مركز تحميل الصور والملفات
 

العودة   ¬°•| منتديات نبـض الإمارات |•°¬ > ღ نبض الهويه والتواصلღ > [ مدونتكــ في نبض ~

الإهداءات

إضافة رد
 
أدوات الموضوع انواع عرض الموضوع
#1  
قديم 02-04-2009, 01:23 PM
ليلي العمر
نبض اماراتي متألق
ليلي العمر غير متواجد حالياً
 رقم العضوية : 9454
 تاريخ التسجيل : Feb 2009
 فترة الأقامة : 3834 يوم
 أخر زيارة : 01-09-2012 (01:27 AM)
 المشاركات : 820 [ + ]
 التقييم : 14
 معدل التقييم : ليلي العمر is on a distinguished road
بيانات اضافيه [ + ]
G Haha أيام لا تنسى ^_^



السلام عليكم و رحمة الله و بركاته

دوووم يوم ادخل ها القسم و اقرأ مواضيع الاعضاء مرات اضحك و مرات اتأثر معاهم

و دوووم افكر اكتب يومياتي بس ما اعرف من وين ابدأ

فقلت اليوم بكتب عن المواقف المحرجة و المضحكة و المؤثرة الي مريت فيها في حياتي

و الذكريات مستحيل تفارقني لاني انحرجت فيها وااايد او اتأثرت فيها

انزين خلوني ابدأ

و تابعوني و اذا عندكم اي تعليقات راسلوني ^_^

:013a: ليلي العمر :013a:




Hdhl gh jksn ^_^ # >>>>>>> 00 lugrm hggi hghlhvhj hgi,dm hg;vdl hrvH jhdghk] fsvum fkhj v] vrl shum td hghlhvhj , _ ;AJg ;AJgX ;~g ;~Jg~ ;;g




 توقيع : ليلي العمر


رد مع اقتباس
قديم 02-04-2009, 01:42 PM   #2
ليلي العمر
نبض اماراتي متألق


الصورة الرمزية ليلي العمر
ليلي العمر غير متواجد حالياً

بيانات اضافيه [ + ]
 رقم العضوية : 9454
 تاريخ التسجيل :  Feb 2009
 أخر زيارة : 01-09-2012 (01:27 AM)
 المشاركات : 820 [ + ]
 التقييم :  14
افتراضي رد: أيام لا تنسى ^_^



الله يسلمكم السالفة كانت في الصيف 2008

و بنات اختي ويا نسيبي ساروا تايلاند يتصيفون

كانوا رايحين لسبوعين ... و بعد تقريبا كم يوم من سفرهم قررنا نلحقهم و نتلاقا في بوكت

بس قلنا لازم نروح بانكوك اول شي حق السوق العجيييب خخخخ

فاتخيلوا حجزنا التذاكر و جهزنا الشنط في يومين هع يا سلااااام ....

وصارت مهانا مواقف لا نحسد عليها خلوني ابدأ بالطيارة ... كنا راكبين على رحلة بتروح الهند اول

شي و بعدين بتكمل دربها لبانكوك .. و الاجواء مو طبيعية ... كان مطر و برق و الله زياااغ

و الطيار ما اعررف منو مخلنه طيار ... وصلنا الهند و زين ما افترت فينا الطيارة

الطيار يلف يمييين و يسار .... و لين ما ثبتنا و كلنا فينا صيحة

اوووه نسيت اخبركم منو كان معاي

اختي ( الكبيرة اللي لاحقة بناتها ) بنها الكبيرة .. و عيالها الصغار ..

انا و اختي الكبيرة و اختي الصغيرة ....

و يا الزياااااغ .... و كانت ولد اختي و حرمته يتريونا في مطار بانكوك

المهم .... و نحن في دربنا لبانكوك الا و يولع ضوء الاحزام و ما تشوفون ويهي بصيييح

و الطيارة تتحرك فوق و تحت فوق و تحت ... و كان باقي ربع ساعة ونوصل بانكوك

و انا ادعي اذا نزلت من الطيارة مو راكبة غيرها برد دبي بالقطار خخخخخ

المهم الحمد لله وصلنا و نزلنا .. و يلا عاد اترووو يختمون البطايقو يسوون بصمة العين

و ما شااااء سيدنا طويل .....يااااي واااحد و قاللنا بساعدكم و حليله ساعدنا و خلص شغلنا بسرعة

و آخر شي قال ابي بقشيش هههه و عطينا حليله يستاهل

المهم خذينا الشنط و طلعنا و الحين يايي دوور الفندق

نسيت اخبركم انا ما نمت فب الطيارة طووووول ال12 ساعة اهئ اهئ اتخيلوا حالتي

المهم رحنا الفندق و قالولنا ما شي حجز باسمكم هني كان في خاطري:041205063

المهم قلنا انزين اكتب الحجز الحين حق غرفتين و سويت حقي انا و خواتي خقاقات خخخ

المهم ساعة لييين ما يابو المفاتيح و ودوا الشنط ... و طلع سويتنا مو مخلص و انا فيني رقااااد شهر

قلنا بنسير غرفة بنت اختي الكبيرة بنام فيها ... رحنا و كام فيها شبرية كبيرة

و غنفة اختي نامة ع الغنفة على طوووول ..... و انا سيدا رحت و نمت في نص الشبرية

و توني بغفي الا احس ان الشبرية تنفتح من النص و انا اطيح تحت

طلعت الشبرية عبارة عن شبريتين حذال بعض ... المهم نشيت فيني صيحة فيني ضحكة و فيني رقااد

المهم رقدنا يمكن حق ساعتين و عقب قرروا يظهرون السوق لاننا كنا بنبات حق يومين بس في بانكوك

و سارنا السوق وما ردينا الا الفليل و اتعشينا و رقدنا الساعة 12 بتوقيت بانكوك^^

ههههه و رقدت رقاااااااااااااااااااااااااااااااد لا يصدق

و بكمل لكم سوالف بانكوك و البوكت باجر ان شاء الله ^_^


 

رد مع اقتباس
قديم 04-04-2009, 02:09 PM   #3
ليلي العمر
نبض اماراتي متألق


الصورة الرمزية ليلي العمر
ليلي العمر غير متواجد حالياً

بيانات اضافيه [ + ]
 رقم العضوية : 9454
 تاريخ التسجيل :  Feb 2009
 أخر زيارة : 01-09-2012 (01:27 AM)
 المشاركات : 820 [ + ]
 التقييم :  14
افتراضي رد: أيام لا تنسى ^_^



يا حيكم والله يا للي متابعيني

مخصوص لسوريـ@ اشكرج على المتابعة

يلا خليني اكمللكم سوالف بانكوك العجيبة .... ثاني يوم في بانكوك و هو آخر يوم لان اليوم اللي بعده
من الصبح بناخذ طيارة لبوكت الجزيرة .... المهم ها اليوم ولد اختي و حرمته قالو بودونا مكان حلو

في بانكوك ...و من الصبح اتجهزنا و الباص كان عند الفندق الساعة 8 ... و سرنا ووصلنا المكان

العجيب و الرااااائع .... الحديقة المائية (dream world) و الله عجيبة فيها العاب ماي خطييرة

تعرفون لعبة القطار اللي يروح فوق و بعدين في الماي ... ما اعرف شو اسمه خخخخ

المهم اللي في بانكوك كبيييييييييييييير و نحن عاد اول مرة ما نعرف

في جسر ... سرنا فوقة نبي انشوف الناس يوم يتسبحون كيف بس اللي صااار

ان الماي لما يمر القطار يوصل لين الجسر و يخيس العالم اللي فوق

و يا سلام علينا وافقين ما نعرف شو السالفة ههه

الا و انشوف مثل شلال ياي صوبنا و جان نخييس ماي و عاد الكشخة كلها راحت هههههه

و لد اختي كاان يعرف يلس يظحك ,,, سخيف

المهم عقب ما خسنا قلنا خلاص نلعب تراها خاربة خاربة

و لعبنا لعبة قطار الموت بس مو قطار كراسي معلقة ... واااااااي كنت شوي و بدوخ من الزياغ

و سرنا قلعة العملقة و اتصورنا و درنا فيالحديقة كلها ليييين المغرب

و بعدين ردينا صوب الفندق .... و على طول رحنا السوق بخياسنا خخخخخخ

لان ما كان في وقت ثاني يوم لازم الشنط جاهزة و على طول المطاار

ثالث يوم ..... هني المغامرة الحقيقة

ركبنا الباص و قلنا له ودنا مطار بانكوك قال اي مطار الرئيسي ولا االثاني ما اعرف شو اسمه

جان انقول اكيد الرئيسي ... المهم رحنا و كان باقي على طيارتنا تقريبا 40 دقيقة

رحنا عطيناهم التذاكر .... ولا يقوللنا الريال ان رحلتكم مو ها المطار المطار الثاني:CAAJKTEZ:

و قال بتلحقون لو ظهرتوا الحين و خذيتوا high way

و ركضنا برع ... و خذينا باص ثاني و رحنااا المطار في عشرين دقيقة ... وزين ان السايق كان يسرع
:016:
و الحمد لله وصلنا بالسلامة .... :013a:

و سافرنا لبوكت الرحلة بس كان نص ساعة .... في بوكت كان مواقفنا مع الاسواق

كان اللي هناك ما يحبون المسلمين ... و كانو البعض ما يعاملنا زين

و الصراحة في بوكت اشتقنا للامارات لدرجة انا البعض منا صار يبي يرجع :009(2): انا منهم

بس تمينا فيها خمس ايام و بعدين رحنا المطار على اساس ان هاي الطيارة راح اتودينا دبي على طول

و رحنا و الله لا يراويكم ها الموقف ... سرنا و الطيرة طارت عنا .. انا و بنت اختي نغني

(( طيارة طارت فووووووووووق )) اتخبلنا خخخخ

اختي شوي و بتصيح خخخخ... بس قالوا اتريووو الطيارة اللي بعدها فيها مكان بعد ساعة تقربا

و تمينا في المطار ... و نسيت اخبركم طلع طيارتنا لدبي مو اليوم باجر ...و ها الطيارة بتودينا بانكوك و بعد بانكوك دبي بس ثاني يوم

نحن كنا مستانسين لاننا بنرجع بانكوك بس للاسف ما عندنا بيزات حق الحجز لاننا صرفنا كل فلوسنا
اليوم اللي قبل ما نظهر من بوكت علشان ما نتوهق بالبيزات

و ياريتنا ما صرفناهم اهئ اهئ

و لحسن الحظ ولد اختي وحرمته كانوا بعدهم في بانكوك و الله يعطيه العافية حجزلنا سويت كبير

حقنا كلنا ... لا تسؤلون كيف نمتو فيه كلكم ...خخخخخ

و بس اغرب موقف ان نحن رحنا بثلاث شنط انا و خواتي .. شنطة بنت اختي و شنطة اختي و عيالها الصغار

بس ردينا بسبع شنط ... شنطتين بنات اختي اللي اتلاقينا معاهم في بوكت ... و شنطتين ولد اختي اللي شفناه في بانكوك

و لاننا كنا وااايد ما صار علينا وزن زيادة في الطيارة .... و يوم وصلنا دبي كلنا دمعنا

و الله ما في احسن واحلى من البلاد ^_^

و سلامتكم هاي سوالفنا عن بلاد برع و ان شاء الله

برجع لكم بسوالفنا في الامارات ...^^








 

رد مع اقتباس
قديم 05-04-2009, 02:22 PM   #4
ليلي العمر
نبض اماراتي متألق


الصورة الرمزية ليلي العمر
ليلي العمر غير متواجد حالياً

بيانات اضافيه [ + ]
 رقم العضوية : 9454
 تاريخ التسجيل :  Feb 2009
 أخر زيارة : 01-09-2012 (01:27 AM)
 المشاركات : 820 [ + ]
 التقييم :  14
افتراضي رد: أيام لا تنسى ^_^



((( صباح الخير / مساء الخيير)))

احب اشكر كل اللي متابعيني ... و اقولكم ترا السوالف ياية هع

و احب اشكر

سوريـ@ ..... شوااااخ .... كشووووخ ...

على تعليقاتهم الحلوة

و بانتظار تعليقات باقي لاعضاء

تسلمووون جميعا ع المتابعة


 

رد مع اقتباس
قديم 06-04-2009, 03:33 PM   #5
ليلي العمر
نبض اماراتي متألق


الصورة الرمزية ليلي العمر
ليلي العمر غير متواجد حالياً

بيانات اضافيه [ + ]
 رقم العضوية : 9454
 تاريخ التسجيل :  Feb 2009
 أخر زيارة : 01-09-2012 (01:27 AM)
 المشاركات : 820 [ + ]
 التقييم :  14
افتراضي رد: أيام لا تنسى ^_^



هلا و مرحبااا بكل اللي يتابعون مواقف ليلي خخخخ

اليوم بخبركم سالفة استوي في 1998

نحن كنا متعودين كل جمعة انسير البحر مع الوالد .... بالرغم من ها الشي انا ما اتعلمت اسبح هع

في جمعة من الجمعات و هاي الجمعة كانت الجمعة اللي خلتني اكره شي اسمه سباحة

الوالد كان من عوايده يستعرض لنا في البحر مرات يغوض و يظهر عقب فترة

و مرات يمسك لها قبقوب

و مرات يسوي روحه غرقان و جذي يعني ....

و انا و خواتي طبعا صغار مفروض بس عند الرمل او اول البحر يعني مو و غزير

فهذا اليوم بابا كان صوب الماي الغزير و انا كان في خاطري اروح عنده

كنت كل شوي اجدم بدون ما يحسون فيني اخواني الكبار هههه شردة

و ما كنت اسبح طبعا امشي في الماي

بعدين وصلت المكان اللي ما اقدر امشي في

فحاول اسبح و قدرت ..... و انا اجدم و اجدم و شوي و بوصل عند الوالد

الا واحس شي يسحبني تحت و هني اشوف الوالد شوي و انزل تحت الماي شوي

انا شفت الوالد يشوفني بس ما اتحرك .... لان كان يتحسبني اقلده

اقلدك و انا في الغزير يالوالد اهئ اهئ

المهم انا بعدني اغرق ... و الوالد ما يتحرك هني انتبه علي اخوي الكبير

هني الموقف يضحك هو كان يشرب ماي ... و من شافني اغرق

رمى كوب الماي و ركض صوب البحر و ياي و ظهرني ((فلم هندي ))

بس و الله لو ما نتبه علي اخوي كنت بروح فيها

و اكيد حصلت هزبة و تكفيخ من الوالد و الوالدة و اخواني

ههههه بس استاهل محد قالي بستوي بطله على صغر

انزين طلع اني رحت صوب قص في البحر سحبني اهئ اهئ

الحمد لله على سلامتي

و من هذيج الجمعة وانا ما اسبح في البحر ( عافك الخاطر)

و انا لين الحين ما اعرف اسبح ^^

و الله الموقف مخيف و ثواني هذي مرت بسرعة بس مستحيل انساها

اتريا تعليقاتكم ع الموقف ^^


 

رد مع اقتباس
قديم 07-04-2009, 01:48 AM   #6
ليلي العمر
نبض اماراتي متألق


الصورة الرمزية ليلي العمر
ليلي العمر غير متواجد حالياً

بيانات اضافيه [ + ]
 رقم العضوية : 9454
 تاريخ التسجيل :  Feb 2009
 أخر زيارة : 01-09-2012 (01:27 AM)
 المشاركات : 820 [ + ]
 التقييم :  14
افتراضي رد: أيام لا تنسى ^_^



ترقبوووو ليلوووو و مغامرات السواقة خخخخخ


^_^


 

رد مع اقتباس
قديم 09-04-2009, 03:25 PM   #7
ليلي العمر
نبض اماراتي متألق


الصورة الرمزية ليلي العمر
ليلي العمر غير متواجد حالياً

بيانات اضافيه [ + ]
 رقم العضوية : 9454
 تاريخ التسجيل :  Feb 2009
 أخر زيارة : 01-09-2012 (01:27 AM)
 المشاركات : 820 [ + ]
 التقييم :  14
افتراضي رد: أيام لا تنسى ^_^



ليلي العمر الخبلة و السواقة

انا انسانة يسموني المينونة في العايلة دووووم احب اخاطر و اجازف

عاد و المجازفات الا هي دراجة هع

عاد بخبركم سالفة السواقة .... يوم من الايام قالي اخوي لو ظهرتي السيارة من الباركن يعطيج 1000

قلتله متأكد ما تنقص ما بييه يخسر بيزاته هع

المهم قبل التحدي و وطلعت السيارة من الباركن طبعا و هو حاط يده ع قلبه ع اشخط السيارة هههه

هاي اول تجاربي بالسواقة

و في يوم اخواني الصغار كانو بسيرون الدكان بالسيارة مع الدريول

احم احم الدريول فتح السيارة وراح داخل شوي اخواني ركبوا خخخخ

انا سرقت السيارة و سرنا الدكان و رردينا طبعا هني انا بطني كان يعورني من الزياغ و على فكرة

الدكان في الفريج لا شارع ولا شي كله رملة

و انا كنت اشوق 20 و الله يعني ولا جنه سيارة ....سيكل هع

طبعا انهزبت بس عقب كم يوم يت الوالدة اتقولي روحي الدكان يبي ما اعرف ههههه

شو السالفة حصلوا دريول يديد هع ....... و كل مرة اظهر بالسيارة اطور سواقتي للافضل

و في مرة رحنا البر انبات ها سالفة ثانية بخبركم بعدين

المهم ولد اختي كانت عنده استيشن اخوي ... قتله خلني اسوق قالي تعرفين قلت لا هع

و حليله اونه بعلمني روحي رفعت الهاند و و غيرت القير و مشينا

خخخخ و حليله كان في صدمة اونه (( عمووه كيف تعرفين خخخ؟؟ ))

قلتله بالفطرة ههههه ....

و هذي مغامراتي .. بس ادري ان السواقة بدون ليسن مو زينة و جذي بس و الله ما اروح ع الشارع

و اتخبل مثل بعض الشباب و حليلي االدكان او السوبر ماركت و اسوق 20 /40 بس

و لازم يكون معاي احد ... ان شاء الله الصيف هذا الليسن في اليد هع

^^


 

رد مع اقتباس
قديم 08-10-2009, 09:19 PM   #8
ليلي العمر
نبض اماراتي متألق


الصورة الرمزية ليلي العمر
ليلي العمر غير متواجد حالياً

بيانات اضافيه [ + ]
 رقم العضوية : 9454
 تاريخ التسجيل :  Feb 2009
 أخر زيارة : 01-09-2012 (01:27 AM)
 المشاركات : 820 [ + ]
 التقييم :  14
افتراضي رد: أيام لا تنسى ^_^



للهم أني أسألك بإسمك العظيم الأعظم الكريم الأكرم الذي إذا دعيت به أجبت

أن ترحم والدي

اللهم اسكنه الفردوس الأعلى

اللهم جازه بالحسنات إحسانا وبالسيئات عفواً وغفرانا

اللهم نقهم من الذنوب والخطايا كما ينقى الثوب الأبيض من الدنس

اللهم اوسع لهم قبره وانره له

اللهم اجمعه مع الانبياء والصدقين والشهداء في الفردوس الأعلى من الجنان

اللهم صلٍ وسلم وبارك على نبينا محمد وعلى آله وصحبه وسلم


قولوا آمييين ..


 

رد مع اقتباس
قديم 18-04-2010, 04:27 PM   #9
ليلي العمر
نبض اماراتي متألق


الصورة الرمزية ليلي العمر
ليلي العمر غير متواجد حالياً

بيانات اضافيه [ + ]
 رقم العضوية : 9454
 تاريخ التسجيل :  Feb 2009
 أخر زيارة : 01-09-2012 (01:27 AM)
 المشاركات : 820 [ + ]
 التقييم :  14
افتراضي رد: أيام لا تنسى ^_^



اللهم اغفر للمؤمنين و المؤمنات الأحياء منهم و الأموات

الله اغفر و ارحم ابي و زوج اختي

و جميع من تركونا و انتقلوا الى قبورهم .... اللهم اجعل قبروهم روضة من رياض الجنة

و لا تجعل قبورهم حفرة من حفر النار

اللهم نقعهم من الخطايا كما ينقى الثوب الأبيض من الدنس

اللهم آمين اللهم آمين


 

رد مع اقتباس
قديم 01-05-2010, 01:41 PM   #10
ليلي العمر
نبض اماراتي متألق


الصورة الرمزية ليلي العمر
ليلي العمر غير متواجد حالياً

بيانات اضافيه [ + ]
 رقم العضوية : 9454
 تاريخ التسجيل :  Feb 2009
 أخر زيارة : 01-09-2012 (01:27 AM)
 المشاركات : 820 [ + ]
 التقييم :  14
افتراضي رد: أيام لا تنسى ^_^



السلام عليكم و رحمة الله و بركاته

اممم رجعت اكتب في يومياتي

االيوم بخبركم عن اليوم اللي رحنا فيه انسوي الهوية

كنت انا و اختي الصغيرة و اخواني الصغار الاثنين و اخوي العود

ظهرنا من البيت الساعة 9 ونص و قلنا بروح من وقت و بنخلص من وقت <<<< ليش ع كيفكم ؟؟!

وصلنا هناك 10 نزلنا و و رحنا عند الاستقبال و خذنا رقم و اللي هو 63

و الرقم اللي كان ع الشاشة 27 و قلنا دربنا طويييل بس يمكن يخلصون سرعة يلسنا نتريا ساعة كاملة

و آآخر شي وصلوا للرقم 30 .... اتخيلو ساعة كاملة بس رقمين آآآآآه يا قلبي

و اتخيلو ما كنا مترقين ... فقال اخوي العود قوموا بنسير نتريق و بنرجع .... رحنا اتريقنا

انا و اختي رحنا مدرستنا الجديمة و سلمنا ع الابلوات و اخوي راح الكراج و بعدين

رجعنا الهيئة تقريبا الساعة 12 و لا توهم واصلين 37 ...آآآآآآآآآآآآآآآآآآآآآآآآآآه هني شوي و بصارخ

و تمين يالسين و عينا ع الارقام ... نتريا ,,, نتريا .... و نتريا...و نتريا ,,, نتريا اهئ اهئ اهئ

استوت الساعة 5 و نص و لا هم وصلوت 62 و نحن نعد الثواني لين ما يستوي الرقم 64

و لا يزقرون الرقم 36 .... نعم نحن نتريا و يزقرون رقم جديم آآآآآآه

بس 6 الا ربع طلعوا رقمنا ع الشاشة ..... و نحن نطينا من كراسينا و رحنا و سوينا البصمة و التوقيع

و يينا حق الصور ...... يالله منو متفيج ...و ويهنا معفوس من التعب

اتقول لي المصور ابتسمي و انا اقول لها الله يرحم و الدينج صوري و خلصيني

و خلصنا و ظهرنا من الهيئة ع الساعة 6 و ربع و تعبانين و بس نبي نوصل البيت و نرتاح

و لا مصكرين الدرب لان كانت في مسيرة الوفاء لام الامارات ,,,,,, الله يحفظها يارب

بس نبا نوصل البيت اهئ اهئ ...... المهم سوينا وين اذنك يا جحا و طلعنا من المسيرة و رجعنا البيت الساعة 7

عاد احسبوها انتوا طلعا 9 ونص و رجعنا 7 و هذا كله علشان هوية اهئ اهئ

الله يعين شي تجديد بعد سنة ,,, الله يعين

و هااي قصتي مع الهوية




 

رد مع اقتباس
إضافة رد

مواقع النشر (المفضلة)

الكلمات الدلالية (Tags)
#, ......., 00, معلقة, الله, الامارات, الهوية, الكريم, اقرأ, تايلاند, بسرعة, بنات, رد, رقم, ساعة, في الامارات, و, _, كِـل, كِـلْ, كّل, كّـلّ, ككل


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:29 AM.

Powered by vBulletin® Copyright ©2000 - 2019, Jelsoft Enterprises Ltd. , Designed & TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الآراء المطروحة بالمنتدى تعبر عن أصحابها و لا علاقة لصاحب المنتدى بها

تصميم : المصمم العربي .. Design By : www.araby4design.com