مركز تحميل الصور والملفات
 

العودة   ¬°•| منتديات نبـض الإمارات |•°¬ > ღ♥ღ النبض الأدبي ღ♥ღ > [ نبض القصص والروايات ~

الإهداءات

إضافة رد
 
أدوات الموضوع انواع عرض الموضوع
قديم 29-09-2012, 03:00 PM   #61
الحب اختياري
نبض اماراتي حبوب


الصورة الرمزية الحب اختياري
الحب اختياري غير متواجد حالياً

بيانات اضافيه [ + ]
 رقم العضوية : 19798
 تاريخ التسجيل :  Dec 2011
 أخر زيارة : 14-09-2013 (05:01 PM)
 المشاركات : 167 [ + ]
 التقييم :  14
افتراضي رد: الحب اختياري



تابع البارت العشرون والاخير

بعد كل حلم نهاية ولكن هل بعد كل موت حيا ؟؟!

شذى:اهئ اهئ وليد الله يخليك لاتخلني لاتخلني موول اخاف اتم بروحي..
((مارام يمسك نفسه قام وحضنها وتم يصيح))
وقال لها:اوعدج اوعدج ياشذى ما اتركج لو شو ماصار ماهدج
((دخلتها النيرس الغرفه وفحصوها وبعد دقايق وساعات يه الدكتور وهو مبتسم ويشوف شذى البريئه في حضن وليد))
الدكتور:مبروووك المدام حااامل
وليد ابتسم:الله يفرح قلبك يادكتور مثل مافرحت قلبي
الدكتور:امييين يا استاذ الله يسمع منك
((قام وليد وشل شذى جدام الناس والعالم وقال بكل الم فيه)):احبج يابنت الناس والله احبج
((في ابوظبي الساعه 6:30 المغرب في جامعة خليفه..))

البنات:نوف لين متى بتمين زعلانه منه
نوف:كيفي ادبا له علشان مره ثانيه يحرم يشك فيني ويكلمني بهالاسلوب
البنات:حرام عليج يغار عليج
نوف:مالكم خص فيني
((وراحت تسبح عنهم))
((دخل وليد البيت عفدت عليه فطوم))
فطوم:شوفيها اربيعتي ؟!
وليد:ماشي شوي مريضه
فطوم:فديتها ماتشوف شر
ام وليد:منو مريض لاتقولون بنتي شذى فديتها والله محد يسواها
وليد:ههههه لازم محد يسواها فديتها
ام وليد:يامسود الويه يتفداها بعد اذلف فوق اشوف
((مر اليوم على خير ويه وقت الصبح بيوم الخميس اليوم اللي نوف +هيا بيردون دبي تابعو الاحداث)):-
نوف:هيون يالله قومي بنتاخر عن الحصه
هيا:اوكي اوكي بقوم اووف لوعة جبد تراج الله يعين اللي بيرقد وياج بتصدعين راسه
نوف:انجبي وقومي
((وقامت اتسبحت ولبست وطلعت مشو لين القاعه ودخلو))
الساعه 9:00 رن تلفون وليد وكان مزعج
وليد:اووف منو المتفيج اللي متصل مسود الويهه وقتك
المتصل:انا اسفه ماكان قصدي ازعجك
وليد:وافديتج انا مازعجتيني ولا شي..شي يعورج حياتي؟؟
شذى:هيه
وليد:شو حياتي؟؟
شذى:قلبي يعورني
وليد:فديت قلبج انا
((دخلت فطوم عليه))
فطوم:اوووه وليد ناش الصبح لازم اسوي حفلة
وليد:مالج خص اطلعي برع
فطوم:ياحظ عينك تنام الليل مرتاحه
وليد:اطلعي بررع خليني ارقد
فطوم:ترقد ولاتكلم شذوي؟؟
وليد:فطوم بعد لين 10 اذا ماطلعتي والله بضربج
((فطوم شردت لانه حلف وليد ووليد جي معضل وهي ضعيفه تخاف تتكسر وتمت شذى تضحك))
وليد:يعلني افدا هالضحكه مدام فطوم تضحكج بخليها مهرج حقج بس اتضحكج
شذى:يالله انا بسكر وكمل رقادك وبوعيك حق صلاة الظهر
وليد:اوكي حياتي مع السلامه
في بيت ابو علي وكلهم قاعدين
ام علي:هلا ياولدي ترى مابقى عن الملجة شي
علي:ياااي حبيتها والله بنت ناس والنعم فيها
العنود:كله من فضلي فديتني اعرف اختار
((علي قام وباس راس اخته وقال)):مشكوره يالغاليه
((استحت العنود اول مره يعاملها جي جان اتسير فوق))
ام علي:اندووج استحت من علي اخوها الهرمه لو محمد جان ماستحيتي جي
((من سمعت العنود طاري محمد سكتت يابتها امها ع الجرح يبرى))
((قالت بصوت خفيف))العنود:آآآه يا امايه كنت ناسيتنه لمدة ايام بس الحين ذكرتوني فيه
مرت الساعات بطيئة ويت الساعه 11:00 صباحا في غرفة انتظار السيارات الخاصه
ساره:اوووف مكتوم مايرد وفونه مغلق
((دق قلب نوف وقالت)):يمكن ياااي فالطريج
ساره:مب من بعد بيتنا
((تمو ينتظرون ولكن ليس من مجيب بعد دقايق سمعو هرن سياره طلعو شافو هزاع))
هزاع:السلام عليكم وين مكتوم عيل ماشوفه؟؟
نوف:مايه لين الحين((وقلبها عورها وقالت)):آآآخ قلبي
سارة:نووفي شوفيج؟؟
العنود:نوف تلفونج يرن((طلعت تلفونها شافت رقم مكتوم ردت وهناك الصدمه))
........:السلام عليكم اختي انتي حرمة راعي التلفون
نوف:هيه ليش منو انته؟؟
..........:انا واحد مار وشفت السياره مجلوبه والريال كله دم نقلوه المستشفى
((وطاح الفون من ايدينها وقعدت على الارض تمت تصيييح والكل يشوفها وهي اتصيح))
((قربت منها هيا وقالت)):شو فيج حبيبتي نوف
نوف:مك مكتو مكتوم يا هيا فالمستشفى حبيبي بيموت هزاع الحق عليه
((وتمت تصييييييح وتشاهق))
((عند بنات الجامعه))
عليا:فديتها اول مره تصيح
هند:هيه والله علوه تتوقع شوفيها ؟؟
عليا:مادري والله اسمع مستشفى وخرابيط يمكن حد من اهلها
هند:اها طوفي طوفي بتبدى حصتنا
((وراحو الحصه ومكتوم يتالم ونوف اتصيح ماتعرف شو تسوي))
الدكتور:ابصراحه مكتوم نزف واايد دم ومحتاج حد يتبرع له بالدم
نوف:انا بعطيه ولو يبى قلبي اعطيه بس يعيش
الدكتور:هنشوف دمك يطابق ولا لا
نوف:يطابق فصيلة دمه مثل دمي بسرعه دكتور لو صار فيه شي انا بموت معاه
((راحو يشوفون فصيلة دم الكل اذا يطابق ولا لا ماطابق الكل الا نوف طابق مع دمه))
وصلت عايلة مكتوم
ام مكتوم:ولدي ضناي وينه؟؟
هزاع:خالو داخل محتاج دم نوف راحت تتبرع له
ام مكتوم:فديتها والله
((دخلو نوف الغرفه وسحبوا دمها واحتاجو دم ولكن نوف اصرت ياخذون منها ونقلوه لمكتوم ودخلو نوف الغرفه لانه اغمى عليها من التعب والارهاق))
في دبي عند ابو نوف
ابونوف:بسم الله ليش مايردون ان شاء الله خير
ام نوف:يارب احميهم
ابونوف:محد يرد ماعندج رقم ساره؟؟
ام نوف:بشوفه فالكاشف فيه ارقام اربيعات نوف
((ودوروا ولقوه واتصلو ردت ساره))
ساره:السلام عليكم !!
ام نوف:هلا امايه ساره وين نوف؟؟
سارة:نوف فالمستشفى اغمى عليها بعد ماتبرعت بالدم حق مكتوم لانه مكتوم سوا حادث
ام نوف:صارله شي وي بسم الله الحين يايين مع السلامه
ابونوف:شو السالفه منو اللي مستويبه شي
ام نوف:مكتوم مسوي حادث
في بيت ابو علي
علي:وين العنود ماشوفها؟؟
ام علي:شو اقولك يالسه ويه نوف..نوف فالمستشفى مكتوم مسوي حادث
((صد حمد صوبهم قال فخاطره:مدام نوف فالمستشفى اكيد تعبانه ياربي كله من دعائي له ياربي انا مب مظلوم ليش جي اتعذب حبيبتي الحين بتكرهني زياده بتصل فالعنود))
ترن ترن ترن ردت العنود
العنود:هلا زين يوم اتصلت مر علي ببدل ملابسي بييهم باجر
((اجتمعو العوائل))
حمد:خلاص خلج جاهزه
((بعد ساعه يه حمد نزل شاف الكل حزين على مكتوم ونوف سلم عليهم وياب لهم فواله وخذ اخته وطلع))
نوف وهي تتحرك:اهى اهى ابي مكتوم مكتوم لاتروح عني مكتوم خلك معاي ماروم اعيش بدونك اضيع بلياك ارجوك لاتروح
((دخلت ام نوف عليها وقالت)):بسم الله عليج حياتي شوفيج وباستها بسم الله عليج يابنتي
((بعد مرور 3 اسابيع نش مكتوم من الغيبوبه))
((نوف والحزن طاغي عليها)):الحمدالله على السلامه انا اسفه على كل شي وطاحت في حضنه اتصيح
ام مكتوم:يابنتي لاتعذبين روحج خلاص نش مكتوم مب زعلان منج حد يروم يزعل من روحه؟؟
نوف:خالوه احبه احبه واهواه واموت على انفاسه
((ضغط مكتوم على ايدينها صدت صوبه)) وقال لها بصوت تعبان:ابي اطلب طلب
نوف:تامر امر عيوني لك
مكتوم:بعد ما اطلع من المستشفى نتزوج
نوف:خلاص تم بس لاتعب روحك
((سكت مكتوم عنها))
((بعد مرور شهر قربت ملجة مي وعلي وهو كان فرحان الكل يه ملجتهم))
وقال مكتوم:عقبال عرسي وعرسج يانوف
((في الميلس عند مي وعلي))
علي:مبروك ياقمر ياللي خليتي حياتي افراح
مي:الله يبارك فيك شكرا
علي:ابي اقولج شي واول مره اقولها ابصراحه مي انا اناااا احبج واموت فيج انتي جوهره والكل يتمناج اتكونين له
مي:علي ماروم استحمل هالكلام ابصراحه استحي
علي:ماباج تستحين مني حبي انا الحين ساير اكلمج فليل
((وسلم عليها وطلع))
((مرت ايام وطلع مكتوم من المستشفى وكل يوم مي اتكلم علي اتاقلمت وياه وتعودت عليه وحبته وحددو وقت العرس ولكن في وحده بعد اسبوع عرسها ياترى منو هاي؟؟))
في بيت ابو نوف الساعه 4:00 العصر
نوف: امايه بروح ابوظبي اتجهز
ام نوف: ليش ان شاء الله !!
نوف: امايه لاتنسين عرسي وعرس ساروه نفس اليوم
ام نوف:لازم لزقه خليه فستانها سبرايس
نوف: احب اشوف كل شي يخص ساروه
ام نوف: ماله داعي انتي شو بقالج غير الشبكه والنعال ((عزكم الله)) والصالون
نوف: هيه امايه وبروفة فستاني
ام نوف: ان شاء الله خير عقبال هيا
هيا: امين خالوه الله يسمع منج
نوف: بروح غرفتي تبون شي؟؟
ام نوف: بسج سوالف وياه
نوف: لابكلم ساروه
ام نوف: اوكي الله وياج ((وربعت نوف فوق في غرفتها))
((في بيت ابو نوف وخصوصا في غرفة نوف..رن تلفونها على رقم غريب وردت))
المتصل: السلام عليكم مبروك عليج الزواج
نوف: وعليكم السلام الله يبارك فيك منو وياي؟؟
المتصل: حمد بس حبيت ابارك لج يالله حافظنج الرحمن
نوف: مع السلامه يالله باي
((اوف مايتوب ابروحه مسبب لي المشاكل))
((اتصلت حق ساروه لقته مشغول وقالت)): اكيد تكلم هزاع مب مخلنها في حالها
في بيت ابو وليد الساعه 6:00 المغرب
وليد: هلا حياتي بتين ويانا المول انا وانتي وفطوم؟؟
شذى: اوكي مر علي ويوم بتوصلون قريب خبرني علشان البس شيلتي وعبايتي
وليد: اوكي روحي ربي يحفظج فداعة الرحمن
شذى: مع السلامه
((مرت دقايق ووليد متصل يقول لها انزلي انا تحت ونزلت كانت على اواخر حملها كانت فالشهر السادس من حملها))
ركبت السياره شذى: السلام عليكم
وليد+فطوم: وعليكم السلام
فطوم: شذوي اشوف طلعت لج كرشه امشي امشي بعدين اخوي مايباج ههه مايحب المتان لانه هو دب ((جان تحصل كفخه ع راسها))
شذى: مادري والله ((انتفضت فجاه))
فطوم: هههاي تراني اشششششششششششششك
((بعد مرور اسبوع بالضبط في قاعة في دبي من افخم القاعات واحلى الفرقه واحلى المعازيم واشهى الاكلات عرس ((مكتوم ونوف + هزاع وساره)) بدت الحفله على الساعه 8:30 بعد صلاة العشاء مر الوقت ودخلت نوف وبعد دقايق دخلو ساره من بعدها قعدوا واتصوروا بعدين دخل مكتوم وهزاع وابو هزاع وابو مكتوم حضر عرس ولده وكل واحد سار صوب مرته ..
مكتوم: مبروك ياقمر
نوف: الله يبارك فيك
مكتوم: حطي عينج بعيني شوفيج ترى بعد ساعات بنكون بروحنا صح مب اول مره بس هالمره حرمتي على سنة الله ورسوله
نوف: جاموه اسطلب
مكتوم: اتصدقين مب سامعنها من زمان منج
نوف: بتسمعها كل يوم ان شاء الله
((عند هزاع وساره..مسك ايدينها وقال)) : مبروك ياقمر فديت هالوي يالله طوفي بنسير.
((ضحكت عليه وقالت)) : توك داش ايلس بعدين اتكلم
هزاع: شفت القمر تبيني اقعد هني وياهم لافديتج اغار عليج
((سمعو الفرقه تقول من حمد الي نوف)) :
((ابا احضر ياحبيبي زفافج حتى لو على مماتي انا ابد ماجيت ابارك لك ولا اهنيك انا جيت ابي اوصيك على اللي بتدخل بها الليله)).....االخ
في بيت ابو سعيد في غرفة شذى
شذى: ااااخ ياربي ارحمني برحمتك احس بالم فضيع يارب ارحمني برحمتك استغفر الله
((بتصل على وليد ترن ترن ترن ترن))
وليد: الو حياتي شو فيج
شذى: وليدوه وليدوه اه الحقني شكلي بربي بغير وقتي
وليد: بسم الله عليج شوفيج؟؟ امرج؟؟
شذى: لا الحين بنام اكيد بيخف اذا زاد بقولك
وليد: اوكي حياتي طمنيني باي
الساعه 12:00 في العرس عند نوف وساره وهزاع ومكتوم
مكتوم: يالله انا باخذ حرمتي مع السلامه مانبى اتصالات ولا شي اباها بروحي
نوف: اتصالات ولا دو ككككككككككككككككككك
((ضحكو كلهم على مكتوم اللي تم يطالعها)
ام مكتوم: استح ع ويهك
مكتوم: ولد خالتها وياها وانا اختي وياي خلاص ماله داعي انحطهم في عيونا هم بروحهم بياكلونا
((استحن نوف وساره))
هيا: ههههاي اندوج استحن
مكتوم: عقبالج هيا انتي انسانه تستاهلين كل الخير
هيا: مشكور منك المال ومنها العيال حتى انته اخوي حضنت اخوها وحضنت البنات وصاحت محد بيلس وياي
نوف:بكلمج كل يوم وكل ثانيه
مكتوم: جربي شكلج تبين اتجربين تقعدين بيت اهلج
((ضحكو كلهم ))
نوف: جاموه اخر من يتكلم
مكتوم: طبعا لانج اول من يتكلم ويه خشمج
نوف: ابويه شوفه يعلق على خشمي يتحرى خشمه سيف
مكتوم: سيف ولا عمر
هزاع:يالله انا شال الحرمه ورايح مكتوم بتي ولا ؟؟
ابو نوف:انا مأجر لكم سياره لك وله وياه دريول يالله سيرو وحافظنكم الرحمن
نوف:بابي ابي مسيره ((وصاحت يوم حست بتودعهم))
ابونوف:حياتي كافي صياح انتي ويه مكتوم ماينخاف عليه
((وراحو العرسان برج خليفه))
((عند هزاع وساره))
هزاع:احم وايد تستحين تراج ياك الموت ياتارك الصلاه ((وعفد حذالها ومسك ايدينها وحسها ترتجف وهمس بصوته :احببببببج
((ذابت البنت تمت تطالع بويهه ضايعه مسك ايدينه بويهها ))وقال: انا جدامج سوي اللي تبين بس ماتروحين عني مكان احبج ياساره
عند مكتوم في الغرفه قال حق نوف
مكتوم:ههههه الحين ماشي بابا ودلع كف برقدج ((يه وطاح على ريلها))
نوف:جرب حظك انته شو حياتك كله ضرابه
مكتوم:مسك ايدينها وباسها((حسها ترتجف وقال لها)) :اتخافين مني ؟؟
نوف:لابس لاني احبك مب عارفه شو اقول
مكتوم:يوه ريلج حلوه مخده مريحه ممكن بوسه؟؟
نوف:مكتوم ههه وخر ياسخيف ماتعرف اتبوس شفطيتني
عند شذى في الغرفه((ااخ تعبانه احس بموت يتاكل بجسمي ياربي سامحني واغفر لي انا ماسويت شي في دنياي ياربي ارجوك ارحمني برحمتك وقعدت تقرى قران لين مانامت..كل يوم كانت على هذي الحاله))
((سافرو المعاريس الصبح وراحو جزر مالديف وتموا شهر وردو وجهزو اغراضهم من زمان حق عرس مي وبعض الاغراض من برع))
نوف:اخيرا اوفف ردينا البلاد
مكتوم:استانستي ولا لا؟
نوف:هيه حياتي وااايد حد يروح ويه ميانين ومايستانس
هزاع:ايييه ريلج مب نحن,,انا حرمتي مؤدبه
نوف:ولا شافت الادب ههههه وطلعت لسانها وانخشت ورا ريلها وشلاها مكتوم ومشو وهم يضحكون
مكتوم:دبوووه انزلي وايد دبه
نوف:جب حرمتك دبوووه
مكتوم:فديت حرمتي ام عيالي
((في عرس مي نوف راحت فوق عند مي وياها العنود وهيا وساره دخلو وقالو)) :مبروووك يالعروووووس
مي:الله يبارك فيكم عقبال الباقيات
هيا و العنود:امين فديتج يالله نحن يايات انزلج
مي:اوك انا جاهزه((نزلوها واتصلو للفرقه وحطو الزفه ودخلت كالاميره والبنات الاربع من حولها))
((برع فالممر عبدالله يكلم خليفه))
عبدالله: يالله شفت العنود اللي اخوها المعرس بقول لاخوها علي يخطبها لي وانته خذ الثانيه هيا اللي تصير لنوف
خليفه:اوك دخلت قلبي من شفتها ماشاء الله عليها قمر 14
((دخل المعرس بساعه وتم العرس على خير))
((مثل ماقالو انخطبو هيا والعنود في نفس اليوم ولكن الطامه الكبرى انه العنود ماتبى تاخذ غير محمد وطلع مالج وماخذ شهد العنود يوم سمعته يكلم حمد صااحت وربعت الحجره وماكلت ولا تعشت عايشه على الماي ياها حمد ودخل عليها))
حمد:حسيتي فيني شفتي كيف الحب؟؟
العنود:لاتعذبني اطلع برع((اتذكرت يوم كانت تقول حق اخوها الزواج قسمه ونصيب ردت على حمد)) :لاتطلع تعال انا مب زعلانه قول حق امايه انا موافقه على عبدالله
حمد:هاذي اختي الشجاعه
العنود:بس كنت احبه ماشوف غيره كيف تباني اخذه
حمد:عادي هيا بتاخذ خليفه وانتي عبدالله وفنفس اليوم وساره خذت هزاع وهي ماتعرفه
((مرت الايام والكل عرس دخلنا بالجد على الشهر الثامن من ولادة شذى اتصلت بوليد))
شذى:ولييد الحقني بربي الله يخليك الحقني
وليد:شوفيج ياروحي اصبري ياي في الطريج الحيييين
شذى:ماروم وليد اهئ((وصوتها يقطع القلب وصل وليد ونزل فطوم وصعدت فطوم فوق شافت حالة اربيعتها وصاحت دخل وليد وشلها
فطوم:انته محرم حرام تلمسها
وليد:هاي حرمتي انا مزوجنها وهي حامل بتربي((عق هالكلام على فطوم وماحاسب على النتايج وفطوم استغربت وربعت وسارت وياهم وصلها البيت علشان محد يحس بشي وراح المستشفى وبعد ساعات ربت بس مب في موعدها فحطو العيال فالشيشه وبعد دقايق نقلو شذى الغرفه))
وليد:فديت اللي ياب لي بنت انا قمرر تشبهج سبحان الله كانج انتي يالسه
شذى مسكت ايدينه:طلبتك ياخلي لاتردني
وليد:عطيتج يالغاليه امري وتدللي
شذى:وليد ود ودني المكان اللي التقينا فيه يوم حبيتك اول مره
وليد:يوم بتطلعين فاللج طيييب
شذى:لا الحين اطلعني قول لهم بروح وبييبها بسررعه
وليد:اوكي ويت((وراح عند الدكتور وفهمه والدكتور هذا كان مخبرنها على مرضها وشل شذى وسارو البحر قعدها على التراب تمت شذى تصييح))
شذى:اوعدني اوعدني ماتنساني اوعدني اهئ اهئ
وليد:حبيبي بس صياح وعد ما انسساج انسى روحي ولا انساج
شذى:بنتي بنتي يا وليد امانه عندك اتربيها احلى تربيه ماباها اتكون شراتي ماباها تنغصب ع شي ابيها تاخذ واحد برضاها
وليد:بنربيها ويه بعض فديت روحج ((مايدري بالصاعقه اللي بتيه الحين))
شذى:وليد سااامحني((قعدت فحضنه وهمست في اذنه)): احبك احبك ياولد امك وابوك((وطاحت فحضنه واخر دمعه نزلت من عينها وهو اتحراها اتصيح تم ساكت شافها طولت طيحها وهزها لاحياه لمن تنادي شذى ماتت هيه ماتت في حضنه))
وليد:شذى شذى الله يخليج لاتخليني مالي غيرج((وقعد يصيح نفس الياهل اللي محتاج امه وضاعت عنه شذى حراام اتسيرين انا محتاج حنانج بنتي محتاجه لج احبج ياشذى شلاها ووداها المستشفى اتصل بسعيد
سعيد:اربيعي متصل يبالك حفله
وليد:ابسرعه تعال المستشفى.......... وسكر
((بعد ساعات يمعهم كلهم شهد وسعيد وفطوم وام فطوم))
وليد:سعيد وشهد اختكم اختكم ماتت فحضني شذى شذى ماتت انا تزوجتها كانت محتاجتني الدكتور خبرني انها حامل وربت وقامت يوم وديتها البحر كان فيها مرض خبيث وتم يصيح وهو يكمل كان فيها مرض السرطان وصاااح انصدمو كلهم سارو عند بنت شذى شافوها تشبهه شذى
سعيد وهو يصيح:سامحني ياوليد انته حبيتها واهتميت فيها سامحني
وليد:مسامحنك بس حزين ع شذى
وربى بنته احسن تربيه وسماها شذى على اسم حرمته وماتزوج طول حياته لانه مستحيل يحب حد ومايبى يظلم حد لانه شذى بعدها في قلبه
والحريم الاربع كلهم حوامل((العنود و مي وهيا و ساره))

انتهت القصه بسلام وتمت ولكن هل ينتهي الحب بعد الموت؟؟
ام سيظل في القلب؟؟
اتمنى ان تنال اعجابكم ادري انه البارتات كانو قصار وهذي اول روايه لي

تمت القصه
اسم الروايه:الحب اختياري
اختكم/الكاتبه:نووف



 

رد مع اقتباس
قديم 29-09-2012, 03:29 PM   #62
الحب اختياري
نبض اماراتي حبوب


الصورة الرمزية الحب اختياري
الحب اختياري غير متواجد حالياً

بيانات اضافيه [ + ]
 رقم العضوية : 19798
 تاريخ التسجيل :  Dec 2011
 أخر زيارة : 14-09-2013 (05:01 PM)
 المشاركات : 167 [ + ]
 التقييم :  14
افتراضي رد: الحب اختياري



انتهت الرواية على خير وابي ردود حلوه شراتكم


 

رد مع اقتباس
قديم 02-10-2012, 05:45 PM   #63
Hndw
نبض اماراتي


الصورة الرمزية Hndw
Hndw غير متواجد حالياً

بيانات اضافيه [ + ]
 رقم العضوية : 21880
 تاريخ التسجيل :  Sep 2012
 أخر زيارة : 16-04-2013 (04:04 PM)
 المشاركات : 30 [ + ]
 التقييم :  10
افتراضي رد: الحب اختياري



*تصفيييق*
قمه في التألق و الأبداااع..
انتي كاتبه رآآئعه..
في كتابتج و تسلسل احداث قصتج..
في بارتات الدراما و في البارتات الرومنسيه !!

قصتج صيحتي في اوقات..
بس النهايه كانت جميله!!
اتمنى ان نشوف ابداعاتج في كل شي!!


 

رد مع اقتباس
قديم 02-10-2012, 08:04 PM   #64
اضحك تره الدنيا ماتسوى
اماراتي امبراطوري


الصورة الرمزية اضحك تره الدنيا ماتسوى
اضحك تره الدنيا ماتسوى غير متواجد حالياً

بيانات اضافيه [ + ]
 رقم العضوية : 21072
 تاريخ التسجيل :  Jun 2012
 أخر زيارة : 19-01-2013 (03:15 PM)
 المشاركات : 4,027 [ + ]
 التقييم :  36
 الدولهـ
United Arab Emirates
 الجنس ~
Female
 MMS ~
MMS ~
افتراضي رد: الحب اختياري



السمووحه على التاخير اختيه الحب اختياري في الرد

لكن اتابعج متخلف الكواليس ابدعتي اختيه الغاليه

أمره مااااعليج كلام انتي صدق القلم الواعد لنا نحن

تقف جميع الأقدام. لتصفك لكي بحراره ووتستلمي

شهاده تثبت وجودك هنا وبصمه دايمه لنا نحن ولكي

انتي كنز منتدى نبض الامارات الذي لانستطيع استبداله

او الاستغناء عنه انتي احد تلك الاسس القويه والتي بدونها

قد يختل التوازن. أمره ابداااااااااع قوي حب خالص اختيه

^^^ نووووووووف^^^

تحياتي البسمه ماتفارقني ههههههههه


 

رد مع اقتباس
قديم 03-10-2012, 07:03 PM   #65
الحب اختياري
نبض اماراتي حبوب


الصورة الرمزية الحب اختياري
الحب اختياري غير متواجد حالياً

بيانات اضافيه [ + ]
 رقم العضوية : 19798
 تاريخ التسجيل :  Dec 2011
 أخر زيارة : 14-09-2013 (05:01 PM)
 المشاركات : 167 [ + ]
 التقييم :  14
افتراضي رد: الحب اختياري



شكرا اشكركم على تواجدكم معايه
واشكركم على ردودكم اللي تفتح النفس
حبيت تواجدكم وتشجيعكم معاي
وارد اقول شكرا


 

رد مع اقتباس
إضافة رد

مواقع النشر (المفضلة)

الكلمات الدلالية (Tags)
45, مانجو, محمد, مشكلة, منتدى, الله, الامارات, الاسود, الاول, الاولى, الثاني, الخميس, الدراسة, اليوم, الروح, السابع, الشعر, الوقت, ابغي, ابو, ابوعلي, ابوظبي, ابطال, احم احم, احسن, ارقام, اشتري, اسبوع, اكثر, بالخبر, بناتي, دبي, حبوب, خفيف, رايك, روعه, شهادة, سؤال, عيد, فاصل, في, في الامارات, ههههه, نبض, نبض الامارات, نوم, نوف, ضروري, _, ،


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 05:44 PM.

Powered by vBulletin® Copyright ©2000 - 2019, Jelsoft Enterprises Ltd. , Designed & TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الآراء المطروحة بالمنتدى تعبر عن أصحابها و لا علاقة لصاحب المنتدى بها

تصميم : المصمم العربي .. Design By : www.araby4design.com