعلي ها الاوراق لوسمحت بس اباك اطمنهم انه في امكانيه كبيره انه مبارك يرجع يمشي ع ريوله
بومحمد:ان اشاء الله
طلع بومحمد من عند الدكتور وهو متردد يقولهم ولا بس فكر انه يسكت لين مبارك يقوم بالسلامة
::::::::::::
نروح صوب بيت بوحمد بتحديد ف غرفة حمدة
من درت انه مبارك سوى حادث وهي حالتها حاله دقت حق سلامة
سلامة اول ماشافت رقم حمده ع طول ردت لانه كانت حارقه الفون وهي ماترد عليها
سلامة:حمدوه انتي وينج خوفتيني عليج ليش ماتردين علي
حمدوه(منهاره من الصياح) سلامة تعالي الحيين بيتنا ماقدر اتحمل اكثر سلامة تعالي دخيلج
سلامة:ان اشاء الله الحين بييج
وسكرت عنها
سلامة:ميرا ميرا
ميرا:نعم نعم
سلامة(وهي تلبس عباتها)انا بروح بيت عمي بوحمد انتبهي حق ساروه وسيف وخبري خديجة
ميرا:ان اشاء الله
روحت سلامه عند الدريول وخلته يشغل الموتر وتحركوا صوب بيت بوحمد
بعد عشر دقايق وصلت سلامة ودخلت ولقت ام حمد قاعده ف الصاله
سلامة:سلام عليج خالوهً
ام حمد(وهي تسلم ع سلامة)وعليكم السلام شحالج بنتي
سلامة:الحمدالله خالوه وشحالج وشحال عمي والعيال
ام حمد:والله الحمدالله ونترياا الاخبار من بو حمد
سلامة:ان اشاء الله بيقوم بالسلامة
ام حمد:ان اشاء الله
سلامة:انا بروح عند حمدوه
ام حمد:الله يحفظج ي بنتي
وروحت سلامة فوق عند حمدوه ودقت عليها الباب وع طول حمدوه فجت وطاحت بحضن سلامه وتمت تصيح بهستريه حاولت سلامه تهديها لاكنها ماقدرت بعد ربع ساعه من الصياح هاه هدت حمدوه عشان تقدر تخبر سلامة بالي صاير
سلامة:حمدوه رمسيي دخيلج قوليلي شومستوي ليش كل هاه صار وشوخصج انتي ف حادث مبارك
حمدوه(تشاهق) عمي خطبني حق مايد ونتي تدرين انه مبارك يحبني وانا احبه من يوم صغار دقيتله وخبرتة وبعدها مادري بالي صار غير اني سمعت صوت سيارات تتداعم وصوت مبارك بسس بعدها دريت انه سوا الحادث شفتي سلامة ها كله بسبتي انا السبب
سلامه(تحضنها) خلاص فديتج والله ها كله نصيب وان اشاء الله مابيصير شي حق مبارك بس انتي ادعيله
::::::::::::
الساعة ثمان وربع ف المستشفى
بعد ماطمنوا ع مباارك شل بومحمد حرمته وردها البيت وبوسلامة رد بيته وحتى بوحمد وتم حامد وحمد ومايد
كان حامد يطالع مبارك وعيونهه حمره مب قادر يتحمل يبا ينفجر صياح يشوف ربيعه واخو دنيته طايح وهو مب قادر يسوي شي كان وده يدخلل ويحضنه ماقدر يتحملل نزلت دموعه ماقدر يوقف ع ريوله طااح وروحله حمد اخوه
حمد:شوفيكك حاامد خل ايمانك بربك قوي والحمدالله انه ماصارله شي بعد الحادث القوي الي ياه
حامد(يمسح دموعه)الحمدالله
بعد نص ساعه رجع بومحمد
بومحمد:ماخلوكم ادشون عنده؟
مايد:لا ابويه ماخلونا
بومحمد(متردد) عيالي بقولكم شي
مايد(بخوف)ابوي شومستوي بعد
بومحمد:مبارك مابيقدر يمشي ع ريوله
انصدموا قعدوا يطالعون ف بعض
حامد:ي ي يعني مبارك انشل؟
بومحمد:هيه بس يقول الدكتور اذا استمر معاهم ع العلاج بيرجع نفس اول
حامد(بعصبيه) جذاااب هادكتور مبارك مافيههه شيييي عميي اناا بسفرر مبارك وع حسابييي هايل مايعرفون شيي
بومحمد:حامد اهدى ومنو قالك اني انا بخليه هنيي بنسفره برع البلاد يكمل علاجه هنااك
مايد:ومبارك كيف بنخبره
بومحمد:ها الموضوع ع حامد لانه هوو اقرب واحد له
حامد:لا مستحيل انا ماقدررر كيف اقوله ماقدر ماقدر
بومحمد:لاتقدر انت وايد وياه
استسلم حامد حق الامر وقال انه هو بيخبره
:::::::
صوب بيت بوسلامة وصل بوسلامة البيت الساعه تسع لانه خطف ايب عشا حق العيال
بوسلامة:خديجة خديجة
خديجة:هلا حبيبي وصلت هاه كيف حاله مبارك الحينه
بوسلامة:والله شقولج بعده حتى ماخلونه ندش نشوفه الا سلامة والعيال
خديجة(بخبث) سلامة من العصب وهي طالعه وماقالت لحد وين بتروحح اما اخوانها هني
بوسلامة(معصب)كييف يعني طالعه وماتعرفين وين راحت انا مب قايلج ماتخلينها تظهرر بدون ماتخبرج او تخبرني
خديجة:وانا شدراني حبيبي هي طلعت بدون ماتقولي
بوسلامة(معصب)ماعليه دواها عندي
ع الساعة تسع وصلت سلامة البيت ودخلت ولقت سيف وابوها وخديجة
بوسلامة(يصارخ)انتي. وين كنتي لين هالوقت
سلامة:كنت ف ببيت عمي بوحمد
بوسلامة(يصفعها) مره ثانيه ماتظهرييين من البيت بدون ماتخبرين عمتج
سلامة(وهي ماسكه صيحتها)بسس اناا قلت حق ميرا تخبرها
خديجة:ماخبرتني
بوسلامة:يلا ذلفي لحجرتج ولا تعيدينها تفهمين ولالا
سيف:ابووي انته ريال؟!
بوسلامة(منصدم)شووووووو
سيف:دامنك ريال ليش تضرب سلامة هي ماسوت سي غلط
سلامة:سيف اسكتتتتت خلاااص
بوسلامة:التعن عن ويهي لا اقوم اصفعك الحين اذلففف يلا
وروح سيف وشل سلامة وياه
سيف:انا مارضا ابوي يضربج انتيي ماسويتي شي غلط
سلامة:حبيبي عيب تقول حق ابوك جيي الحيين اذا قام وضربك شو بتسوي
سيف:خل يضرب مايهمني بس اهم شي مايضربج انتي
حضنته سلامة ودموع ف عينها
سيف(يصيح)ابوي ليش يسوي فيج جيي خلينا نروح عند امي امي تحبنا اكثر من ابوي
سلامة:لا سيف لاتقول جي ابوي يحبنا بس هوو
ماعرفت كيف تبرر حق اخوها سبب قسوة ابوها عليهم
::::::::::::::::::::
اليوم الاحد
ف المستشفى ع الساعه تسع
طبعا الكل راح لدوامه ماعاد حامد ومايد وحمده لانها بعدها تعبانه
فتح عيونه بالخفيف ماكان يشوف وايد يسمع صوت الاجهزه رد سكر عيونه تذكر اخر شي صارله تذكرر كلام حمده
مبارك(يصارخ)لاااااااااا
دخلو عليهم كلهم الدكتور والنيرس ومايد وحامد
مبارك:لالالا مستحييل
الدكتور:بسرعه هاتي الابره
عطت النيرس المهدا وهدا مبارك
الدكتور:لوسمحتوا طلعو برع
طلعوا مايد وحامد من الغرفة وبعد شوي طلع الدكتور وراح بدون مايتكلم
حامد:تتوقع ليش مبارك صارخ
مايد:مادري
وبعد ساعتيين نش مبارك وخلوهم يدشون عنده
حامد(يبتسم)الحمدالله ع السلامة
مبارك(بصوت مبحوح)الله يسلمك
مايد:الحمدالله يات ف الحديد ولافيك ياخوي
مبارك(بتعب) وين ابوي
مايد:بيون عقب ان اشاء الله نحن بنظهر بنخليك تريح
مبارك:لا خليكم وياي
مايد وحامد: ان اشاء الله
مبارك:ااخ
حامد(بخوف) شوووفيككك ازقر الدكتور؟!
مبارك: لا مايحتاي بس ريلي احس اني ماقدر احركها
حامد(متوتر) لانك تعبان بعدك بعدين ليش تحركها ريح انت الحيين
طالع حامد مايد ومايد بادله النظرة
مايد:انا بروح عندي شغله وبرد
حامد ومبارك:الله يحفظك
مبارك(يسكر عيوننه بقو ويحاول يحرك ريوله) اخخخ حامد ليش ماقدر احرك ريوليي
حامد(توتر اكثر) مبارك انت تعبان الحين لازم تريح
مبارك:ابا اقوم تعبت واناا جي بس بتحرك شوي والله
حامد:لالا مب زين حقك ي مبارك
مبارك(بدا يشك) انا بقوم
وحاول ينش بس للاسف طاااح انصدم مبارك ماعرف ليش ريوله ماتشله ماعرف ليش ماقدر يوقف ع حيله
حامد (وهو. يشله) الله يهدييك ي مبارك قلتلك تعبان انت
مبارك(ودموعه ف عينه)حامد ليش ماقدر امشي حامد تكلم دخيلك قولي ليش
حامد(بنبره حزن) مبارك انت ماتقدر تمشي
مبارك(يصارخ) يعني انا انشلييتتت انا مقعدد يعني بتم طول عمري ع الكرسييي
حامد(يحاول يهديه)مبارك اذكر ربكك والله بتمشي ع ريولك وبتحصل العلاج الي يخليك ترجع مثل ما انت الدكتور بنفسه قال جي
حط مبارك ايدينه ع وييه وبدت دموعه تنزل قرب حامد منه وحضنه وخلاه يهدى

شوتتوقعون يصير
مبارك بياخذ حمدة ولا مايد بياخذها؟
حامد بيحب عواش من قلبه ولا كالعاده يلعب ؟
مايد بياخذ سلامة ولا بياخذ حمدة ؟


 

رد مع اقتباس
قديم 03-11-2013, 03:51 PM   #9
جوليت البداوة
نبض اماراتي جديد


الصورة الرمزية جوليت البداوة
جوليت البداوة غير متواجد حالياً

بيانات اضافيه [ + ]
 رقم العضوية : 23457
 تاريخ التسجيل :  Jul 2013
 العمر : 22
 أخر زيارة : 25-04-2014 (03:53 PM)
 المشاركات : 6 [ + ]
 التقييم :  10
افتراضي رد: بحمي اخواني دام الدنيا فرقت امي وابوي



البارت 2

ع الساعة وحده وربع وصل بومحمد وام محمد وبوحمد
وع طول دخلوا الغرفه عند مبارك
ام محمد(تحضن ولدها) الحمدالله ع سلامتك ي ولدي
مبارك(انفجر من الصياح)امايه انا مابروم امشي ولدج صار منشل امايه انا منشل انا بتم طول عمري ع كرسيييي
ام محمد ماعرفت شوتقول انصدمت قعدت اطالع بومحمد ومايد نزلت دموعها وحاولت تهدي ولدها بس للاسف مبارك منهار
بومحمد:خلاص ي مبارك مب زين تسوي ف عمرك جذا اهدى يا ولدي
مبارك(يصارخ)انا انشلييييت تعرفون شويعني انشلييييت يعني ماراح امشييي
بومحمد(روح صوب مبارك ) ي مبارك خل ايمانك بربك قوي وان اشاء الله بتتعالج مع الايام وحبيت اقولك انه سفرتك عقب اسبوع
حامد:ومنوه بيروح وياه ؟
بومحمد:انا بروح
حامد:انا بعد عمي احجزلي بروح وياكم
مايد:انا بعد برووح
بومحمد:خلاص بحجزلكم خلاف
ام محمد(ودموع ف عينها) بومحمد احجزلي انا مب مخليه ولديه اروحه هناك
مبارك(يمسح دموعه ويبتسم) امايه انتي خلج هنيه لاتخافين عليه ابويه والشباب ويايه بعدين تعب عليج انتي خلج هنيه اريحلج
بومحمد:صدقه مبارك
استسلمت ام محمد حق الوضع
مبارك : وين تلفوني ؟
مايد(يحاول يذكر وين حط تلفون مبارك) ااءءءءء اصبر بروح اشوفه ف موتريه
وروح مايد يدور فون مبارك تم يدور ف موتره فج السده ولقاه
نزل من الموتر وبعدها ع طول دق تلفون مبارك
شاف منو متصل
مايد(بصدمة)حمدة؟؟؟؟
وقف مكانه مصدوووووم
مايد(يحاول يفسر سبب وجود رقم حمدة ف تلفون مبارك) يعنيي مبارك يحب حمدة وابوي يباني اخذ حمدة وحمدة درت وخبرت مبارك وو وو ومبارك سوا الحادث (بصدمة) يعني مبارك سوا الحادث لانه درى انه ابوي يباني حق حمده
ماعرف شو يسوي تم فتره طويله وهو يحاول يستوعب ويفسر الوضع
بعد فتره طويله رد صوب الغرفه
حامد:تاخرت وايد
مايد(وهو يعطي مبارك)تراني كنت ادوره
فج مبارك فونه ولقى بنقات من حمده وفوق الثلاثين مس كول من عندها
::::::::::::::::::::::
اما عند حمده كانت تتريا مبارك يرد عليها
بعد دقايق وصلها شي
مبارك( حمده لاتحاتيني انا مافيني شي ابيج تمسحين رقمي وتنسين كل شي يخصني خلاص انسي كل شي بيني وبينج والله يوفقج قعدت تقرا الكلام كذا مره حاولت تستوعب
فرت الفون وانفجرت صياح
::::::::::::::
قعد مايد يطالع مبارك لفتره طويلها
حامد(يضربه بالخفيف) شوفيك اطالع مبارك
مايد:لاا ولاشي بس جذا
رن فون حامد وشاف عايشه الي متصله بس مارد
:::::::::::::
صوب بيت بوسلامة
كانت سلامة تتصل لحمده بس للاسف ماكانت ترد عليها وقررت ادق ل مريم
مريم(بتعب) هلا سلامة
سلامة:اهلين مريوم شحالج؟!
مريم:والله شواقولج مضيجه عسبت مبارك
سلامة:حياتي لاتضايجين بيرجع مثل اول واحسن
مريم:الله يسمع منج
سلامة:ماروحتي عنده؟
مريم:بروح العصر ان اشاء الله
سلامة:انا بقول لبويه لانه هو بعد بيروح العصر
مريم:خلاص ان اشاء الله بنتلاقى ف المستشفى
سلامة:ع خير ان اشاء الله تحملي ع روحج حبي
مريم:ونتي بعد
وسكروا
:::::::::::::::
صوب المستشفى ع الساعة 5 العصر كان حامد يسولف وي مبارك
ومايد يسولف وي حمد وبومحمد يسولف وي ام محمد
مبارك(بتعب)اخخ ي حامد كل هاه يصير فيني انزين انا شسويت
حامد:اذكر ربك ي مبارك كله هاه مقدر والحمدالله انه فيه علاج
طق طق طق طق
بومحمد:تفضل
بوسلامة:السلام عليكم
الكل:وعليكم السلام
بومحمد(يتوايه وي بوسلامة) شحالك ربك الا بخير
بوسلامة:يسرك الحال من صوبك ي بو محمد
بومحمد:الحمدالله
توايه بوسلامة وي الشباب وقعد عدال حامد عسبت ياخذ علوم مبارك
بعد شوي اندق الباب مره ثانيه ودخلت سلامة ومريم وساروه
سلامة ومريم:السلام عليكم
الكل:وعليكم السلام
حامد اول ماشاف سلامة نزل راسه تذكر هذاك اليوم
مايد(بالهفه الي الكل حس فيها) سلامة شحالججج
سلامة:الحمدالله بخير ،.... شحالك مبارك الحمدالله ع سلامتك
مبارك:االحمدالله .... الله يسلمج بنت العم
مريم:سلامتك ياخوي ماتشوف شر
مبارك:الله يسلمج مريوم
ساروه(زعلانه) بروك ثلامات انا زعلانه لانه انته تعبان
مبارك(يبتسم) فدييييت روحج والله
حامد:افاا ساروه ماتسلمين علي
ساروه:خلاث انا ماحبك الحين احب مبارك لانه مبارك مريض وايد
حامد:ماعليه ماعليه مردج لي
الكل:هههههههههه
بوسلامة:سلامة نزلي القهوه ولا؟؟
سلامة:اوهه نسيت
بوسلامة(يعطيها السويج) روحي نزليهن
سلامة:ان اشاء الله
مايد:لحظه سلامة بروح وياج
سلامة : اوكي
طلعوا من الغرفه وهم ف الممر
مايد:سلامة تعرفين اني اشتقتلج
سلامة(ببرود) تسلم ميود
مايد: انتي ليش متغيره علي انا شسويت
سلامة:مب متغيره عليكك والله عادي بس
مايد: بس شو؟؟ كله ها عسبت قلتلج اني احبج واباج
سلامة: ي مايد افهم انت ك اخ لي وبعدين خلاص انت بتملج ع حمدوه يعني مفروض محد يكون بقلبك غيرها
مايد(يضحك) بس حمده قلبها عند مبارك كيف تبينها تحبني
سلامة(بصدمه) هاه ونت شودراككك
مايد:انا عرفت كل شي وعرفت سبب حادث مبارك
سلامة:اهااا
مايد:دخيلج سلامة والله احبج والله
سلامة:خلاص مايد دخيلك خلاصص
وصلوا عند السياره وشلت الاغراض
مايد:هاتي عنجج
سلامة:مايحتاي اروم اشل
مايد(بضيج) قلتلج هاتي
عطته سلامة الاغراض
مايد:عمرج ماراح تحسين ف الي انا حاس فيه
سكتت سلامة ومشت ب كل هدوء لين الغرفه دخلت سلامه ودخل مايد وراها
بوسلامة:تأخرتوا
مايد:وين تأخرنا ي عمييي
حامد(يطالع مايد)والله تأخرتوا وايد
مايد:انزين ويعنيي تأخرنا ترا عمي موقف الموتر اخر الدنيا
الكل:زييين

::::::::::::::::
شوتتوقعون يصير بين مايد وسلامة ؟!
مبارك بيرد حق حمده ولا كلمته كانت وحده؟؟
حامد بيحب عايشه ولا سلامة ؟!


 

رد مع اقتباس
إضافة رد

مواقع النشر (المفضلة)

الكلمات الدلالية (Tags)
., مبارك, من, الله, الجمعة, اليوم, الروح, العين, النور, الوقت, احسن, اسبوع, اسعد, اكثر, بلاك, بدون, بنت, يلا, حمدان, درب, خفيف, رقم, سيارات, غريب, عشر, ههههه, وام, _, ،, قلبي


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 09:51 PM.

Powered by vBulletin® Copyright ©2000 - 2019, Jelsoft Enterprises Ltd. , Designed & TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الآراء المطروحة بالمنتدى تعبر عن أصحابها و لا علاقة لصاحب المنتدى بها

تصميم : المصمم العربي .. Design By : www.araby4design.com