مركز تحميل الصور والملفات
 

العودة   ¬°•| منتديات نبـض الإمارات |•°¬ > ღ♥ღ النبض الأدبي ღ♥ღ > [ نبض القصص والروايات ~

الإهداءات

إضافة رد
 
أدوات الموضوع انواع عرض الموضوع
قديم 12-04-2013, 02:57 PM   #11
الحب اختياري
نبض اماراتي حبوب


الصورة الرمزية الحب اختياري
الحب اختياري غير متواجد حالياً

بيانات اضافيه [ + ]
 رقم العضوية : 19798
 تاريخ التسجيل :  Dec 2011
 أخر زيارة : 14-09-2013 (05:01 PM)
 المشاركات : 167 [ + ]
 التقييم :  14
افتراضي رد: روايتي الثالثه: في فبراير تنتهي وتبتدي كل الاحلام



انتظروني بعد قليل في بارت يديد راح ينزل ..

وجمعه مباركه حبايبي ..



 

رد مع اقتباس
قديم 12-04-2013, 03:02 PM   #12
الحب اختياري
نبض اماراتي حبوب


الصورة الرمزية الحب اختياري
الحب اختياري غير متواجد حالياً

بيانات اضافيه [ + ]
 رقم العضوية : 19798
 تاريخ التسجيل :  Dec 2011
 أخر زيارة : 14-09-2013 (05:01 PM)
 المشاركات : 167 [ + ]
 التقييم :  14
افتراضي رد: روايتي الثالثه: في فبراير تنتهي وتبتدي كل الاحلام



البارت الثالث


........1: وين وكيف ؟؟
........2: وهم رادين البيت صوب البيت تقريبا
فرت التلفون وركضت برع ’’
نوف: يبى يمى نوااف اهئ لاتروحون عني واتخلوني منو بيبقى معاي اهئ اهئ ؟؟
طلعو الجيران وقعدو يشوفونها وعبدالله وهو راد البيت نزل وشاف نوف ’’
عبدالله: شو صاير مب انتي بنت ابو نوف ؟؟
نوف: اهئ هيه ابوي وامي واخوي سو حادث اهئ
يو الاسعاف والشرطه شلو الاسعاف المصابين ويه احمد’’
احمد: شو صاير الغاليه نوف مامن شر ؟؟
نوف قالت كل شي حق احمد ودخلت داخل لبست عبايتها ويابت مفتاح سيارتها ولحقتهم المستشفى وعبدالله لحقها احمد شل خواته ومرته .. احمد – عبدالله – فاطمه – دعاء – مها – نوف ’’
نوف قعدت تصيح: اهئ كلهم لو راحو منو بيبقى معاي
حط ايديه على كتفها وقال: انا انا ياعاشقة المطر

في لندن الساعه 1 ليلا صعدو فوق هند وهنادي طاحت هنادي ع السرير ودخلت هند تسبح طلعت لبست قميص طويل شتوي وبوت وقبعه ’’
هنادي وهي تتثاوب: وين رايحه بعد هالوقت ؟؟
هند: بقعد في الكوفي اللي تحت مافيني رقاد
هنادي: لاتتاخرين وانتبهي على نفسج
وحضنت اختها ورقدت ونزلت هند تحت وهي بتنزل من المصعد حط ايدينه على المصعد ’’
خليفه: عادي انزل معاج ؟؟
هند: حياك
خليفه: وين رايحه ؟؟
هند: امممم ولا مكان مافيني نوم قلت انزل اقعد فالكوفي
خليفه: يعني شراتي ماياني نوم اوف مليت من الغربه
نزلو من المصعد وتوجهو الى الكوفي وقعدو وطلبو ’’
هند: ليش من متى تدرس هني ؟؟
خليفه: 5 سنوات واكثر ويمكن هاي اخر سنه لي برجع وبخلص ان شاء الله بعد يومين او اكثر
هند: اها نحن بعد بنرد باجر فليل يمكن
خليفه: درب السلامه
هند: الله يسلمك
خليفه: ممكن طلب
هند: اتفضل .. امر
خليفه: بعطيج اغراض خليهم معاج وابيج توصلينهم حق اختي بعد ماتوصلين ب3 ايام
هند: ان شاء الله من عيوني

في المستشفى عند نوف والجماعه طلع الدكتور وقفت نوف بعد ماكانت دعاء ومها وفاطمه يهدونها
نوف وهي تعبانه: بشر دكتور كيف حالتهم ؟؟
الكل تم يناظر فيها ويناظر في عيون الدكتور بعد صمت ’’
نوف: اتكلم ارجوك لاتوترني
الدكتور: عطوج عمرهم امج واخوج الا ابوج نجى
طاحت منهاره وزعجت باعلى صوت وقالت: اهئ انا منحوسه أي مكان اسيره يتسكر الباب في ويهي ليش ليش يايما رحتي وخليتيني ليش ياسندي رحت وخليتني لييييييش كلكم رححتو وخليتوني انا وابوي
الدكتور: ابوج تعبان حيل يحتاج دعائج مب صياحج
اتحطمت نفسيا جسديا روحيا عقليا ماعرفت شو تسوي غير انها تدعي لهم بالرحمه وتدعي لابوها بالشفاء وتدعي لامها واخوها بالرحمه وتمت قاعده فالمستشفى تحت راس ابوها ودعت لاخوها وامها في اليوم التالي الشباب والبنات ماقصرو دفنو الام والولد والبنات قامو بالعزا ’’

عند امنه ومديه في المطعم حضنو بعض وقعدو ’’
امنه: هلا يالقاطعه
مديه: اهلين
وقعدو يسولفون وجي ومديه من النوع الخجول في واحد ورا امنه يشوف ملامحها الناعمه ’’
مديه: امون ممكن نغير المكان؟؟
امنه: ليش
مديه: بس جي
امنه: اوكي حبيبتي براحتج
قامت امنه وقالت: شو تسوي هني
مديه سكتت’’
امنه: مديه اعرفج على اخويه اسمه محمد ومحمد اعرفك على اربيعتي مديه
مديه: تشرفنا اخوي
نزلت راسها ’’
محمد: الشرف لي حياك
امنه: لا البنت تستحي
مديه: شكرا امون اترياج برع عن اذنكم
ومشت عنهم ’’
محمد: اذنج معاج احم ضبطي اخوج يبى يعرس
امنه: جب يالشيبه

في لندن ردت هند البيت حست فيها هنادي وقامت لها ’’
هنادي: توج راده ؟؟
هند: هيه كنت قاعده ويه خلوف
هنادي: انسانه متفيجه قومي خليني اصلي
هند: حشه شو عرفج انه اذن
هنادي: عندي منبه حق الاذان وساعتي توقيت الامارات
هند: بل عليج اممم هنادي تصدقين شو ؟؟
هنادي وهي تتوضأ: شو
هند: احبه
هنادي: حبج برص منو بيرضى فيج ومنو بيرضى يحبج
هند: شوفيني فديتني ماشاء الله عليه دلال مال رشاقه جمال
هنادي: قلبج خرا ومغروره ترى اللي قلتيه كله يزول ومامنه لا فايده ولا ينفع يوم القيامه
هند: اصلا انتي تغارين مني لاني احلى منج
هنادي سكرت الباب فويهه هند وكملت وضوءها ’’

في المستشفى عند نوف نشت الساعه 7 الصبح دخل الدكتور ’’
نوف: صباح الخير
الدكتور: صباح النور صح النوم يينا انجيك ع الوالد اذا اوكي اليوم بنرخصه
نوف: ان شاء الله خير
جيكو على ابوها والحمدالله كل شي اوكي وكل شي سليم قامت ورتبت اغراض ابوها وخلصت المعاملات ونزلت ابوها وراحت صوب السياره لقت باقة ورد على السياره وفيها بطاقه فتحت البطاقه مكتوب فيها ’’
جمعه: الحمدالله ع سلامة الوالد المرسل اليه عاشقة المطر اللي خلتني اعشقه
ابتسمت نوف وكان ورها ’’
جمعه: هلا
نوف: اهلين
ابونوف: هلا ابويه شخبارك؟؟
جمعه: الحمدالله وانته اخبارك عمي عساك مرتاح ؟؟
ابو نوف: الحمدالله
نوف: عن اذنك بوصل الوالد البيت لانه مريض ابيه يرتاح
وراحت ركبت الموتر وخلته وراها وهي راده البيت تمت تفكر فيه وقالت لهدرجه حبيته ؟ .. عند عبدالله فالبيت اتصل حق خواته وقال لهم انه يعزون نوف لانه اخوها وامها ماتو وانصدمو وايد واتصلو وعزوها ’’

رن تلفون نوف وردت ’’
راشد: الو السلام عليكم
نوف: وعليكم السلام منو معاي ؟؟
راشد: معاج الضابط راشد ممكن تتفضلين عندنا المركز
نوف: ليش شو صاير؟؟
راشد: يوم بتين بتعرفين كل شي نترياج
نوف: ان شاء الله دقايق واكون عندكم
لبست وطلعت توجهت الى مركز الشرطه ودخلت ع مكتب الضابط راشد’’
راشد: هلا اختي انتي نوف ؟؟
نوف: هيه امر اخوي
راشد: الريال اللي دعم الوالد هل تتنازلين عن القضيه او ينسجن لانه هو الغلطان كان مسرع يبى ينقذ بنته اللي كانته بانفاسها الاخيره بس بعد الحادث ماتت
نوف: الله يرحمها ويرحم امي واخوي مب مشكله معذور اتنازل عنه اذا الله يسامح ويغفر ونحن البشر ليش مانسامح ونغفر عن اخطاء الانسان وهذا كان يومهم الله يرحمهم وقضاء وقدر
راشد: شرطي دخل المتهم
دخل وهو منزل راسه ’’
نوف وقفت وقالت: احسن الله عزاك ياخوي في بنتك
رفع راسه لانه هالصوت يعرفه انه صوت نوف ’’
نوف: انته


كـــــــــــــــــــــــــــــــــــــــــــت

1- منو الشخص اللي دعم ابو نوف ؟؟
2- حب جمعه ونوف بيكتمل ولا بيتوقف ؟؟
3- هند وهنادي وخليفه ؟؟
4- مديه ومحمد ؟؟

راشد: حبوب – مرح – 28 سنه

ملاحظه:-


((من خسر حب امراه مخلصه خسر حياته كلها ))


 

رد مع اقتباس
قديم 13-04-2013, 04:50 PM   #13
الحب اختياري
نبض اماراتي حبوب


الصورة الرمزية الحب اختياري
الحب اختياري غير متواجد حالياً

بيانات اضافيه [ + ]
 رقم العضوية : 19798
 تاريخ التسجيل :  Dec 2011
 أخر زيارة : 14-09-2013 (05:01 PM)
 المشاركات : 167 [ + ]
 التقييم :  14
افتراضي رد: روايتي الثالثه: في فبراير تنتهي وتبتدي كل الاحلام



ترقبوني فالبارت الرابع بعد قليل
وتقبلو مروري اختكم الحب اختياري


 

رد مع اقتباس
قديم 13-04-2013, 04:55 PM   #14
الحب اختياري
نبض اماراتي حبوب


الصورة الرمزية الحب اختياري
الحب اختياري غير متواجد حالياً

بيانات اضافيه [ + ]
 رقم العضوية : 19798
 تاريخ التسجيل :  Dec 2011
 أخر زيارة : 14-09-2013 (05:01 PM)
 المشاركات : 167 [ + ]
 التقييم :  14
افتراضي رد: روايتي الثالثه: في فبراير تنتهي وتبتدي كل الاحلام



البارت الرابع ..


في اجواء لندن ..
خليفه: تصدقين هنوده حبيتج
هند: عادي اصلا منو مايحبني هع !!
خليفه: ليش جي تردين علي بجفا يعني انتي ماتحبيني ؟؟
هند قالت في خاطرها: غروري مايسمح لي اقول حق واحد احبك
خليفه: اكلمج ولا اعتبر من سكوتج السكوت علامة الرضا ؟
هند: منو قاص عليك وقال اني احبك وع
خليفه: اسميها يعني حب من طرف واحد ؟؟
هند: اعتبرها باللي تعتبره انا بروح اجهز شناطي واوعي اختي مع السلامه
خليفه: حافظنج الرحمن

نرد لاهل دبي في مركز الشرطه ..
نوف: انته ؟؟
فارس: سامحيني من بعد ماطردتج وانا ماعشت حياه حلوه ومتغربل في حياتي من مستشفى لين مستشفى اعالج بنتي ويوم لقيت لها علاجها ماتت سامحيني ارجوج
دمعت عيون نوف من الالم للي فيها وقالت: انا مب شاله في خاطري عليك يا فارس ولا دعيت عليك بس الله خذى حقي منك وانا مسامحتنك والله بيسعدك وين ماكنت
طلعت من المركز وهي تفكر كيف كان المدير مغرور اللي كانت يوم تدخل يسبها ويهزاها صدق انه الدنيا دواره مشت وردت بيتهم يابت العشا حق ابوها وعطته دواه وكانت ماترد له طلب موول علشان ماتتعب نفسيته وودته حجرته قعدت في الصاله تشوف تلفزيون وبعدين تمت اتشوف بيتهم كيف استوى من بعد امها واخوها هادي وماله حس ولا حركه صعدت فوق في غرفتها مسكت قلم وورقه ’’
نوف: لا اريد ان اعلق احد بي ثم ارحل
لا اريد العلق باحد ثم يرحل
فوجع الرحيل اشبه باستئصال القلب دون مخدر
13 – 2 – 2013
Done by nouf

طارت طيارة لندن متجهه الى دبي دار الحي وصلو هنادي وهند البيت
هنادي: بوووووو
عبدالله: هلا والله باحلى توائم بالدنيا وفي البيت بعد هههه
هند: اهلين انا الاحلى اكيييد
هنادي ابتسمت
هند: شوفيج؟؟
هنادي: ولا شي حبيبتي
عبدالله: شو يبتولي من هنااك
هند: يبنى لك شقرا خخخخخخخخ
رن تلفون هند وشافت خليفه متصل ردت عليه ’’
خليفه: الحمدالله ع السلامه حياتي
هند: الله يسلمج انا الحين يالسه ويا الاهل بصعد غرفتي وبكلمج
خليفه: متاكده
هند: هيه اكييد
خليفه: تيك كير يا اغلى من روحي علي
هند: باي

في بيت ابو جمعه يت نجود وحصه يركضون وقعدو في حضن اخوهم ييموع
نجود: وافديت اخويه انا
حصه: اروح له فدوه
جمعه: من وين طالعه الشمس بيزات ماعندي ولا الحب نزل فجاه
حصه: انته اصلا الحب مالنا من زمان باجر عيد الحب شو بتيب لنا ؟؟
جمعه: ما اؤمن بهالخرافات انا كل يوم احبكم
نجود: خف علينا روميو زمانك
حصه: هيه والله خف علينا شو قال
نجود: قال شو قال مايؤمن بهالخرافات مولت بس مولت
وراحو الغرفه ههههههههه وحليلهم ’’

في الصاله عند عائلة ابو احمد ’’
دعاء: وحليلها نوف تكسر الخاطر فخاطري اسوي لها فكره علشان تحقق امنيتها احمد: هي والله انا بساعدها
تمت فطوم اتشوف احمد وقالت: اتحبها ؟؟
احمد مسك ايدينها وقال: شو تقولين انتي مينونه تغارين من نوف ؟؟
تمو ساكتين دعاء ومها ’’

مر الوقت ويت الساعه 12 في دبي و3 الفير في لندن وهي طايحه ع السرير اتصلت في خليفه ’’
خليفه: هلا والله
هند: اهلين
خليفه: تحريتج مابتدقين
هند: يوم الشيخه هند تقول شي تسويه
خليفه: بس طولتي
هند: تراك مررره لزقه اوف وجع
خليفه: شكرا
هند: العفو مممم متى طيارتك؟؟
خليفه: 7 الصبح بعد 4 ساعات
هند: درب السلامه الله يرجعك حق اختك سالم
خليفه: لاتخليني اموت فيج ارجوج
هند: ويعه تراااك والله لزقه
خليفه: بس انا صدق احبج واباج ماالعب عليج ليش تكلميني بجفا ؟؟
هند: عادي شو يعني تراني اليوم بحبك وباجر بحب عشره غيرك
خليفه: يعني ماتحبيني من قلبج ؟؟
هند: هههههه من صدقك تتكلم انته
خليفه: ياليتني اموت وانا بالطياره ولا اسمعج جي تقولين
هند: الله يرحمك مووت عادي
خليفه: انا بنام
هند: بااي
وسكرت الخط .. طرش لها مسج ’’
خليفه: حبيبتي انا بنام تصبحين على الف خير ادري ضايقتج بتصرفاتي اسف
هند قرت وماردت عليه ’’
خليفه: مابتقولين وانته من اهله تراني اتريا خلاص قود نايت ونوم العوافي غلاي
بعد دقايق مانام طرش لها مسج ’’
خليفه: احبج
في طيران لندن وهو شال شنطته ركض على البريد وقال ابي اطرش رساله حق هند وعطاهم العنوان واتصل حق اخته وتطمن عليها ’’
خليفه: مع السلامه يالندن ياللي جمعتيني مع احلى بنت بهالدنيا كلها اشوفج على خير
ركب الطياره وانطلقت الطياره الى دولة الامارات العربية المتحده مع مرور عشر دقايق من اقلاع الطائره دووووووووووووف انفجرت ’’
ملاحظه: هذا ثاني يوم عن مرور الكلام انه توصل الهديه حق اخت خليفه ’’

مر اليوم على خير ويت الساعه 10 الصبح في بيت ابو عبدالله في غرفه هنادي قامت من على السرير فتحت التلفزيون وقعدت ترتب حجرتها واغراضها بتدخل الحمام اكرمكم الله سمعت خبر عاجل : انفجار طائره قادمه من لندن بعد ارتفاعها عن سطح الارض ب 10 دقائق ولم ينجى اي شخص من ركابها فتحت حلجها وركضت على حجرة هند دقت الباب بالقو شوي وبينكسر ’’
هند: ويعه يالخبله شو تبين ماتشوفيني راقده خربتي رقادي
هنادي وهي تلهث: قومي اه اه وهي تتنفس بسرعه خلوفي خلوف خلوف
هند: بلاه خلوف وهي تتثاوب
هنادي: متى بيرد البلاد؟
هند: شكله وصل لانه طيارته امس
هنادي دمعت عيونها مب لانه اتحبه لا لانه ولد بريئ وماله خص فالدنيا وكسر خاطرها حييل حييل
هند استغربت وقالت: ليش تصيحين شو فيج ؟؟
هنادي: توه توه حاطين انه الطياره انفجرت اللي يايه من لندن ومحد نجى
هند انصدمت بس مابينت لهنادي: وانا شو اسوي اروح اطفيها ؟؟
هنادي: غرورج بيخليج تخسرين اعز الناس لج
وراحت عنها اتسبحت وقرت قران هند وهي منسدحه ع الفراش تفكر اتصلت له لقته مغلق تمت اتوسوس فتحت التلفزيون يوم لقت نفس الخبر وقالو انه بتنقل الجثث اليوم في مستشفى الفلاني العصر ’’
هند دعت من قلبها: يارب يارب الخبر مو صج كيف يموت وانا بعترف له عن حبي له ليش ياخليفه لاتروح يا روح هند
قامت سبحت وطلعت اغراضها وجهزتهم حق العصر نزلت تحت تتريق صدت صوب الباب لقت حد يدق الباب قامت هند وفتحت الباب لقت ريال ’’
الريال: السلام عليكم
هند: وعليكم السلام
الريال: هني الاستاذه هند ؟؟
هند: هيه نعم انا هند اتفضل اخوي
الريال: هاي الرساله من عند خليفه الفلاني
هند: خليفه ؟؟
الولد: قبل لا يسافر وطبعا لسوء الحظ انه مات لانه الطياره انفجرت وطرش هالرساله قبل لا تطير الطياره شكله كان شفقان لج وكان يحبج
مد ايديه وعطاها الرساله وراح وخلاها هي وقلبها اللي انكسر دخلت داخل فالصاله وقعدت ع الكرسي نزلت هنادي وشافت اختها مكسورة الخاطر وقالت في قلبها اتحبه بس اتكابر هند حضنت الرساله وقالت في قلبها سامحني ياخليفه سامحني ودمعت عيونها ويت هنادي حضنت اختها من وراء ’’
هنادي: ليش تكابرين ؟؟
هند: كنت بعترف له بس صار اللي صار
هنادي: ادعيله كان يحبج مووت
هند: الله يرحمه طرشلي هالرساله
هنادي: افتحيها
هند: خايفه حيل
هنادي: لاتخلين بس قومي نروح فوق عن اي اخوج ويشوفنا
هند: عبود فالدوام
هنادي:تعالي فوق فالحجره احسن هني خدم
وصعدو فوق غرفة هنادي وفتحت هند الرساله ..

بسم الله الرحمن الرحيم


دبي الامارات العربيه المتحده


هند الفلاني


بعد موتي


تحية طيبه وبعد


الى من سكن قلبي الى وحيدة قلبي يوم بتوصلج هالرساله يمكن اكون ميت ويمكن اكون فالبلاد بس احس لو اموت احسن لي ولا اشوف الجفا بعيونج في زمنا هذا مافي حب من اول نظره ولا حب بالصدفه بس انا رجعت للورا علشان اعيش هالحب كنتي مفتكره اني لعاب والعب ع بنات الناس ترى عندي اخت واخاف عليها وغلاتج بقلبي كنت احبج وكل ما اكلمج يزيد حبي لج قلبي يدق اتمنى انج لو كنتي تعزيني وتحبيني صدق ماتصيحين علي واوعدج وعد اني بلتقي بج ان شاء الله من اللي كان يحبج ومازال وبيظل يحبج خليفه الفلاني


دمتي بالف خير وسلامه


خليفه الفلاني


51513


توقيع خليفه



كـــــــــــــــــــــــــــــــــــــــــــــت


1- التوقعات لكم حبايبي ؟؟


ملاحظه:


((قال وينك قلت له ماني بعيد


بس عين الوصل نامت ياحلو


قال احبك قلت له مابه جديد


كلهم قالو كلامك وارحلو ))


 

رد مع اقتباس
قديم 13-04-2013, 08:35 PM   #15
شحيه وافتخر
نبض اماراتي مثابر


الصورة الرمزية شحيه وافتخر
شحيه وافتخر غير متواجد حالياً

بيانات اضافيه [ + ]
 رقم العضوية : 17213
 تاريخ التسجيل :  Mar 2011
 أخر زيارة : 01-08-2018 (11:40 PM)
 المشاركات : 724 [ + ]
 التقييم :  24
 MMS ~
MMS ~
افتراضي رد: روايتي الثالثه: في فبراير تنتهي وتبتدي كل الاحلام



خلوووف مااات اهي لو معترفه في حبها في لندن احسن لها

واللي مات ما يرد حي

كملي البااارت خيتي


 

رد مع اقتباس
قديم 13-04-2013, 11:27 PM   #16
الحب اختياري
نبض اماراتي حبوب


الصورة الرمزية الحب اختياري
الحب اختياري غير متواجد حالياً

بيانات اضافيه [ + ]
 رقم العضوية : 19798
 تاريخ التسجيل :  Dec 2011
 أخر زيارة : 14-09-2013 (05:01 PM)
 المشاركات : 167 [ + ]
 التقييم :  14
افتراضي رد: روايتي الثالثه: في فبراير تنتهي وتبتدي كل الاحلام



اقتباس
المشاركة الأصلية كتبت بواسطة شحيه وافتخر
خلوووف مااات اهي لو معترفه في حبها في لندن احسن لها

واللي مات ما يرد حي

كملي البااارت خيتي


تسلمين هههه صح وان شاء الله توقعج صح انه هو مات


 

رد مع اقتباس
قديم 14-04-2013, 09:51 AM   #17
شحيه وافتخر
نبض اماراتي مثابر


الصورة الرمزية شحيه وافتخر
شحيه وافتخر غير متواجد حالياً

بيانات اضافيه [ + ]
 رقم العضوية : 17213
 تاريخ التسجيل :  Mar 2011
 أخر زيارة : 01-08-2018 (11:40 PM)
 المشاركات : 724 [ + ]
 التقييم :  24
 MMS ~
MMS ~
افتراضي رد: روايتي الثالثه: في فبراير تنتهي وتبتدي كل الاحلام



بصراااحه ضاربني فضوول نزلي البااارت الحين اهووو مات ولا لاء


 

رد مع اقتباس
قديم 14-04-2013, 11:32 AM   #18
الحب اختياري
نبض اماراتي حبوب


الصورة الرمزية الحب اختياري
الحب اختياري غير متواجد حالياً

بيانات اضافيه [ + ]
 رقم العضوية : 19798
 تاريخ التسجيل :  Dec 2011
 أخر زيارة : 14-09-2013 (05:01 PM)
 المشاركات : 167 [ + ]
 التقييم :  14
افتراضي رد: روايتي الثالثه: في فبراير تنتهي وتبتدي كل الاحلام



صباح الخير انتظروني بعد قليل
في البارت الخامس ..


 

رد مع اقتباس
قديم 14-04-2013, 11:37 AM   #19
الحب اختياري
نبض اماراتي حبوب


الصورة الرمزية الحب اختياري
الحب اختياري غير متواجد حالياً

بيانات اضافيه [ + ]
 رقم العضوية : 19798
 تاريخ التسجيل :  Dec 2011
 أخر زيارة : 14-09-2013 (05:01 PM)
 المشاركات : 167 [ + ]
 التقييم :  14
افتراضي رد: روايتي الثالثه: في فبراير تنتهي وتبتدي كل الاحلام



البارت الخامس ..

في غرفة هند بعد ماهد حيلها من الصياح هدتها هنادي وخلتها ترقد رقدت ولحفتها ونزلتها ونزلت هناددي تحت عند عبدالله ’’
عبدالله: هلا والله بالحب
هنادي: اهلين
باست اخوها على خده وقعدت معاه على الغدى ’’
عبدالله: غريبه وين هند احيدها اول وحده على السفره
هنادي ههههه
ضحكت من دون نفس علشان مايحس وقالت: تعبانه ورقدت وقالت محد يوعيني لانها ناشه من الصبح

في بيت ابو نوف عند نوف كانت قاعده على السرير في حجرتها سمعت حد يفر حصا على الدريشه طلعت ويت وحده ع راسها ’’
نوف: اخخ الله يلع........
شافت يموع تم يضحك
جمعه: سوري والله ماكان قصدي اسف يالغاليه
نوف استحت: لا عادي امر شو بغيت شوي وبتكسر جامة بيتنا
جمعه: ههههه باجر
نوف: شو باحر ؟؟
جمعه: عازمنج باجر ممكن؟؟
نوف: ان شاء الله خير
جمعه: اتريني الساعه 8 صوب الرصيف اللي التقينا فيه اول مره اوكيك
نوف سكرت الدريشه وانسدحت واتفكر وخذتها نومه ’’

مر الوقت على خير ويت الساعه 5 الفير نشت نوف ’’
نوف: اوييه ابووويه !!
ربعت تحت شافت ابوها يالس
نوف: صباح الخير يبى ليش واعي ؟؟
ابو نوف: بصلي وبرقد
نوف: اتعشيت يالغالي
ابو نوف: الحمدالله
نوف: منو عشاك غريبه !!
ابو نوف: عبدالله جزاه الله الف خير يه البيت عشاني واطمن عليه وقال اذا حابه تشتغلين عنده تراه يترياج ورا باجر فالدوام
نوف: ان شاء الله خير
وردت صعدت فوق ’’

عند هند فتحت عيونها شافت الدنيا ظلام
هند: معقوله الكل نايم شو ها ماشوف شي
وقفت يت بتمشي طاحت على الارض قعدت تزاعج وهنادي كانت تصلي سمعت حد يصرخ سلمت وخلصت ربعت غرفة اختها دخلت شافتها ع الارض اتصيح
هنادي: خلاص حبيبتي قضاء وقدر
هند: شو صاير انا كنت اكلم اني اكلم خليفه وانه هو مات بس هو مامات صح يالس يترياني صح انا احبه هو يسمعني صح قولي صح هنادي ارجوج ابوس ايدينج قولي صح
هنادي: استغفري ربج حبيبتي هو في قبره احين ادعيله بالرحمه ماحيدج ضعيفه وين هند اللي مايهزها ولد ؟؟
هند: لا تقولين احساسي يقولي ما مات هو يترياني انا متاكده هو يترياني ماعاد فيني قوه حطمني حبه كسرني لعوزني بهدلني
يه وقت صلاة العشا تلبست هند وقامت وهي ماسكه الدري سمت بسم الله ونزلت وهي ويه الهديه اللي وصاها توصلها عند اخته سارت تحت تمت اتاشر لين ماوقف لها تاكسي يت بتركب حط ايدينه ع الباب ’’

في بيت ابو احمد فالغرفه عند فطوم واحمد ’’
احمد: تغارين من نوف؟؟
فاطمه: وااايد .. احسها حبوبه وتنحب وتدخل القلب بسرعه واخافك تحبها
احمد: تتوقعين اقدر احب غيرج ؟؟
فاطمه: اللي فيني يا احمد اكيد بتسويها لانه من حقك تشوف عيالك وتفرح فيهم
احمد: ليش جي تقولين ترى كل مرض وله علاج وانا مب مستعيل على العيال
فاطمه: الا مرضي يا احمد ماله علاج لاتحط فيني امل على الفاضي
احمد: وشو عرفج كل شي ترى بايدين ربج واذا الله اراد هالشي راح يصير حتى لو شالين الرحم عنج بس يبغي الدعاء والصبر والمثابره والقوه
فاطمه: احمد تزوج علي انا ما استاهلك
احمد حط ايديه على شفايفه الصغيره وقال: انتي كل حياتي وعمري وعيالي وامي وابوي واهلي وطوايفي وكل ناسي وعد مني لج ماتزوج غيرج يا ملاكي انتي
وحضنها وضمها لصدره بالقوه ووووووووووووووووووووووووو’’

نرد لصاحبة التاكسي ’’
...........: وين رايحه
صدت هند بسرعه وقالت بصوت مب مسموع: صوته والله صوته انفاسه عطره لفت جهته تمت اتحط ايدينها على ويهه وقعدت تتحسس ونزل المطر عليهم وضمها على صدره ولمها زياده ’’
هند: ليش ليش قالو انك ميت وانته جدامي احبك يا خليفه لاتخليني اموووت من دونك
حط ايديه ع شفايفها البارزات وقال: لاتيبين طاري الموت على لسانج انا عندج مابروح مكان حياتي
ولمها لصدره زياده وكانه خايف انها تطير منه مثل العصافير ركبها التاكسي وراحو بيتهم تحت المطر عند نوف قعدت تتريا جمعه’’
نوف: عل وعسى بس مانسى موعد لقانا ذا المسا ميزة حبيبي لو وعد مايخلف بوعده ابد صادق باحساسه معي حتى ولو قلبه قسى حتى ولو قلبه قسى
سكر على عينها ووقفها ولمها في حضنه وقال: الحب ليس من خططي انه ياتي من دون تخطيط ففبراير شهر العشاق وكل عام وكل سنه وانتي عاشقتي
مد لها ورده حمرا ومسك ايدينها ومشاها تحت المطر ’’
جمعه: ليش تحبين الكتابه وايد ؟؟
نوف: احب الكتابه لانه احب ان افرض غضبي وكئابتي فالكتابه

عند مديه من سمعت بخبر الموت تمت اتوسوس وتتصل حق امنه وتصيح اندق الباب وفتحته ابسرعه شافت ولد وبنت ويوم صدو صوبها تمت اتشوف خليفه من دون ماترمس مشت مديه لعند خليفه وهي مارمشت خوفها يختفي وتكون تحلم في خليفه وقعدت اتصيح في حضنه ’’
مديه: انا في علم ولا في حلم ارجوكم لو في حلم لاتوعوني
خليفه: ياروح امج ابوج اخوج انتي في علم انتي في حضني
مديه: لاتروح مره ثانيه واتخليني يابعد طوايفي وطوايف اهلي
خليفه: بس حياتي تعالي اندش بعرفج على هالبنوته الحلوه
مديه مسحت دموعها ومشو لين داخل ’’
خليفه: هند اعرفج على اختي مديه مديه اعرفج على مجنونتي هند
مديه ابتسمت: تشرفنا لايكون هاي اللي قلتلي عنها فالقطار هههه
هند: ماشاء الله خلوف متى لحقت تقول لها ؟
وقعدو يسولفون ’’
هند صاصرت خليفه: خلوف ابي اروح الحمام ودني لاني ماشوف شي
يلس خليفه تحت ريلها وقعد يشوف عيونها وخبرو مديه شو صار وهي خبرتهم ليش ماتروم تشوف وودوها الحمام ويابت مديه عبايتها وراحت المستشفى ’’

عند جمعه ونوف وداها برج خليفه ويلسو في مطعم اللي في برج خليفه وتم يشوفها’’
جمعه: ماصدق اني يالس جدامج وانج انتي جدام عيوني
نوف: ليش يعني منو جدامك كارينا كابور ولا انجلينا جولي ؟؟
جمعه: احلى عنهم بعد هههه .. نوف
نوف: هلا
جمعه: تتزوجيني ؟
نوف تمت تشوفه وقالت: الحين ماروم امي واخوي توهم متوفين شو بيقولون الناس عني ماصدقت
جمعه: خلاص شوفي الوقت المناسب لج وخبريني
نوف: ان شاء الله يموع
جمعه: يالبه وهي طالعه من حلجج عسسسسسسسسسسسسسسل
نوف استحت وقالت: الوقت تاخر ابي ارد البيت اعطي ابوي دواه واعشيه
دفع الحساب وقامو وداها البيت وهي يايه بتدخل البيت جابلها عبدالله ’’
عبدالله: هلا والله
نوف: اهلين
عبدالله: خبرج ابوج ؟
نوف: هيه اللي فيه الخير بيصير ان شاء الله عن اذنك
عبدالله: اتحبينه ؟؟
نوف: منو؟؟
عبدالله: اللي وصلج
دخلت نوف عنه ولا ردت عليه ’’

في المستشفى ’’
الدكتور: انته زوجها ؟؟
خليفه: هيه طمني عليها
الدكتور: العدسه ارتفعت فوق من الصياح المستمر يوم بتستخدم هالقطره راح ترد العين طبيعيه تستخدمها قبل النوم وبعد الاستيقاظ من النوم وان شاء الله هتبقى كويسه احسن عن قبل
خليفه: ان شاء الله الله يسمع منك
الدكتور: لاتزعلها مره ثانيه مش كويس لها
خليفه: وعد يادكتور جدامك وجدام اختي ماراح ازعلها بس هالمره زعلتها بالغلط ومن دون قصد
شكر الدكتور وقوم هند ومشاها لين السياره ورداها البيت قبل لاتنزل شكرتهم ومديه حبتها وايد وحتى هند اللي مب أي حد يدش مزاجها حبت مديه وتمت تطالع جهة خليفه ’’
هند: صدق ياخليفه انته الريال اللي تتمناه كل بنت وحرمه وانثى بس بس انا حبيتك
ونزلت دخلت البيت ’’

في بيت جمعه دخل يموع شايل هديه حق اخوانه ركضو صوبه’’
نجود: اكيد حقنا
جمعه ضحك: اكيد بس تعالو بخبركم شي
حصه: امر بيزات ماعندنا
جمعه: اوكي مابي بيزاتكم مووولت انا قررت اتزوج
حصه ونجود: وااو ومنو سعيدة الحظ
جمعه: نوف
نجود: خير خير
حصه : نعم نعم


كـــــــــــــــــــــــــــــــــــــــــــــــت

1- عبدالله وسؤاله؟؟
2- بتروح نوف تداوم عند عبدالله ولا شو بيصير؟؟
3- رد حصه ونجود ع زواج جمعه ؟؟
4- خليفه وهند والمرض؟؟
5- احمد وفطوم هل بتحمل ام العقم سيد الموقف ؟؟


ملاحظه :-


((صحيح انني اعترفت لك بحبي لك لحد الجنون


ولكن حين يتعلق الامر بنسيانك


هما يومان فقط والثالث سوف اذكرك بالخير ))


 

رد مع اقتباس
قديم 14-04-2013, 11:48 AM   #20
شحيه وافتخر
نبض اماراتي مثابر


الصورة الرمزية شحيه وافتخر
شحيه وافتخر غير متواجد حالياً

بيانات اضافيه [ + ]
 رقم العضوية : 17213
 تاريخ التسجيل :  Mar 2011
 أخر زيارة : 01-08-2018 (11:40 PM)
 المشاركات : 724 [ + ]
 التقييم :  24
 MMS ~
MMS ~
افتراضي رد: روايتي الثالثه: في فبراير تنتهي وتبتدي كل الاحلام



ههههههههههههههههههههههه

طلع عااايش

خيتووو كملي الباارت


 

رد مع اقتباس
إضافة رد

مواقع النشر (المفضلة)

الكلمات الدلالية (Tags)
., 000, ملاحظة, ماسك, محمد, مرض, مساعدة, معروفه, من, موضوع, مطعم, الله, الامارات, الاول, الثاني, الحروف, اليوم, الروح, الصلاة, السابع, السريع, السفر, الوقت, الوكيل, ابغي, ابو, احسن, اريد, اشتري, ازياء, اكشن, توام, بنت, خليفه, دبي, حبوب, درب, حصه, دعاء, خفيف, راس, روعه, صادق, شهادة, system, عشر, في, في الامارات, نوم, نوف, ضروري, قبايل


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 06:57 PM.

Powered by vBulletin® Copyright ©2000 - 2019, Jelsoft Enterprises Ltd. , Designed & TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الآراء المطروحة بالمنتدى تعبر عن أصحابها و لا علاقة لصاحب المنتدى بها

تصميم : المصمم العربي .. Design By : www.araby4design.com