مركز تحميل الصور والملفات
 

العودة   ¬°•| منتديات نبـض الإمارات |•°¬ > ღ♥ღ النبض الأدبي ღ♥ღ > [ نبض القصص والروايات ~

الإهداءات

إضافة رد
 
أدوات الموضوع انواع عرض الموضوع
قديم 21-04-2013, 09:15 PM   #31
الحب اختياري
نبض اماراتي حبوب


الصورة الرمزية الحب اختياري
الحب اختياري غير متواجد حالياً

بيانات اضافيه [ + ]
 رقم العضوية : 19798
 تاريخ التسجيل :  Dec 2011
 أخر زيارة : 14-09-2013 (05:01 PM)
 المشاركات : 167 [ + ]
 التقييم :  14
افتراضي رد: روايتي الثالثه: في فبراير تنتهي وتبتدي كل الاحلام



البارت التاسع ..
خليفه حضن اخته: والله وكبرتي وقامو يخطبونج
مديه: بس انا خايفه
خليفه: من شو الريال مب زين ؟؟
مديه: لا بالعكس هو طيب ومحترم بس مادري في فرق كبير بيني وبينه وايد 10 سنوات وايد واخاف يتحرون ابي شي منه
خليفه: الحب و الزواج لو أي بالعمر جان محد عرس اللي فيه الخير بيستوي وانا بسال عنه وصلي استخاره
مديه: حاضر بصلي استخاره ووم بي رسمي بخبرك رايي
خليفه: يالله قومي بدلي لبسج ونامي تراني اغار عليج تتراج وايد محلووه من جي الريال اتخبل ^^
مديه ضحكت وطلع خليفه من عندها دشت الحمام تسبح وردت قعدت ع السرير لين مانامت ..
في اليوم التالي في صباح مشرق صباح ممتلئ بالاحداث الجميله والدسمه نصبح اول يوم على بيت ابو نوف نشت نوف من ع السرير ودخلت تسبح طلعت لها بنطلون وقميص جنز وقميصها عليه قلب وحرفها وفتحت شعرها ونزلت تحت
نوف:هااا...... تلاشت الحروف منها
تمت ساكته رفع عينه عبدالله يوم شافها وشعرها مفتوح نزل عيونه وهي ركضت فوق من المستحى ’’
نوف: امببيه شافني جي هههه
ضحكت على نفسها حطت جحال وقلوز خفيف ولفت شعرها ولبست عبايتها ونزلت
نوف وهي مستحيه: احم السلام عليكم ورحمة الله صباح الخير
عبدالله وابونوف: صباح الورد اهلين وعليكم السلام والرحمه
نوف: شخباركم؟؟
عبدالله وابونوف: بخير
قعدت ع السفره ,,
عبدالله: عندي لج مفاجئتين
وقفت نوف وقالت: شو هم المفاجئتين
عبدالله: اول نتريق وبعدين اخبرج
نوف: لا اول المفاجأه بعدين الريوق
عبدالله: اول الريوق وكلام الريال اللي يمشي
نوف: اوف اوكي اوكي عنيد
قعدت تاكل بسرعه بسرعه ’’
نوف: كح كحححح كحح كح
عبدالله وقف بسرعه وياب لها ماي وقال: شوي شوي مابتطير السالفه
نوف استحت: سوري
عبدالله: اذا كنتي جي مابقولج السالفه اليوم
نوف: لاخلاص باكل بادب
ابو نوف: ههههه بنتي فضوليه لو مب اليوم بتمد البوز شبرين
نوف ابتسمت وتريقت ويوم خلصت شلت صحونهم وراحت تغسل ايدينها وردت
نوف: يالله قول
عبدالله: نوف انا ياي اقولج اني شاريج وابي اخذج على سنه الله ورسوله واتقدمت لج من عند ابوج ومامانع والله اني بحطج بعيوني وبسكر عليهن وعد وعد مني لج لاخر انفاسي
نوف تمت منصدمه
ابونوف: لاترديني ترى عبدالله طيوب وحبوب الله يخليج
نوف: لاتترجى يبى انا موافقه عبدالله مافيه عيب
عبدالله وقف وقال: احلفي من صدقج احلفي
نوف: هههه هيه شو المفاجاه الثانيه
وقفها وياه وقال لها: غمضي عيونج
نوف سكرت عيونها ومشت وياه لين برع قال لها: فتحي عينج
فتحت عيونها شافت البي ام دبليو
نوف: واوو طلعيتها مبروووك
عبدالله قرب منها ومسك ايدينها وقال: هااي هديه خطوبتج وها شوي عليج تستاهلين اكثر من جي
انبلمت نوف وقالت: شكراا عبدالله
باسها على راسها
نوف: عندي شرط
عبدالله: امري عيوني لج
نوف: نروح فيها الدوام
عبدالله قال لها: من عيوني
وفتح لها الباب وقال لها: تفضلي يا اميرتي
نوف استحت وقالت: ماله داعي
عبدالله: مالج خص اركبي
ابتسمت وركبت وسكر الباب يه بيركب يوم صد لمح طيف حد وشاف جمعه كان يراقبهم من اول ماطلعو من البيت حرك لين الدوام ونزل فتح لها الباب نزلت يت بتدخل قرب جمعه منها ومسك ايدين نوف’’
جمعه: بصفته منو هالحقير يمسك ايدينج ؟؟
نوف: بصفته خطيبي وريلي عن قريب
جمعه: محد ياخذج غيري سمعتي ولا لا؟؟
ضحكت نوف باستهزاء وقالت: روح للي قد مستواك ومستوى اهلك انا مب من ثوبك روح للي قعديتها فحضنك ..
قعدت تدور في شنطتها وطلعت الورده وفرتها عليه: خذ بقايا ذكرياتك والاماني والوعود وامحي اسمي من حياتك وانسى اني بالوجود لاترجى يا جمعه ما ابي اسمع رجاوي مل صبري وضاعت ايامي معاك وذا قراري باختياري ما ابي اسمع رجاوي
مسكها جمعه: قلت لج مابتتزوجين غيري فاهمه تعرفين عربي ولا لا؟
نوف: وانا مابترياك لين ماتامر لي وباجر ملجتي من عبدالله
مسك عبدالله ايدين جمعه وقال: ودر حرمتي ولا تلمسها
جمعه: لحقتيه علشان بيزاته ؟؟
نوف: لو ادور بيزاته جان ماحبيتك انته بالاساس جمعه انته اللي سويته وايد بحقي ياجمعه جرحتني وخنتني وكسرت قلبي اتركني يا عمي اطلع من مخي عاد
جمعه: بتندمين يا نوف
نوف: بنت الفلاني ماتندم انته اللي بتندم ونوف ماتندم على واحد يا جمعه انا نفس الموت ان رحت مستحيل ارجع مره ثانيه مستحييل
ومشت عنه يت بتدخل صدت صوبه وقالت: بعد اللي صار خذت القرار حبيبي انته بطريج وانا بطريج حبيبي .. مسكين قلبي في يوم حبك وصار مجنون عشق هواك مفتون تالي رجع مطعون
ودخلت داخل وخلت جمعه برع يصيح نفس الياهل اللي ضاعت منه امه ومشت ورا عبدالله وهي تساببق دقاات قلبها ’’
زهرا: السلام عليكم والرحمه
عبدالله وعليكم السلام
مسك ايدين نوف وقال: باركيلي زهور خطبت نوف ملجتنا باجر وانتي معزومه
زهرا: شكرا مبركين
عبدالله: لا شكر على واجب عندي اجتماع اليوم ؟؟
زهرا: هيه خليفه يباك بعد شوي الموعد
عبدالله: خلاص يوم بي خل أي فوق عندي فالمكتب
زهرا: ان شاء الله حاضر
صعد هو فوق ويه نوف وحب يغير الجو وينسيها سحبها لحضنه’’
عبدالله: شي فيج حياتي ؟؟
نوف: لا بس مستغربه عبودي
قرب بيحضنها انفتح الباب وسكره خليفه دق ودخل مره ثانيه وهو منزل راسه’’
خليفه: سوري والله اتحريت محد معااك ومن الحماس نسيت ادق الباب
عبدالله: لاعادي ههه
وقف عبدالله وسلم على خليفه
خليفه: ابي اتوظف عندكم ياخوي ساعدني رغم انه مب قاصرني شي بي ابي اعتمد ع نفسي واكون نفسي علشان اعرس
عبدالله: ييت في وقتك خذ مكان خطيبتي وخطيبتي بخليها مساعدة المدير وانته السكرتير
خليفه: مشكور ماعرف والله كيف اشكرك
عبدالله: ماله داعي ياخوي بس باجر تعال ملجتي انته واخواتك لو عندك واترياك باجر في بيتنا المكان الفلاني
وعطاه رقمه ’’
خليفه: ان شاء الله
وطلع خليفه وهو مستانس اتصل عبدالله على خواته وقال لهم انه باجر ملجته فرحو وايد وقالو بيمرون على نوف يشترون لها فستان حق باجر ووافق عبدالله’’
نوف: من هاي اللحظه مابتشوفني لين باجر
عبدالله: لا انا ما اصبر عنج ثانيه
نوف: لو تحبني صدق
عبدالله: مو بس احبج الا اموووت فيج
قامت منه وعطته السويج علشان يرد فيها البيت وهي نزلت تحت تتريا هند وهنادي
في بيت ابو جمعه’’
جمعه: انتو السبب انتو اللي خربتو من بيننا راحت من ايدي راحت
يت نجود وقالت: لو كانت اتحبك جان ماعرست بس شكلها مستعيله
جمعه: كسرتها خنتها وجدام عيونها وتقولين لو تحبك يا قو قلبكم الله لا يسامحكم ابد اكرهكم اكرهكم
حصه: ماخلصو البنات ترى الدنيا متروسه بنات
وصعد عنهم فوق ’’
كـــــــــــــــــــــــــــــــــــــــــــــــــ ـــــــت:-
1- شو بيصير فالملجه وخليفه بيحضر ولا لا؟؟
2- خليفه وشغله اليديد ويا عبدالله ؟؟
ملاحظه:-
((ها قد انتهت حكايتنا هنا حيث ما بدات))



 

رد مع اقتباس
قديم 22-04-2013, 10:35 PM   #32
الحب اختياري
نبض اماراتي حبوب


الصورة الرمزية الحب اختياري
الحب اختياري غير متواجد حالياً

بيانات اضافيه [ + ]
 رقم العضوية : 19798
 تاريخ التسجيل :  Dec 2011
 أخر زيارة : 14-09-2013 (05:01 PM)
 المشاركات : 167 [ + ]
 التقييم :  14
افتراضي رد: روايتي الثالثه: في فبراير تنتهي وتبتدي كل الاحلام



انتظروني باجر ان شاء الله
لانه اليوم كنت مشغوله في اتمام مشاريع المدرسه ..
ومالحقت اكتب البارت كله
والسموحه ع القصور


 

رد مع اقتباس
قديم 23-04-2013, 06:51 PM   #33
الحب اختياري
نبض اماراتي حبوب


الصورة الرمزية الحب اختياري
الحب اختياري غير متواجد حالياً

بيانات اضافيه [ + ]
 رقم العضوية : 19798
 تاريخ التسجيل :  Dec 2011
 أخر زيارة : 14-09-2013 (05:01 PM)
 المشاركات : 167 [ + ]
 التقييم :  14
افتراضي رد: روايتي الثالثه: في فبراير تنتهي وتبتدي كل الاحلام



انتظروني بعد قليل مع البارت العاشر ..


 

رد مع اقتباس
قديم 23-04-2013, 06:54 PM   #34
الحب اختياري
نبض اماراتي حبوب


الصورة الرمزية الحب اختياري
الحب اختياري غير متواجد حالياً

بيانات اضافيه [ + ]
 رقم العضوية : 19798
 تاريخ التسجيل :  Dec 2011
 أخر زيارة : 14-09-2013 (05:01 PM)
 المشاركات : 167 [ + ]
 التقييم :  14
افتراضي رد: روايتي الثالثه: في فبراير تنتهي وتبتدي كل الاحلام



البارت العاشر
مر اليوم على خير يت الساعه 9 الصبح في بيت ابو خليفه ..
خليفه: صباح الخير
مديه: صباح النور وين ساير من صباح الله خير ؟؟
خليفه: بروح الحلاق اتحلق
مديه: شو عندك؟؟
خليفه: ملجة المدير اليوم وعزمني وزهبي حالج بتروحين معايه
مديه: ان شاء الله اغير جو ههه
وطلع خليفه وراحت مديه تتريق وبعدين صعدت فوق فالغرفه ترتاح ’’
عند العروس نشت الصبح دخلت تسبح ولبست برمودا وقميص ماسك ع الصدر ولبست عبايتها ونزلت تحت عند ابوها ’’
نوف: هلا يبى صباح الورد
ابونوف: اهلين حبي وين رايحه الصالون ؟؟
نوف: هيه يبى بروح اكششخ
ابونوف: الله يتمم عليكم ان شاء الله واللي فيه الخير بيصير
نوف: ان شاء الله امين تامرني بحايه يبى ؟؟
ابونوف: سلامتج حبيبتي انتبهي ع نفسج
نوف: ان شاء الله
طلعت وركبت سيارتها اليديده ووصلت الصالون بعد دقايق معدوده
عبير: هلا حبيبتي شو بدك تعملي ؟؟
نوف: اسشور شعري وميك اب خفيف
عبير: عرس ولا حفله؟؟
نوف: ملجتي
صدت نجود صوبها وتمت اتشوف جمالها نوف كلمت الحرمه ويلست حذالهم ’’
حصه صاصرت نجود: من حقه اخوي يتخبل عليها حلوه
نجود: اقول كلي خرا احسن لج
يه دور نوف وخلصت ع الساعه 1 الظهر طلعت من الصالون طلعو وراها شافوها تركب البي ام دبليو فتحو حلجهم ’’
نجود و حصه: والله وتطورت العزبه بنت الفقر تركب هالموتر
ردت البيت دخلت متغشيه تدري انه عبدالله يراقبها دخلت البيت وصعدت فوق وطلعت فستانها ودخنته وقعدت تتلبس واتعدل كشختها يه عقب صلاة العشا اجتمعو العيال والاهل ’’
(( فاطمه – دعاء – هند – هنادي – مديه – مها – زهرا .. باقي المعازيم ))
(( احمد – خليفه – ابو نوف – فارس – عمر – راشد ))
هند اول ماشافت مديه ركضت صوبها وقالت: مديه حبيبتي
مديه: هلا والله شخبارج بخير ؟؟
يه عبدالله سلم خليفه على عبدالله ومديه حضنت هند وتمت اتشوف خليفه صد صوبها شافها وابتسم من حلاتها ’’
خليفه وهو يطرش مسج حق هند: ها العيون اشلون املها سحر ذوبني بغزلها بوسه من عندك حبيبي تسوى عندي الدنيا كلهاااا
ردت داخل عند نوف وكانو الشباب في جهه والبنات في جهه نزلت نوف بفستانها دم الغزال المخصر على جسمها ونفس الربطه ع شعرها وعيونها الكبار والكعب العالي وهي تنزل من الدري مثل الاميره والكل يسمي عليها ونزلت تمت اتشوف فاطمه وتبتسم ويلست ع الكوشه البسيطه وقامو البنات يرقصون ويت فطوم وهي وبطنها منفوخ تمشي جهة نوف ’’
نوف: فطوووم حااامل ؟؟
ابتسمت فاطمه وقالت: هيه شفتي عاد ههه كل شي بيدين ربج تحقق
مديه اتكلم هند: ماشاء الله حرمة اخوج حليوه
هند: هيه فديتها عقبالنا انا وانتي وهنادي والباقيات
وبعد دقايق دخل عبدالله وابو نوف واحمد وغطو نوف لانه احمد دخل وياهم وصل عبدالله وباس راسها ولبسها الدبله’’
عبدالله: مبروك ياغلاي
نوف: الله يبارك فيك
احمد: مبرووك يالدبه
نوف: ههه الله يبارك فيك وانته بعد مبروك
احمد: على شو ؟؟
نوف: حرمتك حامل لا ولا ماتبى تخبر ؟؟
احمد: لا والله بالعكس هيه فديتها انا ام عيالي هههه
تم يشوف فطوم ويغمز لها وهي استحت وضحك عليها وطلع احمد وتمو في القاعه ابو نوف وعبدالله وقامو هنادي وهند يرقصون وطلع ابو نوف وخلصت الملجه على خير صوب الباب وهي واقفه حط ايديه ع عينها ودورها وحضنها ’’
خليفه: ياقمر
هند: القمر فوق انته تعرف اخوي ؟؟
خليفه ضحك: اداوم معاه بعد شفتي كيف علشان ابسرعه اخطبج ^^
استحت وقامت عنه وقرصها خليفه وباسها ع راسها ودخلت داخل
صعدت نوف شلت اغراضها وردت بيتهم قعدت ويا ابوها في الصاله ’’
نوف: يبى يبى
ابونوف: عيون ابوج
نوف: عبدالله واخواته يبونك يوم بنتزوج تسكن في بيتهم علشان يهتمون فيك
ابونوف: لا يا يما مابي اثقل عليهم جي احسن واللي يباني اييني بيتي
نوف: ماعرف يبى كلم عبدالله
باست راس ابوها وصعدت فوق وبدلت لبسها ونامت
عند مديه في الغرفه كانت تفتح شعرها ورن فونها
محمد: هلا
مديه: منو ؟؟
محمد: انا محمد
مديه: ها
محمد ابتسم: شخبارج مديه ؟؟
مديه: بخير عن اذنك ماروم اكلمك ع الفون باي
ماخلته يكمل كلامه الا وهي مسكره الخط في ويهه وراحت عند خليفه وخبرته وعطت الرقم حق خليفه وردت غرفتها تسبح وبعد دقايق طلعت مديه وراحت عند خليفه ’’
مديه: كلمته؟؟
خليفه: هيه وقال انه كان بيقولك انه بيخطب من ورا باجر وحب يتسامح منج
مديه: شو ؟؟ بيخطب !!
خليفه: هيه
اتضايقت من خاطرها وقالت: الله يهنيه
وراحت غرفتها ’’
مديه: قلت لك يا قلبي لاتحبه ولاتعلق قلبي فيه وشفت شو صار فيك هذا جزاك
مرت الايام على خير في بيت ابو نوف عند هنادي وابو نوف ’’
هنادي: السلام عليكم عمي
ابونوف: وعليكم السلام
هنادي: يالله ريوق تايم عمي ههه
ابونوف: لاتزقريني عمي اتكبريني 50 سنه جدام هههههه
هنادي: حاضر ههه عادي اسالك سوال شبه خاص ؟؟
ابونوف: اتفضلي يالغاليه
هنادي: مافكرت تتزوج من بعد حرمتك بما انه مابيكون حد معاك فالبيت ؟؟
ابونوف: والله فكرت او اييب لي ممرضه بس قلت منو بيتعبل فيني !!
هنادي: انا بس بترضى تاخذني ؟؟
ابونوف سكت وتم يشوفها وقامت هنادي وركبت موترها وراحت شركة اخوها عبدالله’’
زهرا: هلا هنادي
هنادي: اهلين اقدر اشوف اخوي ؟؟
زهرا: اكيد تفضلي
دخلت هنادي مرت على مكتب خليفه ’’
خليفه: هنــــــــــــد!!
صدت هنادي ’’
خليفه: اوه هنادي شخبارج؟؟
هنادي: بخير امم اخوي داخل ؟؟
خليفه: هيه ويه حرمته
هنادي مشت ولحقها خلييفه دخلت هنادي ’’
عبدالله: هنادي!!
نوف: هلا حبيبتي منوره
وقفت وسلمت عليها ’’
هنادي: ابي اكلمك في موضوع
نوف: عيل انا بترخص
هنادي: لا خلج انتي بعد يخصج الموضوع
عبدالله: اتكلمي شو فيج شي فيج محتاجه شي ؟؟
هنادي: لا ياخوي يايه ابي تخطب لي ابي اتزوج
خليفه تم ساكت ويسمع باقي الحوار
عبدالله: اتزوجي خل ايون البيت بس منو سعيد الحظ؟؟
هنادي سكتت وزاد توتر المستمعين ,,
عبدالله: حاطه عينج على حد قولي اسمعج لاتخبين علي
هنادي: لابس
عبدالله: بس شو يا غلاي قولي
هنادي: بما انك بتتزوج نوف ابوها محد بيقعد وياه فانا بتزوج ابي
عبدالله: اتكلمي
هنادي: ابي ابي اتزوج ابو نوف
نوف: ابووووويه @@
كـــــــــــــــــــــــــــــــــــــــت:-
التوقعات لكم حبايبي
((رن هاتفها ردت تفاجات بصوت امرا تقول
سمعت الكثير عنك من ابني واحببتك كثيرا نريدك عروسا له ))


 

رد مع اقتباس
قديم 28-04-2013, 06:47 PM   #35
الحب اختياري
نبض اماراتي حبوب


الصورة الرمزية الحب اختياري
الحب اختياري غير متواجد حالياً

بيانات اضافيه [ + ]
 رقم العضوية : 19798
 تاريخ التسجيل :  Dec 2011
 أخر زيارة : 14-09-2013 (05:01 PM)
 المشاركات : 167 [ + ]
 التقييم :  14
افتراضي رد: روايتي الثالثه: في فبراير تنتهي وتبتدي كل الاحلام



ترقبوني بعد قليل مع البارت الحادي عشر


 

رد مع اقتباس
قديم 28-04-2013, 06:49 PM   #36
الحب اختياري
نبض اماراتي حبوب


الصورة الرمزية الحب اختياري
الحب اختياري غير متواجد حالياً

بيانات اضافيه [ + ]
 رقم العضوية : 19798
 تاريخ التسجيل :  Dec 2011
 أخر زيارة : 14-09-2013 (05:01 PM)
 المشاركات : 167 [ + ]
 التقييم :  14
افتراضي رد: روايتي الثالثه: في فبراير تنتهي وتبتدي كل الاحلام



البارت الحادي عشر ..
نوف: ابويه انا ؟؟
هنادي: هيه ابوج
عبدالله: مقتنعه باللي تقولينه
هنادي: هيه وبكامل وعي واعرف اني بعيش ويا واحد اكبر مني ب20 سنه بس على الاقل لو عشت معاه بحس بالامان ماعرف اختار بنفسي ابونوف بيحسسني بالامان مابي عيال بس مابي خيانه ارجوكم لاتردوني وهند بتلقى اللي ياخذها ويحطها بعيونه
فتح خليفه الباب ونزل راسه ’’
خليفه: السموحه بس ياي من مكتبي وسمعت كل شي مب مشكله انا بتزوج هند انا اول ماشفتها في ملجتك قررت اخطبها بس كنت انتظر الوقت المناسب وراح احطها بعيوني
عبدالله: والله ماعرف شو اقول صدمتوني استانس ولا ارفض ولا شو اسوي انا اعرف انه هنادي عاقله واللي بتتخذه اكيد مفكره فيه مليون مره قبل لا تطرحه والله يتممها عليكم خلاص خليفه بعد صلاة العشا مر علينا ونوف هاتي ابوج وتعالي بيتنا اوكي حياتي ؟؟
نوف: ان شاء الله قلبي
حضنت هنادي اخوها وصاحت في حضنه وهدتها نوف وطلعت بعدين ردت البيت وخبرت هند كل شي وانصدمت هند من هنادي وطلبها ومن خليفه اللي ماتوقعت بهالسرعه هاي يتقدم لها بس وايد فرحت ^^ الحب الاهتمام لاياتي بعمر الانسان ’’
اني عند بيت ابو محمد
محمد: متى انروح نخطب البنت ؟؟
امنه: بعدك مصر على قرارك ؟؟
محمد: هيه ماباها تطير من ايدي
امنه: ان شاء الله بشوف بكلم اهلها
محمد: خلاص اوكي
وراح عنها ’’
فضول: انتي مب مرتاحه للزواج ؟؟
امنه: لا بالعكس فرحانه وايد
فضول: عقبالنا ههههه
في بيت ابو احمد ’’
فطوم: اوف الحمال لعوزني
احمد: بالعكس حلو عليج كل الوقت مقشره هههههههه
فطوم: لا والله انجلع عن ويهي
احمد: فديتو انا المعصب اروح له فدووه
رن تلفون احمد ورد’’
احمد: هلا والله وينك يالقاطع ؟؟
.............: موجود والله
احمد: تعال مرني بنتعشى
..........: لا ياخوي الحين ماروم بس بقولك شي وبسكر
احمد: شو امر يا بو راس
............: اممم ابي اخطب اختك
احمد: اختي ؟؟
طلعت هنادي من البيت حبت تقعد روحها في الكوفي دخلت الكوفي ’’
فارس: مرحبا امري اختي شو بغيتي تشربين ؟؟
هنادي بصوت خفيف: اويه نفس صوته وانفاسه هو انا متاكده
فارس: لو سمحتي
هنادي رفعت راسها انبلم فارس وقال بعد ثواني : انتي ؟؟
هنادي ابتسمت وقالت: شكرا لانك صلحت تلفوني
فارس: ماله داعي شو حابه تشربين ؟؟
هنادي: كوفي
راح ياب لها وقال: عادي اقعد معاج لو ماعندج مانع ؟؟
هنادي: حياك المطعم مطعمك
قعد وناظر فيها وقال: انا اول ماشفتج انعجبت فيج حاولت اوصل لج ولكن ماعرف كيف
هنادي: بليز لاتقول هالكلام فات الاوان بعد صلاة العشاء ملجتي
انصدم فارس وقال: تملجين شو بعد صلاة العشا وبتاخذين منو ؟؟
هنادي سكتت وبعد صمت قالت: ابو ابو اربيعتي
فارس: شو ابو اربيعتج مجبوره عليه ولا اتخبلتي ؟؟
هنادي: لا ماتخبلت برضاي باخذه حبيت اهتم فيه على الاقل مايخون مع الايام بحبه هو حبوب ولانه اخوي ماخذ بنته واهلها ماتو بحادث سياه الله يرحمهم
فارس: تتكلمين عن نوف؟؟
هنادي: تعرفها؟؟
فارس: هيه انا اللي كانت تشتغل عندي وذليتها انا اللي ذبحت اهلها وتنازلت عني رغم اللي سويته فيها صدمه والله صدق انه الدنيا دواره
هنادي رن فونها وردت عليه ’’
عبدالله: وينج اختفيتي مابقى شي ترى وصل المليج بقى خليفه وابو نوف
هنادي: الحين يايه حبيبي يالله باي
عبدالله: انتبهي ع نفسج
وسكر عنها’’
هنادي: انا بخليك مابقى شي عن الملجة دعواتك غنا.............
بلعت ريجها ولسانها وقامت شلت اغراضها وطلعت من المطعم دخلو من بعدها نجود وحصه تم يشوفهم ,’’
فارس: ااخخخ ياهنادي سلبتي عقلي اه
في غرفة دعا ومها اندق الباب عليهم ودخل احمد’’
احمد: هلا بحبايب قلبي
دعا ومها: اهلين يالغلا
احمد: مهوي
مها: عيونها وروح مها
احمد: في واحد ياي يخطبج
مها: لا مابي
احمد: ليش فديتج حد في قلبج ولا شو السبب ؟؟
مها: لا مب جي من دون سبب اول خل دعوي تعرس وانا بعدها
دعاء: لاماعليج يمكن اول انتي لازم تعرسين وانا بعدج بتوقفين نصيبي بعدين هههه وماعليج مني امووواح بعرس نبى نفرح فيج اول
احمد: فكري وردي علي خبر ترى الريال مايطوف وزين وانا اضمنه لج
عند هند وهنادي في بيتهم العود وكل وحده في الحجره تتعدل ووصل المليج مع ابو نوف وخليفه ومديه ونوف والشهود عن ملجة ابونوف: خليفه – عبدالله – نوف وعن ملجة خليفه: مديه – عبدالله – ابو نوف
وقعو البنات ويببو الباقي وكل واحد صعد عند حرمته واللي دخل عند حبيبته اللي صارت حلاله قامت مديه طلعت برع وخلت خليفه وهند وعبدالله ونوف وهنادي وابو نوف فالبيت وراها وقعدت برع
عند خليفه فالحجره ’’
خليفه: لالالالالالالالالا فوديته انا الجميل اللي صار حرمتي
هند: جب
خليفه: يجبج ياله...........
هند: هههههههههه
خليفه: وافديت الضحكه انا اروح لها فدوه احبج دبوووه
هند: اطلع برع
خليفه: هههههه جب يلا
وعند ابونوف ’’
ابونوف: مبروك ياعروسه
هنادي: الله يبارك فيك من اليوم مابزقرك عمي هه
ابونوف قرب منها وباسها ع راسها وقال: الله لايحرمني منج
هنادي: ولا يحرمني منك
عند فارس وصلت جميله وقعد ويه حصه ونجود
جميله: سمعتو اخر خبر ؟؟
حصه: شو ؟؟
جميله :................................................. . الخ
حصه ونجود: شوووووو
جميله: اللي سمعتوه ماعلينا منهم المهم منو يروم اييب راس المسوؤل يقولون انه عصبي ومايعطي حد سالفه
نجود: انا واذا يبت راسه شو لي ؟؟
جميله: بعطيج اللي تبين
قامت نجود ومشت صوبه
نجود بدلع زايد: لو سمحت
فارس: هلا
نجود: ابيك بشي
فارس: امري
نجود طرت ورقه وكتبت برج خليفه غرفه رقم 222 وطلعت من الرسبشن وراحت عندهم’’
نجود: اليوم فليل لو ياني معناته يبت راسه ولو مايه معناته خسرت الرهان
كـــــــــــــــــــــــــــــــــــــــــــــــــ ت:-
1- هل بيروح فارس عند نجود؟؟
2- الولد اللي خطب مها منو وهل بتوافق ولا لا؟؟
3- وشو اللي قالته جميله حق نجود وحصه ؟؟
4- والمعاريس اليداد ومديه وحالها وبعد مايخطب محمد غيرها !!
ملاحظه:
(( عشقي لك ماهو طبيعي عشقي لك تعدى كل من قال انا عاشق ))


 

رد مع اقتباس
قديم 29-04-2013, 06:57 PM   #37
الحب اختياري
نبض اماراتي حبوب


الصورة الرمزية الحب اختياري
الحب اختياري غير متواجد حالياً

بيانات اضافيه [ + ]
 رقم العضوية : 19798
 تاريخ التسجيل :  Dec 2011
 أخر زيارة : 14-09-2013 (05:01 PM)
 المشاركات : 167 [ + ]
 التقييم :  14
افتراضي رد: روايتي الثالثه: في فبراير تنتهي وتبتدي كل الاحلام



انتظروني فالبارت الثاني عشر


 

رد مع اقتباس
قديم 29-04-2013, 07:31 PM   #38
الحب اختياري
نبض اماراتي حبوب


الصورة الرمزية الحب اختياري
الحب اختياري غير متواجد حالياً

بيانات اضافيه [ + ]
 رقم العضوية : 19798
 تاريخ التسجيل :  Dec 2011
 أخر زيارة : 14-09-2013 (05:01 PM)
 المشاركات : 167 [ + ]
 التقييم :  14
افتراضي رد: روايتي الثالثه: في فبراير تنتهي وتبتدي كل الاحلام



البارت الثاني عشر
طلع خليفه من الغرفه وودعهم وراح عند مديه وحط ايدينه بحنان ع كتفها وقال’’
خليفه: شو فيج؟؟
مديه: مافيني شي
خليفه: تفكرين بمحمد صح ؟؟
مديه: لا
خليفه: تحبينه؟؟
مديه: ماعرف احب يمكن تعلقت فيه بس طار من ايدي يالله نروح حب مراهقين ههه
ومشت عن اخوها وتم ابو نوف فالصاله يالس ويه عبدالله وهنادي ونوف وهند ’’
هنادي: ابونوف
ابونوف: عيونه
الكل: هههههههههههههههه
هنادي استحت وقالت: ههه يعني شو تبوني اقول ؟؟
تمت ساكته’’
ابونوف: شو كنتي بتقولين ماعليج منهم
هنادي: بتي تعيش مني لانه هند بتروح بيت ريلها وعبدالله بيتزوج نوف وبيسافرون وبيتك راح انعدله انا وانته وراح نسوي له صيانه
ابونوف: ان شاء الله
قعد يتثاوب وقال ابونوف: يالله انا راد البيت امايه نوف جدامي يالله يالعيوز
نوف: ان شاء الله يبى
قامت سلمت ع هند وهنادي وقالت نوف: مبرووووك
وطلعت وهي راده البيت شافت نجود وجمول وحصوه وتمت تشوف جمول واتذكرت الموقف ’’
نوف: اكيد هم اللي دزوها تخرب من بيننا الله لايسامحكم لادنيا ولا اخره حسبي الله ونعم الوكيل عليكم
نزلت نجود ويه حصوه واتريتهم في السياره جمول
حصه: السلام عليكم
جمعه: وعليكم السلام من وين يايات؟؟
نجود: من الكوفي اول مره تسالنا غريبه
جمعه: ماحيد انه حرام انا بعرس
نجود: ندري
جمعه: منو خبركم؟
نجود وحصه: بعد ربك
نجود: ومنو سعيدة الحظ هالمره شحاته ولا زباله ولا شي ثاني ؟؟
جمعه: ثمني كلامج ومالج خص بتزوجها وبعدين بقول لكم انتو مب ويه ثقه
وقام وطلع برع ركب موتره وراح يتمشى صعدت نجود فوق حطت لها قميص نوم وشلت ميكب خفيف ونزلت تحت ’’
حصه: انتبهي ع نفسج
نجود: لاتحاتين مابيلمسني مجرد اكسر راس جمول
حصه حضنت اختها وطلعت نجود وركبت مع جمول وصلتها برج خليفه كانت الساعه تشير الى 11 مساءا نزلت وصعدت الغرفه على طول فتحت الباب لقت الغرفه بارده والنور خافت حطت فونها صامت ودخلت ششافته يالس ع البلكونه يناظر المنظر دشت الحمام لبست قميص نوم راص ع الجسم ليت الركب وماسك ع الصدر من فوق لونه كحلي وحطت ايلينر وروج خفيف فتحت شعرها وطلعت انبهر فارس من جمالها لكن سكت دخل داخل وسكر البلكونه قرب منها وهي ابتعدت لين مالصقت ع اليدار مسك شعرها وقعد يشمه ويلهم كل شي بجسمها ويشمه شلاها بخفه وحطاها ع السرير اندق الجرس وقف قلبها فكرت يايب حد ولا اخوها راقبها ’’
فارس: شوفيج خايفه النادل يايب عصير ماخفتي من ربج خفتي من اللي عند الباب ؟
نجود اتقطعت من كلامه اللي مثل السم وخلت عمرها قويه وقالت: لا مب خايفه من اللي برع بس قلت ماباخذ راحتي وياك يعني
تم يناظر فيها قام وفتح الباب ياب العصير وعطاها تشرب تمت تهلوس وطاحت في حضنه تم يشوفها وقرب منها وووووو............................ الخ
حرقو فونها حصه وجمول لا من ينادي كانت طايحه على السرير ولافه عمرها بالشرشف نشت شافت نفسها وانصدمت نجود ولاول مره تمت تصيح ’’
نجود: انا شو سويت في نفسي كيف خليته ينام معاي اهئ يارب ساعدني يارب منو بيقبل يتزوجني وياخذ وحده شراتي وع علي تف علي قامت تشوف ويهها طبع لها علامه صوب رقبتها وكتب لها رساله ’’
فارس: حطيت لج بيزات عند الطاوله وشكرا ع الليله الحلوه ان بغيتج بتصل بج وطمني اهلج عليج تراهم حرقو فونج ومع السلامه وان شفتيني اعتبري انج ماتعرفيني والعكس بسويه معاج
سبت نفسها ولعنت نفسها لبست ونزلت تحت ركبت تاكسي وردت البيت قفلت ع روحها الباب وقعدت تصيح ’’
عند ابو نوف عند غرفة نوف الساعه 11 الصبح اتصلت على عبدالله ’’
عبدالله: صباح الخير اليوم ناشه من وقت الحلوه
نوف: ههههه شو اسوي ملانه قلت اخبرك شي
عبدالله: شو هو ياروحي انتي ؟؟
نوف: شورايك نتغدى انا وانته ومديه وخليفه وهند وهنادي وابويه
عبدالله: فكره حلوه خلاص بتصل على خليفه وبرد عليج خبر
سكر من نوف واتصل ع خليفه كان خليفه عنده عذر بس عبدالله حل عذره واتفقو على اتفاق حلو وسكر واكد على نوف وراح خبر خواته انه يتلبسون حق الطلعه قامت هنادي هي وهند اتلبسو وكشخو ونوف بعد قامت لبست بنطلون جنز وقميص مطرز وكعب ولفت شعرها يت الساعه 1 صلو الظهر وطلعو وتوجههو الى مردف ستي سنتر مطعم p.h.chanis قعدو وطلبو ديناميت ونادولز وبيبسي وكل واحد قعد مجابل حرمته ومديه ع طرف حذال خليفه ومجابلنها كرسي فاضي وهم يالسين ياكلون سرحت مديه ودعت لهم انه الله يتمم عليهم ويخليهم لبعض يه واحد سحب الكرسي وقعد جدامها
محمد: تتزوجيني ياللي ملكتي كياني بسج دلع تعبت وانا الحقج يالبي حتى طول الوقت تفكرين فيني هههه
مديه تمت تشوفه وصدت تشوف خليفه وقالت: انته قايل له نحن هني
خليفه: هيه هو كان بي البيت بس عبدالله عطاني هالفكره
شافت محمد وقالت: انته مو قلت بتخطب غيري ؟؟
محمد: هاي انتي كنت اباج اتحسين فيني
مديه: بس انته عورت قلبي
محمد: فديت قلبج انا وعد ماعوره مره ثانيه
نوف: ها انقول مبروك نبى نفرح ؟؟
هند وهنادي: باجر انيب المليج ونرقص هههههه
مديه تمت تشوف محمد وصدت صوب خليفه وقالت: اللي يشوفه خلوف انا حاضر
ودخلو امون وفضول ايبووون كولولولولولولولوش
مر شهر على خير مر بطيئ على ناس وسريع على ناس ومتوسط على ناس عند نجود وصل مسج ع تلفونها ,,
فارس: اليوم ابيج في برج العرب متوله عليج تراني انتظرج في غرفة 111
دمعت عيونها
نجود: استغفر الله انا شو سويت في حياتي علشان يصير فيني جي اكيد من حوبات نوفي يارب سامحني اهئ اهئ
قامت غسلت ويهها وقرت قران ونزلت تحت عند يموع وتمت اتشوفه وماقالت شي وتمت شوي وقالت في خاطرها ’’
نجود: سامحني ياخوي خربت بينك وبين انسانه بريئه كانت تحبك صدق انا اسفه اسفه حيل ياريت لو اقدر اردكم ولا اقول شي
قامت راحت المول تتمشى يت الساعه 10 ليلا طلعت وراحت برج العرب دخلت لقته صوب المقعد صعد وياها دخلو الغرفه
نجود: ليش ماترد علي ليش شو سويت لك انا ؟؟
فارس: انتي اللي ييتي محد جبرج وبغيتج وسويت اللي سويته
نجود: انته تعرف انك حقير ؟؟
قرب منها وقال: وانتي بايعه نفسج يابنت الشوارع
سطعته كف طرررررررررررراااااااااااااااااااااااااااااااااخ
نجود: ثمن كلامك قبل لاتفره علي
ويت بتطلع مسك ايديها وسحب شعرها وفراها على السرير ’’
فارس: تحلمين تطلعين وبراويج الرجوله وين
وفتح زرار قميصه وسكر الليت وووو..............................الخ
الساعه 1 ليلا قعدت ع طرف الحجره تصيح ’’
فارس: ماينفع الصياح كل ماباج بتكونين بين ايديني
نجود: يخسي هذا اخر يوم اتشوفني وراح اتي وتتزوجني
فارس ضحك: اتزوجج اتزوج وحده خربانه لاحبيبتي اباج للتسليه بس ولو اتزوجتج راح اتزوجج واهينج
نجود قامت وقالت: تتتتتف عليك حقير ونذل
لبست وطلعت ركب التاكسي وهي ترتجف وردت البيت
في بيت ابو عبدالله ’’
هند: اقولك عبود
هنادي: هاي
عبدالله: هلا انزين امري هنوده شو كنتي بتقولين ؟؟
هند: باجر بناخذ حرمتك السوق
عبدالله: ليش بعد ؟؟
هند: بنزهب حق عرسنا الرباعي ههههه
عبدالله: اوكي لاتنسون خليفه بعد اقصد اخته ترى بنسوي عرس جماعي ههه
هند: احس عرسنا بيكون احلى عرس بالكون
عبدالله: بالكون عاد ههه ان شاء الله
هند: يالله بروح ارقد تعبانه
هنادي: مي تو لاحقتنج
عبدالله: نوم العوافي
صعدو فوق هند وهنادي وهو اتصل على نوف
نوف: هممممم
عبدالله: شو راقده ؟؟
نوف: ها لا يالسه
عبدالله: شوصاير؟؟
نوف: ماصاير شي حبيبي
نوف شافت نجود وهي نازله من التاكسي اتصيح
عبدالله: نوف ازقرج
نوف: هلا هلا سوري
عبدالله: باجر بتروحين معاهم
نوف: هيه قلبي بروح معاهم
عبدالله: عندج بيزات ؟؟
نوف: هيه قلبي مهري مايقصر ههههه
عبدالله: بي معاج بختار لج فستان ^^
نوف: ماله داعي استريح مكانك عندي عيون
عبدالله: اخاف عليج
نوف: من شو؟؟
عبدالله: من كل شي .. نوف
نوف: هلا
عبدالله: اول مانعرس راح انسافر شهرين زهبي حالج ابي ابعدج عن العالم والناس بكبره
نوف: مب جنه وايد شهرين
عبدالله: ويمكن اكثر عادي تراني بنسيج العالم هههه
نوف في قلبها: ياريت يا عبود واولهم يموع
عبدالله: بشو تفكرين ؟؟
نوف: ولا شي بس ضربني نعاس ههه
عبدالله: زين وانا بعد بروح انام
نوف: اتلحف عدل احب......
بلعت لسانها وسكت عبدالله ماقال شي وسكرو من بعض فتحت البلكونه تمت تناظر بيت جمعه من بعيد ’’
نوف: اخ يا جمعه ليش ليش انته اللي سويت جي حتى كلمة احبك ماروم اقولها لشريك حياتي
تنهدت وسكرت الدريشه’’
في بيت احد العوائل ’’
..............1: انا موافقه
..............2: والله من صدقج ؟؟
كـــــــــــــــــــــــــــــــــــــــــــــــــ ـــــــــت
1- منو اللي وافق ؟؟
2- كيف بيكون حال نجود ؟؟
3- العرس الرباعي وسفر نوف شهرين او اكثر ؟؟
4- باقي التوقعات لكم ..
ملاحظه:-
(( غلطه صغيره ومن بعدها
كل شي تغير .. ))


 

رد مع اقتباس
قديم 30-04-2013, 03:54 PM   #39
الحب اختياري
نبض اماراتي حبوب


الصورة الرمزية الحب اختياري
الحب اختياري غير متواجد حالياً

بيانات اضافيه [ + ]
 رقم العضوية : 19798
 تاريخ التسجيل :  Dec 2011
 أخر زيارة : 14-09-2013 (05:01 PM)
 المشاركات : 167 [ + ]
 التقييم :  14
افتراضي رد: روايتي الثالثه: في فبراير تنتهي وتبتدي كل الاحلام



ترقبوني مع البارت الثالث عشر ..


 

رد مع اقتباس
قديم 30-04-2013, 07:37 PM   #40
الحب اختياري
نبض اماراتي حبوب


الصورة الرمزية الحب اختياري
الحب اختياري غير متواجد حالياً

بيانات اضافيه [ + ]
 رقم العضوية : 19798
 تاريخ التسجيل :  Dec 2011
 أخر زيارة : 14-09-2013 (05:01 PM)
 المشاركات : 167 [ + ]
 التقييم :  14
افتراضي رد: روايتي الثالثه: في فبراير تنتهي وتبتدي كل الاحلام



البارت الثالث عشر ..
مها: انا موافقه
احمد: صدق شو خلاج توافقين ؟؟
مها: ابصراحه كلام نوف اقنعني
احمد: ليش شو قالت لج ؟؟
مها: قالت صلي استخاره واذا من طرف احمد اكيد بيكون اوكي
احمد: زين والله
مها: احمدوه بس عندي شرط
احمد: امري حياتي !!
مها: مابيه يشوفني الا وقت العرس ولا يكلمني ولا شي
احمد: حشه ليش من احين بتذبحين الريال ههههه
مها: بس انا وافقت عليه خل يوافق على شرطي ولا ماباه لاني ماعرفه ولا يعرفني
احمد: خلاص ببكلمه وبرد عليج
مها: اوكي يالله عن اذنك بروح انام
وقامت عن اخوها ونامت
نامت كل العوائل في راحه عند بيت ابو جمعه دشت حصه ع نجود ’’
حصه: نجود صرتي متغيره وايد ماقمتي تطلعين من غرفتج وين نجود القويه وينها؟؟
نجود تمت تطالع اختها وركضت في حضنها وقعدت تحضنها واتصييح
حصه: شوفيج يا روح اختج شوفيج اتكلمي اسمعج ؟؟
نجود: ليش جي سوا فيني ليش ؟؟
حصه: شو سوا فيج اتكلمي شو
نجود: كسرني اهاني اغتصبني اغتصبني يا حصه ليش سوا كل ها فيني ليش ليش يا حصه ليييييييييييييييييييييييييييييش
حصه انصدمت وقالت بصوت واطي كانه تاكد ع كلامها : اغتصبج ؟؟
نجود قعدت تصيح وتشاهق لين ماتعبت ونامت قعدت حصه تفكر كيف يعني اغتصبها يعني هي مب عذرا احين
حصه: الله يهديج يا نجود شو سويتي فعمرج وفينا
عند بيت ابو نوف نشت من النوم ودخلت الحمام تسبح ربطت شعرها ذيل حصان ونزلت عند ابوها وطاحت في حضنه ’’
نوف: الحين في ناس خذو هالمكان يا حظهم ههههه
ابونوف: لا بعده حقج ههه لين ماتروحين بيت ريلج
نوف: صدق؟؟
ابونوف: هيه كم نوف عندي غير وحده فديتها
نوف: ابوي دير بالك على هنادي تراها حبوبه ورزينه
ابونوف: لاتوصيني على روحي ونفسي
هني اندق الباب قامت نوف فتحته ولقت هنادي وهند ’’
نوف: بنت الحلال عند ذكرها
هند: تحشين فمنو ابسرعه
نوف: فهنادي شوي ههههه
ابونوف وقف ويت هند باست راسه ويت هنادي قرب منها وحضنها هنادي استحت من ردت فعله
ابونوف: محتاجه شي؟
هنادي: لاممهري يكفيني ويزيد ^^
ابونوف: ديري بالج ع نفسج
صعدت نوف فوق وسحبت معاها هند لبست عبايتها وتعطرت ونزلت قامت هنادي من حذال ابو نوف ومشت وياهم وراحو بسيارة نوف راحو دارو ع المولات والاسواق لين الساعه 9 ونص فالليل ردو مرهقين نزلتهم نوف بيتهم ونزلت قرب منها جمعه رفعت راسها نوف راسها وامتزرت عيونها دموع رفع ايده ومسحها ’’
نوف: لاتلمسني بعد شهر وشوي عرسي
تم يناظر عيونها وقال: انا بعد بعرس
نوف: مبروك منو سعيدة الحظ
جمعه: اخت اربيعي
نوف: الله يهنيك
امطرت السما عليهم سكرت باب الموتر ومشت قبل لاتدش البيت وقفت ’’
نوف: ارخصتني وارخصت قدري معاك والناس صارت فيني تعيب
سكرت الباب وقعدت صوب الباب اتصيح وركض ابوها صوبها يوم سمع صياح
ابونوف: شوفيج ياروحي حد سوا فيج شي ؟؟
نوف: ليش يايبى ليش فرقونا ليش؟؟
ابونوف مسح ع راسها ودخلها داخل
ابونوف: ياحياتي الحب والزواج ايون بالحظ وكل شي في هالدنيا قسمه ونصيب ومكتوب لنا لاتتضايقين لو عبدالله مب زين جان مازوجتج اياه ولا سلمته بنتي الغاليه وانا اضمن انه عبدالله راح يحطج بعيونه وواثق منه ومابيقصر عليج بشي
هدت ومسحت دموعها وصعدت فوق ترتاح ونامت من التعب
مرت الايام ومر يوم ورا يوم ومرت الاحداث الحلوه والمره والبنات يجهزون حق عرس الاربعه المرح وكل وحده منهم قاطعت ريلها انه مايشوفها ابد وكل مايطلعون يتنقبون لانه يعرفون رياييلهم انذال ويه اليوم اللي كل بنت تترياه يه اليوم اللي بتوقف كل بنت ع الكوشه وكل وحده فيهم تقول انا احلى عن الثانيه وكل وحده تخق بجمالها في الغرفه عندهم ’’
نوف: انا بنزل اخر وحده
مديه: لالالا انا لاني استحي مابي
هند وهنادي: زقو انا وتوامتي بعدين انتو العيايز بننزل اثنين اثنين
فتحت فطوم الباب ودخلو دعاء ومها وامون وفضول خلوهم صوب الاستقبال
فطوم: فديت الحلواااات انا تقطعن
مها ودعاء: ماشاء الله كل وحده تقول انا هههههه
فطوم: اسمعو اول بتنزل هند ومديه وبعدين هنادي ونوف
نوف: هيه صح جي احسن
العرايس: ههه اوكي
ونزلو اول شي هند ومديه وكان فستان هند ماسك ع الصدر ومنفوخ من تحت بطريقة فساتين الاتراك وكانت في قمة الاناقه والجمال ومديه فستانها مخصر ع الجسم وفيه فتحه على الظهر بس مسكر عليها الطرحه ومشو على اغنية شيخه الزينات هلت واقبلت الف صلو يا صبايا ع النبي وكلولولولولولش والناس ترقص اتيبب ويهلوس هههههه
وبعد ساعه نزلت نوف وهنادي نوف كانت لابسه فستان ماسك ع الصدر وطره فستانها من تحت لين الركب وبطريقه حلوه واما هنادي كانت لابسه فستان نفس سنوايت ج منفوخ صوب الايد روووعه كان عليها وقفو العرايس الاربع بعد مادخلت نوف وهنادي على اغنية اليوم طالع قمر في طلتك يا سلام حلاه غير البشر
وبعد دقايق دخلو رياييلهم على زفة لا اله الا الله الف الصلاة ع النبي وكل وحده منهم ترتجف من االخوف وهم يمشون بهيبتهم اني عن هند وصل خليفه ومسك ايدينها وباسها ’’
خليفه: مبروك ياروحي
هند: الله يبارك فيك
خليفه: قلتي حق القمر خوز وخلني مكانك ؟؟
هند: لا تجامل
خليفه: وراسج ماجامل
هند: وراسك انته ليش راسي سخيف
خليفه: ههههههههههههههههههههههههههههه
عند مديه ومحمد شلى مديه ودار فيها ونزلها ’’
محمد: مبروك يامن سكن قلبي
واخواته يصفقون ’’
امون: شوي شوي عليها كليتها
مديه: سخيف ههههه
عند ابونوف وهنادي
ابونوف: مبروك عليج الشيبه
هنادي: لاتقول جي انته بنظري 15 سنه
ابونوف: لاتبالغين ههه
هنادي ابتسمت
عند نوف وعبدالله تم يناظر فيها وعلى عيونها وشفايفها
عبدالله: يالله جدامي
نوف: وين؟؟
عبدالله: على الطياره
نوف: بلا هبل هههههه
عبدالله: اخاف عليج من عيونهم
دخلت وحده القاعه كانت الانظار عليها صعدت فوق الكوشه عبدالله فتح عيونه ’’
عبدالله بصوت خفيف: مب وقته
نوف اتلاشت ابتسامتها وهند وهنادي خافو اتخرب العرس باركت للكل وقالت نجود بهمس لنوف’’
نجود: سامحيني ارجوج انا تغربلت في حياتي ارجوج سامحيني
نوف: على شو انا مب زعلانه لاتحاتين
نجود: ترى يموع يحبج وكان يعشق ترابج اللي تمشين عليها ولكن انا واختي خربنا على حبكم وطرشت بنت خالتي عنده انا اللي سويت جي ماكنت اباج تاخذينه كنت مفكره انج تبين بيزاتنا ارجوج ارجوج يانوف سامحيني ابي اعيش مرتاحه انا اختربت حياتي والله اختربت
وقعدت تدمع عيونها علشان الناس مايحسون فيه شي
حضنتها نوف: مب مشكله اذا الله يسامح منو انا علشان ما اسامح
وباركت لها نجود وطلعت تم عبدالله يشوف نوف خلص العرس صوب السياره يه جمعه ’’
جمعه: مبروك ياعبدالله تستاهلها
صد صوب مها بس ماعرف انها خطيبته وهي شافته بس بعد هي ماتعرف
جمعه: هالله هالله فيها
نوف: لاتوصيني على نفسي
باركولها احمد وفارس وراشد وزهرا وقبل لاتركب نوف السياره صدت صوب جمعه وشافته وقالت’
نوف: في فبراير تنتهي كل الاحلام ’’
كـــــــــــــــــــــــــــــــــــــــــــــــــ ـــــــت:
1- التوقعات لكم حبايبي ..
ملاحظه:
((من اعطاك عذرا زائفا للرحيل
فاعطيه الف شكر لعدم البقاء
وش عذره وهو حالف بربه
مايتغغير علي ؟؟ ))


 

رد مع اقتباس
إضافة رد

مواقع النشر (المفضلة)

الكلمات الدلالية (Tags)
., 000, ملاحظة, ماسك, محمد, مرض, مساعدة, معروفه, من, موضوع, مطعم, الله, الامارات, الاول, الثاني, الحروف, اليوم, الروح, الصلاة, السابع, السريع, السفر, الوقت, الوكيل, ابغي, ابو, احسن, اريد, اشتري, ازياء, اكشن, توام, بنت, خليفه, دبي, حبوب, درب, حصه, دعاء, خفيف, راس, روعه, صادق, شهادة, system, عشر, في, في الامارات, نوم, نوف, ضروري, قبايل


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 06:23 AM.

Powered by vBulletin® Copyright ©2000 - 2019, Jelsoft Enterprises Ltd. , Designed & TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الآراء المطروحة بالمنتدى تعبر عن أصحابها و لا علاقة لصاحب المنتدى بها

تصميم : المصمم العربي .. Design By : www.araby4design.com