مركز تحميل الصور والملفات
 

العودة   ¬°•| منتديات نبـض الإمارات |•°¬ > ღ♥ღ النبض الأدبي ღ♥ღ > [ نبض القصص والروايات ~

الإهداءات

إضافة رد
 
أدوات الموضوع انواع عرض الموضوع
قديم 02-09-2013, 02:34 PM   #11
مشكلتي بهالدنيا
نبض اماراتي حبوب


الصورة الرمزية مشكلتي بهالدنيا
مشكلتي بهالدنيا غير متواجد حالياً

بيانات اضافيه [ + ]
 رقم العضوية : 23592
 تاريخ التسجيل :  Aug 2013
 أخر زيارة : 02-06-2015 (06:12 PM)
 المشاركات : 187 [ + ]
 التقييم :  19
افتراضي رد: رواية كل مإوفيت لشخص زادني جروح / بقلمي



من عيونيراح اكمله فديتج عشان عيونج وعيون اختي شومي ^ـ^



 

رد مع اقتباس
قديم 02-09-2013, 11:28 PM   #12
مشكلتي بهالدنيا
نبض اماراتي حبوب


الصورة الرمزية مشكلتي بهالدنيا
مشكلتي بهالدنيا غير متواجد حالياً

بيانات اضافيه [ + ]
 رقم العضوية : 23592
 تاريخ التسجيل :  Aug 2013
 أخر زيارة : 02-06-2015 (06:12 PM)
 المشاركات : 187 [ + ]
 التقييم :  19
افتراضي رد: رواية كل مإوفيت لشخص زادني جروح / بقلمي



البـــــارت الثـــــاني


اول ما بطلت عيوني شفت الساعة 2 نص اليل، افففف ماصليت العشى ، قمت رحت توضيت وصليت العشى والشفع والوتر عقب طلعت من الغرفة ورحت المطبخ، فتحت الثلاجة وطلعت لي كيكة حطيتها فالصحن ورجعت الغرفة، بعدني ماواصله الغرفة جان اسمع صوت امون من غرفتها .. ع فكره انا وايد فضوليه واحب اعرف شو يصير فهالبيت .. سرت صوب غرفتها وتميت اسمع، صوت رجولي : احبج امون احبج يلا قولي شو لابسه فديتج ..

بلعت ريقي الي كان متجمع من الخوف : مب لابسه شي فديتك..
بطلعت عيوني اكثر ركضت ورحت صوب الغرفة خفت حد يشوفني وانا واقفه صوب غرفتها واسمع .. ياااربي يالسه ترمس مع منو هالوقت وحاطه اسبيكر بعد ماتخاف .. وهالشي ما كان غريب علي لاني اعرف انها اترمس شباب وتطلع وياهم بس اول مره اسمعها جي ترمس .. وايلست افكر بالسنوات الماضيه ، يوم امنه اتخذت قرار انها تطلق وتعطي عيالها لريلها ، بس اتخيلوا حتى اهل ريلها ماكانوا يبون اليهال .. امنه قالت انا مايخصني انا ماروم اكبرهم وانا ابا استانس بشبابي، بعد ايام عرفت انهم يبون يودون اليهال عند وحده في بوظبي تقريبا نفس حضانه والحرمه هاي ماتيب عيال واتشل اتكبر الصغاريه ...... الصراحة انا مابغيت هم يجربون العذاب الي انا امجربتنه لااا ابد .. فما خليتها اتوديهم، الكل اتدخل فيني ويصارخ علي ويقولون انتي شو يخصج عيالها وكيفها .. قلت لهم مستحيل هاليهال يطلعون من هالبيت .. حاولت وكلمت اختي الي تكرهني بقوة وقلت لها اتخلي عيالها فالبيت عندنا بس يكونون عندي وانا الي بكبرهم ، يعنيهي مايخصها فاليهال ولا اتشوفهم ، قالت لا انتي بعد سنوات بتين واتقولين ماروم وتعبت ومن هالكلام قلت لها والله ماراح اقول لو اتزوجت لو اي شي العيال بيتمون عندي للابد بس لاتخلين عيالج برع البيت
خليتها اتفكر عدل المهم الحمدلله انها راحت المحكمة وخلت اليهال عندها واليوم اليهال كانوا فبيت ابوهم ، كل جمعة يطلعون يروحون اهناك ويرجعون السبت الصبح .

كنت افكر جان يتني رسالة ، فتحت الفون وشفت المسج من نفس الرقم الي كنوه كانت متصله فيني يعني رقم اخوها ميود : هلا وغلا حياتي ، سمعيني احنا باجر رايحين سينما قوم يزوي بعد يايين ويانا هي واخواتها .. باجر الظهر ردي علي لازم اعرف الغبيه:كنوه^ـ^

قريت وتميت اضحك : صدقها غبيه
رديت عليها بمسج: ممم ماعرف عاد لو اقدر ايي ولالا.. بس بحاول
وحطيت الفون عندي وانشغلت بأكل الكيك ، شويات ويتني مسج فتحته : منو؟
فالبداية قلت بلاها اتقول منو؟ عقب يوم شفت الرقم تميت فاتحه عيوني : الله ياخذ ابليسج كنوه.. كنت اعرف اني بسوي شي

جان يرن فوني من رقم ميود، خفت ارد قلت اكيد ميود ويبا يعرف منو الي امطرش مسج . يوم سكر رديت طرشت له : كنوه ، هذي انا اشواق

قلت الحين اكيد بيعرف وماراح يتصل .. بس شفته اتصل مره ثانية قلت هالمره اكيد كنوه لان ميود يستحي من البنات اصلا هههههه
اول مارديت تميت ساكته سمعت حاط لي اغنية : والله احبك احبك يشهد الله علي لما اشوفك ابتسم صدقني ماهو بيدي ..
سكرت الفون رديت اتصلت ع رقم كنوه .
كنوه : هلا وغلااااا شوووقي
صارخت عليها : انجبي يالغبيه
هدت شكلها اتبوزت ههههه : بلاج اشواق ؟
انا : انتي طرشتي لي من رقم ميود صح؟
كنوه: يب ليش ؟
انا : ليش فعينج ، ماقلت لج لاتطرشين شي ؟

كنوه بالزعل : ماكان عندي رصيد ليش شو سوى انا ع طول مسحت المسج
انا: انتي غبيه ، انا شو دراني رديت عليه بمسج
كنوه بصوت شبيه الصراخ : هااااااااااا ... ليكون رد اتصل فيج ؟؟
انا : شوي شوي عورتي اذني .. هيه اتصل فيني يوم عرف انا اشواق سار حط لي اغنية والله احبك حق يوسف العماني
كنوه بدت تضحك بصوت عالي: هههههههههههههههههههههههههههههههههههااااااااااااااا اي فديته اخوي .. والله يحبج حسيه فيه هههههههههههههههههههههههههههههههههه
انا : زين تامريني ع شي ؟
كنوه هدت : بل خلاص بسكت مابضحك .. ممم خبريني بتين باجر؟
انا: مادري
كنوه: مممم غريبه مب راقده
انا : رقدت بعد العشى الين الساعه 2 قبل شويه ناشه
كنوه: مم زين شو بتسوين الحين ؟
انا : ماشي بدخل الشات شويه
كنوه: تراني انا فالشات بتدخلين غيري نكج اباج اتلعوزين واحد هههه
انا : هههه زين خليني اخلص الكيك واييج
كنوه: بالعافيه دبه يلا اتريااج .. نكي بيكون غبيه اتحب غبي
انا : ههههههههه اوك يا اختي غبيه وانا بيكون شريره اتحب شرير
كنوه: مالت عليج اوك يلا باي

سكرت عنها خلصت الكيك وشفت ياني مسج من ميود : غريبد الدنيا مالها صاحب
رديت عليه : الدنيا لها صاحب بس احنا مانعرف نختار .. ولو سمحت لاتطرش شي السموحه
فتحت اللاب الي كان عندي ع الطاوله ودخلت الشات وتميت ادور ع كنوه الي نكها غبيه اتحب غبي
مالقيتها .. رحت ايلست روم فاضي عسب اتيني شويات ويتني قالت لي فالعام افتحي خاصج
فتحت خاصي ودخلت علي وكتبت لي : سمعي اباج اتلعوزين واحد نكه مالي غيرج وايد يلعوزني ماقدر عليه
سرنا نفس الروم الي مالي غيرج كان فيه كتبت فالعام: السلام عليكم
مالي غيرج : وعليكم السلام ولكمووو
شريره اتحب شرير : يسلمووو .. اشحالك حبيبي شرير؟
مالي غيرج : الحمدلله فديتج بس انا مب شرير .. انا طيب ههههه
استهبلت عليه : زين تراك حبيبي وبتكون انت الشرير
مالي غيرج : اهاا يعني انتي اتحبيني ؟ هههههه
شريره اتحب شرير : هيه ليش لا؟ اصلا من زمان حبيتك بس استحيت اقولك
مالي غيرج : ومنو قال انا شرير؟ يمكن انتي شريره بس انا مب شرير غيري نكج وحطي شريره اتحب طيب هههههههههه
شريره: زين شو الحين بتحبني ولا؟
مالي غيرج: برب
وغير الروم تميت اضحك : هههههههههههههههههه
غبيه : يالغبيه شو سويتي؟
شريره : ماسويت شي .. صبري شويات يمكن اييني خاص بصور عليه والباقي عليج
غبيه : هيه فديتج ..
شريره : يه يه ههههه يقول لي منو انتي ؟ ههههههه
غبيه : احلفي ؟
شريره : والله ياني
غبيه : زين قولي له انا احبك
شريره :انجلعي وع
غبيه : ويا راسج اتمثلي بس
شريره : انتي متفيجه خليني ادور ربعي وارمسهم احسن لي
غبيه : مالت عليج مامنج فايده .. زين طلعي من الشات وغيري نكج هالنك انا بدخل فيه وبخليه يتخبل علي الليله ههههههههه
شريره : هههههه زين يلا برب
طلعت من الشات غيرت نكي ودخلت بنكي رحت روم فاضي . تميت ادور فالقائمة اشوف منو موجود جان يرن فوني طالعت الرقم : اوهووووو وقته الحين
مثل كل مره ع هالساعة لازم يتصلون يتحروني نايمه .. ابتسمت : الووو
ـ الوو
انا : نعم اتفضل
ـ بسم الله منو؟
انا : انت الي متصل اتقول لي منو؟ .. شوف قبل ماترمس روح وخبر للي امطرشنك لاتحاول مره ثانيه ، وانا قبل ما انام احط فوني ع الصامت واليوم مب نايمه يعني ...
ماخلاني اكمل كلامي : حوووووووووووووه بلاج انتي ، منو انتي اصلا .. هاتي الفون لاحمد وينه
تميت اضحك بصوت عالي (( اتمثل )) : ههههه احمد ؟ ماحصلت غير هالاسم اتوهقت صح؟
ــ انتي صاحية؟ اقول وين احمد
انا: احمد مات .. مثل ما قلت لك قول للي مطرشنك ..

توت توت توت ههههههههههه بند فويهي الله ياخذه ، ضحكت وظهرت من الشات خذيت فوني وطرشت مسج لكنوه : انا ظهرت من الشات بحاول انام لان باجر وراي نشه الصغاريه بييون
حطيت الفون ع الصامت ورحت الحمام تكرمون وغسلت ايدي ورجعت الغرفه وطحت فقو الشبريه .. مسكت القلم وفتحت سها :

ـ احس اني متضايقه .. مادري ليش .. يمكن من هالدنيا .. تعبت منها .. خاطري ارح لبعيد .. ابتعد عن الكل .. اروح مكان مايكون في حد غيري .. اااه يالدنيا ..هاي حرمة ابوي شو تبا مني ؟؟ ليش تبا تفضحني ؟؟
بخبركم سالفة عسب تعرفون ليش كل ما انام احط فوني عالصامت
مره كنت يالسة فالغرفه وداخله الشات ، جان اسمع ابوي يزقرني .. كنت صغيره كان عمري 18 تقريبا وانا في هذيج الايام توني كنت اعرف ان حرمة ابوي مب امي .. المهم طلعت من الغرفه ورحت عنده فالصاله .. اول مادخلت الصالة اتفاجات شفت اخواني واخواتي وحرمة ابوي كلهم اهناك .. فالبداية قلبي تم يدق ابسرعه وانا خايفة شو مستوي .. اتحريت مثل كل مره اكيد حرمة ابوي اتهمتني بشي بس ويوووين الموضوع كان اكبر عن جي ..

تميت اطالع ابوي ياشرلي اروح ايلس عنده .. رحت عنده وايلست ، تم يطالع عيوني وانا زايغه ، شو مستوي يا بي بلعت ريقي وقلت : هلا ابوي شو مستوي ؟
قال لي : اباج تسمعين شي بدون ماترمسين
قلت له : ان شاءالله
كان عنده فون اختي امون ، شغل التسجيل جان اسمع صوت واحد :
ــ هلا اشواق فديتج اشحالج ؟
بطلعت عيوني ع اخر جان اسمع صوتي : اهلين قلبو .. طيبه وانت اشحالك ؟

ـ ممم انا طيب .. مشتاقلج
انا : انا اكثر حياتي .. اموووووواح احبك
بديت اطالع ابوي : .. يــ..يــ.. به.. يبه
ابوي : اوووص .. مابا اسمع شي .. اباج اتجاوبين ع سؤالي .. هاي انتي ولالا؟
دموعي طلعت باربي ابوي كيف يوثق فيني
انا : ها.. ها صوتي .. بس ... بس ...
ابوي : بدون بس .. سمعي البقيه
جان اسمع الشاب يقول لي اشياء مب حلوه وانا ارد عليه ، بديت اصارخ وانا فيني صياح .. يبه .. مب انا وااله مب انـــــــا
جان حرمة ابوي اتقول : ليش خايفة زين قولي انج انتي عشان ابوج يعرف بنته مايوثق فيها هالكثر
تميت اطالع حرمة ابوي بكره
الكل بدا يرمس علي ويصارخ علي :
ــ انتي مابتطلعين احسن من امج تف عليج
ــ سبحان الله واخيرا عرفنا حقيقتها
ــ امي طلعيها من هالبيت مانبغي وحده فاسقه وماصخه فهالبيت
ــ خلوني اضربها

راسي تم يدور حسيت بيغمى علي .. اشوف ابوي ساكت ويطالعني مايقول شي .. تمنيت يقول شي يدافع عني
تميت انطق كلمه بدون ما احس : جذابين كلهم مب انا ... مب انا .. مب انا ... مب انا .. مب انا ... مب انا ..
كنت انطق هاي الكلمات جان ابوي يسمك ايدي وداني فوق فالغرفه ، دخلين الغرفه وسكر الباب علي .. اتذكر هذيج الليلة تميت اصيح الين الفير .. حتى ماعرف متى ياني رقاد . الصبح اول مانشيت شفت ابوي يالس عندي ويبتسم : يبه .. والله كله جذب .. هو صوتي .. بس متى صااار .. ماعرف شي يبه ماعرف شي
قال : اعرف .. انتي صادقه فعمرج ماقصيتي علي ولا سويتي شي من وراي .. انتي بنتي .. ماراح اتسوين شي غلط
جان يشغل التسجيل ، ياربي صوت ابوي فيه : اشواق حياتي ..
صوتي : هلا يبه .. يبه لاتخلني بليز .. اباك عندي دووم .. اخاف منهم اخااف
ماقدرت اتكلم بس اسمع ، ابوي سكر التسجيل وقال : اشواق .. بقولج بس اسمعيني عدل .. حرمتي وعيالي يبون لج الشر .. يبون باي طريقة يفضحونج .. يبوني اكرهج .. مايعرفون انج بنت باباتج .. تسجيل مال الامس تعرفين متى كان ؟ يوم انيت راقده واحد اتصل فيج وانتي سولفتي وياه وقلتي اشياء مالها داعي .. يوم سمعت انا ماصدقت وعرفت ان من حركات زهره .. اعرفها عدل حرمتي .. يبوني اكرهج ماحب اكسر قلوبهم احبهم يابنتي احبهم مثل ماحبج .. والبارحه بعد مارقدتي انا ييت وكلمتج وانيت نايمه .. وانيت عادي تضحكين وترمسيت .. اهني انا استغليت وسجلت كلامج عسب تعرفين انج ترمسين فالنوم ماتحسين شو اتقولين الي يسالج اتجاوبين ..
انا كنت امبطله حلجي واشوف شفايفه الي ينطق بهالكلمات ..
انا : يعني انا ارمس يوم انام؟
ابوي ضحك : ههههه هيه ترمسين
المهم السالفه ان حرمة ابوي اتطرش لي شباب فاليل يوم اكون راقده عسب ارد عليهم وارمسهم ويفضحوني .. من هذاك اليوم ابوي راح كلمهم وقال لو حد يحاول يضر اشواق ماراح يسامحهم .. عشان جي سنوات ومحد اتصل الا من قبل شهرين بدو يتصلون ويبون يرمسون ههههه يتحروني انام مرات الصبح انش اشوف مليون مكالمه بارقام غريبه .. استغفرالله
المهم حبايبي انا الحين تعبت وانا اكتب بااااجر بكمل لكم تكملة البارت الثاني ..


اتمنى عيبكم هالبارت ^ـ^


 

رد مع اقتباس
قديم 03-09-2013, 05:06 AM   #13
مشكلتي بهالدنيا
نبض اماراتي حبوب


الصورة الرمزية مشكلتي بهالدنيا
مشكلتي بهالدنيا غير متواجد حالياً

بيانات اضافيه [ + ]
 رقم العضوية : 23592
 تاريخ التسجيل :  Aug 2013
 أخر زيارة : 02-06-2015 (06:12 PM)
 المشاركات : 187 [ + ]
 التقييم :  19
افتراضي رد: رواية كل مإوفيت لشخص زادني جروح / بقلمي



سامحوني حبايبي عــندي أخطاء أملائية لأني أكتب أبسرعة السموحه والله
مثل كلمة انيـت يعني انتـي هههه. ومثل يسمك يعني يمسك ههههه والخ .. السموحه والله


 

رد مع اقتباس
قديم 03-09-2013, 08:12 AM   #14
مثلي قليل
نبض اماراتي متطور


الصورة الرمزية مثلي قليل
مثلي قليل غير متواجد حالياً

بيانات اضافيه [ + ]
 رقم العضوية : 23061
 تاريخ التسجيل :  Mar 2013
 أخر زيارة : 12-04-2015 (08:13 AM)
 المشاركات : 124 [ + ]
 التقييم :  10
افتراضي رد: رواية كل مإوفيت لشخص زادني جروح / بقلمي



الله يكون في عونج...ويصبرج...فديتج


 

رد مع اقتباس
إضافة رد

مواقع النشر (المفضلة)

الكلمات الدلالية (Tags)
., 000, محمد, من, مناكير, الله, الاول, الاولى, الباب, الثاني, اليوم, الشامسي, الصراحة, السريع, الفواكه, ايس, ارقام, اعضاء, اكثر, بلاك, بنت, يلا, حمدان, خالد, جااد, رنة, صالون, ههههه, ،, قلبي


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 12:38 PM.

Powered by vBulletin® Copyright ©2000 - 2019, Jelsoft Enterprises Ltd. , Designed & TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الآراء المطروحة بالمنتدى تعبر عن أصحابها و لا علاقة لصاحب المنتدى بها

تصميم : المصمم العربي .. Design By : www.araby4design.com