مركز تحميل الصور والملفات
 

العودة   ¬°•| منتديات نبـض الإمارات |•°¬ > ღ♥ღ النبض العلمي ღ♥ღ > [ طـــلاب نبض ~

الإهداءات

إضافة رد
 
أدوات الموضوع انواع عرض الموضوع
#1  
قديم 04-05-2011, 06:12 PM
! مزيـ الاوصآفي ـونة !
مجموعة النخبة
! مزيـ الاوصآفي ـونة ! غير متواجد حالياً
    Female
 رقم العضوية : 4892
 تاريخ التسجيل : Jul 2008
 فترة الأقامة : 4075 يوم
 أخر زيارة : 07-03-2012 (08:42 PM)
 العمر : 25
 المشاركات : 7,425 [ + ]
 التقييم : 925
 معدل التقييم : ! مزيـ الاوصآفي ـونة ! is a splendid one to behold! مزيـ الاوصآفي ـونة ! is a splendid one to behold! مزيـ الاوصآفي ـونة ! is a splendid one to behold! مزيـ الاوصآفي ـونة ! is a splendid one to behold! مزيـ الاوصآفي ـونة ! is a splendid one to behold! مزيـ الاوصآفي ـونة ! is a splendid one to behold! مزيـ الاوصآفي ـونة ! is a splendid one to behold! مزيـ الاوصآفي ـونة ! is a splendid one to behold
بيانات اضافيه [ + ]
Busted Cop طلب الى كل طالب جامعي



السلام عليكم ورحمة الله ،

بعد عناء طول استمر 12 سنه من الدراسه المدرسيه ، حان الوقت للتخرج
والانتقال الى مرحله اخرى من مراحل الدراسه وطلب العلم اللي هي الجامعـه
واحنا اهني كبرنا وصرنا لازم نختار التخصص اللي نحبه واللي يناسبنا واللي
يتطلبه سوق العمل


والطالب يحتار ويحتار ويفكر مليون مره عشان يختار التخصص او يختار الجامعه
ويمكن يكون في تخصص يحبه بس ما يدري اذا كان هذا التخصص يناسب قدراته او لا
او مايملك معلومات كافيه عنه عشان يقدر يقرر

فياريت من طلبة وطالبات نبض الامارات يفيدونا وكل شخص يكتب لنا معلومات
عن التخصص اللي يدرسه ،

- ليش اخترت هذا التخصص ونبذه بسيطه عنه
- القدرات والمهارات المطلوبه للتخصص
- نبذه عن الخطه الدراسيه والمواد
- مده الدراسه
- الايجابيات والسلبيات
- التخصص وسوق العمل
- رايك في التخصص ونصيحه

ولو عندكم نقاط اضافيه اتمنى تضيفونها




'gf hgn ;g 'hgf [hlud lgd,k lphqvm lshu]m l,ru hglui] hggi hghlhvhj hgjwldl hgodlm hgudk hg,rj hf]hu h;ev jv[li fkj pl]hk ogdtm [hlu .hd] sfphk uhlm kfq kfq hghlhvhj _ K rvhv ;hlg




 توقيع : ! مزيـ الاوصآفي ـونة !


رد مع اقتباس
قديم 05-05-2011, 12:44 AM   #2
3shooQ
نبض اماراتي ماسي


الصورة الرمزية 3shooQ
3shooQ غير متواجد حالياً

بيانات اضافيه [ + ]
 رقم العضوية : 2512
 تاريخ التسجيل :  Nov 2007
 أخر زيارة : 16-05-2019 (04:33 PM)
 المشاركات : 3,427 [ + ]
 التقييم :  391
 الدولهـ
United Arab Emirates
 الجنس ~
Male
افتراضي رد: طلب الى كل طالب جامعي



وعليـج السـلآم والرحمـه

عـِن نفسـِي مـِآقدر آفيـدج ،، لـِاني للحيـنه مـِآتخصصت
وبالاحـِرى مـِآفكرت بـشي ،،

بــٍس نصيحـة ..!!

لو تجوفيــِن عمرج تحبيــِن الفيزيــِ’ـآ والقـِوآنين ،، بتـِلاقيـن هالشـِي فالهندسـِه بشتـى انوآعـِهآ ،،
كـِل الدرآسه قـِوآنين يعنــِي 1+1 = 2 ( درسـي آول بـأول وان شـِآء الله تبدعيــِن فـ هالمجــِآل ..!!

جفتــِي عمرج تحبيــِن التكنـولوجيــِآ ( it ،، وهندسـة شبكـِآت آظني جي اسمـِهآ ..!!
وهالـِشي مـآدرسنآهـ فالمدآرس ،، فـ بتحسيـن موآضيع يديدهـِ

والاعضـِآء مـآ بيقصـِرون معـِآج


 

رد مع اقتباس
قديم 05-05-2011, 02:14 AM   #3
خلك طموح
مشرفة قسم نبض الجدل والنقاش


الصورة الرمزية خلك طموح
خلك طموح غير متواجد حالياً

بيانات اضافيه [ + ]
 رقم العضوية : 7211
 تاريخ التسجيل :  Mar 2006
 أخر زيارة : 19-08-2014 (04:54 AM)
 المشاركات : 3,884 [ + ]
 التقييم :  1359
 الدولهـ
United Arab Emirates
 الجنس ~
Female
 SMS ~
آلسعآدھ : هي آلشيء آلوحيد ♥
♥آلذي يتعآرض مع قآنون آلريآضيآت♥



♥فكلمآ تقاسمتهآ مع الآخرين ♥
♥تضآعفت لديك♥
افتراضي رد: طلب الى كل طالب جامعي



انا بقول لج كل شي بالتفصيل الممل

خلينا نبدا بامارة ابوظبي
عندج نبدا من البداية
جامعة زايد فيها تخصصات وايد حلوة
عندج اعلام
ملتميديا
تغذية
عندج بزنس
واتوقع تربية << يعني تستوين مس فالمدرسة
هاللي اعرفهم
عندج كلية التقنية
فيها تخصصات علوم الحاسب الالي
هارد وير << تدرسين قطع الكمبيوتر وكل شي يخصه
سوفتوير << برمجيات
وعندهم بزنس ع ما اتوقع

كلية الامارات للتطوير التربوي
كلية تربية
يدرسونج على اعلى المستويات فالتربية
يعلمونج ع المناهج اليديدة قبل لاتنطرح
اغلبية دراستهم ميداني من السنة الثانية لين التخرج
عكس الجامعات الثانية التربية ينزلون ميداني اخر فصل دراسي لهم فقط

نحول ع المعهد البترولي
اول شي يقولون لج اياه
الهدف من دخولج للمعهد البترولي انج تحصلين ع مصدر يديد ووسيلة يديدة للحفاظ ع البترول لانه مش متجدد وعادي توصل الدولة لمرحلة انه ماشي بترول
طبعا دراستهم معامل كيميا واحيا واشيا ثانية
يعني تخصصهم هندسة بترولية وكيميائية

عندج جامعة ابوظبي
فيها تخصصات ترجمة ولغة وادب و فلسفة << تخصصات الادبي بشكل عام
عندج جامعة نيوورك فابوظبي عندهم تخصص رياضيات واحياء وفيزياء وكيمياء اتوقع
التخصصات العلمية بشكل عام

عندج كلية فاطمة يدرسون بكالوريوس تمريض ( ابوظبي _ العين )
تستوين مساعدة جراح *_^
عندج جامعة خليفة فيها تخصصات الهندسة
هندسة كيميائية واحيائية وماعرف الباجي
ننتقل لدبي
عندج جامعة حمدان فدبي تدرسين فيها موارد بشرية و علاقات عامة << ادبي

عندج جامعة زايد فدبي
ماعرف شو تخصصاتها
عندج جامعة الشارجة
طب
علم النفس
فلسفة
ادب
لغات
وماعرف شو الباجي

عندج كلية المجتمع
ما اذكر شو التخصصات اللي طارحينها
عندج الجامعة الامريكية
ماعرف شو تخصصاتها
رحتها وما ارتحت لها
عاد انتي خذيلج لفة عليها

عندج راس الخيمة
معهد تمريض << بكالوريوس
عندج العين
جامعة الامارات
فيها قانون
احيا
كيميا
فيزيا
جيولوجيا
هندسة معمارية << المعماري يصممون لج البنية التحتية للمبنى
هندسة مدنية << يختارون لج معدات المبنى وشو المواد اللي تحتايينها فالبنى
هندسة ميكانيكية
هندسة كيميائية
تاريخ
علم النفس
علوم سياسية
علاقات عامة
اتصال جماهيري << اعلام
اقتصاد
احصاء
محاسبة
تسويق
تغذية
زراعة
تربية

عندج شي جامعة العين للعلوم والتكنولوجيا في ابوظبي وفالعين
شي فيها تخصصات الصيدلة
البزنس
حاليا هاللي اعرفه

عندج جامعة الاتحاد
والجزيرة
ماعرف عنهم اي شي اقدر افيدج فيه


كل اللي قلتهم لج يعطونج شهادات بكالوريوس
حتى التقنية بكالوريوس

طبعا ترتيب الشهادات كالتالي:
دبلوم
دبلوم عالي
بكالوريوس
PhD
دكتوراة


النظام فالجامعة يكون شوي مختلف عن المدرسة
يعني فالمدرسة تدرسين المادة ع 3 فصول
لكن فالجامعة المادة تدرسينها خلال فصل واحد
تنرصد درجاتج ع هالطريقة
كويزين او 3 خلال الفصل + تقرير او برزنتيشن + امتحان منتصف + امتحان نهائي = 100 درجة
فالمدرسة يكون عندج شي اسسمه نسبه
لكن فالجامعة يكون عندج شي اسمه معدل

الغياب فالمدرسة مفتوح وينحسب لج غياب يوم كامل
لكن فالجامعة الغياب لكل مادة منفصل عن الثانية
لج الاحقية انج تغيبين عن المادة 5 مرات فقط , المرة الخامسة تعتبر رسوب فالمادة
ما رح يقبلون منج اي عذر الا لو يبتي ورقة اثبات
ع حسب الاستاذ او الدكتورة اللي يعطونج نصهم يحسبون ونصهم يقولون لج مشكلتج
طبعا فالجامعة تعتمدين ع نفسج 100%
بتقولين ربيعاتي ومدري شو
الجامعة غير
عادي ربيعتج تشوفينها فالاسبوع مرة
ولو تشوفينها سلام خطافي ع الماشي وكل وحدة تروح كلاسها
عادي عندج بريك واهية عندها كلاس
عادي يكون عندج كلاس صبح والكلاس الثاني الساعة 2 الظهر والكلاس الاخير الساعة 5 العصر

الدراسة فالجامعات ع مستوى الدولة كلها بالانجليزي
ما عدا كمن تخصص
لغة عربية
قانون
بس هذول اللي اعرفهم تدرسينهم بالعربي
وطبعا لازم تدرسين كمن مادة بالانجليزي

اختاري الجامعة اللي تحسينها مناسبة لج
لو كانت بعيدة مب مشكلة
شي سكن لاغلبية الجامعات
بتقولين سكن وبنات ومدري شو
وطبعا من هالسوالف اللي نسمعها
لكن بتشوفين حياة ثانية
بتتعلمين كيف تعتمدين ع نفسج
فالبيت خواتج امج الشغالة يقزرون لج اشغالج
عبايتج
ريوقج
ومدري شو
لكن لما تكونين فسكن تعتمدين 100% ع نفسج
محد بيكويلج ثيابج لازم تسوينه بروحج
تنشين بروحج الصبح
بتتعرفين تقيمين نفسج عدل

اخذيها مني كأخت
كل وحدة تدخل الجامعة
اول سنة تقول بطلع ما اقدر اتحمل
مابي خلاص
بتم يالسة فالبيت احسن
انا منو قص علي
السنة الثانية بتسكت
بتقول خلاص وصلت لي نص الدرب
السنة الثالثة بتقول متى اتخرج
السنة الرابعة بتقول ابا اكمل ماستر
السنة الخامسة تقرر اهية وين تبي
تشتغل ولا تدرس ولا تعرس وعيال واهل وتعرفين طبعا

بشكل عام
لما تدخلين الجامعة نظرتج للحياة تتغير
ونظرتج لنفسج ولناسج تتغير
عادي تخسرين ربعج اللي وايد وياهم فالمدرسة
عادي تكون عدوتج فالمدرسة صديقتج الصدوقة فالجامعة
عادي تمرين فمواقف ومشاكل عائلية والسبة الجامعة
عادي تنجزين اشياا وتوصلين لاشيا ما توقعتي عمرج توصلين لها فالجامعة
عادي تشاركين فمؤتمرات وتكونين منظمة لها
او تكونين وحد من الشخصيات المهمة اللي يستضيفونها فالمؤتمر
عادي تقدمين محاضرة يدام بروفيسورات ووفود من دول مختلفة
الخيار كله بيدج

طولت عليج بالكلام
اي شي تبينه انا بالخدمة
هههه فاتحة استعلامات 24 ساعة
واي شي تبينه بتخبتر لج عنه وبييب لج علومه فاقرب وقت
مساعداتي متروسات وموزعات ع مستوى الدولة وبرا الدولة جان تبين *_^

good luck


 
 توقيع : خلك طموح




to move slowly is better than not move


رد مع اقتباس
قديم 05-05-2011, 01:43 PM   #4
بنت الربيعي
نبض اماراتي مثابر


الصورة الرمزية بنت الربيعي
بنت الربيعي غير متواجد حالياً

بيانات اضافيه [ + ]
 رقم العضوية : 17095
 تاريخ التسجيل :  Mar 2011
 أخر زيارة : 27-10-2013 (02:15 AM)
 المشاركات : 694 [ + ]
 التقييم :  15
افتراضي رد: طلب الى كل طالب جامعي



السلام عليج ورحمة الله ..
انا ادرس فالجامعه وهذه ثالث سنه لي وكنت شراتج يعني تقدرين تقولين تنقلت لأكثر من جامعه المهم بخبرج تخصصي .. انا ادرس اعلام علاقات عامه والفرعي جرافيكس المهم اذا انتي تحبين انج تكسرين الروتين اليومي لدارسه العاديه الي هي الحفظ أو النظري وحاسه ان عندج ابداع فالتعامل مع الاشخاص وتحبين التصوير و الرسم فأنصحج ادشين اعلام انا يوم دشيته ماكنت مقتنعه بالتخصص بس عقب ما شفت الشغل حبيت التخصص لانج تنزلين الميدان وتعيشين التخصص سوينا مقابلات تصوير اذاعه وان شاءالله خلاال هالسبوع ببتدي ارشاد وياا طلابنا الجدد عن التخصصات المطلوبه بالتعاون مع الوزارات والدوائر الحكوميه فالدوله واتمنى لج التوفيق ..
اذا مافهمتي شي أو حابه تستفسرين تراني موجوده انا فالخدمه الغاليه وربي يوفقج في دراسته وانصحج اصلين استخاره أكثر من مره


 

رد مع اقتباس
قديم 05-05-2011, 04:09 PM   #5
! مزيـ الاوصآفي ـونة !
مجموعة النخبة


الصورة الرمزية ! مزيـ الاوصآفي ـونة !
! مزيـ الاوصآفي ـونة ! غير متواجد حالياً

بيانات اضافيه [ + ]
 رقم العضوية : 4892
 تاريخ التسجيل :  Jul 2008
 العمر : 25
 أخر زيارة : 07-03-2012 (08:42 PM)
 المشاركات : 7,425 [ + ]
 التقييم :  925
 الجنس ~
Female
 MMS ~
MMS ~
افتراضي رد: طلب الى كل طالب جامعي



المـآسي ، مشكو و و ر ع النصايــح وراح ناخذها بعين الاعتبار


 

رد مع اقتباس
قديم 05-05-2011, 04:35 PM   #6
! مزيـ الاوصآفي ـونة !
مجموعة النخبة


الصورة الرمزية ! مزيـ الاوصآفي ـونة !
! مزيـ الاوصآفي ـونة ! غير متواجد حالياً

بيانات اضافيه [ + ]
 رقم العضوية : 4892
 تاريخ التسجيل :  Jul 2008
 العمر : 25
 أخر زيارة : 07-03-2012 (08:42 PM)
 المشاركات : 7,425 [ + ]
 التقييم :  925
 الجنس ~
Female
 MMS ~
MMS ~
افتراضي رد: طلب الى كل طالب جامعي



خلك طموح ،

كنت متأكده وانا اكتب الموضوع انج بتكونين من اول الردود
وبتعطينا كم هائل من المعلو و و مات اللي بتفيدنا و من النصائح
المطابقة لنكج اليديد

بس حبيت اقول انّي " بحرينيه " بس اكيد الجامعات اللي ذكرتيها
بتفيد الطلبه الباقيين اللي بتابعوون الموضوع ، بس استفدت من التخصصات
اللي ذكرتيهـآ =)

وكل الشكر ع النصايح الحلوه والمعلو و و مات اللي ذكرتيها عن الحياه الجامعيه ككل
واعتقد حساب الدرجات في الجامعه شبيه لنظام حساب درجاتنا في الثنويه لان احنا
ينحسب لنا المعدل التراكمي من أول فصل في الثنوي الين نتخرج ، يعني نتخرج بنسبه
تراكميه لـ 6 فصول [ كل سنه فصلين دراسيين ] ف هذا يخلينا نجد في كل الفصول
عشان نحاسب ع المعدل التراكمي

وطلب صغير ، اذكر مره ذكرتي في المدونه عن صديقه او زميله تدرس هندسه معماريه
واذكر كنتي كاتبه عن مجسمها بعد خ خ ، وانا خاطري في هندسه معماريه بس خايفه
اختاره وبعدين ماارتاح فيه ، لانــّي من النوع المتردد و مااحب اتخذ اي قرار قبل ماادرسه
من جميع النواحي ، ف ابي اختاره كـ اقتناع مو مجرد اعجاب في التخصص بس
وانا شاطره في الرياضيات والفيزيا وهذيل احلا مادتين عندي لانهم يعتمدون ع التفكير
ومو الحفظ ، فياريت تستفسرين لي عن التخصص واذا ينصحوني فيه او لا ! ،
وكل المعلوومات اللي تقدرين تحصلينها وبكون شاكره لج .


 

رد مع اقتباس
قديم 05-05-2011, 04:43 PM   #7
! مزيـ الاوصآفي ـونة !
مجموعة النخبة


الصورة الرمزية ! مزيـ الاوصآفي ـونة !
! مزيـ الاوصآفي ـونة ! غير متواجد حالياً

بيانات اضافيه [ + ]
 رقم العضوية : 4892
 تاريخ التسجيل :  Jul 2008
 العمر : 25
 أخر زيارة : 07-03-2012 (08:42 PM)
 المشاركات : 7,425 [ + ]
 التقييم :  925
 الجنس ~
Female
 MMS ~
MMS ~
افتراضي رد: طلب الى كل طالب جامعي



بنت الربيعي ،

اشكرج ع المعلومات ، وتخصصج حلـو و و و وممتع ومثل ماقلتي

بعيد عن الروتين ، وانا شفت تخصصات كثيره وحلوه تندرج تحت الاعلام
فكرت فيها بس احس انّي مااقدر اعطي فيها ، واميل للهندسه اكثر =)
بس حابين نعرف عن التخصص اكثر واكثر ، يمكن يجذبنا من كلامج

ومشكوره مره الثانيه ^^


 

رد مع اقتباس
قديم 05-05-2011, 09:29 PM   #8
بنت الربيعي
نبض اماراتي مثابر


الصورة الرمزية بنت الربيعي
بنت الربيعي غير متواجد حالياً

بيانات اضافيه [ + ]
 رقم العضوية : 17095
 تاريخ التسجيل :  Mar 2011
 أخر زيارة : 27-10-2013 (02:15 AM)
 المشاركات : 694 [ + ]
 التقييم :  15
افتراضي رد: طلب الى كل طالب جامعي



العفو حياتي تخصصنا مكون من اقسام .. اذاعه وتلفزيون - علاقات عامه وهذا احلى شي بالنسبه لي -وتصميم والتصوير - الصحافة هذا اذا انتي من النوع الي يحب يكتب ويعبر - هي صح انا جامعتي شبه خاصه بس انا الحمدالله وبفضل من ربي عطوني منحه اذا كنت بغين تعرفين اكثر وعدناا هندسه معماريه وطب اسنان وصيدله اذا كنت علمي وقانون وit وتربيه وبيفتحون تخصص الموارد البشريه وعدنا ترجمه واايد اشياء بعد بس ناستنهم هي صح بزنس .. اذا رمست عن تخصصي تراه مثل ماقتلج هو عملي اكثر يعني خدمه عملاء وفن التعالم والتقديم وكيف تكون شخص ناجح واداري مميز .. هذه اشياء مختصره


 

رد مع اقتباس
قديم 05-05-2011, 10:21 PM   #9
خلك طموح
مشرفة قسم نبض الجدل والنقاش


الصورة الرمزية خلك طموح
خلك طموح غير متواجد حالياً

بيانات اضافيه [ + ]
 رقم العضوية : 7211
 تاريخ التسجيل :  Mar 2006
 أخر زيارة : 19-08-2014 (04:54 AM)
 المشاركات : 3,884 [ + ]
 التقييم :  1359
 الدولهـ
United Arab Emirates
 الجنس ~
Female
 SMS ~
آلسعآدھ : هي آلشيء آلوحيد ♥
♥آلذي يتعآرض مع قآنون آلريآضيآت♥



♥فكلمآ تقاسمتهآ مع الآخرين ♥
♥تضآعفت لديك♥
افتراضي رد: طلب الى كل طالب جامعي



سبحان الله مزيونة
حلمت من شهووور انج رح تكتبين هالكلام
لدرجة انه الكلمات اللي يالسة اقراها احس اني قاريتنها قبل وكانه هالشي مكرر فمخي

ما علينا
الهندسة المعمارية من التخصصات الدقيقة
يعني تخيلي عمرج مهندسة معمارية وصممتني لبناية وطلع عندج خطأ صغير بيسبب بلاوي عودة

مع الايام والتمكين فالتخصص رح تتكتشفين اخطاء البنا الهندسية بمجرد ما انج توقفين يدام العمارة

طبعا فالتخصص تدرسين الرياضيات ع كمن مادة
وتدرسين الفيزيا والمعامل مالتها
وتدرسين الكيميا اتوقع مع المعامل مالتها
وبعدين تتفرغين كامل للتخصص

طبعا تخصص المعماري يوصل 6 سنوات
يعني اتطولين شوي

بس تطلعين بشي بشي

اذكر لي ربيعات كان مشروع تخرجهم انهم يصممون لمكان
ومن حلات التصميم اتبناهم زايد للاسكان
وخذو التصميم منهم

كل مكان رح تحصلين فيه دقة وتركيز
وكل مكان بتحتاييين انج تثبتين ثقتج بنفسج لنفسج
ولازم تكسرين كل الروتين اللي بحياتج
وتكسرين كل عاداتج
بس فالنهاية رح تطلعين بنتيجة انتي ما توقعتيها بعرمج ابداا

حطي فبالج الاستخارة اهم شي

والله والله والله والله

الاستخارة تفتح لج ابوااااب انتي ما تدرين عنها واتصكر لج ابواب عادي توديج لبير ما تعرفين كيف تطلعين منه

حطي فبالج شو ما كانت نتيجة الاستخارة
قولي اللي الله كاتبه لج بيصير

احيانا بتحتاييين لطموح يتم فقلبج
يعني حاولي انج توصلين له بعد فترة حتى لو 10 سنين
لو الله ما كتب لج توصلين له هالسنة
ان شاء الله بيكتب لج توصلين له فالسنة الياية
ولو ما انكتب فالسنة الياي بتنكتب لج فالسنة اللي بعدها

خلي لعمرج طموح

احيانا نقول ك هبل انه بنوصل لشي مع الايام وانه فخاطرنا نكون شي بعد سنين
صدقيني صدقيني
هالهبل رح يتحقق بيوم ان شاء الله
لكن خلي عندج طموح ^_^


 

رد مع اقتباس
قديم 06-05-2011, 08:05 PM   #10
! مزيـ الاوصآفي ـونة !
مجموعة النخبة


الصورة الرمزية ! مزيـ الاوصآفي ـونة !
! مزيـ الاوصآفي ـونة ! غير متواجد حالياً

بيانات اضافيه [ + ]
 رقم العضوية : 4892
 تاريخ التسجيل :  Jul 2008
 العمر : 25
 أخر زيارة : 07-03-2012 (08:42 PM)
 المشاركات : 7,425 [ + ]
 التقييم :  925
 الجنس ~
Female
 MMS ~
MMS ~
افتراضي رد: طلب الى كل طالب جامعي



اقتباس
حلمت من شهووور انج رح تكتبين هالكلام

بسم الله ×_×

كلامج يشجع ، وانا ف خاطري المعماريه ، ومن وقت ماحطيتها في بالي
وانا الاحظ المباني والعمارات والتصميمات ، واتخيل الخرايط والرسم احسه
شي ممتع ورائع

واللي سمعته انها من اصعب تخصصات الهندسه ،
بس كل شي بالدراسه يسهل ومو خايفه من ناحية الصعوبه
و في النفس الوقت بعد متردده ، من انها ماتكون مثل ماتخيلتها
لأن الميول شي والدراسه شي ثاني ، ومثل ماقلتي بستخير وبتوكل على الله

انا عموما ماافكر ف غير الهندسه ، واكثر شي جذبني المعماريه بس
بتطلع ع الهندسات الباقيه بعد و بشوف المناسب ،

واذا بغيت اي استفسار بطلب منج ^^
ومشكوووووره وماقصرتي تعبتج معاي


 

رد مع اقتباس
إضافة رد

مواقع النشر (المفضلة)

الكلمات الدلالية (Tags)
مليون, محاضرة, مساعدة, موقع, المعهد, الله, الامارات, التصميم, الخيمة, العين, الوقت, ابداع, اكثر, ترجمه, بنت, حمدان, خليفة, جامع, زايد, سبحان, عامة, نبض, نبض الامارات, _, ،, قرار, كامل


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 07:51 AM.

Powered by vBulletin® Copyright ©2000 - 2019, Jelsoft Enterprises Ltd. , Designed & TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الآراء المطروحة بالمنتدى تعبر عن أصحابها و لا علاقة لصاحب المنتدى بها

تصميم : المصمم العربي .. Design By : www.araby4design.com