مركز تحميل الصور والملفات
 

العودة   ¬°•| منتديات نبـض الإمارات |•°¬ > ღ♥ღ النبض الأدبي ღ♥ღ > [ نبض القصص والروايات ~

الإهداءات

إضافة رد
 
أدوات الموضوع انواع عرض الموضوع
قديم 27-12-2016, 04:03 AM   #41
Neenoo
نبض اماراتي


الصورة الرمزية Neenoo
Neenoo غير متواجد حالياً

بيانات اضافيه [ + ]
 رقم العضوية : 26803
 تاريخ التسجيل :  Dec 2015
 أخر زيارة : 25-08-2019 (12:23 AM)
 المشاركات : 37 [ + ]
 التقييم :  10
افتراضي رد: روايه / عم عذب قلب حبايب



البارت الرابع والعشرون


ف ذاك اليوم صارت وايد اشياء كان اول شي بعد منصور عنهم
جمع اغراضه وطلع بسرعه
و ف غرفة فاطمه
فاطمه تصيح : ياااخي والله شووو ها
مها تنهدت : هذاا هو شعوري لما ذياب ودر البيت
ميره تطالعهم : هيي هيي صيحو بعد
عايشه وفاطمه يطالعوها وهم يصيحو
ميره : طع اشكاالكم وانتو تصيييحووو هههههه
فاطمه : يعني ولا هااامج صح ؟
ميره : ليش تسوون جي وكأنه خلاص ما بيرجع صج ودي اعرف في فيلم سوى ها الشي الغبي والا كيف !!
شوق : يعني صح هوو سوى ها الشي عشانا كلنا المفرووض يكون في مقابل
حصه : صح مثل ما هو ضحى وابتعد نحن لازم نقدر ها الشي يعني شووق وعبدالله يتزوجون وانا ومايد نتزوج وانتو كل وحده فيكم تسوي اللي تباا تسويه
ميره ضحكت : بس لا اتمووو تصيحو تبوون نجوووف فيلم ؟؟؟
عايشه : مالي نفس
فرح : بس بعد بتموون تصيحو جي لين متى ؟؟؟
مزنه دخلت : اممم مهوي بتروحي
مها قامت : يلا بنات مع السلامه
البنات سلمو عليها راحت مها وجافت سعيد وذياب ركضت على طول حضنت ذياب
ذياب ضحك : انتي ما تطولي ؟؟؟ حشى
مها : من مساعه اطالعك وانت واقف مع الشباب وخلاص بمووت هههه
ذياب يمط خدوودها : مالت عليج كنت احسب انه بشتاق لج بس ولا ذرة اشتياق ولا ذره
مها : جذاااب عافان الله
ذياب : اشتقت لسعيد بس
مها : وقسم بالله انك حيوان هذاا تجوفه انت
ذياب : احبه شو تبيني اسوي
مها : امي جافتك ؟؟
ذياب : لاا روحت هي وابوي بالموت والحين بنسير نحن
مها : يلااا انزين يلاا
نزل تحت بملل : خلوود وين البقيه ؟
خالد : ما ادري
تأفف وقعد
خالد : سلووم ما حسيت وكأنه في اشياء قاعده تصير ف البيت ؟
سالم : لا ما حسيت
فيصل اطالعهم وطنش وهو يفكر
سالم : سيفوه اخوي وين ؟؟
خالد : ما ادري ما قال وين بيرووح
سميه ( ام مريم ) : تعبت نفسك يا ولدي
سيف : هذاا واجبي والله
ام مريم : تعال ارتااح ارتاح
سيف : خواتي وين ؟
ام مريم : صفيه البنات وين اختفو ؟؟
ام سلوى : بغرفتهم
سيف : عادي اروح صح ؟؟
ام سلوى : سيير خواتك تراهم
سيف : وين غرفتهم
ام سلوى : على اليمين
سيف : شكرا
كان يطالع البيت الصغير اللي ما فيه غير اربع غرف وصاله ومطبخ دق الباب ودخل
مريم محطيه ماسك بويهها ولابسه برموده نوم وقاعده تغني وسلوى منسدحه وتجوف فيلم
سيف يطالعهم بغباء مريم صدت فتحت عينها وصرخت
سيف : ههههههه اعوذ بالله منج شووو هاااا ؟؟؟
مريم : اويييييه كيف تدخل جي ؟ كيف تجوفنا
سلوى خوزت السماعات : يااا غبيه اخوووج هذاا اخوووج
سيف : شاطره ههههه
سلم عليهم وقعد
سيف : ما توقعت غرفتكم جي لووث
سلوى : دخيييلك لا ترمس عن الغرفه
مريم ضحكت
سيف : احسكم ملانات
مريم : وااايد
سيف : امممم باجر بتطلعون وياي؟؟
سلوى : تمزح انت ؟؟؟؟؟
سيف : لا طبعا
ام حمده : ما بترقدين اليوم عندي ؟
صالح : بترقد غصبن عليها ههههه
حمده : جوفي امايه يبا يرتاح مني
صالح : لا والله بالعكس بس ابيج تونسين امج
حمده : هي هي استخدم ها الشي ك عذر ههههه
ام حمده : ههههه اكيد بيستخدمه ك عذر الريال يبا يرتاح منج شوي
حمده اطالعته : خلاص عذرتك اليوم
ام حمده وصالح ضحكو
بعدهم على وضعيتهم قاعدين بملل
سالم : مللتو فييني والله اووووي صبوووح
فيصل ما مستوعب يطالعه بغباء : اناا ؟؟
سالم : عيل انا ههههه هي انت
فيصل : شوو تبا ؟
سالم : ملل
فيصل : ارقص لك اخوي عندك ها اللي مغطي ويهه بالمخده
سالم : تجوووفه منسدح الريال رقد
فيصل : سلووم في شي لازم اعرفه وشاك يعني انا
سالم : شوو هو ؟
فيصل تذكر انه مهما كان هذي امه ف ما يقدر يخبره يعني الوحيد اللي بيقدر يخبره خالد !!
سالم : بلاك سكت ؟؟؟
فيصل : ولا شي ولا شي
سالم : غريب انت ياخي
فيصل قام وراح ولما كان يمشي سمع ام سالم ترمس فون
ام سالم : هيي فهمت عليك
فيصل مفهي
ام سالم : دام جي تم واصل انك واحد زين وانا بفكر بطريقه ثانيه تخلي بنتك تتطلق من ريلي
فيصل اهني استوعب
ام سالم : انا ببند الحين العيال موجودين ف البيت اخاف احد يسمع
بندت عنه فيصل على طول راح
هذاا كان ثاني شي صار بذاك اليوم سيف تغير وايد وقام يخصص اوقات لخواته يقعد وياهم ويطلع وياهم واذا احتاجو شي يوفره لهم بالنسبه لامهاتهم تعودو عليه ..اما ام سالم حقدها يزيد لحمده وتفكيرها كله انه تبعد حمده عن العايله وبس اما فيصل مستغرب ليش دوم هو اللي يطيح عليها … حمده كانت مرات ترقد عند امها وكانت تفتقدهم وايد بس كل ما تذكرت كلام ام سالم فضلت انها تبعد نفسها اكثر ..
مهره : سييييف يلاااا
سيف : هااا مهور
مهره : اوووف تعبت يلا تأخرنا
سيف : يلا انزين
مهره : لا تخبر اي احد عن القصه اللي خبرتني عنها قبل شوي
سيف : لا تخافين محد بيعرف يلا نسير ؟؟
مهره : امي عاد بتحن علي ليش تأخرتي وما ادري شووو عاد صج لازم نلحق على حموود وسلامه
سيف : انزين ما حسيتي انه قلت لج يلا نسير ؟؟؟
مهره اطالعته وراحت سيف لحقها وهو يضحك
دخلو بيت بو منصور وقدرو يلحقو على محمد وسلامه وعقب محمد وسلامه راحو يسلمو على اهل سلامه وسافرو لالمانيا
مهره : بلاكم جي ؟
مزنه قاعد حذالها وخبرتها باللي صار
مهره : حسبي الله عليه
ميره حاسه باحباط انها ما بتجوفه
ام محمد : ميره تعالي اكلي لج شي
ميره : ما ابا
بو محمد : افااا بنتي
ميره : خلاااص ما لي نفس حبيب قلبي راح
بو محمد : يالله انزين بيرجع
ميره : يوم بيرجع بكل لي شي
ام محمد : براحتج
ميره راحت شلت لها اكل وقعدت تاكل : عافان الله الناس تحاول ما على طول براااحتج
ام منصور : جوفو انتو جوفو
ميره ضحكت : ما اقدر شو اسوي يعني
توكلو كلهم على بيوتهم وخلص ذاك اليوم ونبدي على الايام اليديده اللي كلها نفس الروتين مايد يكرهه سعاد اكثر باكثر وسعاد تمثل على ساره اكثر واكثر
ساره : ويت بجوف ميوود
راحت لمايد
ساره : ميووود
مايد : شو تبين ؟
ساره دخلت وسكرت الباب
ساره : في شي مب مطمنه منه
مايد : يخص شوو ؟
ساره راحت قعدت : عنن سعااد
مايد تأفف
ساره : اسمع بالاول
سعاد تتسمع
مايد سوى لها سكتي واشر لها على الباب وهمس لها غيري السالفه
مايد : بلاها انزين ؟
ساره : احسس حراااام يعني اقعد وياها ولو شوي الحرمه حامل
سعاد رفعت خشمها وراحت
مايد : تقدرين تقولين الحين
ساره : احس البنت تجذب وهي مب حامل
مايد : توه الناس
ساره : شو توه الناس ؟؟؟ لحظه لحظه ايييه
مايد ضحك
دخل عليها وهي متغطيه كامل
عمار : مب ناويه تخبريني ؟
شهد تباا تفك عمرها : تعااال
عمار دخل وسكر الباب وراح قعد عندها شهد ضمت ريلاتها
عمار : ارمسي
شهد بلعت ريجها : انا انا كنت ارمس اخو عايشه
عمار عطاها كف لا ارادياا
عمار : انتييييي شووووو ؟
شهد صاحت : انزيييين انت ياااي تسمعني والا شووو بالضبط
عمار : وقسم بالله ان قلتي حرف واحد زياده بدفنج
وطلع عنها شمه دخلت بسرعه
شمه : شهووود انتييي هبله ليييش تخبريه
شهد : مااا ودرني بحالي من متى يحاول
شمه : مينووونه انتي والله
شهد رفعت شعرها لفوق وهي ما عارفه شو تسوي
عمار : اكيييد مني السبب مب انا ارمس بنات والعب عليهم لاززم ارمس سلطااان لااازم
سلطان : هيييي انت عاد قلنا قالولك تبتعد عن العايله بس مب جي عاد
منصور : يااا هرم انت متصل بس تقول لي جي ؟؟
سلطان : والله بعدنا نراقب عمي وقلنا بنخدعه وبنجوف
منصور : خلووه برايه
سلطان : اناا ادري ورااه شي المشعوون
منصور : يااا بوويي افعاله بتبين انتو بس إلحقوو وسوو اللي تبوونه
سلطان : هي والله يبالنا نسافر تايلند
منصور : طع هذا بس تصدق يباله والله
سلطان : يااا حيوااان ههههه
منصور : اخبارهم اهل البيت
سلطان : زينين
منصور : وامي ؟؟
سلطان: ما بتبرد حرتها لين ما ترمسك
منصور : استغفر الله ههههههه
بو منصور : سلطان ؟؟
سلطان : هلاا ابووي
بو منصور : ترمس منصور ؟
سلطان : منصور اقول له انه انت ؟؟؟
بو منصور : اكسر النظاره بعييينك هاته اجوف
سلطان : خيييبه انزين اندوووك
بو منصور شل الفون عنه
حصه : والله يااا فروووحه حذرتج وايد نظراتج لسلطان تشكك
فرح : شوو تبين مني اسوي ؟ والله مب بإيدي عيني تلحقه غصبببب
حصه : انتي بس انتبهي ما بتم انبهه فيج
فرح : زييين
بو منصور : ولدييي خلنا نجووفك
منصور : ما عليه ابوي بتجوفني قريب
بو منصور : بسكك لا تعذب امك
منصور : الشي ما بيدوم ابووي ان شاء الله برجع وبجوفكم وبتزوج ميره ان شاء الله
بو منصور : ان شاء الله مب ناقصنك شي انت ؟
منصور : لا الحمدالله سلطان ما مقصر وياي
بو منصور : ولدي رمسها امك طمنها عليك
منصور : ان شاء الله برمسها
بو منصور : يلا دير بالك
منصور : حرييص لا توصي
ميره منسدحه على الغنفه وحاضنه المخده رن فونها ردت على طول
فاطمه : يالله بالستر
ميره : ما نسيت الرصيد
فاطمه : اعووذ بالله
ميره : ما في اخبار عنه ؟
فاطمه : ما ادري والله
ام محمد : الحمدالله والشكر
ميره : عندج ابووي لاه مرتاحه ترااج
ام محمد : وابوووييه انا الولد بعده ما استوى ريلج
ميره : بيستوي
ام محمد : زين اوكي هههههه
فاطمه : حسيييت انج بتاكلينا ههههه
ميره : اسكتييي والله احاتيه من صووب واحاتي متى بطرشين الرصيد
بو محمد : استخفت البنت
ميره استحت من ابوها : هووو لاا يعني انا بس قصدي الرصيد
بو محمد : بس بعد تقصدين منصور
فاطمه ماتت من الضحك
ميره : فطووم صخي
ميره قامت وصعدت وهي ترمس فاطمه
ام محمد : حليلها البنت يالله كيف بفرح لها يوم بتتزوجه
بو محمد : كلنا بنرتاح من حبهم هذاا
شوق نزلت تحت : يدووه ليش قاعده بروحج ؟
اليده : قاعده مع حمدان بس راح اييب لي ماي وبيي
شوق : صدققق ؟
راحت شوق المطبخ ووقفت له فجأه
حمدان : بسم الله بلاج ؟؟؟
شوق : اممممم
اطالعته ببراءه
حمدان : بلاج ؟
شوق : هففف حمدان عن فاطمه ؟؟!!
حمدان صد عنها : البنت ما اباها خلاص
شوق : استغفر الله منك ( بحزن كبير ) يوممم الوقت اللي بتياا لي بتقول تباها ذييج الساعه بفكر ارمسك عدل واخذ واعطي وياكك
مشت عنه
حمدان تنهد : شوووووق
شوق ما ردت عليه
ساره بعدها قاعده : قوول يلا
مايد : انتي عرفتي طبعا عن السالفه صح !!
ساره : هييي
مايد : انزين ربيعي بنفسه هوو يا وخبرني انه سعاد واخوها اتفقوا وياه وعطووه بيزات وهي لا حامل ولا شي بس دخلت حياتي عسب بيزااتي وبس وربيعي قال بيرجع لهم البيزات بس شوي شوي عسب نقدر نتخلص منهم
ساره : اوييييييييه وتسوي روحها مسكيينه بعد الله يعين حصوووه اناا اقول
مايد ابتسم وسعاد من جهه قاعده ف الصاله ولا تدري عن شي متعبه عمرها على التمثيل


بعد سنه تزوج مايد وحصه وخبرها بكل شي بالتفصيل من البدايه ما تقبلت عقب رضت وسعاد طبعا سوت تمثيليه انها اجهضت الياهل ومايد وساره وحصه مكملين وياها وسلامه بين فتره وفتره تروح عندهم وتقعد مع حصه شوق وعبدالله ملجوو وعبدالله طلعت له شغله برع البلاد وشوق حمدت ربها على ها الشي لان بعدها مب مستعده لذاك الزود منصور بعده بعيد عن العايله يرمس اهله بين فتره وفتره ودايم يتقابل مع سلطان الشباب متغصصين انه ما قدروا يمسكون شي على عمهم عمار كلم سلطان عن شهد وسلطان رمس اهله وخطبها وخلاها معلقه جي و عايشه بعد فراغ صبرها قبلت بعمار و عن مهره يابت بيبي لهم وسمته على ابوها عبدالله وحمده بعد يابت بنوته سمتها ريم وعن فيصل فضل انه يراقب ام سالم


ف بيت بو محمد
مزنه : ميرووووه
ميره : هلااا هلااا
مزنه : يلاااا نسير
ميره : هففف انزين
وتمت تتحرطم
ميره : من الله انا اللي اسوق وبعد مستعيله مدري على شوو
نزلت تحت وانصدمت نزلت دموعها على طول واطالعت ابوها
بو محمد : هييي ما تتخيلين هوو نفسه منصور منصور
ميره صاحت
منصور وهو يضحك : شحااالج
ميره تصيح وما ترد عليه
ام محمد : هذوووه ها الحبيب اللي حاشرتنا فييه ياااج شو تبين بعد والحين جفتيييه على طوول صحتييي سملي عليه سأليه عن احواله
مزنه : وييين بتسأله ونحن موجودين
بو محمد : نسيير نسيير هههه ما اوصييك منصور بس عشر دقايق عن العم يعرف
منصور : لا تحاتى عمي برمسها شوي وبطلع على طول
بو محمد : خذ راحتك
طلعو العايله الكريمه وتمو منصور وميره منصور شل الكلينكس وراح قدامها ومد لها الكلينكس
منصور : انزين انزين اهدي شوي ههههه ليش جي ؟
ميره تشاهق من الصياح : تفااجأت
منصور يطالعها : امممم ما تغيرتي صح !
ميره : بلىىىى استويت زينه الحينه
منصور ضحك : مبروووك على الليسن
ميره : كيييف عرفت ؟
منصور : ومبرووك على الرصيييد اللي حشرتييهم عليه وحصلتيه
ميره : انت تعرف اخبااري ؟؟
منصور : كل شي كل شي
ميره صغرت عينها : ترااقبني ؟؟
منصور : هههههه نوعا ما
ميره تطالعه بحزن
منصور ابتسم : ابتسمي
ميره : مرت سنه منصور وعمي ما سوى شي اخاف صدق تغير
منصور : ولو مرت سنوات عادي
ميره : قلب امك يحترق عليك
منصور : بتروحين وياي ؟
ميره : وين ؟
منصور : بعطيج عنوان بيتي هاتي امي فيه بس ما ابي حد يعرف
ميره فتحت عينها : صدققق
منصور: بس قبلها اقنعيها انها ما اتييني دووم عسب عمي ما يعرف وان كل مره انتي بتييبيها
ميره : خبر ابوي اول
منصور : مخبرنه قبلج
ميره : انت من متى اهني ؟
منصور : صار لي ساعه الحين بروح
ميره : انزين العنوان ؟؟؟
منصور: عند ابوج
ابتسم لها وراح
ميره : الله يحفظك يا رب
راحت عند امها وابوها واختها اللي بالصاله الثانيه وهي مبوزه وعيونها كلها دموع
بو محمد حضنها : ما عليه بنتي ما عليه
ميره : لمتى عمي بيتم جي يعذبنا ؟؟؟
بو محمد وهو حاضنها يطالع ام محمد وهي تتنهد عطاها العنوان وقالها تروح عقب
ف بيت اليد
اليده : شووق ما رمستي عبدالله ؟
شوق : لاااء ليش ارمسه ؟
اليده : شوو بعد ليش ترمسييه ؟ استوى ريلج تراه
شوق : اذا اتصل برمسه يمكن عنده شغل والا شي
حمدان : بس بعد
شوق قامت وراحت عنهم
حمدان : مب غصب اتزوج لمتى هي بتم جي
اليده : تعرف البنت انك تحب فاطمه بس رافض تاخذها شو تتوقع منها تسوي
حمدان : والحين فاطمه انخطبت وبتكون لغيري لمتى بتزعل شوق يعني
اليده هزت راسها : لا حول ولا قوة الا بالله كيفك انت وياها عاد انا ما يخصني
شوق ف الغرفه رن فونها اللي يتصل عبدالله ما ردت عليه ومن جهه
عبدالله : كنت حاس انج ما بتردي
: هااا عبوود بتياا ويانا والا لاء ؟؟
عبدالله : هااا هيه هيه بييي
راح عبدالله مع ربيعه
ف بيت بو منصور
عايشه وفاطمه بغرفهم وام منصور قاعده بملل
بو منصور : وين البنات عنج ؟؟
ام منصور : شو يبووني وهم كل وحده منهم ترمس الخطيب
بو منصور ضحك : وسلطان وين ؟
سلطان دخل : اهني اهني
بو منصور : الله يااابك
سلطان : واابوووك شو بعد ؟؟؟ لا تصدمني دخيييلك
بو منصور : لا شو اصدمك ابااااك تروح وياي مشوار
سلطان : مشوااار ؟ ويا منو ؟ وياااي انا ؟؟!
بو منصور : هيه وياك
سلطان : متإكد متإكد ؟؟
بو منصور: هيه متإكد بلاك ؟
سلطان مستغرب : اونه يعني اول مره انزين متى؟
بو منصور : اممم بعد شوي احسن
سلطان : زيين تمام
راح سلطان وهو مستغرب اول مره ابوه يطلب منه ها الشي كل مره يطلب من منصور
فاطمه : اخيييه عاد صقر بلاك ؟؟؟
صقر : انتييي الله هدااااج كلما قلت شي عاندتي وما عيبج كلااامي
فاطمه : انتت مستوعب اللي تطلبه مني والا لاء ؟
صقر : بمااا اني خطييبج يحقلي
فاطمه : لااا عاد لها الحد وبس ما يحق لك والحمدالله بعدي ما ملجت منك
وبندت بويهه
فاطمه : اعوووذ بالله شهااا الشكاك
عايشه كانت ترمس عمار اطالعت فاطمه
عايشه : شوو فيج معصبه وتحتشري عليه ؟
فاطمه : خلج وياا اللي عندج عقب بخبرج وها الصقر انااا ما ابااه ولا ابااا غييره بعد الشباب غسلت ايدي منهم
وطلعت عنها
عايشه : اعوذ بالله شو فيها بتاكلني ؟
عمار منصدم : اممم يفضل انج ترووحي لها
عايشه : هي انا اقول بعد
عمار بند عنها وعايشه نزلت تحت تسمع فاطمه تحتشر
فاطمه : ابوووووي قلت لك ما اباه بس تعبت كل يوم يطلع لي بشي اليوم قاعد يطلب مني بااسووردات حسااباتي من غير اونه يباا فوني ويبا يعرف منوو ارمس ومنو ما ارمس يبا يعرف عن ربيعاتي عدل ويعرف عن العايله وويا منو اطلع بعد نعممم هذااا والله وايد اووفر
عايشه : اويييه نعم هذا والله ياتني ضحكه
بو منصور : انزين انتي استهدي وانا بتفاهم ويااه
فاطمه : على شووو تتفاهم ويااه والله ما تتفاهم عيل قول اني ما ابااه وبس
بو منصور : انزين انتي لا تستعيلين عطيه فرصه
فاطمه اطالعت امها وهي شاده على عمرها
ام منصور : يااا عليي هذي ثالث فرصه تعطيها له
بو منصور : ليييش ما خبرتييني من قبل ؟
فاطمه : ما عرفت كيف اخبرك ف خبرت امي
بو منصور : خلاااص بنقول لهم انه ما نباه انتي ريحي اعصاابج
فاطمه تنفست بقووه وراحت غرفتها
عايشه رفعت حوايبها باستغراب
بو منصور : انتييي بعد عمااار يقول لج شي ؟
عايشه : لا والله عسل عسل بعده
سحبت نفسها وراحت عند فاطمه
وف بيت بو ذياب
ام ذياب : فديييت ولدي اللي بييني اليوم
مها : يالله ما ذيااب هذا يسوى عليكم قطع شهر هااا لو انا مت ما بتدرون عني
سعيد : اشتغلت الغيره اشتغلت
مها : والله صدق انا اخر العنقود ما احصل ها الدلع
سعيد : انا محصلنه من ذياب شو ابا بعد هههه
مها : مااالت دلووع اخوك
ام ذياب : سسييييري انتي هاااتي الكيكه من الثلاجه
مها : هااا تفضل ها اللي احصله
راحت وسعيد نقع ضحك عليها
ف بيت بو عبدالله
ام عبدالله : والله البيت فضاا ما تم فيه الا ها الفرح اللي مستويه نفسيه بالقو وتعبد ها الفون اربعه وعشرين ساعه
فرح نازله وهي تتألم
ام عبدالله : بسم الله شوو فيج ؟
فرح : ظهرييي امااايه ظهرييي
ام عبدالله ضربتها : من هاااا الفون اللي اربعه وعشرين ساعه قاعده عليييه وين ما تبي ظهرج يعورج
كل الامهات جي مظلوم الفون هههه
فرح : آآآآآآآخ حرااام عليج امااايه والله مب من الفون والله طحت على ظهري عسب جي يعورني
ام عبدالله : ترااااه من الفون لوو انج ما تمسكييه كنتي بتجوووفي عدل
فرح : خلاااص والله ما يعورني ظهري انتي بس لا تظلمين الفون
ام عبدالله ردت تضربها : وبعدددد ما يهووون عليييها وينها حصه عنيييي
فرح شوي وبتصيح : حراام عليج والله يعور وبعدين انا انزلقت ف الحمام شدخل الفون ؟؟؟
ام عبدالله : تراااه يخفف النظر بعد شدخله ويسحب الدم بعد وين بتكون فيج طاقه
فرح : انزين اووكي خلاااص
ام عبدالله : اندوووج طلعي لي رقم عبدالله ما اجوفه عدل
فرح : هييي من الفون عسب جي ما تجووفي
ام عبدالله ضربتها : انتييييي شو لسااااانج ؟
فرح : لييييش كله تضربيييني انزين بطلع
مسكت فون امها وطلعت رقم عبدالله اتصلوا وما رد
فرح : احسن
ام عبدالله : فرحوووه خووزي من ويهي
فرح : احسن بعد
راحت فرح وامها عورها راسها منها
ام عبدالله : متى بتعرس وبفتك منها
ف بيت بو مايد
ام مايد : سلامه بعدي ما شبعت منج
ساره : هييي حتى اناا
سلامه : شو اسوي برووح بيت عمي ما جفتهم اليوم قاعده عندكم من الصبح ومحمد ينتظرني الحين عند الباب
ام مايد : تعالي لي باجر
سلامه : ان شاء الله
قامت باست راس امها
سلامه : يلا باي باي سويرووه ما بتوصليني
ساره قامت : بلى بلى
راحوا سلامه وساره
سلامه : بشري
ساره : دخيييلج من يوم سوت تمثيليتها انها اجهضت وهي تدلع وما بصفع الا حصووه
سلامه : ليش ؟
ساره : حصه طايحه لنا حرام و حرام وادافع عنها وتعاملها عدل وهذيييج تعاملها باسلوب خايس
سلامه : برمسها حصووه
ساره : بتروحين عند ميوود اليوم ؟
سلامه : هييي قلت له فليل بنتعشا انا ومحمد عنده
ساره : زين
سلامه : انتييي اجووفج اهني وايد ما تروحي بيتكم ؟؟
ساره : امييي زعلانه مني وما تبا تجووفني ابد
سلامه : افااا
ساره : عسب انا عادي ويا امج وهي ما تباني ويا امكم عاد تعرفين كيف يوم تكون الحرمه الثانيه
سلامه : هي هي ههههه يلا بروح عقب برمسج
ساره : تمام يلا تك كير
سلامه : يووو توو
طلعت سلامه وسكرت الباب وجافت ابوها بويهها نزلت راسها ومشت
بو مايد : سلاامه ليش ما تسلمي ؟
سلامه : ما اذكر انك تسأل عنا والا تسلم علينا
ابتسمت له وركبت السياره
محمد يطالعها : ما سلمتي عليه ؟
سلامه بغصه سوت له لاء
محمد تنهد : سلامه هذا ابوج
سلامه : ما عندي اب
محمد عرف اذا ناقشها زياده بتلعنه اكتفى انه يحرك السياره
ميره راحت بيت عمها ودخلت
سلطان : الساااحره يااات
ميره : جب
سلطان : يجبج يا حماااره
ميره : عمووه وين ؟
سلطان : ف المطبخ
ميره سحبت عليه وراحت المطبخ
سلطان :وقسم بالله حيوانه
بو منصور : يلا سلطان نسير
سلطان : هاه اوه اوكي يلا
راح مع ابوه
ميره : عموووه
ام منصور : هلااا هلااا بالغاليه
ميره باست راسها : شحالج
ام منصور بوناسه : والله زينه الحمدالله شحالج انتي ؟
ميره : بخير الحمدالله
ام منصور : شهااا المفاجأه
ميره : وعندي لج مفاجأه ثانيه بعد
ام منصور : واللي هي ؟؟؟
ميره ابتسمت : امممم منصور ياني البيت ( حست بخجل ) وعقب طلب مني طلب انه يبااا يجوووفج بس قبلها ما اودييج بيته لين ما توعدييني واتأكد انج ما بتزوريه ولا بتروحي له الا اذاا انا وديتج
ام منصور وبطير من الوناسه : تأكديييي من هاااا الشي والله تأكدي مااا رايحه لين ما انتي توديييني المهم اني اجوووفه
ميره ابتسمت : عيييل خلصي الشاي مالج الحين وسيري إلبسي عباتج عسب نسير
ام منصور مستانسه وخلصت الشاي وراحت سبحت ولبست وتعطرت وتبخرت بعد من الوناسه هههه طلعت هي وميره
فيصل قاعد يدندن
ام سالم : اناااا بطلع
سالم : امااايه انتي وايد تطلعين ويوم نسألج تتوترين
ام سالم بتوتر : انااااا امك يعنييي وين بطلع اكيييد بسيرعند الحريييم والا زيارات
سيف : اميه كلنا نعرف انج ما تكونين صداقه ولا عندج ربيعات
ام سالم : كونت صداااقه حراااام ؟
سيف : انزين بوصلج
ام سالم : ماااا ابااا حد يوصلني الدرييول بيوصلني
طلعت بسرعه سيف وسالم يطالعوا بعض بشك فيصل كمل دندنه
سيف : فيييصل بدفنك
خالد الوحيد اللي يعرف لان فيصل خبره
خالد : فييصل تذكرت شيي
فيصل : شوووه ؟
خالد : قوووم قووم تعال
فيصل لحقه طلعو ف الحوي
خالد : انااااا متأكد والله متأكد هي رااايحه تقااابل ابووو حمده صح ؟
فيصل : للحين ما نعرف والله
خالد : انت قلت مكالماتها ويااه كثرت ويخططو وللحين ما طبقووا شي انا شاااك الصراحه
فيصل وهو يفكر : نقدر نعرف بطريقه وحده
سيف وسالم بصدمه : انتووو شو قاعدين تقولو ؟
خالد وفيصل فتحوا عيوناتهم


انتهى البارت



 

رد مع اقتباس
قديم 29-12-2016, 10:50 AM   #42
Neenoo
نبض اماراتي


الصورة الرمزية Neenoo
Neenoo غير متواجد حالياً

بيانات اضافيه [ + ]
 رقم العضوية : 26803
 تاريخ التسجيل :  Dec 2015
 أخر زيارة : 25-08-2019 (12:23 AM)
 المشاركات : 37 [ + ]
 التقييم :  10
Heart55rd رد: روايه / عم عذب قلب حبايب



البارت الخامس والعشرون والاخير


سالم وسيف على صدمتهم
سالم : ليييش ما تردوون ؟
سيف : هي السالفه وما فيها
اطالع فيصل اللي نزل راسه
خالد : ما تبون تقولون لنا لانها امنا ؟
سيف : هيه
خالد : ابااا افهم السالفه كااامل والحين
ام حمده : ياااا حمده سكتي بنتج شو فيها تصيييح ؟
حمده : اماااايه ما ادري بلاااها !!!
ام حمده راحت لها وشلتها
ام حمده : هااا ريمانه هله هله ليش الصياااح
حمده : قلبي يعورني علييها بطنها يمشيها
ام حمده : ريييم بطنج يعورج وا فديييت انا الصغنوونه حمده هااتي الزيت زيتون
حمده : اخيييج امايه بيصبغ لها
صالح اطالع حمده بغباء
ام حمده : هييي لا تطالعها جيييي قووم واصفعها انا اقول الحين منوو اهم ملابسها والا هي ؟
حمده : اكيييد ريم
ام حمده : بسسس عيل سييري هاتيه اجوف
حمده سارت وردت وعطت امها الزيت زيتون وكل حين امها تهزبها على شي وصالح يضحك عليها
بركنت بكل خفه وهي تستهبل ونزلت
ام منصور دمعت عينها وهي تطالع البيت : ولدييي استوى رياال
ميره ضحكت : يعننني هوو مب ريال قبل !
ام منصور : جوووفي ما شاء الله صار عنده بيت حلووو
ميره : ايوااا عسب جي استوى ريال هههه ناقصتنه الحرمه
وبوزت
ام منصور : والعيااال بعد
مشت عن ميره ودقت الجرس بطلت لهم الخدامه وخلتهم يدخلون منصور من جافه امه ركض حضنها وتم يبووس فيها وهي تصيح
ميره " اخخخ لو يستوي يحضني احسه كيوووت "
انتبهت على اللي تقوله
ميره " ميييره انتي شووو تقووولي عيييب عيييب " غمضت عينها بوناسه " بس والله كيووت "
منصور يطالعها : شو تتخيلين ؟؟
ميره بصوت خفيف : ليش استوى الجو حار فجأه ؟؟
منصور وامه ضحكو عليها وهي احمرت من الفشله
منصور : تعالي لاا اتمين واقفه هناك
ميره ابتسمت وراحت عندهم
حصه قاعد تطالع التلفزيون قعدت سعاد عندها
حصه اعتفست : سعاااد انتي متعطره بزياده ؟؟
سعاد : لااااء شوي بس
حصه ياتها لووعه وقامت ركضت سعاد باستغراب
سعاد : بلاااها هاي ؟
مايد كان داخل
سعاد : حبيييبي حرمتك شكلها تطنز عليي من قعدت ويااها قالت لي انتي متعطره بعطر خايس وراحت عني
مايد : هييي انزين عطرج خايس
راح غرفته على طول وسعاد وين تودي يبهتها
مايد : حصه ؟؟؟
حصه طالعه من الحمام وويها اصفر
مايد : شووو فيج ؟
حصه : مااا ادري ياتني لوووعه
مايد : بعععععد !! امس يوم قلت لج نسير المستشفى ما رضيتي
حصه : عادي مايد الا هي لووعه
مايد : حتى ولو حبيبي انا مب مطمن
حصه : اذا زاد الشي اكيد بروح
مايد : اكيييد ؟؟
حصه : هيه اكييد هههه
مايد مسك ايدها وغمز لها حصه ضحكت على حركاته
مايد: ما ويهه غزل والله ههههه
حصه : ويييهك يضحك
سعاد تسمعهم وشوي بتموت راحت غرفتها وسكرت الباب بقوو حصه ومايد نقزوو
مايد : بللل ههههههه
حصه : حرااام عليك ميوود ارحمها شوي دخيييلك عاد انت وايد تحط عليها
مايد : ما احبها والله ما احبها خاصتا اني اعرف انها جذااابه
حصه : على فكره يعني انت تقدر تغيرها
مايد : بفكر
حصه تنهدت
مزنه : الحيييين على اساااس بطلع وياااها مب منصور سواابها جيي
ام محمد : هاااا الحب ابوووي شووو عبالج انتي
مزنه : ماااالت على حظيي بس
ام محمد : هييي انتي مستخفه اجوووفج
مزنه : بس والله مليت
مهره داخله وهي متبهدله : سلاااام
ام محمد ومزنه : وعليييكم السلااام
مزنه نقزت شلت عبدالله : بلاااج متبهدله ؟؟
مهره : اسكتييي عني زين انج شليتيه والله هلكت منه
ام محمد : بلاااها عيوونج جي منتفخه بعد ؟
مهره وشوي بتصييح : مااا رقدت شي من ها العبدالله
مزنه : اويييه كسرتييي خاطري
ام محمد : ابوووه وين ؟
مهره : اتصلووله مال الدوام
مزنه : رووحي مهور ارقدي بجووف لج عبوود
مهره : احلفييييي
مزنه : والله بجوفه روحي ارقدي
مهره : ببوووسج ببوووسج
مزنه : سيري سيري ههههه
مهره : هيي ميروه وين؟
ام محمد ومزنه ضحكوا : ف بيت الحبيب
مهره : اي حبيب ؟ تقصدون منصور ؟ يعني راحت بيت عمي علي ؟
مزنه : شوو فيج مهوور ؟ هههه راحت عند منصور منصور بيت منصور
مهره اطالعت امها : اميييه عقب اباااج بسالفه شاغله باليي
ام محمد : خير ان شاء الله ؟
مهره : عقب بتعرفين خليني اريح راسي الحين
ام محمد : زيين
راحت مهره ترقد وام محمد يااها فضوول
فيصل : كل مره اسمعها بالصدفه ترمس بالفون وتخطط كنت بخبركم بس مثل ما قلتوا لانها امكم ما قدرت اقول
سيف : يعني امي لها الدرجه وصلت مرحلة الحقد عندها !
فيصل : بالاخير ابوي ريلها وهيي تحبه وايد شو تتوقع منها تسوي وهي ما جافت الحب من ابوي
خالد : والحين الحب كله لحمده يعني صدق
سالم حاط ايده على خده : بسسس يا اخوي حتى لووو جي ما من حقها توصل لهااي المرحله
فيصل : لااا تتسرعوون
سيف : شوو تفكروون تسوون ؟
خالد : بنعرف امكم وين عن طريق السواق
سيف اتصل للسواق
خالد : لااا تتسرع سيف
سيف : مااا عليك اصبر انت بس
خالد يطالع فيصل
سيف : اقوووولك انت وين ؟
السواق : انااا انااا
سيف : جوووف انا يعرف انه انت مع ماما ويعرف انه انت يوصل ماما
السواق : جين بابا س
سيف قاطعه : لااا تقووول اسمي اسمعني عدل
السواق بخوف: نعم باباه ؟
سيف : انت الحين ينزل ماما ؟؟
السواق : هيه
سيف : انزين ماما يفكر يسوي شي مب زين
السواق شهق
سيف : انت خبر انا وين مكانك انت وماما
السواق : اوكي بابا انا في يعطي انت العنوان
سيف يسمع العنوان ويقول لفيصل يسجله
السواق : بابا سيف هذا رجااال بعده ما في يجي
سيف : اووكي شكرااا سليييم
السواق ( سليم ) : عفواا باباه
بند عنه وشخطووه هم الثلاث للمكان اللي قاله لهم السايق
شوق قاعده بغرفتها وهي منزله راسها وتطالع الفون وتطالع مكالمه عبدالله تمت تلعب باصابعها وشوي
عبدالله باستغراب : ألووو!
شوق ساكته
عبدالله : شوق فيج شي ؟
شوق : طمني عنك !
عبدالله استغرب اكثر : شووق فيج شي ؟
شوق : وايد اشيااء عبدالله انا محتااجتنك
عبدالله فز قلبه :اناا موجود لج شووق قوولي شو فيج؟
شوق : محتاااجتنك وايد ارجع لي محتاجه وجودك محتاجه كلامك
عبدالله بلع ريجه: شوق انا اليوم برد البلاد
شوق : بتياا لي على طول ؟
عبدالله : هيه
شوق : انتبه لنفسك
عبدالله : وانتي بعد
سكتوا هم الاثنين
شوق : امممم انا ببند
عبدالله على طول : خلج
شوق : انزين
عبدالله حك راسه وشوق تترياه يقول شي
عايشه : فطوووم يالنفسيه
فاطمه : عواااش اسكتي عني دخيييلج والله مالي خلق
عايشه : انزييين خلييه بعيييد انتي بالاساس ليش وافقتي عليه ؟
فاطمه : عشان حمدان يحس
عايشه : ومااا تحسي تفكيييرج هذاا غبي وكان عادي تتوهقين
فاطمه : مشاااعري متلخبطه عوشيه
عايشه : تبين الصدق انا للحين ما احس بشي تجاه عمار
فاطمه فتحت عينها : اونه مع انه عمار ينحب بسرعه
عايشه : جفتييي عاد خطب وحده ما تبلع الشباب ولا بعد يقوول لي يباا يحدد موعد الملجه
فاطمه : وشو رديتي عليه ؟
عايشه : اقنعته لين السنه اليايه
فاطمه : ياااااه
عايشه ترمش بسرعه بخقه فاطمه ضحكت عليها بو سلطانوسلطان رجعو
سلطان : الله هداك ابوي المفروض تاخذ ويااك بنت لها الشي مب ولد
عايشه وفاطمه على طول صدو
عايشه : ييتو ؟
سلطان : هييي من سووق الذهب ههههه
بو سلطان : والله انك هرم ما تستحى على ويهك
سلطان : تفضلووا الوالد يبااا يفاجئ امي وماخذني انااا وياااه يعني يبااا رايي
فاطمه وعايشه يضحكون
بو سلطان : باااجر بتروح تشترى ذهب لشهد بنجوووف كيف
سلطان سكت وهو يفكر
بو سلطان وعايشه وفاطمه ماا انتبهوا له لانهم قعدوا يرمسوا ويضحكوا
ام سالم قاعده على اعصاابها تترياه اتصل لها
ام سالم : انتتت وين ؟
بو حمده : شوو فيج ؟ اصبري بييج بس بمر مكان بالاول
ام سالم : انزييين اترياااك بسرعه طولت
بو حمده بدون نفس : انزييين انزيين
بند عنها ونزل بخقه دخل بدون لا يدق الجرس تبطل الباب وهم صدو باستغراب
ام حمده : منووو؟
سكتت وهي مصدومه
حمده اطالعت صالح وهي بتصيح صالح اشر لها انه عادي
ام حمده : انت شو ياايبنك ؟
بو حمده : ياي اجووف حفييدتي حرااام ؟
ام حمده : الحين عرفت انه عندك حفييده ؟
بو حمده : من البدااايه ما كنت متقبل والحين تقبلت عااادي يعني شوو فيها ؟
ام حمده : حمده ودي ريم داخل ما يستاهل يجوفها
بو حمده : اوووه لا ما عليج بجووفها وبشبع منها بعد وبذكرج بعد شرااات بعض الناس يوم طلبت منهم يطلقون وما رضو بيتذكروا زين ان شاء الله
ضحك وطلع
حمده وهي معصبه : امييييه ابوووي ناوي على شييي والله ناووويي على شي
صالح : حمده اعرف انه هووو قاعد يخطط ف مستحيل اصدق اي شي عنج
حمده بخوف : والله ما مطمنه فوووق كل هااا
سالم وسيف وفيصل وخالد وصلوا المكان قعدوا بطريقه يقدرون يسمعون فيها وهي ما انتبهت لهم كانوا يتهامسون
فيصل : لووو سمعنا كل شي الحين وفهمنا شو بنسوي ؟
سالم : تاليها بنفكر بها الشي خل نعرف بالاول
تمو قاعدين وهم ينتظروو عقبها بفتره ياا بو حمده وقعد
ام سالم : تأخرت وايد
بو حمده : مااا عليه انزين خلييني اتنفس شوي وبخبرج
الشباب رفعو حوايبهم سيف زين ما قام ومسكوه
شوق طلعت ف الحوي جافت حمدانقاعد وسرحان راحت له
شوق : حمدااان ؟
حمدان ما سمعها
شوق هزته على الخفيف
حمدان : هاااه ؟
شوق : حمدااان بشوو تفكر؟
حمدان : ولا شي
شوق : عندي لك خبر ياااني من فاطمه قبل شوي
حمدان اطالعها باهتمام : فاطمه ؟
شوق : فصخت خطوبتها
مسوي عمره مب مهتم الريال : انزين ؟ انا شو يخصني ؟
شوق : خل عنك عاد لا تسوى عمرك مب مهتم
حمدان : مببب مهتم تراااني
شوق : جذااااب اعوذ بالله
حمدان : غريبه ييتي ترمسييني !!!
شوق : وتعرف تغير الموضوع بعد
حمدان : شوق جب
شوق وهي تضحك : غريييبه والله محد من العايله ايينا
حمدان : كل حد بحاله الحين
شوق تلعب باعصابه كل حين ترمس بشي : بس بعد يااا خوووي انا مستانسه ان فاطمه فصخت الخطبه
حمدان : شوو رايج تسكرين موضوع ها الفاطمه ؟؟
شوق : اوكي خلاص هههههه
اليده استانست يوم جافتهم وياا بعض واتصلت للعايله الكرييمه وقالت لهم ايوون وعااد ام ذياب بعالم ثااني يسوى عليها صدق ولدها عندها وما راضيه تودره تجمعوا كلهم ف بيت اليده الا منصور وام منصور و ميره وحمده وامها
البنات مستانسات على بعض ف غرفة شوق
شوق : غريييبه ميره مب موجوده !!
مهره تتثاوب وهي تضحك ومزنه تكمل ضحك
سلامه : اسحبي عليهم اسحبي
شوق : اييه جد وينها ؟
مهره : عقب عقب
شوق : غريييبااات انتو
مها : قوووولييي عنييي انااا الغرييبه والله حرام انا اخر العنقود ويعاملوني شرات الخدامات
البنات يضحكو عليها
مها : والله ما يضحك وااا فديييت انا فروووحه اللي ما ضحكت عليي
فرح انتبهت : اناا ؟
عايشه : شووو فيج انتي بعد ؟
فرح : لا ولا شي
فاطمه : فرووووحه ابااج شوي
فرح : انااا؟
فاطمه : هيه انتي
فرح : وين ؟
فاطمه : تعاالي
سحبتها وطلعوا والبنات يطالعوا بعض
شوق : مهووور ولدج وين ؟
مهره : عند خاله
شوق : زيين والله
فرح : هااه ؟
فاطمه يايه بترمس
حمدان : هووود احممم ( يبا يطوف عسب ينزل )
صخت وهي تحس بتموت حمدان نزل وراح عند الشباب
محمد : مرحببب باللي ما ينجاااف
حمدان يتخاشم وياه
سلطان : والله ما اروم اسلمم اقعد اقعد
حمدان : غيرك بيسلمو
سعيد وذياب سلموا عليه
حمدان : عزوووز وين ؟
سعيد : هيها عزوووز نسااانا عشق بو ظبي واللي فيها هههه
ذياب : وعبووود اليوم بيرجع
حمدان : ما شاء الله عايلتنا تنقص كل حد بدا يختفي
محمد : بس بعد شو احسن
من جهه خلاص صبرها ضااع
ام سالم : مااااا اقدر اتحمل اقووولك اليووووم بنسوي الشي
بو حمده : ياا حرمه ليش تستعيلين من الله بالاخير انا اللي بتزوجج
ام سالم : انزين الحين متى متى بتسوى خطتنا ؟
بو حمده : خلااااص اليوم
ام سالم ارتاحت : ان شاء الله نفتك من ها الحمده وها الصالح
بو حمده ابتسم
سالم : على شو مخططين ؟؟!!!!
ام سالم : وشو صار عن عايلتك ؟
بو حمده : تستهبلين انتي ؟ خليهم يولو بيتموا جي طبعا منصور ما بيرجع لهم وميره بتم بدونه وامه يحترق قلبها عليه وتشتاق له بس شو اباا اكثر عن جي
ام سالم : طلعت مب هيين والله
بو حمده استانس
فيصل ضربت براسه فكره ونقز لهم
سيف : هااا شو يااك ؟
فيصل : قووومو وياي وبخبركم ف السياره
قاموا الشباب وراحوا وياه
ميره : يلااا عموه طولنا وايد
ام منصور : والله ما شبعت منه
ميره : ما عليه بتيين له بوقت ثااني
ام منصور : انزين هم كلهم ف بيت يدتج خلينا اهني
ميره : منصور حاول وياها
منصور: خلاص ميره خليها شوي بس
ميره بتهديد : بسسس شوي
ام منصور : جوووف انت هاااي
ميره ضحكت
منصور يطالع ميره وميره تأشر له ان امه تطالع وهو مسوي طاف
ام منصور : ميييره اللي لازم تقعد وانا ارووح دااام العين عليها
منصور انتبهه : هااااه ليش ؟
ام منصور ضحكت عليه : الله يخلييني لليوم اللي اجوفكم فيه لبعض
منصور وميره رفعوا اياديهم يدعوا
فاطمه : انتييي تحبي صح؟
فرح : الحين زاقرتني عسب بس تقووولين لي جي ؟
فاطمه : اعترفي منو ها ؟
فرح" يعني تتوقعين مني اقول لج سلطان " : احب واحد كنت دايم جي معجبه فيه وحصووه تحذرني اخرتها راح خطب وتميت انا
فاطمه : وهو يعرف ؟
فرح " شو ارد عليج الحين لازم اجذب " : يعنييي ك فريند بس ما يعرف اني معجبه فيه
فاطمه : انزين اعترفي له
فرح : مينووونه انتي الريال خطبمب حلوه طبعا
فاطمه : هيه صح
تمت تطالع فرح وفرح تحرك عينه عسب ما تحس فاطمه بتوترها
اليده زقرتهم حاطه لهم لقيمات وخبيص ونخي
محمد : يالله من زمان ما كليت ها الاشياء
سلامه بصوت خفيف : جذااب امس ماكل لين ما قايل بس
محمد اطالعها : قووولي ما شاء الله
سلامه : ما شاء الله ما شاء الله
ام ذياب : ذياب حبيبي شوو تبا تاكل ؟ قووول لي
ذياب : ما عليه بروحي بنزل اكل
ام ذياب : لا شو تنزل
مها تطالع سعيد
سعيد : حياااتي مهوووي قوولي شو تبين
ام ذياب : هيييي كبيره بروووحها بتقوووم
مها فتحت عينها
قعدوا لفليل وكانوا يضحكون ومستانسين دخل عبدالله استقبلووه وما خلو شي ما سووه من زمان ما كانوا مستانسين جي
سيف : انت اهبل شووو ؟ ها بيت منو ؟
فيصل : بيت يدة حمده
خالد : وليش يايبنا اهني ؟
فيصل : قبل لا يسوون شي نحنن بنحذرهم وبنخبرهم عن بو حمده
سيف : ما تحس انه جي بنكون تسرعنا ؟؟؟
فيصل : وما تحس اذا تمينا جي قاعدين نفكر ومب عارفين شو نسوي وقتها بيسوون اللي يبونه امك وبو حمده !! يعني نسوي شي افضل من لا شي
سالم : انا وياك
خالد : وانا وياك
سيف : وياك وياك
فيصل : يلاااا بسم الله
دقو الجرس استقبلهم حمدان
حمدان : آمرواا ؟
فيصل : لوو ما يامر عليك عدو بغينا نجووف يدتك ويدك
حمدان : انزين !!! بس اقدر اعرف ليش ؟
فيصل : عندنا موضوع مهم يخص بو حمده
حمدان على طول : حياااكم تفضلوو داخل
دخلوا داخل وحمدان خلى البنات يروحوا فوق البنات قاعدين يتسمعوا طبعا
ذياب : انتو عيال ريل حمده صح ؟
خالد وسيف وفيصل وسالم : هيه
اليده : هيييييي حلييلكم
فيصل : خالوه اللي بنقوله ما ندري يعني اذا بتصدقونا والا بتعصبوا علينا يعني ما نعرف ردت فعلكم كيف بتكون بس اللي علينا بنكون سويناه
اليده : قوول ولدي
فيصل : من فتره يعني تقريبا السنه اللي طافت بو حمده ياا بيتنا يباا ابوي يطلق حمده وابوي ما رضا ومن جهه
سكت
سالم : امييي تباا ابوي يطلقها لان ما عايبنها ان ابوي يحب حمده
اليد بفضول : كمل !!
الشباب تربعوا باليلسه وهم يطالعوا سيف وخالد وسالم وفيصل
فيصل : من عقبها ( بلع ريجه ) امه قامت تتواصل مع بو حمده وكل واحد يباا يوصل للي يبيه
عبدالله : امه تباا ريلها يكون لها وبو حمده يبااا بنته لاحد ثاني صح ؟
فيصل : كل شي تغير الحين هاي كانت الخطه الاولى بس الحين يبوون يسوون ها الشي بس امه تاخذ بو حمده
حمدان : وكل ها من متى يصير ؟
فيصل : سنه !!
الشباب يطالعوا بعض
سلطان : انا اكثر واحد اراقبه كيييف جي ؟؟ وانااا اقول ها العقرب مستحيل يتم جيي
سالم : السموووحه منكم بس حبينا نحذر ونقول اللي عندنا يمكن تقدرون توقفون الشي قبل لا يصير
بو محمد : كفووو عليكم والله ريااييل والنعم فيكم
بو منصور : اللي سويتوه الحين مب شوي انتو لو تعرفوا قيمة اللي سوييتووه الحين
الشباب ابتسموا وقاموا
اليد : على وين ؟؟؟
حمدان : ماا يصير تروحون جي على طووول
اليده : صح لااازم تاكلون
سيف : لا مب يوعانين والله
بطنه سوى صوت افتشل سيف اكرهه حركه :) ضحكوا عليه
اليد : ما بتطلعون الا وانتو ماكلين
عبدالله اطالع حمدان : ابااا اجووف اختك لان عقب بروح اريح
حمدان : افااا عليك وين تباا تجوفها ؟
عبدالله : اي مكان
حمدان : تعال بوصلك حجرتها
عبدالله : والبنات ؟؟
حمدان : هم ف الصاله الثانيه !!
عبدالله : يلااا انزين
حمدان قام وياه اول ما بطلو الباب انصدموا باللي تراكضو للصاله الثانيه
حمدان : البنات الله وكييلك اللقافه شي اساسي عندهم
عبدالله ضحك حمدان راح الصاله الثانيه البنات اونهم قاعدين بأدب وكل وحده مشغوله بشي
حمدان : ما يحتاي جفناكم والله
عايشه : انزين عيل اخوي حمدان صدق اللي سمعناه ؟؟؟ يعني منصور بيرجع صح ؟
حمدان اونه ولا كأنه سمعها : شووق تعالي عبدالله يبيج
عايشه : حيوااان والله
شوق قامت بمستحى وراحت ويا حمدان وهم يطلعوا من الصاله ميره كانت تدخل
ميره : اناااا يييت
ام منصور : منوو ها الشباب ؟
ميره : هي صح منو هذول ؟
ام محمد : تعاالو تعاالو اندووكم الاخبار
حريم ما يصدقوا على الله
مهره : انزين امايه انا قايله بقول لج شي صح
ام محمد : هيييه صح
مهره : انزيين دام جي اسمعوا كلكم
ميره وام منصور قعدوا
مهره : تذكرون اليوم اللي عمي طلب من منصور يودر العايله !! بذااج اليوم سيف قال لي قصه يعرفها عن عمي
ام محمد : قصهه !!!
مهره اطالعت ام منصور : صج هو كان يبيج وانتي رفضتيه ؟
ام منصور : هاي قصه قديمه ليش تبين نفتحها مره ثانيه !!
مهره : عمي كان يبيج وكان يحبج بس انتي رفضتيه ووافقتي على عمي علي عسب جي عمي راشد يبي يحرق قلبج وخاصتا على البجر
ميره: عسب جي حاط على منصووور وايد عششااانج انتي بس
مزنه : يعني كل شي وضح يبي حمده لمنصور غصب عرف انه منصور يحب ميره ما راضي على ها الشي وقدر يبعد منصور ويحرق قلبج انتي
ام منصور بحرقه : حسبي الله عليه حسبي الله
مها : كل شي بينتهي الحين ها العم هذاا اللي قاعد يعذب ومستانس على التعذيب بيوقف كل شي
ميره : كيييف مهووي كيف ؟
مها : ها الشباب عيال ريل حمده
وخبرتهم باللي سمعووه
حمدان يتمصخر عليهم : مااا تبون اقعد ويااكم ؟
عبدالله : اذلف الله ياخذك
حمدان : خلاص خلاص هههههه مع السلامه
سكر الباب عبدالله يطالع شوق
عبدالله : ما اقدر اتحمل
تقرب حضنها حمدان بطل الباب وهو يضحك عبدلله بعد شوق وهو صاد الجهه الثانيه
حمدان : شييييت شيييت الوقت غلط ههههههههههههه
عبدالله : حمدااااانووووه يالهررررم
حمدان : انزين انت على طوول اصبر شوي ما كملت دقيقه يوم طلعت
عبدالله يطالع شوق : اسحبي علييه انا اقول
وسحبها لحضنه
حمدان : اخخخخخخ ذبت هههه
طلع عنهم وراح وشوق بتمووت من المستحى
يوم يديد كلهم متحمسين باللي بيسويه يدهم وكلهم قايمين من وقت وراحوا بيت اليد واستانسوا بوجود منصور
بو حمده داخل بملل ابوه شو يباه
حمده : يدي ابووي وصل
اليد : كملووو ضحك
نصهم يطلعوا الضحكه غصب ونصهم اونهم بيموتو من الضحك ونصهم يضحكوا على اشكال بعض
بو حمده انصدم من وجود منصور
بو حمده : هاااا شووو يسوي اهني ؟
اليد : وعليييكم السلاام والرحمه
صد الجهه الثانيه انتبهه لوجود حمده وصالح وسيف وخالد وفيصل وسالم
بو حمده : خييييير ان شاء الله اجوووف العالم كلهم متيمعيين
سالم كح : عيل شخبار امي ويااك ؟ اوووه على اساس امس بتسوون خطتكم بس ما نفع
فيصل : بلاااك كان المفرووض تتصل له عسب يطبقوون الخطه بس هي ما اتصلت لان فونها عندنا ولان كشفناها يحليلها تخبلت انه كل شي ضاع فجأه
البنات خقووو عليهم واشتعلت الغيره ف حمدان ومنصور ومحمد و مايد وعبدالله وسيف
بو حمده انصدم : اي تخطيطات اي خرابيط ؟
منصور : خطة ان حمده تطلق من صالح وانه تزوجها لواحد ثاني خطة انك تتزوج ام سالم خطة انك تحرقنا كلنا وترتاح
بو حمده : انتووو شو تخربطوون ؟
ضحك وطلع عنهم بسرعه قاموا بيلحقوه عسب يتفاهموا وياه ما سمعوا الا دعمه ركضوا كلهم
حمده : ابووووووووووي
بعد ست شهور
شوق وعبدالله تزوجو واخيرا وحمدان يرمس فاطمه وهي ترمسه ومحد يدري مايد ما تحمل وطلق سعاد وحصه طلعت حامل من جهه ثانيه ربيعه رجع البيزات وبلغ عليهم وانسجنوا سعاد و اخوها سلامه ومحمد يسموونهم عصااافير الحب من كثر لا يحبون بعض سلطان وشهد تزوجوا وكل واحد منهم يكابر ف حبه وعمار صابر على عايشه اللي ما قادره تحبه ولو شوي هههه ذياب رجع بيتهم بعد لا شرط لامه انه تخطب له والصدمه انه مزنه اللي ما توقعت ابد فرح للحين هايمه ف حبها لسلطان اللي خلاص مب لها ومستحيل يكون لها مها وسعيد حياتهم مثل ما هي ما تغير شي فيها وعزيز استوى اكبر مغازلجي ف العايله حطم الرقم القياسي من بعد سلطان بو مايد يحاول يرجع علاقته ف ام مايد وعايلته شرات قبل بس مب قادر لان سلامه مب راضيه تسامحه ومايد بالمثل وساره تحاول من بينهم بو حمده طلق ام سالم وما عندها احد تروح له ف استقبلوها ام سلوى وام مريم طليقات صالح حياة صالح وعياله وايد وايد تعدلت وصارت احسن وصارت قصة حب يديده فيصل يرمس فرح وهو يحبها بس هي ما تدري ودايم تفضفض له واما حمده حالها تغير من بعد صدمتها تبون تعرفون شو صار ف ابوها !!!
منصور : ميره حبيبي قلت لج ما ابييي
ميره : اخيييه انا ليش تزوجتك طلقني
منصور : وقسم بالله كف على عينج حلااااوه هييي
ميره : تعرف منصور
منصور : شووو ؟
ميره : ماا بغااا عمي يموووت عشان نتزوج والله صدق
منصور انصدم منها : ميييره مب زين
ميره : استغفر الله هههههههههه
منصور : قووولي الله يرحمه
ميره : هذااا نار جهنم من غير شي
منصور : ميرووووه
ميره : استغفر الله استغفر الله ههههههههههههه انزين نرجع لموضوعنا
منصور : هبله والله وقلت لج ما بنسمي رحمه
ميره : انزين انت جووووف قلت لك علييك الصبيان وانا البنات اباا اسمي رحمه ( يخخطون للمستقبل شو بيسمون عيالهم )
منصور : انزين ليش ها الاسم بالذات ؟
ميره : عشاان ترحمنا هههههههههههههههههه
منصور : اناااا الغلطان اللي قاعد وياج
قام وراح عنها
وهذووهم منصور وميره تزوجو اخيرا من بعد معاناه وما بجذب عليكم ندموا انهم تزوجوا بعض كل يوم ضرابه كل يوم بكل ساعه وبكل ثانيه ..



انتهى البارت


السموحه على القصور والسموحه لاني سرعت احداث القصه وكتبتها مب مثل ما انا حاطه ف بالي او مثل ما انا ابيي وان شاء الله ان شاء الله تكون عيبتكم و شكرااا للي شجعوني شكرا وايد وايد وترقبوو جديدي بالقصص الثانيه باي باي ههه




 

رد مع اقتباس
إضافة رد

مواقع النشر (المفضلة)

الكلمات الدلالية (Tags)
., 000, 45, ماسك, محمد, مسلسلات, معلقه, له, موضوع, مطعم, الله, الأولى, المواضيع, الاول, الانسان, الثالث, الباب, الثاني, الحمل, اليوم, الروح, السابع, السريع, الشعر, الوقت, الوكيل, اخبار, احسن, ارقام, اصدق, اكثر, بناتي, بنت, حل, يلا, حمدان, حلويات, جديده, خفيف, رقم, على, غرف, عشر, فلم, ههههه, نوم, ،, قلبي


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 08:42 AM.

Powered by vBulletin® Copyright ©2000 - 2019, Jelsoft Enterprises Ltd. , Designed & TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الآراء المطروحة بالمنتدى تعبر عن أصحابها و لا علاقة لصاحب المنتدى بها

تصميم : المصمم العربي .. Design By : www.araby4design.com