مركز تحميل الصور والملفات
 

العودة   ¬°•| منتديات نبـض الإمارات |•°¬ > ღ♥ღ النبض الأدبي ღ♥ღ > [ نبض القصص والروايات ~

الإهداءات

إضافة رد
 
أدوات الموضوع انواع عرض الموضوع
قديم 09-01-2014, 06:49 PM   #11
الحب لا يكفي احيانا
نبض اماراتي


الصورة الرمزية الحب لا يكفي احيانا
الحب لا يكفي احيانا غير متواجد حالياً

بيانات اضافيه [ + ]
 رقم العضوية : 24125
 تاريخ التسجيل :  Jan 2014
 أخر زيارة : 14-07-2014 (02:40 PM)
 المشاركات : 13 [ + ]
 التقييم :  10
افتراضي رد: روايه : حتي بمنامي تزورني فكل الاحلام ....الكاتبه : الحب لا يكفي احيانا



رديت ع شبريه المستشفى اصيييح شو اسوي ياربي ...شو الحل مع هالحياههه ...اكرررررهككك يا حاررربببب ...ابي اموت افتك من هالحياه ...بس هالياهل شذنبه يعيش بوسط ابو وامممم منفصلينن اذا طلبت الطلاق ..لالالالا مستححححيل اطلق ..شو الحل ياربي..صليت ركعتين ودعيت ربي يفرجج همي..كنت اتريا حد ايي يزورني يفرحني ابا انسى هالهم ..اتصلت لاحمد ايي ياخذني لحمدان ابي اجووفه ..هو الوحيد الي يقدر ينسيني همي ..عقبها بربع ساعه دش علي احمد وسلامه وكان ماسك ايديها ..استغرببت وعقبها دعيت بقلبي انه الله يسخرر قلوبهم لبعض ..
قلتله :يالله اتخرتوا ابا اسير عنده
احمد:بس دخيلج لا تميين اتصيح هو بروحه توه صايح ومب زين له الصياح ..وديري بالج *روححجج شوي شوي
قلتله ع طول :انزين انزين بس خذني دخيلك ..سلامه تعالي شوي ساعديني ابي اقوم

حسيت بروحي خبله بس ابي اجوفه..ناسيه انه في ف بطني روح قاعده تنمو..بس مايهمني دام ابوك مب معترف فيكك..مسحت دمعتي ورحت ورا احمد دخلنا الحجره جفته قاعده يلعب بايده ولمن رفع راسهه ركضتت لويت عليه
قلتله وانا مغبونه :الحمدلله ع سلامتك حبيبي
ابتسم لي ..:عذبه جفتتتييي يابوو حقي واايد العاب واحمددد اشترااالي السياره الي كنت ابيها ..انا وايد احبهه
كان ودي اصيح لمن جفت انهم لافين راسيه بس تذكرت كلام احمد
قلتله :انا زعلانه منك وااايد..جفت الي يلعب بالشارع شو يصيرله
قال وهو يلعب بشعري الي ظاهر :خلاصص مابلعب والله
حضنته ..وصديت لاحمد الي كان يطالعنا بحسره ..تجدمت منه ويلست عداله بهدوء

زخيت ايده:شوفيك احمداني
رد من غير مايطالعني:احسني كنت ظالمكم..ياليتني اقدر اعوضكم ولو شويه من الي سويته...غصبتج تزوجين ربيعتي وادري انج ماتبينه..وهذا الفقيرر مارحمته اااه
شهقت وحطيت ايدي ع جتفه :لا تقووول جيي حرام عليككك انته سندي من بعد ابويي
تنهد وغنض اعيونه جنه يقولي اسكتي الي فيني كافيني...
بعد يومين رجعنا البيت ..ماعرف كن من الوقت طاف ولا دريت كم من الايام مرت وخليفه ماسال عني..نزلت تحت الصاله مالقيت اميه تميت اطالع المكان الي دوم تيلس فيه يابوي،،وينك يابوي اجوف حالتي ..اجوف حاله دلوعتك ..ياليت اقدر اتم بحضنك واشكيلك كل مافيه داخلي ..ودي تمسح ع راسي وتقول يابنت حمد انتي اقوى عن جي ...اول مره احس ان بيتنا ثجييل..صحتت لين حسيت اني بعتمي وان دموعي عمرها مابصلح اللي بيني وبينك يا خليفه.،.
..طلعت امايه من االصاله *كانت اتبخرها ..فديتج يايمه شقى متحمله حياتج من دون ابويه..عقب ربع ساعه قالت لي ان خليفه اتصل بيي بياخذني..معقوله اسبوعين وانا هني ماسالت عني..الحيين ياي....تذكرت اني ابا انهي كل شي ببني وبينه ..دام انه مب راضي يتقبلني ولا ولده ..احبك خليفه والله احبكك بس شسوي ماعندي حل ثاني..
تفاجأت من صوت سياره خليفه دشت من كراج ونزلت وجنه حد فالسياره .. بس مب مبين ..
كنت مرتبكههه وارتجفت لمن دخل الصاله واقدم مني..
تشجعت وقلتله :شو تبى ياي الحيين !!!
خليفه:مابي شي بس ابيج اتيين وياي
صديت طالعته :لا اتعذبنيي دخيلككك ...شتبي مني دامكك شاكك فيني
مسك ويهي :شو تبيني اسويييي ...شو تبين اسوي اذا يتج رساله فيها تقول انه حرمتك مب حامل منككك ..قوليلي شسسوي
قلتله بانفعال:ادري انه كل هالشيي من حاررررب ...حارببب خدعني..انته ماتفهمممممم وانا ماحبببههه
حسيت ملامج ويهه تغيرت من طريت حارب،،،
مسك ايدي ويسحبني :لا تطريييين اسمه جدااامي ويلا جدامي ع البيت ..وهيه نسيت اقولج ابيججج تسلمين ع حرمتي شوااااااقي

شعور انه خليفه انه يقول كلام يغايضننيي بس..تمنيت حد يصفعني عسب اقوم من هالكااابوووسس..حسيت برجفه يوم جفت انه المطر بدا ينزل..نظرات خليفه الي كانت تلمعني..بس ها كله من مامن اني اعطيه كفف ع ويهه..حاولت ابتعد عنه وهو يسحبني الين السياره..دزني بقوه داخل السياره ..قعدت اصيححححح واصييحح واسبببببهههه واسببهههههههه وهو قاعد بمكانه يطالعني باشمئزاز .طالعت الي قاعده حذاله ...شوووق يا خليفه ؟؟؟....هذي الي خذت عقلك وقلبككك ..
صرخت وبديت اضربه :رجعني بيت امييييهههه ...مابتم عندكككك ولا دقيققققه !!!
فاجاني لمن قال وقف السياره ومسك ايدي:عبالج بموتتت عليييجججج ....كافي اني شواقيي عندي .تبين امج؟..تبينها تموت اذا عرفتتت عن سواااياججج،،،ووصلنا *مكان اعتقد شقه حاجزنها خليفه...ومسكني بايده وبايده الثانيه كان ماسك شووق الي ميته من الفرحه...دخلني غرفه وقفل علي الباب يلستتت اصييح عقب مابتعد عنيي..ظنيت كل الناس تكسرني الا انته يا خليفه !!!!رحت ادقققق الباب بينون واصره واقوله: *في شي نسيت تذبححههه بعد ماذبحتنيي يا خليفه "اشهق "نسيييتتتتت تذبححهه !!!،،
دخل علي وعينه علي ،،،،،
كملت :خليفه نسيتت تذبح شي؟؟،،،شي في داخلي اذبحه مابييهه!!،،،،،،،،شي لمن بيكبر بيذكرني فيككك !!،.....شي بيكبر وبيناديني ماما ،،،لازم تذبحهه مثل ماذبحتنيي،،،،،فكوووووني منه ومابي شي منككككك ....هذا الي داخلي منك مابيههه خلصنييي منهه
حضننننننيييييي وانا بعد اصيححح واقوله اذبحه مابيه ..ماابيه يشبهك ..مابي يذكرنني فيييككككك

عاشق وروحي في ودادك عشيقه..
جار بشرياني وساكن بالعظام..
إرجع دخيلك مغرمك جف ريقه..
مدرك عليه الموت ويعد الأيام..



 

رد مع اقتباس
قديم 11-01-2014, 04:30 PM   #12
الحب لا يكفي احيانا
نبض اماراتي


الصورة الرمزية الحب لا يكفي احيانا
الحب لا يكفي احيانا غير متواجد حالياً

بيانات اضافيه [ + ]
 رقم العضوية : 24125
 تاريخ التسجيل :  Jan 2014
 أخر زيارة : 14-07-2014 (02:40 PM)
 المشاركات : 13 [ + ]
 التقييم :  10
افتراضي رد: روايه : حتي بمنامي تزورني فكل الاحلام ....الكاتبه : الحب لا يكفي احيانا



وفاليوم الثاني شافها قاعده ع السرير بس بعدها مانتبهت له وسار يمسع دمعتها الي نزلت..من اول ماحط ايده ع عينهااا حست بشعور غريب مب مثل قبل ..لمسته تحولت الى خيانه غدر ..طعنننهااااااا
خليفه همس باذنها :اشتقت لج ..
عذبه خوزت ايدها وصدت الصوب الثاني تحس بخووف منه وانه الكلمه الي ظهرت منه مب من قلبه ..وع طول اذكرت شوق
خليفه :شحالج اليوم ؟
عذبه بعدها اطالعه مستغربه من وقااااحتههههه ..وبعد يسال عن اخباري؟
خليفه:عذبه شفيج حبيبي
عذبه حست ريلها مرتاح مع شوق من شكله ومحلو..حست بالخيانه واشتعلت النار ف قلبها وربي ماراح اسكت لك يا خليفه ..تذكرت كيف كان هادنها ف بيت اهلها وراح ياخذ عليها وحده..ومنو هذي الوحده؟اللي انه تبي تحرق قلبها فيها
عذبه بدون تعبير:ابي اسير بيت اميه
خليفه نزل راسه :هنيه مكانج عندي مب عند حد ثاني
عذبه باصرار:مابي اتم هنييي ..خسيي اتم هني معاك ومعاها
خليفه يتقرب منها:اشتقت لج يا عذبه
عذبه:خلكك بعيدد لو سمحت
خليفه حس انها مضايجه وهو عاذرنها هو بروحه مب طايق عمره..
سارت عنه تلبس عباتها تنتظر احمد عسب اييها وقالت له المكان التفت خليفه لاحمد يالي وقف مكان وعصب
احمد مفول:ولك عين بعد تيب اختيه ععندك ..وماخذ عليها شريجه ..
خليفه:احمد خلنا نتفاهم مب جي تنحل المشاكل
احمد عصب من الخاطر:هذي الي امنتك عليها جي تسوي ..اي تفاهم انته خليت فيها تفاهم ..خلها تركب ويايه
خليفه ماسك ايدها :واذا ماخليتها ؟..
شو بتسوي يا احمد
احمد:ماهقيتكك جي تخون الامانه ...
خليفه :عذبه بعدها ع ذمتي اظن محد له خص فينا ..
احمد:عذبه ماتستاهلك ي خليفه ..بتندم
ظهر احمد من بيت خليفه مغيض عذبه اول مره تجوفهم جي يرمسوون قبل غير كان يرمسون ويسولفون اليوم تغيرت معامله احمد لصديقه الروح بالروح خليفه ..عدى اليوم ع خير عذبه سارت غرفتها وخليفه راح عند شوق ..عذبه انسدحت ع السرير وتفكر شو بيصير لها على الايام اليايه

العصر كانت عذبه تمشط *شعرها وتسمع صوت التلفزيون شغال .. وطلعت تطالع منو برع وشوي دخل خليفه الي لابس نظاره شمسيه وشوق الي لابسه عباتها ومطقمه معاه بالنظاره ..ايون صوبها حسست بالناار تاكل يوفهاا كيف خليفعهيسوي بها جي ليش جرحها ماخذ عليها حرمه بدون ماتعرف ولا مسكننها معاهم
خليفه :السلام عليكم
عذبه ماعندها كلام ترد عليه او بالاحرى نست كيف يردون
خليفه : عذبه تعالي حبيبي
عذبه ماتجدمت ولا خطوووه ..
شوق:يلا حبيبي اتاخرنا
دشت عذبه داخل غرفتها قبل مادمعتها اطيحح ..
خليفه وهو يدش غرفه عذبه ويهد شوق واقفه بمكانها ،،،عذبه اطالعه الي كانت يالسه ع كرسيها الاحمر:نعم خليفه شتبي؟
خليفه :عذابي اسمعيني *الي صار صار ولازم نتقبل الامر الواقع..انا ياي اقول انه انتي وشوق بتسكنون هني
عذبه صرخت:تخسي هذي انا اعيشش وياهاا انته شو من البشرر
خليفه يمسكها من ايدها ..قاطعته:خليفه كل شي برضى فيه الا هالشي سامعنيي انا مابييك عفتكك سيررر لها
خليفه متقبل رده فعلها :عذبه انا عاذرنجج بس اهدي عشان الي ف بطنجج،،مابي يصير فولدي شي
عذبه *بطنازه:الحين صار ولدك ،،الحين اعترفت فيه
خليفه:عذبه مككن نتفاهم ،،"مسك ايدها ووقفها ويلس ف مكانها وحطها ف حضنه بس قامت عنه وراح تلم اغراضها
خليفه محرج:عذبه لاتستوين سخيفه
عذبه :لا يا خليفه انا مب سخيفه انته بعدك ماعرفتني زين...انا حقي ماسسكت عنه
خليفه:عذبه كبري عقلج
عذبه :عيل ليش انتهه ماكبرت عقلك يوم اتزوجت عليه ليش يا خليفه ليش؟ كل حد بيضارب مع حرمته يروح يتزوج عليها
خليفه ماهانت عليه عذبه :عذبه السبب انني
عذبه تصيح :انك شو ي خليفه شووووو..
خليفه:اني مابي اعصي امي...مابيها ترد تتعب دخيلج افهميني ..مب اني احبها تزوجتها
عذبه:خلاص عيل مابي اخرب عليكك حياتك ،،طلقننيي
خليفه عارف شو بتقول ومايبا يزيدهاا وهو حبها من كل قلبه وكانت له كل شي حياته،،روحه،،عمره،،ومازالت خليفه لوا ع عذبه بكل قوه والدموع ف عينه وعذبه اخس عنه تنزفف تحس قلبها بيظهر من مكانه تبا تبتعد عنه تبا تمنع قلبها انه يدق له بعد ماذبحه...

ف الصاله كانت شوق قاعده متملله ف حضن خليفه كان الجو هادي خليفه يمسح ع شعرها يموت عليها بس شيسوي
عذذبه حست ع عمرها وابتعدت:خليفه ودني بيتنا اذا تبا تسكن البيت مع زوجتك اسكن،،بس انا مابتشوفني...شلت شيلتها وعباتها وظهرت وعطت شوق نظره احتقار...اتصلت ف احمد مايرد عليهااا تمت تتصل عالكل مايردون عليهاا هي ماتعرف تسوق ،،اتصلت لعنود وكلمتها وخبرتها اتييها باسررع وقت بس العنود كانت محطيه سبيكر ف حارب سمعها وياهاا

حارب عرف مكانها ونزل :بس عذبه لا تصيحين مايستاهل كم مره قتلج مايستاهلجج
عذبه كانت مب فوعيها وتصيح ..حارب لوا عليها ماهانت عليه
خليفه عصب وحاس الغيره تاكل فواده ووضضضرررببب حارب ضرب ..حارب مسك عذبه من ايدها وهو يطالع خليفه:يالله خل نسير مالج تمه عنده ..عذبع استسلمت ليد حارب الي يارنها وخليفه طايح من بعد ماضربه خليفه وخشششمه ينززف..شوق لاحظت غيره خليفه ع عذبه بس ماهمها كل هذا كل همها تسحب خليفه لصوبها ويكون لها ووالملايين الي يملكها خليفه لها ...
شوق تحط ايدها ع خشم خليفه وبايدها الثلح:لاتحرك استريح خليفه ..خليفه مارام يجوفها يحس الغيره عما عينه خلاص بالحوي وراح..ف السيارت كانت عذبه تصييححح بحرررقههه وحارب يحاول يهديها ..ع كثر ماحارب كان يبا يدمر حبهم ع كثر ما كاسره خاطر ..وصلها بيتهم والي استقبلها حمدان..وفطيم الي عرفت بالسالفه

فطيم :بس فديتج مايستاهل تصيحين عشانه
حمدان:فطامي عذبه شفيها تصيح
فطيم تطالع حمدان:مافيها شي حبيبي بطنها يعورها..
حمدان:عذبه بس اكلي دوا بصح...يمسح ع بطنها..احينه بخوز
عذبه زادت دموعهااا وقعدت تمسح ع شعر حمدان"اهه ليته يخوز حبيبي"حارب الي واقف يطالع بحسرره وياب عنود عندها

شوق بعدها واقفه مب عارفه شو تسوي لريلها هذا ريلها الي خالتها قالتلها انه بيحبجج اصبري عليه..تركها وحيده وراح..دخلت الصاله وقعدت تتلفت *دخلت حجره خليفه شمله محد لانه السرير مرتب ..وين راح هذا بعد راح الصاله العوده وجافته *راقد عالغنفه يتذكر ايامه مع عذبه بس الي طلعت قبل شوي مايقدر يعيش بدونها
خليفه :والله احبجج
عذبه ساته ومستحيه منزله راسها...
خليفه يتقرب منها ويطالعا بعيونه الي سحرت عذبه :عذاببي
عذبه:لبيه
خليفه تخونيني.
عذبه خافت تطالعه باستغراب:ليشش!!!
خليفه :تاكلين ككاو وماتعطيني..ابتسمت له..باس خدها بكل رقه جذبته لضحكتها الي يستانس يوم يشوفها ...

"ذكرى ثانيه"
عذبه:خليفه حبيبي بقولك شي..
خليفه يطالع التلفزيون:قولي
عذبه تدلع: مابا مابا شو جي طالعني *..مابخبرك خلاص زعلت
خليفه مايروح ع زعلها بند التلفزيون:لالالا انا هني اضعف جدام زعلجج
عذبه:سير طالع المباراه اهم مني
خليفه :تخسسي المباره انتي اهممم شي بالدنيا ....يالله يالغلا قولي
عذبه *تلعب بشعره:فديت الشيخ .....امممم احببككك ...خليفه بالي كان مغمض يسمع شو بتقول حرمته نش من مكانه ولو عليها ...وهي تضحكك عليه لانه
كان يقرقطها وهو بتمووووت من الضحك

شوق بعدها واقفه تنادي خليفه اللي كان باله بعيد ...
شوق وهي خايفه:شفيكك حبيبي بسم الله *عليك
خليفه انتبه لشوف وقعد يمش دموعه:ماشي
شوق بتموت من الغيض :لهدرجه تحبها خليفه
خليفه محرج:لو سمحتي شوق لاتنسين عذب حرمتي الاولى واكيد احبها
شوق:انزين قوم بحطلك ثلج ع خشمك وعقب بنتفاهم..نش خليفه يغسل ويهه
........

فقدتك يا أعز الناس
فقدت الحب والطيبه
وانا من لي في هالدنيا
سواك ان طالت الغيبه
رحلت ومن بقى وياي
يحس بضحكتي وبكاي
وحتى الجرح في بعدك
يغزيني واهليبه
تصدق قد من حنيت
اشوفك في زوايا البيت
واسولف معك عن حزني
واحس ان انت تدري به


 

رد مع اقتباس
قديم 12-01-2014, 03:00 PM   #13
الحب لا يكفي احيانا
نبض اماراتي


الصورة الرمزية الحب لا يكفي احيانا
الحب لا يكفي احيانا غير متواجد حالياً

بيانات اضافيه [ + ]
 رقم العضوية : 24125
 تاريخ التسجيل :  Jan 2014
 أخر زيارة : 14-07-2014 (02:40 PM)
 المشاركات : 13 [ + ]
 التقييم :  10
افتراضي رد: روايه : حتي بمنامي تزورني فكل الاحلام ....الكاتبه : الحب لا يكفي احيانا



ام عذبه عقب ماعرفت انه خليفه تزوج على بنتها : حسبيي الله ونعم الوكيييللل *ماكفاااه يالي سواه ويغصبها تعيش عنده
احمد:والله لو مب عذووب جان ذبحته الهرم..
فطيم:اسكتوا لا تسمعكم عذوب وتضايج الي فيها مكفيها ..
احمد نش:انا بروح اتفاهم معاه هالهرم،..نش من مكانه وسار يلبس وتعصم ونزل ...
ام عذبه:بس يا احمد لاتروح ....
احمد:والله لارويه بادبه انا مسود الويهه اختيه مب رخيصصه ..كله منه انا السبب زوجته له ..ظهر من البيت محرج وشكله ناوي ع خليفه ..خليفه كان ف غرفه عذبه محطي ثيابها ع ويهه ويتنصصخ ريحتها..نزل احمد من سيارته ياللي صفطها ف الباركنات *وكان مفول ع ربيعه...شوق فتحت الباب

احمد لايعه جبده:السلام عليكم....
شوق:وعليكم السلام..
احمد:انتي حرمه خليفه
شوق مستغربه: هيہ نعم انا حرمته
احمد:وينه هوو
شوق:لحظه بناديه لك
احمد يرمسها باسلوب خايس:هذا بيت اختي ادل الدرب
شوق:هي بس البيت له حرمه
احمد احتقرها"طبعه عصببي":ادري له حرمه بس حرمته هي اختي ..انتي لاتقصين ع روحج واييد

شوق عصبت من رمسته وخافت منه وخازت عن دربه سار احمد فوق يدور خليفه ولقاه ف غرفه عذبه ..
احمد واقف فوق راس خليفه:يالنذل قوم ولك ويه بعد ترقد
خليفه فتح عينه ع صوت احمد ..استغرب من طريقته بالكلام
احمد:نشيت حبي"يصفق له" صراحه اشكرك باللي سويته لاختي
خليفه :بس بس يا احمد بس
عبيد:خليفه تتحراني بسكت عنك؟...لا تتحرا اني زوجتك اختي اني بايعنها لا!!!! هاي قطعه مني مستحييل اخليك تسوي فيها اللي تبي..هذي من لحمي ودمي
خليفه:وانا ياحمد وانا ربيعك
احمد:انته واحدد نذذل ..كيف اتيب حرمتك الثانيه ف بيت اختي ماتستحي ع ويهك
خليفه صج عصب:جااااااااااب اطلع برع
احمد:انا بظهر بس وربي لاخليك اندم
--------
عذبه :انتي ماتعرفينه *عهود عادي يجتل خليفه
عنود:لا اصبري ماعتقد يسويها
عذبه:فتح فونه"فتره"مايشيله
ريم:انا بدق له"ماييييررد"
وطلعوا برع يقعدون فالصاله ..جافةا مريم اخت خليفه يايه تراضي عذبه عسب ترد لبيتها

مريم:السلام عليكم
الكل:وعليكم السلام
مريم مسككت ايدعذبه:بعدك زعلانه ع خليفه
عذبه ااطالععها بالم:ااه *قولي بعدج تتالميين ..بعدجج تموتيين
مريم ماعرفت ترد عليها..

نش خليفه طلع برع الصاله وعقب سار دخل صوب غرفه عذبه اعتقد انه بيلاقيها وتزهب له الريوق مثل كل مره تنهدد وقال لازم اليون ايببها انا ماستحمل يوم بدونها ماعرف يتصل لمنو ؟احمد؟ بيعصب ومابيرضى يخليني اجوفها ..بس انا بكلمها يعني بكلمها..دخل حجرته لقى شوق راقده وتلبس وتعصم وشل سويجه ..

اما ف الحوي طلعت عذبه معاها حمدان وشافت سيارته تبركن حذال بيتهم وريحه عطاه شاله المكان..
حمدان راح يلوي ع خليفه يحبه وايد:شحالك حمدانيي؟
حمدان:انا زين عني خليفه..عمي خليفه انته ليش ماتيينا وايد
خليفه اللي كان كاشخ بالقوا :فديتك انا عندي شغل حبيبي
خليفه:شحالج حبي
عذبه تصد الصوب الثاني:الحمدلله ..انته شحالك
خليفه:اااااه تبين تعرفين حالي..حالي ولا شي دونج عذاابي"مسك ايدها"دخيلج ردي البيت حياتي ولا سي دونج..البيت مب طايقنه دونج
عذبه بحزن: انته اللي سويته مب شوووي...انته خذت عليه وحده بدون ماعرف..والله مب شوي
خليفه:هي زوووجتي بس ع الورققق..
قاطعته محرجه:لو سمحت خليفه..انا قتلتلك لو هي موجوده مابرجع

حمدان يطالعهم ويروح صوبها ويحط ايده ع بطنها:عمي خليفه لاتخلي عذبه تعصصب بعدين البيبي بيعصبب
خليفه يطالع حمدان وبرد يطالع عذبه بنظره الالم ..ردي عذبه خليني انا احط ايدي احسس بولدي..فجاه دخل ظهر لهم احمد الي عصب يوم جاف خليفه مع عذوب

احمد:ولك ويهه بعد اتيي هني
خليفه:لو سمحت احمد ثمن الفاظك اعتقدد عذبه بعدها حرمتي
عذبه بهدوء: احمد دخيلك خلني اتفاهم مع خليفه
احمد:بسرعه اطلع برع يالله عطني عرض اكتافك
عذبه:احمد الله يخليككك
احمد و هو ظاهر :مب عسب شي عشان خاطرج ولا هو مايستاهل ..وخذا حمدان وياه وعذبه تمت تصييح ...خليفه محتاار سار ولوا عليها
عذبه وعي تصيح :دخيلك خليفه والله جان تباني ارد طللق حرمتتتكك ...وتمت تصيح وخليفه عرف الغلطه الللي سواها وكيف كلام امه سوا مشاكل من بينهم...
خليفه مسك ذقنها:بس لا تصيحين ..كافي ماتحمل اجوف دموعج
عذبه حالتها حاله الايام وحاله عذبه من سيئ لأسوأ "اااه ي خليفه حياتي من دونك ولا شي" بس العصر كان عذبه مضايجه تحس بالم ف بطنها
سلامه:عذوب قومي بوديجج المستشفى
عذبه:لالا سلامه خليني قاعده برتاح
سلامه:قومي عن الدلع الزايد...خلينا نتطمن ع البيبي
عذبه التزمت الصمت تفكر بالبيبي للي بطنها كيف بيعيش بدون ابوه ..
في المستشفى كان سلامه تتريا عذبه تظهر تبا تعرف شفيها ..
سلامه:بلاج عذوب ؟شو قالت الدكتوره ؟..
عذبه تطالع برع :شو بتقول يعني
سلامه :زين انتي حامل وليش *جي غادي شكلج
عذبه عصبت:كيف تبيني اكووون ي سلامه والي ف بطني بتنولد وهي مب بين احضان ابوها ..."تصيح"والله صعبه صعبه
سلامه:انتي بتجابلينهم انتي *امهم..ارتاحي ..جوفي حالتي انا واحمد كيف كانت والحينن ..اصبري "ان الله مع الصابرين" لج الاجر
سلامه ابتسمت:يعني بتينا بنوته حلوه شراتج ؟وبخطبها لولدي هههه
عذبه حست بالفرح:ههههه والله انج سوالف ي سلامه ...

-----------------------
في بوظبي كان وحرمته هناك يسكنون بالشقه لانه يشتغل ف بوظبي وفالويكند ينزل دبي عسب يطمن ع عذبه
شوق:حبيبي كل هاي مسويتها بايدي
خليفه ماله خلق: مابي شي من ايدج
شوق انقهرت:انزين شرايك نظهر نتمشى
خليفه عصب:خلاص عاد شوق قتلج مابي شي
شوق اونه تتغلى:يعني انا عروستك وتزعلني ...وبالك عند هذيجج الي ماتسوى
خليفه صفعها كف:اياني واياجج تطرينهااا....سامعتني
وراح عنها....انزين يا خليفه وربي بتندم...


 

رد مع اقتباس
قديم 16-01-2014, 05:03 PM   #14
الحب لا يكفي احيانا
نبض اماراتي


الصورة الرمزية الحب لا يكفي احيانا
الحب لا يكفي احيانا غير متواجد حالياً

بيانات اضافيه [ + ]
 رقم العضوية : 24125
 تاريخ التسجيل :  Jan 2014
 أخر زيارة : 14-07-2014 (02:40 PM)
 المشاركات : 13 [ + ]
 التقييم :  10
افتراضي رد: روايه : حتي بمنامي تزورني فكل الاحلام ....الكاتبه : الحب لا يكفي احيانا



في غرفه عذبه اللي كانت متضايجه من بعد ماعرف ان اللي ف بطنها بتنولد بعد 5 شهور وهي مب عارفه مصيرها مع حبيب قلبها الي خانها قامت *راحت المطبخ تسويلها اكل لانها حست انها يوعانه..في الصاله شافت امها وسلامه وحمدان متجمعين
عذبه:السلام عليكم ..
الكل:وعليكم السلام..
عذبه تقعد يم حمدان وتلوي عليه:شحالك يا حلو .."تبوسه"
حمدان يجوف الي فايدها :شو هذا الي فايدج ؟
عذبه:هذا كيك حبيبي ..افتح حلجك القمك يلا يلا شاطر
حمدان مستانس انه اخته ردت تدلعه مثل قبل ..وحس انها بتم يمه مثل قبل
ام عذبه:ويديه عذووب ياهل جدامج مايعرف ياكل روحه
عذبه تبتسم:خليني امايه مشتاقتله ...
ام عذبه تصد لسلامه:ها اميه سلامه وين ريلج..
سلامه:راح بعد شوي بيرجع يقول عنده شغل مع ربيعه
ام عذبه محرجه:لا اله الا اله يا حمدان ليش جي توصخ ثيابك توك مبدلنها...عذبه تضحك عليه ويضحك حمدان وياها ...
عذبه تقترب من سلامه وببسمه:ماشااءالله سلامه عيبني العقد
سلامه بحيا:هذا هديه من احمد
عذبه فتحت عيونها:احللللللفييييييي!!!
/
/
/
احمد كاتم الضحكه:سلامممهههه تعالي بسرعه...الحقيي الحقيي
سلامه بخوف:شفيكك شصاير
احمد وقف ورا باب غرفتهم واول مادشت سلامه سكر الليتات ..
سلامه بخوف:احممددد وينكك ...احمممدددددد ..احمد بلا حركات والله بموت من الزيغه ...
احمد مسك ايدها نقزت سلامه اول مامسك ايدها وع طول لزقت فيه خايفه ..:اووش .ولبسها عقد الماس حلوو شكله ...
احمد همس لها :تعرفين عالايام اللي عشتها من دونج حسيت انه الدنيا ولا شي يا سلامه .."حط ايده ع بطنها"وهذا الولد الي بيرد يجمع قلبين مره ثانيه ..
سلامه حطت ايدها ع حلجه:اوووششش مابي منك ولا شي غير قلبك ...اهتمامك..حنانك..طيبه قلبك ..هذا اللي ابيه ..

حضنها وتمنى انه مايهدها ويقدر يعوضها عن الايام اللي قضتها وياه بدموعها وبغيرتها وبقهرها...
/
/
عذبه لوت عليها:فديييتججج تستاهليييين كل خير واحمد صج انه عصبي مرات بس والله قلبه ابيضضض شرات الثلجه...ان شاء الله هذا الولد اللي بيقدر يجمعكم مره ثانيخ وبتسمينه حمد ع ابويه ...

وعقب صلاه العشا دخل فطيم ويا بناتها عاليا وغاليا شكلها كان موتدنهم الدكان لانه كل وحده بايدها جيسه وشاقه الحلج..واميه تطالع التلفزيون ..
فطيم:السلام عليكم ...
غاليه:هالووووووو
اي صوبها واحضنها:عيوووون هالووو"خالوو"ههههه وفديت ثمج انا
ام عذبه:عذبوووو لاتوخيين مب زينننن...
فطيم وهي شاله عاليا يالي كان تاكل ككاو وموصخه ثيابها ويدخل احمد اخوي الي ياي من برع *وراح فطيم تبدل ثياب عاليا وغاليا *. لانها بتبات ف بيتنا اسبوووع لانه ريلها الي هو ولد عمي بيسافر لانه شغله جي

احمد.:شحالج عذوووب ..
عذبه:الحمدلله بخيررر دامك بخير وانته شحالك..
احمد يتقرب من سلامه:بخير دام عندي هالقمر
سلامه استحت وادر ايده:بس عاد استحي

عذبه:يعني اليوم سههههره كلنا متيمعين خل اقوم اتصل ف عنود اتيي..احم احم بناخذ عنك سلامه ..
احمد:لالالالا ممنوووع اصلا هيہ ماتعرف ترقد الا ع صدري
سلامه ذابت:احمممممدد ماعليج منه ...."قامت"بقوم اجهز لكم اكل للسهره ..نشي اتصلي لعنود ..
احمد عصب ع سلامه لانها قامت بسرعه:شووي شويي يوم بتنشييين جم مره اقولج ..
سلامه ابتسمت :ان شا الله حبيبي...

راحت عذبه تتصل ف عنود وقالت لها اتي تباااتتتت عندها ..وقضو يومهم من فلم لفلم واكل وشرب وحشره عاليا وغاليا وحمدان الي اول مره يسهر وياهم لانه متعود يرقد من وقت...الكل عرفت بحمل عذبه..بس الاهل الفرحه من سايعتنهم ..وتمر الايام وتمت خطبه هزاع وعنود بالاول عذبه ماكانت راضيه لانه ربيع حارب ويمكن يكون شرات طبعه ..فكانت تقولها استخيري وارتاحت *وهو ريال والكل يمدحه..اما حارب فكان مب سايعتنه الفرحه انه اخته بتاخذ اعز ربعه ..وهو مايبي يمنع حبهم
حارب يكلم عنود:انتي تبينه عنود..
عنود مب عارفه شتقول:والله ماعرف ياخوي انته تعرفه اكثر مني ..وتمدحه لي فليش مااوافق..
حارب ابتسم فرحان لاخته وربيعه بنفس الوقت *"الله يهنيج ويجعل لج حياه سعيده"..وظهر عنها ..
قعده عنود تفكررر بحياتها كيف بتكون مع هزاع..صح ماتعرفه وايد بس يمكن الحب ايي بعد الزواج ...
وتكمل عذبه حياتها بدون خليفه ياللي مايسال عنها انا عذبه المتعذبه بدونه ..كيف ماتسال عني ي خليفه لهدرجه ماهمك وخذتك عني شوق..
"ف غرفه عذبه"
عذبه:ماعرف شسوي ي عنود والله العظيم احس بخنقه ..احسه باعني مايبيني

ف بيت ام خليفه في الصاله تحديدا ف غرفه خليفه يتذكر ايامه مع عذبه *مشتاق لها مايقدر يوصف الشوق الي ف داخله ..كان احلى ايام حياته بينه وبينها وهي ماتصبر عنه وبعد هو يموت فيها ..

"ذكرى"
عذبه وهي بروحها ف الفندق خايفه..خليفه راح يبي اغراض للبيت لمن كان زعلان منها ويروح الجامعه ويرد اتاخر *وتمر ساعتين وخليفه بعده ماوصل عذبه صح خافت عليه تخاف يصير له شي بس خايفه تتصل وهي تدري انه هو مانعنها تمسك الفون ..قعدت تحاتيه نحس بغصه ضاربع صدرها وشري يتبطل الباب "امييه منو ها الي بطل الباب يارب سترك"
خليفه وهو يرتجف :عذذبه عذذذذذذبه.
عذبه ربعت لحسه:خليفه وين كنت ....والله خوفتني"تطالعه ببراءه"
خليفه وهو يقعد :شلي عني الاغراض ..
عذبه شلت عنه الاغراض واحت تسويله جاي يدفيه:هاك اشرب يدفيكك ....
خليفه بردان من المطر الي صب عليه:مابيه شربيهه رووووحجج
عذبه تطالعه بعبط:والله اشرها مب عليك عليه انا الي مسوتلك ......زين اشرب شوي
خليفه انسدح ع الغنفه:مابي عذبه مابي
عذبه:عشان خاطري
خليفه يطالعها:مالج خاطر عندي...
عذبه بهدوء:ادري مالي خاطر عندك بس اشرب
خليفه خذ عنها الكوب وشربه....
عذبه تتطالعه بحنان ..
خليفه:ادري اني حلووو
عذبه صد الصوب الثاني:اونك عاد صدقت روحك ..

الشي اللي قطع عليه حبل تفكيره بعذبه هو شوق اللي قاعده تقومه عسب يوديها بيت اهله ...
خليفه :هلا بغيتي شي...
شوق:خليفه اختتك تبيك ع الفون ..قوم يالله عسب توديني بيت اهلي من زمان ما جفتهم ..
خليفه من دون نفس:انزين انطريني ببدل وبييح
شوق:انزين خليفه انا مليت هني القعده ف بوظبي تملل خل نروح نسكت ف بيت عموو
خليفه بدا يعصب:انزين شوق خليني ابدل مو وقت هالمواضيع..
شوق تهدي الوضع:انزين حبيبي شوفيك هد اعصابك...
خليفه يتنهد:مافيني شي...
شوق:خلاص الي تبيه بيصير ولا يزعل هالحلو..
خليفه ماله نفس:يلا سكري الباب وراج..
ااههه انا بروحي يبت لعمري الشقاا ..ليش يا امييه تسوين في ولدج جي..."اطالع تلفونه"اتصل لها؟؟ انزين مشتاق يا ناسسس مشتاق..يمكن راقددده"مترردد..حاول يا خليفه لازم ماتخسرر قلبكك "يظهر رقمها ويتصل"

عذبه كانت توها بتحط راسها بترقد لانها تعبت اليوم..حمدان كان راقد يمهاا لانه خلاص تعود عليها من يوم هو صغيرر ..تمسح ع راسه "انتبهت انه فونها يرن"
عذبه بصوتها الرقيق:الو
خليفه:هلا والله يالي له القلب ينبض
عذبه ماعرف ترد مشتاقه لصوته ..
خليفه:دخيلج عذبه لاتسكرينه لاتعذبيني اكثر مما انا متعذب.
عذبه غصبن عنها:مع السلامه
خليفه :ليش تسكرينه انا ابا ارمسج متوله عليجج
عذبه:لو سمحت خليفه ابا ارقد...
خليفه حس باحباط:نووون العوافي والحاف الدافي ..
عذبه مب عارفه ليش مب رايمه تسكر...
خليفه؛انزين غنيلي ابا اسمع صوتج قبل ماتسكرين ..انتي عودتيني ع جي...
عذبه:مب لازم عندك غيري يسدونك ...
خليفه:والله ماتسوى ضفر من ضفورج..متوله حسي فيني...متوله ع بنتي ابي احط ايدي ع دطنج ابي احس فيها..
عذبه ماقدرت تتحمل:ليش خليفه ليش ...بس ابا افهم ليش..
خليفه ساكت مايرد...
عذبه:دخيلك خليفه انا تعبانه ..
خليفه:فديتج ليت التعب بعروقي ولا فيج..
حمدان:عذبهه صوتججج عالي خليني انام ..

خليفه اتمنى انه يكمل المكالمه مع عذبه بس هي سكرت ..وشكلها سكرت كل ابواب قلبها انه كان يعتقد انه ممكن قلبها يحن له ...بس ااااه ..وعذبه من طرف ثاني الي ماقدرت تتححمل وصاحتتتت وصاااحتتتت لين طلعت كل الي ف قلبهاا ..مهما قسى القلب لابد من انه يحن ..

يا زمن قاسي عليا يا زمن وش في ايديا
كنت انا اشكي لك حبيبي من جروحي اللي فيا


 

رد مع اقتباس
قديم 18-01-2014, 06:01 PM   #15
الحب لا يكفي احيانا
نبض اماراتي


الصورة الرمزية الحب لا يكفي احيانا
الحب لا يكفي احيانا غير متواجد حالياً

بيانات اضافيه [ + ]
 رقم العضوية : 24125
 تاريخ التسجيل :  Jan 2014
 أخر زيارة : 14-07-2014 (02:40 PM)
 المشاركات : 13 [ + ]
 التقييم :  10
افتراضي رد: روايه : حتي بمنامي تزورني فكل الاحلام ....الكاتبه : الحب لا يكفي احيانا



في بيت عذبه توها ناشه من النوم نزلت وهي لابسه مخوره كحليه وشكلها عذاااااااب تحت جافت احمد وحمدان مطقمين في اللبس صج يتشابهون طالعين ع ابوي ..لابسين كنادير بيض وغتره حمره ...
حمدان:عذبه تعالي جوفي احمد اشترالي كندوره يديده ...
عذبه ضحكت عليه:مشالله عليك حبيبي ...فديت هالجمال انا .."راحت تبوسه"صباح الخير احمداني
احمد:جوفي جوفي امايه جيف تبوس اخوها وانا ولد البطه السوده...
عذبه راحت باست ع خده....سلامه كانت توها نازله..
سلامه:اييييه وخري عن ريلي..اغااار
احمد يمسك ايدها ويسحبها صوبه؛فديت اللي يغارون...
احمد: انتي وين ياختيه من مساعه نرقبجج ...
عذبه :سوري والله راحت عليه نومه ..
احمد وقف بيروح الشغل،،.
امايه:وين ساير ماكملت ريوقك..
احمد:لا اميه متاخر"باسه راسها" *وراح يم سلامه وهمس لها:بشتاقلج
سلامه تطالعه باحراج لانه الكل طالعهاا.....وعقب ام عذبه راحت تسويلهم الغدا...

في بيت بو حارب
حارب الي كان لابس كندوره بيضه وغتره بيضه *ومحتشششر يبي حد يدخنه...
حارب:وينهاا بنتجج اللي ما منها فايده
ام حارب:انزين انته بلاك محرج اصبر يمكن بعدها تسوي المدخن
حارب محرج:انا من امسسس قايلها الساعه 8 تكون واعيه
عنود وهي يايه من حجرتها:انتي ماتعرف تصبر ..
حارب:انتي اصبري ان ماخليت ابويه يجلع وايرات النتت ..يلا بسرعه ايبي المدخن
عنود وهي ادخنه خايفه لا ايها كف يطير ويها لانها امس سهرانه تقرا روايات ...
ام حارب:سير انته لا ترفع ضغطنا...
حارب:انا الي بيرتفع ضغطي...الحين بخبر هزاع بقوله يخليج عيل فيه حرمه تنش الحين ..الناس يقومون من الساعه 5..
عنود *باندفاع:لالالالالا الله يخليك لا ...عقب حست ع روحها...اقصدد انا بسير اسبح ،،
حارب ضحك:حريم ماتون الا بالعين الحمرا...

طلع وعنود راحت فوق تتبلس وام حارب سارت تسوي غدا هي بعد لانه اليوم بيتغدون كلهم في مزرعه بو حمد ..عنود لبست لها مخوره خضرا وعليه ورود بنيه واتصلت ف توام روحها عذوب ..
عذبه:الو
عنود:هلاوالله ..شحالج..شخبارج..شعلومج
عذبه تضحك:شوي شوي عنبوه بلعي ريجج
عنود:قل اعوذ برب االفلق..الموهم ماعلينا متى بنظهر للمزرعه .."وقفت حذال الدريشه جان تجوف اخوها حارب مع حببيب القلب"
عذبه بتكمل لكنها شهقت؛اااااه ي قلبي ...قلبي بيطلع من مكانه
عذبه:شفييججج يالخبله خرعتيني..
عنود:جوفي جوفي والله انه غرااام وعقال وحركات...
عذبه:هههه تستهبلين وين اجوف..لايكون حبيب القلب الي تهاذين به اربع وعشرين ساعه
عنود:اسكتي خليني اتامل في الجمال...
عذبه:والله مامنج فايده ههه تعالي عندي ونسيني شوي فطيم اختي ظاهره من امي تزور حرمات ...
ام حارب تدخل عليها ،..:وانا من مساعه ازقرج عسب تنزلين نجهز الاغراض
عنود خافت:انزين امايه بلاج قولي لا اله الا الله ..قاعده ارمس عذوب *تسلم عليج"تخرط"...
ام حارب:وفديتهاا هاي البنت مامنها اثنين ..هب انتي فاختنها رقاد...يالله انزلي ..بعد ماضحكت عليها عذوب انه امها هزبتها سكرت وراح كل وحده تتجهز..


في بيت خليفه
خليفه توه موقف سيارته عن مظلات بيتهم وحدر هو وهند الصاله الي كان فاضيه..
خليفه:اصبري بزقرلج امايه ..وسار برع صوب المطبخ وشاف ابوه وسلم عليه وقاله انه امه في المطبخ تسوي الغدا ..في هذي اللحظه دخلت مريم اخت خليفه اللي تفاجات بوجود حرمت خليفه الثانيه مب عذبه ..
مريم:السلام عليكم
شوق وهي توقف تبتسم:وعليكم السلام ..وايهت مريم
مريم بدون نفس:شحالج شوق
شوق:الحمدلله بخير..حدرت عليهم ام خليفه
ام خليفه استانست بوجوده حرمت ولدها:هلا حبيبتي
شوق:هلا فيججج خالووو"وايهتها"
ام خليفه؛استريحي فديتج البيت بيتج...شخبارج وشخبار خليفه وياج..
شوق نزلت راسها عسب خالتها تعرف انه الامور مب زينه وياها هي وخليفه:مب بخير خالو ..
مريم :وين بيكون اخوي بخير وانتي وياه
ام خليفه حرجت ع بنتها:قتلج انتي اطلعي برع السالفه..انا اعرفه ولدي هو يحبج بس يباله وقت..
شوق تطالع مريم بنظره البراءه:ادري انج تكرهيني"تصيح"وماتبلعيني ..
مريم:صج مابلعج "راحت حجرتها"
ام حارب الي قعدت تهديها...وتقولها شو تسوي عسب تلفت انتباه خليفه ..دش خليفه الي اتفاجأ لمن سمع امه تقول لها :لمن يفكر فيها ارمسي وياه ..لاتخلينه يطلع مكان من غيرج ...ايبيله ولد عسب تضمنين حقج..
شوق بدموع التماسيح:عموه انا اسويله كل شي..هو مب معبرني

خليفه:شو تبين تسوين اكثر امايه ...شو تبين اكثر من انج بعدتيني عن اللي احبها

ام خليفه انصدمت :هذا كله عشان ماتروح بعيد عني...من تزوجت هذيج وانت كل المشاكل ع راسك ..تتحرانا مانعرف

خليفه :لو سمحتي امايه لا تدخلين بيني وبين حريميي..شوق يالله سيري غررفتج

شوق خافت وع طول راحت فوق للغرفه..بينما خليفه ظل يتهاوش مع امه وماحب انه يطول السالفه لانه ملل من كثر مايعيد ويزيد فيها وقررر انه ايبب حبيبه قلبه عنده لو يدفع عمره كله..


في هذا الوقت كان خليفه يتجهز ينطر شوق تخلص عسب يوديهاا بيت هلها..انتظر وانتظرررر راح لها فوق بطل الباب ..

....:انا قتلج بترياج يومين اذا ماطلقهاا راح اتجوف شي عمرج ماجفتيه
شوق:اصبر علي يومين بس يومين وراح تسمع انها اطلقت ..الله يخليك اصبر علي
...:واذا ماطلقها صورج بتنتشر كل مكان يا حلوه

انصدم ؟ انصصعق..هاي منووو تكلم ..منو اللي يطلققق ...تقصدني انا وعذبه ..لالالا ماعتقد *انها تقصدنا ..الف فكره وفكرههه يت ف باله حس انه بينهاررر من طولللله ....طلعت شوي الي ماكانت مقصره فل ميكااااب وعباه مفتوحه ...وطول الدرب كان ساكتين ..يفكرررر شوق منو تكلم ..انا شو يخصني بالطقاق هي واللي تكلمه..اففف والله حاله ..هاي الحين عرضي ..يعني شاله اسمي ..صد لها كانت مب منتبه له وكانت مرتبكه..
وصلها وراح لبيت عذبه ...

عذبه كانت الي كانت توها بتركب السياره ..زخها
خليفه ولهان بالقوو:شحالجججج عذبه
عذبه تطالعه:الحمددلله ...
خليفه ماجافت حد يمها زخها وركبها سيارته:هدد ايدي خليفههههه ..شو تباا مني
خليفه من بعد ما ركبها :انتي بتينن ويايي،..هذا مب بيتج بيت عندي ...بقربي
عذبه بخوف وتصارخ:وقفف السياره خليفه ...مالي مكان عندككك ...
خليفه مطنشنها وادق جتفه بقو:قتلككك ردني البيتتت ..وصل لين البحر نزل ونزلت وراح
عذبه:ليش يايبني اهني ..رجعني البيت مابيك انته ماتفهم
خليفه يصد لها ويمسك ذقنها:انتي لي ماتفهمين ...بس تعبت من صدج وجفاج ماعدت اتحمل..انا احببججج يا عذبه ا ح ب ج
عذبه تنزل دموعها: بس كافيي ياا خليففه ..كافي جذبب منك اللي ياني منك يكفي ...
عذبه بدت تحس بالام ف بطنها :ااااااااه
خليفه خاف ومسكها قبل لا اطيح؛عذبه عذبه
خليفه :عذبه حبيبي ردي علي شفيج حبيبي"وهو يرد خصلات شعرها الي ظهره عن ويهها"
خليفه اتروع عليها مالقى حل غير انه يشلها وركبها السياره وع طول المستشفى..واتصل لاحمد
خليفه:ها دكتوره شسالفه
الدكتوره:لا الحمددلله ماتخاف ..بس هي لازم تنجنب اي ضغط..نحن بنتريا ساعه لين ترتاح شوي
الدكتوره:ادعي لها ..ان شاءالله بعد ولادتها بتخف عنها هذي الالام وبتيبلك بنوته مثل القمر
خليفه حس انه هب رايم يشل يتحمل اكثر عن جي..وسرح عن الدكتوره..عذبه بين الحيا والموت ..ماكان فيها شي والله ماكان فيها شي...يالله يارب ترحمني وتسهل عليها باجي الايام.وفهالوقت وصل احمد *وقعد حذاله ماكان له خلق انه يتضارب معاه لانه خذ اخته بدون لا يقولهم ...خليفه كان يبا حد يواسيه كانننننن خاييف موت عليهاااا ..دق احمد لامه ويات المسكينه هي وام حارب يتخبرون عن حاله عذبه الي للحين مب عارفين ليش ماطلعوها...

مر ع خليفه يوم صعب وعذبه الي طلعها *ويابها هي وشوق يسكنون عنده ..بس كل وحده بغرفه روحها..خليفه يروح يبات عند عذبه اللي ماعطته فيس لانه كانتت تتالم وايدد منه ع تصرفات شوق وياه ..وفي اليوم الباجر شوق حبت تخلي خليفه طول الوقت عندها كاننت تتحجج انها تبي تسير بيت اهله ..ويوم يطلعها تقول انه بخاطرها تاكل من المطعم الفلاني ولا تبا تسوي شوبنق من هالمحل،.خليفه فكره مب وياها بس ماحب يضارب ويااها وكل تفكيره كيف يراضي عذبه..وشوق مايسويلها سالفه ..يوم الاحد السااعه 11 شوق ظهرت من حجرتها وراحت حجره عذبه ..استغلت الفرصه لانه خليفه بالدوام حدرت حجرتها بدون مادق الباب

شوق ابتسمت *بعد ما عذبه طلعت من غرفتها وهي قاعده ع الكرسي وشعرها رافعته بقباضه ..
شوق بغرور:السلام عليكم
عذبه رفعت راسها ورفعت قصتها عن ويهها:وعليكم السلام.."شعور عذبه يوم اطالعتها كان بيذبحها غيره اجتاحت قلبها ..شعور يقتل بس نبضات قلبها الي عورتها حيل"!!!
شوق:شحالج عذبه
عذبه وهي تحطي الكوفي ع جنب وتيود بطنها:الحمدلله"عذبه الالام ماقامت اتيهاا اللححمدلله"
شوق تتجدم:عذبه انا...
عذبه:انتي شو يا شوق..
شوق:انا يايه اكلمج بموضوع ..عن خليفه...ماتحسين انه خليفه حاله تغير
عذبه ببرود:انزين شو اسوي"بررررود فظيع"
شوق:تغير علي ..قبل كان يدلعني يطلعنييي وين ما ابي..
عذبه تقاطعها:لا يكووووووون السببب اناااا ...
شوق:هي السبه انتييي ..ممن يوم ماتزوجتيه وولد خالتي ماتهنى ..مشاكل صوب اهلج وانتي بصوب...
عذبه عورتها الكلمه:منو انتي عسب تقولين اني انا اسوي مشاكل له ...لو ماشفق عليج جان ماخذج ولا انا اعرف قلب خليفه عدل
شوق:انتي ماتعرفين بالقلووب عذبه..ومنو ماخذه قللبه..انتي اصلا ماتحبينه..مادري ع شو خذج..وحبيب القلب حارب اللي طايحتلي غراميات ويااااااااه ..عبالج محد يدري *بسوالفج ...

عذبه *حست بالام مره وحده وهي تطالع شوق حارب؟ هذا شعرفها بحارب ؟ *وهم واقفين بنص الممر يرمسون بصوت عالي حتى ام حارب طلعت تتطالعهم ماعرف تهدي منو ولا منووو ... *

عذبه انفجرت حرججججتتت:اخررر شي اسمحلج تتعبثين فيه مشاعري صوب خليفه...ماراح اسمحلجج ...وحارب قبل مايكون حبيبي ع قولتج يكون ولد خالتي....
شوق جافت بعيون عذبه نوع من الغضب *ماعرفت شتسوي...وهي كل همها انهاا ادمرررر حبهم..في هذا الوقت خليفه كان داخل البيت وسمع حسهم وهم يتفاتنن وربع صوب الممر

خليفه:بسسسس انتي وياها...وي يتجدم صوبهم ...
خليفه:منو حبيب قلبها !!
شوق:صراحه خليفه انا قبل ماتيبها هني هي كانت تروح بيت خالتها تتحجج انها تزور خالتهااا *وهي تزور حبيب قلبها ...
عذبه تجدمت وصفعتتتتت شوقققق طرااااق ....ومسكها خليفه وهزها ....بعدججج ع سوالفجج ..بعدجججج تحبييينههه ..ليشششش ليششششش انا شسويلتججججج عسب تسوين كل ها ...حبيبتججججج ورزييتججج ...عذبه طاحت تصيححح ..تبي تداااافععع عن روحها بس مب قادره ..خليفه اكيذ بيوقف ضدها من بعد ماسمع عنها هالاشيااء..حسبي الله عليج يا شوووق..


عذبه والدموع تنزل:لا تصدددقهاااا *لاااا تصدقهاااا ....والله ماسويت جيي
خليفه مسكها من جتفها بقو لدرجه اظافر ايده انغرست فيها وعطاها طراق من الخااطرر وطاحتتت ع الارض.....وبدا الدم يطلع من خشم خليفه ...وشوق فيها ضحكه بس كاتمتنهااا عسب تكمل المسرحيه ...
خليفه تقرب منها :انتي طالق عذبه ...


 

رد مع اقتباس
قديم 24-01-2014, 10:30 AM   #16
الحب لا يكفي احيانا
نبض اماراتي


الصورة الرمزية الحب لا يكفي احيانا
الحب لا يكفي احيانا غير متواجد حالياً

بيانات اضافيه [ + ]
 رقم العضوية : 24125
 تاريخ التسجيل :  Jan 2014
 أخر زيارة : 14-07-2014 (02:40 PM)
 المشاركات : 13 [ + ]
 التقييم :  10
افتراضي رد: روايه : حتي بمنامي تزورني فكل الاحلام ....الكاتبه : الحب لا يكفي احيانا



لحظه صمت ...كانت من بين خليفه وعذبه اللي انصدمت من الكلمه اللي طلعت منه..خليفه كان معماي شل بعمره وراح وشوق لحقته ..ليش طلقني؟...شو الذنب اللي سويته ..ليشششش خليففه ليييش؟؟...اتسااااننننندددددددت ع باب غرفتها وقعدت تسال نفسها الف سوال ...ليش اللي يحب ويوفي للي يحبه ينتهي حبه بهالطريقه ..ياكثر ماعذبتني يا خليفههه وانا اسااامحكك ..لين متى ؟..عذبه خلاص قلبها نزففف من الي سمعته ..دخلت غرفتهااا وهي عيونها ممزوره دمووووع ماتبا تصيحذوبه ماتبا تنزل دمعه من عينها يودت عمرها وهي تلم اغراضهاا من الكبتتتت ..انا خليفه تقطططعع قلبه مليووون قطعه *ليش عذبه تسوي جي؟...ليش جي نهايه حبناااا..اطالع البحر وقعد ع السيفه ....قعد يتنفس بسرعه والدم ماوقف وتلفونه ماوقف من اتصالات شووق وهو مب معبرنها..يحس رووووحه مخنوووقق"بعد ماحبيتج واغليتتتجج من بعد ماصرتي مل دنياي اللي اعيشها تخونيني...ظل يشكي للبحر همه جنه يقوله خذ همي يا بحرر وريحني..

في هذا الوقت
عذبه:الو احمد..
احمد:هلا عذوب..
عذبه تتنهد:تقدر تمر علي اتوديني بيت امايه..
احمد باستغراب:شفيج عذوب؟ صوتج مايطمن ..وين خلوف؟
عذبع اتوهقت : اااا لا بس حبيت اطمن ع امايه ..خليفه عنده دوام
سلامه خافت:بلاها عذوب..
احمد:يلا الحين ياينججج ...مافيها شي ..وسكرر وقام من مكانه ولبس كندورته وتعصم عالسريع وشال تلفونه وظهر السياره وسلامه وياه ع الخط لانه شكله مايطمن وخايفه ع عذبه حس فيها ..

خليفه بعده قاعد ف سيارته ويفكر بالي صار خس انه ظلمها يوم طلقها ويحس ان مغموت وقلبه ينبض بشكل فظيع هو مب عارف بنبضه ليش شي يدق تذكر ملامحها الحزينه نظررررتها اللي تذذذبحححه نظرره الحزن الي دوم ف عيونها *تذكر الويه الناعم رحع راسه ع ورا وبكل قوه تنههدد بحرررارره اول مره يحس جيه احساس *بحس بلوم وبلوعه شوق تشششتتت ...

مره اليوم صعب على خليفه وعذبه ..خليفه رجع البيت مالقاها حتى ريحتها اختفت من الحجره *يحس انه الجناح موحش ومظلم من دونهااا يفكر فيها يوم ادش عليه وادخنه واتغتره ببرائتها ..يجلب عيونه في الغرفه طاحت عيونها ع صورتهم المعلقه في اليدار ..وعذبه في حاله اخسس عنه انفجججرت عذبه بعد ماحسست انه لازم تطلع اللي ف قلبها ومارضت تقول لحد انه طلقها الين ماغففتت عينهاا..


شـلـت بـقـلـبـي شـيـل الـهـمـوم .,.,.,.,.,.,. مـتـى انـا مـن الـحـب بـرتـاح
لـا راحـه لـا نـسـيـان لـا نـوم .,.,.,.,.,.,. سـهـران أنـا والـيـل صـبـاح
مـن نـور وجـهـك عـشـت مـحـروم .,.,.,.,.,.,. يـا بـو جـبـين وخـد وضـاح
ومـهـما اسـوي دوم مـذمـوم .,.,.,.,.,.,. أسمـع كـلـام و قـول جـراح
لـي بـحبـك صـرت مـلـزوم .,.,.,.,.,.,. شـلـيت مـن أيـامـي الـافـراح
عـايـش أنـا وسـط الـشقـا دوم .,.,.,.,.,.,. فـ القـلـب لـا فـارق و لـا انزاح
لـكـن هـذا الـحـال مـا يـدوم .,.,.,.,.,.,. بـكـرة أنـا بـنـسـاك يــا صـاح

في مكان ثاني في دبي والشباب في الملجه ومرتبشينن من الخيمه وساروا صوب الكراسي والساحه الي ايولون فيها الشباب عسب يشوفون اليوله..
حارب:هزااع طالع طالع الشيبه مستانس
هزاع يطالع :الله يحفظهم
حارب:اتحمل من اختي عاده الحين هاي الدلووعه في البيت ماوصيككك
هزاع:مايحتااااي ياخووووي في عيووونييي

في الصووب الثاني عنووود كانت مب راضيه تسكت من الصياح..عسب اعز ربعها وبنت خالتها اللي ماحضصرت ملجتها..
عنود تشاهق:المفروض ماتنسى هاليوم ...
ام حارب:ماعليه يا اميه يمكن البنيه انشششغلتت
عنود صدت الصوب الثاني *وكملت صياحهااا ....
عقب الملجه الكل روح ع بيته الا واحد الي قاعد ع نار يبي يجووف الي خذت عقله ..

هزاع وهو يقعد حذال عنود بتوتر:مبروك يا عنود..
عنود وهي بتموت من المستحى:الله يبارك ف حياتك
هزاع يمسك ايدها بحنان *مبهت يطالع هالجمال :ماقدر اقول غير الله يقدرني واسعدججح ويحفظج لي..صج اني مابقدر اوفيج حقج بس اشكر الله انج من نصيبي ..
عنود *نزلت راسها وماقدرت تنطق بولا كلمه ..هذا الانسان الي رسمته ف بالي؟..الي اتمناه يكون فارس احلامي...

بعد خمس دقايق عنود بدت شوي شوي تاخذ وتعطي ويااااه وبدت تنسى ضيجهااا شوي وعقب ماخلصوا حارب ياه وخرب عليهم ...

حارب:خلاص قوم سندريلا *لازم تروح عنك..
هزاع يطالعه بنظرات ترجي: ههه انزين بس خمس دقايق ..
حارب مسك هزاع من ايده :يلا ماعندنا بنات يسهرن لانصاف الليالي هههه...


الساعه 2 وربع خليفه يطالع التلفزيون *ويطالع شوق الي قاعده تدلع جدام المنظر وتمشط شعرها وتطالعه من الجامه ...وسرح بتفكيره ف عذبه شوق هنيه غارت وقامت من مكانها وسارت صوبه ...
خليفه بدون نفس:بترقدين ؟
شوق بدلع :هيہ ومابي ارقد الا فحضنك ...
خليفه ابتعد وبجديه :ممكن اسالج سؤال وتردين علي بالصراحه ،،،
شوق:انا كلي لك ...
خليفه:الكلام الي قلتيه عن عذبه ....صج ولااا !!!
شوق بتوتر :....
خليفه؛بلاج احسبج متوتره ....
شوق:لا ليش اتوتر ..
خليفه :هيہ؟..مب متوتره ؟؟"يطالعها بنظره"
شوق وقفت وراح تبا تبطل الباب لانها ماستحملت اسئلته ...
خليفه مسكها من ايدها ولصقها فاليدار: شوق شو قصدج انه حرمتي راحت بيت حبيبها ،،،،
شوق اتنرفززت :لاتقوووووول حرمتككككك ....انته طلقتهاااااا خلاصصصص ....
خليفه دززهااااا ع الارض: هذي حرمتي انا رحت ثبت الطلقه في المحكمه "رفع ايده " مو هذي صورتج مع حبيب القلب ....شككككككثررر انتي وقحححححه ووووصصصصصخهههه "وعطاهاااا كففف من الزينننن"تفففففف عليججججج وعالساعه الي تزوجججحتجججج فيهاااااااااا "مسكهاااا من شعرهااااا ونزل فيهاا لين باب الحوي....وام خليفه سمعت صراخ خليفه وجافته هو يسحبههههااا ..

ام خليفه :لالالا يمه خلهاا حرام عليك هذي حرمتككك "تحاول تفجج بينهم" ...قولي شسوت شسوت ...
خليفه يصرخ وماسكنها من رقبتها:هذي اليوم ماتباا في البيت ولا دقيقه ...يا وصصخههههههه

شوق الي تصرخ وتصيح عقب ماككككشفهاااا خليفه وعقب الي سوته ونفذت كل طلبات حارب لانه كانت تحببه وكانت وحده من اللي يلعب عليهم حارربببب..شوق خافت منه كانت نظراته تخوف وهو يطالعها بذيح النظره الحاده اول مره حي تجوفه معصب ...

خليفه احتقرها:اغرااااااضضضج بتوصلج لين بين هلج "وهو يرتجف من العصبيه *ورفع ايده يبي يضربه" ولا اقول مابي الوث ايدي بوححدده شرااااتججج



خليفه يدزها برع البيت:انتي طالق طالق طالق


وتمو الايام وعذبه ردت تدرس من بعد ماعرفت انه محد بينفعها وظلت تساؤلات اهلها عن خليفه وجوابها يكون (مسافر عنده شغل...ظاهر ويا ربعه) ..عذبه مكسينه من الظييجج حبت ترجع تكمل دراستها وتسلي عمرها ومرات يكون الحمللل يتعبها وخاصه انها ف اشهرهاا الاخيررره *..بس عذبه مب مثل اول تضحك وتسولف والي زاد ضيجها من بعد مازعلت عليهااا عنووووود ...بس محد ملاحظ التغييرات لانه التغيرات هب خارجيه التغيرات داخليه تحسس بوحده الي لاحظت عليها هي سلامه لانها ماتفارجها ابدددد *كل حركه وكل رمسسه تقولها عذبه كانت جاففه مافيها اي تعبير وصارت قليله الكلام ..وكانت خايفه انه اهلها يعرفون انها اطلقت بس الله ستر غطت ع عمرها وماسالوها بشي لانها دوم تيلس بغرفتهااا.. وتحسسس بعوووقق فظظظظيييععععع ...وقفت تمشي يمكنننن الالم يرررروووووحححححح ...طلعت للصاله مالقتتتتت حدددد يلست عل وعسى يخف الالم ..صرررخخخختتت باقووااا ماعندددهاااا ...

عند الدكتوره كان واقف يستفسر
الدكتوره:السلام عليكم وينه زوجها "يجلب عينه صوبهم"
احمد يوقف له:هلا انا اخوها
الدكتور مايبششر:خويه لازم اختك تولد الحيننهه نبا توقيع زوجها لانه حالتها ماتسمح لنا الانتظار
ام عذبه:ويديه بنتييي"يلست تصيح"
احمد:بس امييه اسكتي
الدكتوره:لازم نسوي لها عمليه..في الفتره الاخيره انخفض عندها الضغط ..ولازم نسوي لها عمليه ونولدها..
وبعد دقيقه خليفههه وهوو يرككضض والدمعه بعينه لانه راح البيت وماحصلهم كان يبا يراضيها والخداامه خبرته انه راحو المستشفى..
خليفه يتقرب من الدكتوره:وين حرمتي دكتوره؟
الدكتوره شرحت له الموضوع:القرار لك خويه..واذا قررت تعال ليه المكتب عسب نسوي العمليه
ام خليفه اللي يات ورا ولدهاااا وقلبها متقطع ع حاله ولدهااا :ياولدي خلاص سوي العمليه ..حرام البنت تتعذب جي
خليفه:ماراح اسامحج يا امايه اذا صار فيهاا شيي
خليفه نزلت دمعته ومسحها ع طول:وسرح يوقع عالاوراققق للعمليع لانه حاله عذبه ماتسمح انه تقعد ازيد عن جيي

سبحان الله كيف الحال يتغيررر بدقيقه..
ام عذبه:ها ياولدي بشر
خليفه يقعد وكله هن باين من عينه :احينه بيدخلونها غرفه العمليات

احد قعد صوب خليفه.. وعطول خليفه حطى راسه عجتففف احمد "اااه الحينه لو انا هب متزووج جان بتصير جي حياتي...لو خذت غير عذبه احينه بتصير جي حياتي؟..لو انا ماخذت شوق ع عذبه بتصير جي حياتي؟..مسكين خليفه قام يوسووسس هب عارف شيسوي...وفطيم ماذيه امها كل شوي تتصل تبا تعرف عن حاله اختهااا ..مرت ساعتيين بتحدديد وماطلعووو عذبهه

مايتم شي ع حاله في يوم واحد لازم تتغير الامور من زين لشي والا العكس... والا يتم هذا الشي ع حاله بس يمكن يخف عن سابقه..هذا الي صار لعذبه ارتفع عندها الضغط فجاه بحكم انه ولادتها كانتت صععبهه...وطبعاا المستشفى اشتتتل بكبببرررع لاسعافعا وامها عمتها قاعدين برررع غرفه العنايه المركززهه يدعووون لرب العالميننن ان يخفف عنهااا ويهون عن بنتهم الي قاعده تصاررررع الموووووت وحمدان ماوقفف من صياااحهههه واحمددد نفس الشي *هب رايمين يوقفون مكان واااحددد ...وخليفه جنه بعالم ثاني مب رايمين يشلل ريلههه *هب مصددق الي يصيررر...وراح صوب غرفه العنايه *فتح عينه عالاآخر كانو يسووون لعذبه هذه الصدمه وهو ع كل صدمه جنهممممم يقطعوووووووون قلببببهههههههه ...رفع ايده يدققق الباااااابببب *قلبه عورررره وعذبه ترتفع ع كل صدمه يسونها بصدرهااااااا وشعرهاا متنااااثررر ع الشبريه نززززلتت دمووووع خلييييفففه وهو يسمع دقاااااق قلبببب عذبههههه *بالجهااز""لالالالالالالالللا"كان يصرررخخخخ خاطررره وده يسير لهمممم ويقول لاتعذبوووون حبيبتيييي لاتعذبوووون ام بنتي لاتعذبوووووونهااا .....عذبوووونييي انااااا خذو روووححي لاتبهدلوووونهااا . يارب ترحممها برحمتككك...انا اسف عذبه لاتخليني...صار شرات الياهل يصيحح وقعد عالارض ودموعه ماتوقف
اسوأ شعور بالدنيا ، انك تحس الانسان اللي صج تحبه
وله معزهہ كبيرهه ، انك بتفقده

..رفع راسه وهو يسمععع صوت صياح ياااااهللللل ...طلعت الدكتوره تبشره

الدكتوره:مبروك ياتك بنيه مثل القمررر
خليفه مثل اللي مب مصدق اذا هذا كان حلم ولا علم وقف:دخيلج عذبه بخيررر ...قوليلي انها بخيررر
الدكتوره:الحمدلله تطمن حرمتك بخير ...بس هي الحين تحت تأثييير البنججججججج ...دخل لها الغرفه من بعد اصراارر طبعا استقرت حالتهااا وخليفففه الفرحه هب ساعيته يعني عذبه بخييييرررر وبشروه انها يابت بنت مثل القمر مشالله وهو ع طول سرح صوب عذبه ودخل لها الغرفه ...وشافها راقددده مثل الملللاك وشعرها المنتثر ع كبر الشبريه لانه طول وهي مب حاسه بوجوده شكلها تعبااااان والتعب محلنها....تقرب منهااا مشتاااااقققق من بعد ماكان يحس انه بيفقدهاا ابتسم ومسح دموعهههه الي طاحت ع ايده..مايتخيل حياتههه من دونهااا ..مندون الحب الي غرستههه فييييهههه ودخل احمددد يباركووون لخليفه ع بنته وعقبها حدرت ام خليفه وابوه الي خبرته ام خليفه انه مرت ولده ربتتتت *وقعدو شوي عند الياهل *..وطلعت النيرس كانت شاله عذبه الي خليفه سماها عذبه من غلاااااتتتتت حبيبتههه شلها احمددد وقعد يتاملهاا ورراه خليففهههه يطالعون البنت ...
احمد:فديتها ياربي تشبهنيي
خليفه:بن عروه تشبهككك ...هذي تشبه الغلا كله....
وعطا احمد البنت الي كانت صغيره عليه بدرجه فظيعه لخليفه الي قعد يبوووسسهااا ويقطعها من البوسسس لانه هذي بالنسبه له ثمره حبهم هو وعذبه....

اول ماقامت عذبه من الببنج كانت عينها ع بنتها استانستتت صح كان ودها ببنت والله رزقهاا وكانت قطعه فديت عمرهاا..عذبه الصغيرونه في حضنها وهي تتأملهااا *..راعيه البشر الوريه والخد االوردي والشفايف الحمرررره ماشالله عليهااا يودت عذبه ايد بنتهاا وقعدت تتحس عليها...وشوي جان تتثاوووووببب وعذبه حطت سببابه ايدها ع حلجهااا وتباس خدهااا وترمس وياهاا وتبتسم عذبه بتعبببب وكل شوي تتطالعها"سبحان الله نفس طريقه رقاد ابوج"وكل شوي تمسح ع خشمها البارزززز وفطيم تطالع عذبه وهي ادلععع الصغيرونه معقوله هذي كان ف بطن عذبه عذا الي من كم اسبوع اتحسسه الي ف بطننن عذبهه سبحانك يارب...

سلامه:يشابهج عذبه صح يا ام عذبه؟
عذبع اطالعتهاا:ام منو؟
سلامه ابتسمت:هي هذي الي من غلااتججج خليفه سماها باسمج...ماتدريين كيف كانتت حالتتتههه..

دخل بهيبتههه ومن دخل ريحه العطرر شلت المكااان... كان لابس كندوره بعقم عالي ختم لونها سكري .."عذبه يوم شافت استانسسست من داخلهاا بس مابيننننتتت هالشي لانه بعدهاا حاز ف خاطرها..ع طولل لبست شيلتهاا فطين وسلامه استغربوا من حرمتهاا....خليفه شل عذوب الصغيره عن فطيممم و وطلعوا فطيم وسلامه عسبب يخلالهم الجوو وتقرب منها ..
خليفه يطالع عذبه بحب:الحمدلله ع سلامتجج الغلا..
عذبه تطالع تحت:الله يسلمك ويسلم غاليك
خليفه:انتي الغاليه .."يطالع عذوب الصغيره" حبيبه الغاليههه..."نزل شيلتها عن راسها"عذبه اسف ع كل شي سببته لججج كان بسببي انجرحتي او انكسرتتيي...
عذذبههه غمضضضت عينهااا تفتحهاا ....
خليفه يكمل:دومج كبيره وتسامحيين..الغلط منيه الغلا...انتي بعدج حرمتي وانا ثبببتتت الطلقه..سامحييينييي عذبببه...ودي اقولج كلمه اسف ع كل دمعه نزل من عيونججج "يمسح ع شعرهااا ...مو انتي تقوليننن ان احنا بشر اذا االله يسامح نحن من عسب مانسامح ....

عذبه تحط ايدهااا ع حلجه: لاتكمل انا عمري ياخليفه ماشلت بقلبي عليككك ...ولاتفكر اني ف يوم اني بخليكككككك ...
خليفه:يعني توعديني انججج ماتتخلين عني ابد ...
عذبه: حفرت بقلبي حروف اسمك كيف تباني اممحيكك
خليفه حط راسه ع ريلها وهي تمسسسح ع راسه..
عذبه:مثل ماكنت اقولك قبل *كل ليله وبظل ارردد لك هالكلام لي لاننه انته عندي شي كبييير:

الشاهد الله ما نسيت دقيقه
حتى بمنامي تزورني بكل الأحلام..

حظنها خليفه يطمني انه بيكون جريب لقلبي وعيونه تحكي الف حكايه وحكايه...تبقى المحببه بيناا..والحياه تستمررر

احمد وسلامه ياهم واد مثل القمر وسموووه حمد ع ابويه وطبعا سلامه انقهرت لانه المفروض تربي قبلي بس الله ماكتب
عنود وهزاع احلى ثنائي كملوا حياتهمم ورضت علي عنود عقب ماشرحت لها اسبابي ..

ام خليفه بدت تحببب عذبه شوي شوي لانه جافت كيف خليفه مايقدررر يستغنى عنها

ام حبيب قلبيييي حممدددداااانننننننيييي هذا الولدد شككككثثر احبببههه رغم من مرضه لكنه سبحان الله اقري لي من روحيي..سافر عسب يكمل علاجه ويا اخويي احمد...

هذي كانت بدايتي الاولى في كتابه الروايات *اشكركم لانكم كنتوا معاي لحظه بلحظه وشجعتووني اني اكملها يمكن ماتكون فالمستوى العالي ..ويبقى فقلبي يبحث عن حكايه اخرى *قد تجعلنا نلتقي ..قبل الوداع ..اذكروني بدعوه...الحب لا يكفي احيانا


"ما احلل النقل بدون ذكر المصدر"


 

رد مع اقتباس
إضافة رد

مواقع النشر (المفضلة)

الكلمات الدلالية (Tags)
م, ماسك, محمد, أيام, مركز, له, منع, الله, الامارات, الاسود, الانسان, التلفزيون, الثاني, اليوم, الرياح, الروح, الشعر, العالم, الوقت, الكعبه, ابو, اسبوع, اكثر, بلاك, بناتي, يلا, حمدان, دبي, درب, حركات, خفيف, روعه, زايد, ساعات, سبحان, سؤال, عنوان, فيس, ضوء, ،, طلبات


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 12:16 AM.

Powered by vBulletin® Copyright ©2000 - 2019, Jelsoft Enterprises Ltd. , Designed & TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الآراء المطروحة بالمنتدى تعبر عن أصحابها و لا علاقة لصاحب المنتدى بها

تصميم : المصمم العربي .. Design By : www.araby4design.com