مركز تحميل الصور والملفات
 

العودة   ¬°•| منتديات نبـض الإمارات |•°¬ > ღ♥ღ النبض الأدبي ღ♥ღ > [ نبض القصص والروايات ~

الإهداءات

إضافة رد
 
أدوات الموضوع انواع عرض الموضوع
قديم 19-08-2010, 02:15 PM   #11
شيخة الحلوين
نبض اماراتي ماسي


الصورة الرمزية شيخة الحلوين
شيخة الحلوين غير متواجد حالياً

بيانات اضافيه [ + ]
 رقم العضوية : 5970
 تاريخ التسجيل :  Nov 2008
 العمر : 12
 أخر زيارة : 13-05-2019 (03:04 PM)
 المشاركات : 3,177 [ + ]
 التقييم :  1504
افتراضي رد: [ طرح ممــيز ] أنا / آلوَآقفْ { عَلـِىْ آلقمـَِـِۃ }* قلـم شوآخْ ينآدي . . !



{ رحـقحق . . !

أهم شي تتشجعين رحوقة و تشجعيني معاج ^^ . .
هي والله يا رحوق قلت نغيـر ملينا من قصص الحب الرومنسيَة ’ !
إذَآ جَـوآبجْ صَحْ رآح يتم تقييمج عقب البارتْ الثآنـ ـ ـيْ ’
رحقحق ، من الأعْضَآء آللي أكون فآنتظَآرْ توَآجدهُم اللي يسعُدنيْ
كوني دَآئمـآ هُنـآ



 

رد مع اقتباس
قديم 19-08-2010, 02:29 PM   #12
شيخة الحلوين
نبض اماراتي ماسي


الصورة الرمزية شيخة الحلوين
شيخة الحلوين غير متواجد حالياً

بيانات اضافيه [ + ]
 رقم العضوية : 5970
 تاريخ التسجيل :  Nov 2008
 العمر : 12
 أخر زيارة : 13-05-2019 (03:04 PM)
 المشاركات : 3,177 [ + ]
 التقييم :  1504
افتراضي رد: [ طرح ممــيز ] أنا / آلوَآقفْ { عَلـِىْ آلقمـَِـِۃ }* قلـم شوآخْ ينآدي . . !




ماتملكت نفسي من الفرحة عدلت يلستي و على طول ع الزر الأخضر
: الووووو
بصوت ناعـم : هلاا والله ببنوتــي الحلوة
: أبلة شيييييييييييييخة ، تولهت علييج
: و أنا أكثَر والله ،،
عقـب كملت : من عقب التخرج ما عاد نسمع لكم حس ليكون نسيتونا بس
: افااااا والله افااا ماعااش من ينساكم ،
: هههههـ فديتج أنا ، إلا شو هالمسج لطووووفـة
بنبرة حزن : أبلة شيييخة هذا الواقع اللي أعيشَه ، أنا شكلي مابقدر أحقق شي
: ليش شو فيج انتي ، ياحلوج انتي و يا حلوو كتاباتج ،
: بس محـد يشجعني ، و يهتم فيني أبلة
: يا عيووون أبلتج أنا كم مرة قتلج خلي عندج أمل ، و حلمج ارسميه رسم ..
تراج تقدرين و أنا متأكدة منج

ابتسمت ابتسامة هادية مع دموعي المليانة دموع : إن شااااااااااء الله
: هي جي أباج دوم ، ويلا ماباج ترمسيني إلا يوم بتتصليبي و تقوليلي يا أبلة شيخة أنا اليوم استويت كاتبة أو أبلة عربــــي !

: ليييييييييين ما أستوي كاتبة أو أبلة عربي ؟ ×_×
: هي يا لطيفَة ،
: بس أبلة لين هذاك اليوم .. أخاف يطوول ،
: دام تبين ترمسيني لازم تحققين اللي أبلتج ماحققته ، و بينا تواصل بالمسجات
انزيييييييييييين ؟

: ههههـ حاااااااااااضر ، ترييني في هـذا اليوم
: أترياج أكييد ،
يلا عيل الغالية بخليج و كوني متأكدة إني أتريى وعدج
: إن شاء الله ..
رمست مرة ثانية : أبلة شيييخة
: هلا آآمري
: أحبج ^_^
: هههههههـ و أنا بعد أحبج ولا تنسينا من صالح دعائج
: إن شااء الله
: يلا عيل يا لطيفة مع السلامـة لين ذاك اليوم
: مع السلاااااااامـة . . .

طوط طوط و سكرت أبلة شيخة التليفون و ظليت لحالي ، ضغطت ع الزر الأحمـر
و كلي أمل أحقق هالحلم ، ابتسمت ابتساااامة ملييئة بالأمل و سندت راسي ع المخدة
و غرقت بأحلامي ، !

Cut

من هي أبلة شيخة ، ؟ خل أخبركم قصتها
هي أبلة الفيزياء اللي تدرسني من سنتين !
متعلقة فيها جنها أمي و جني بنتها . . يمكن لأني فاقدة شعور الحنان من أمـي
و يمكن لأنه هي فاقدة بنتها !! ،
قبل سنييين و بنييين كانت سايرة بيت أهلها و بنتها الرضيعة و ياها ورى ع الكرسي
لكنها سوت حادث فالدرب ، أبلة شييخة أغمى عليها لأنها ضربت راسها
و مـاوعت إلا فالمستشفى .. ماكان فيها إصابات لكن الصدمة الكبييرة إنها مالقت بنتها
دورووووها ليين ماقالوا بس ، ماخلوا دار أيتام ، ماخلو مستشفيات ، و لا مراكز شرطة لكن بدون فايدة ترجى
بنتها اختفت عن السيارة و راعي الحادث اختفى ، و عقب فترة عانت من وفاة ريلها !
يعني إنسانة تحملت جدا فحياتها و الحين هي تعيش مع أهلها .. أعتبرها قدوة كبييرة في حياتي
ههههـ عموما شكلي قلتلكم قصة حياتها

فبعد جي جمعت بيننا الأقدار عشان أكون بنتها اللي مايابتها و تكون أمي اللي ما حملت بي ^^
بتلقوون بينا تشابه كبيييير ، يثيير الدهشَة
كان حلمها نفس حلمي كانت تبى تستوي أبلة عربي و كانت مهووسة كتاابة ،
لكن ماشاءت الأقدار و استوت أبلة فيزياء
فهي الحين تباني أنا أحقق عنها الحلم اللي هي ماحققته

دايمـا كنت معاها حتى فالفسح معاها لين مايى يوم تخرجنا من الثنوية العامـة
و لكن الحمدلله بينا توااصل ع المسن .. ع الهوتميل .. التليفون و المسجات
و مستحييل أستغنى عنها فحيآتي أصلا ، أعتبرها شي مني و فيني . . . . . . !
و أعتقـد إنها تستحق أسميها شخص ثااني ،

.
.

*{ نكسـت و دموع البعد ، تقييمي راح يوصلكم قرييب ^ ^
صَح إنكم توقعتوها أبلة عربـي ، لكن مابيي على بال حد تكون أبلة فيزياء ، فلكم التقييمْ

والحين يا أعضاءنا الحلويينْ ’
تتوقعون لطيفَة بتحققْ آلحلمْ ولآ ؟
تتوقعون بيي اليوم اللي تتصُل فيه لأبلة شيخة و تقولها أنا حققتهْ ؟

عطوني من اللي عندكمْ
و سَلآمـي لكم


 

رد مع اقتباس
قديم 19-08-2010, 06:02 PM   #13
لمسة برآءة
نبض اماراتي دائم


الصورة الرمزية لمسة برآءة
لمسة برآءة غير متواجد حالياً

بيانات اضافيه [ + ]
 رقم العضوية : 15444
 تاريخ التسجيل :  Aug 2010
 العمر : 27
 أخر زيارة : 10-12-2012 (10:26 AM)
 المشاركات : 420 [ + ]
 التقييم :  260
افتراضي رد: [ طرح ممــيز ] أنا / آلوَآقفْ { عَلـِىْ آلقمـَِـِۃ }* قلـم شوآخْ ينآدي . . !






مرحباً شيخة..

بآآرت رآئع..


اخطأت في توقعاآآتي...

كان المتحدث معلمة الفيزياء.!

مؤسف ما حصل لمعلمتها من احزآآن..

وقوع الحادث..., فقدان ابنتها.., وفاة زوجها..!!

لكــن تكفــي لطيفة..

فهــي كابنتها ..


مم لااعلم لم يروادني احساس بان معلمة الفيزياء هي والدتها الحقيقية..وخاصه انها قد ذكرت الشبه بينهما..!!

وفي البداية لم اقتنع بان تلك القاسية هي والدت لطييفة...!


لن استبق الاحداث اكثر..

فلربما ساخطىء مرة اخرى في توقعاتي :p


بانتظآرك عــزيزتي..


لمسة برآءة ..]]~


 
 توقيع : لمسة برآءة

سبحـان الله وبحمده ؛ سبحان الله العظيم


رد مع اقتباس
قديم 19-08-2010, 09:52 PM   #14
دموع البعد
مشرفة قسم القصص


الصورة الرمزية دموع البعد
دموع البعد غير متواجد حالياً

بيانات اضافيه [ + ]
 رقم العضوية : 14195
 تاريخ التسجيل :  Nov 2008
 العمر : 31
 أخر زيارة : 28-09-2013 (08:51 PM)
 المشاركات : 1,666 [ + ]
 التقييم :  236
 الدولهـ
United Arab Emirates
 الجنس ~
Female
افتراضي رد: [ طرح ممــيز ] أنا / آلوَآقفْ { عَلـِىْ آلقمـَِـِۃ }* قلـم شوآخْ ينآدي . . !



بااااااااااااااااااااااااك بكل ما أوتييت من قـــــــوة لووول ,,,

الصراحه باااارت حلوووو ..
وزين انه لطوف حصلت من يشاركهها همها .. ويزيد من معنواياتها ..
واهم شي انها طلعت ابله .. لانها بالنهايه بتعرف مصلحتها اكثر عن حد ثاني


وانا بعد عندي احساس انه هالابله بتطلع ام لطوف بالنهايه ^^
بس بتريا باجي الاحداث عسب نحكم عدل ..


شواخي تسلمين على هالباااارت الحلوووو فديتج
وافا عليج .. كيف تبيني اقرا واشرد وانتي اللي كاتبه هالقصه *_^ مستحيل اسويها لوول


يالله بانتظاااار البارت اليااااي .. وطبعا كل يوم بتجوفيني رازة ويهي خخخ

احم احم ويسلمووو ع التقييم خخخ
ربي يعطيج العافيه ..


 

رد مع اقتباس
قديم 19-08-2010, 10:42 PM   #15
شيخة الحلوين
نبض اماراتي ماسي


الصورة الرمزية شيخة الحلوين
شيخة الحلوين غير متواجد حالياً

بيانات اضافيه [ + ]
 رقم العضوية : 5970
 تاريخ التسجيل :  Nov 2008
 العمر : 12
 أخر زيارة : 13-05-2019 (03:04 PM)
 المشاركات : 3,177 [ + ]
 التقييم :  1504
افتراضي رد: [ طرح ممــيز ] أنا / آلوَآقفْ { عَلـِىْ آلقمـَِـِۃ }* قلـم شوآخْ ينآدي . . !



اقتباس
المشاركة الأصلية كتبت بواسطة لمسة برآءة



مرحباً شيخة..

بآآرت رآئع..


اخطأت في توقعاآآتي...

كان المتحدث معلمة الفيزياء.!

مؤسف ما حصل لمعلمتها من احزآآن..

وقوع الحادث..., فقدان ابنتها.., وفاة زوجها..!!

لكــن تكفــي لطيفة..

فهــي كابنتها ..


مم لااعلم لم يروادني احساس بان معلمة الفيزياء هي والدتها الحقيقية..وخاصه انها قد ذكرت الشبه بينهما..!!

وفي البداية لم اقتنع بان تلك القاسية هي والدت لطييفة...!


لن استبق الاحداث اكثر..

فلربما ساخطىء مرة اخرى في توقعاتي :p


بانتظآرك عــزيزتي..


لمسة برآءة ..]]~

لمووووووووووســــ ـ ـ ــة

مرحبَـآ مَرْحبآ آلغَـآليَ’ـة .. منوورَة ^^
صَح لطيفة نفس بنتهَآ

معلومـًـة :: آلشَبَـه الكبيرُ شبَه فآلميولْ و ليسَ شكلاً ’ !

بشَكل عااام توقعَـآتجْ تبهُرنـيْ
شكلج من اللي يكتُبون قصَص عَلـى مستوىْ ’ !
كوني متأكدَة ، تواجدج شَرَف لـي (=



 

رد مع اقتباس
قديم 19-08-2010, 10:48 PM   #16
شيخة الحلوين
نبض اماراتي ماسي


الصورة الرمزية شيخة الحلوين
شيخة الحلوين غير متواجد حالياً

بيانات اضافيه [ + ]
 رقم العضوية : 5970
 تاريخ التسجيل :  Nov 2008
 العمر : 12
 أخر زيارة : 13-05-2019 (03:04 PM)
 المشاركات : 3,177 [ + ]
 التقييم :  1504
افتراضي رد: [ طرح ممــيز ] أنا / آلوَآقفْ { عَلـِىْ آلقمـَِـِۃ }* قلـم شوآخْ ينآدي . . !



اقتباس
المشاركة الأصلية كتبت بواسطة دموع البعد
بااااااااااااااااااااااااك بكل ما أوتييت من قـــــــوة لووول ,,,

الصراحه باااارت حلوووو ..
وزين انه لطوف حصلت من يشاركهها همها .. ويزيد من معنواياتها ..
واهم شي انها طلعت ابله .. لانها بالنهايه بتعرف مصلحتها اكثر عن حد ثاني


وانا بعد عندي احساس انه هالابله بتطلع ام لطوف بالنهايه ^^
بس بتريا باجي الاحداث عسب نحكم عدل ..


شواخي تسلمين على هالباااارت الحلوووو فديتج
وافا عليج .. كيف تبيني اقرا واشرد وانتي اللي كاتبه هالقصه *_^ مستحيل اسويها لوول


يالله بانتظاااار البارت اليااااي .. وطبعا كل يوم بتجوفيني رازة ويهي خخخ

احم احم ويسلمووو ع التقييم خخخ
ربي يعطيج العافيه ..

ولاااااااااااااااااااااااااااااااكم بكل ما أوتيت من رقـة <-- لا لا الله يخليج مانرووم خخخخ
الصراحة انتي الحلوَة و تواجدج الحلوو
هي مسكينَة تغمظ لطيفَـة ’ شهالأحاسيسْ اللي طابَة عليكم خخخخْ
بَس يسعدني تكتبون اللي تتوقعُونـًـه و تحسوبه ^ ^
و ماشاء الله عندج و عند لمسة براءة طريقَـة تَفكير مقنعَـةْ ’ !

هههههههههههههههههـ لأني استَغربتْ قلت دموعووهْ ما يَـت خييخْ
فدييييتج أنا ، كَـ ـ ـ ــم يسوَى وجودجْ ، هع تستاهلين التقييمْ
ربي يعآفيييجٌ . . .

اللي عندَهـ توقعَـآت و آراءْ يطرَحهآ لأنَ آلبـآرتْ بعدَهـ ورَى بآجر بينزلْ . . !


 

رد مع اقتباس
قديم 19-08-2010, 11:04 PM   #17
سوريـ@ بهواها
نبض اماراتي مخضرم


الصورة الرمزية سوريـ@ بهواها
سوريـ@ بهواها غير متواجد حالياً

بيانات اضافيه [ + ]
 رقم العضوية : 9136
 تاريخ التسجيل :  Jan 2009
 أخر زيارة : 31-05-2014 (10:36 AM)
 المشاركات : 4,906 [ + ]
 التقييم :  1120
افتراضي رد: [ طرح ممــيز ] أنا / آلوَآقفْ { عَلـِىْ آلقمـَِـِۃ }* قلـم شوآخْ ينآدي . . !



باااك متأخره خخخخخخ

شيييت ولا مرة قلت شي وطلع صح

انزين بخمنلي كم تخمين للبارت الياي

بتوقع انها بتحقق حلمهاا ويمكن تطلع بنت الابله خخخ << امحق تخمين

مادري ليش احس انج تكتبين قصه حياتج

من بديت اقرالج حسيت جي خخخخ << ارجووج بس هع

ماعليج من فلسفاتي بارت 2 واايد حلووو ليس غامض مثل الاول

ونترا البارت 3 على احر من الجمر وموفقه غنااتي

حفظج الباري . . . .




’،



 
 توقيع : سوريـ@ بهواها





رد مع اقتباس
قديم 20-08-2010, 06:26 PM   #18
شيخة الحلوين
نبض اماراتي ماسي


الصورة الرمزية شيخة الحلوين
شيخة الحلوين غير متواجد حالياً

بيانات اضافيه [ + ]
 رقم العضوية : 5970
 تاريخ التسجيل :  Nov 2008
 العمر : 12
 أخر زيارة : 13-05-2019 (03:04 PM)
 المشاركات : 3,177 [ + ]
 التقييم :  1504
افتراضي رد: [ طرح ممــيز ] أنا / آلوَآقفْ { عَلـِىْ آلقمـَِـِۃ }* قلـم شوآخْ ينآدي . . !



اقتباس
المشاركة الأصلية كتبت بواسطة سوريـ@ بهواها
باااك متأخره خخخخخخ


شيييت ولا مرة قلت شي وطلع صح

انزين بخمنلي كم تخمين للبارت الياي

بتوقع انها بتحقق حلمهاا ويمكن تطلع بنت الابله خخخ << امحق تخمين

مادري ليش احس انج تكتبين قصه حياتج

من بديت اقرالج حسيت جي خخخخ << ارجووج بس هع

ماعليج من فلسفاتي بارت 2 واايد حلووو ليس غامض مثل الاول

ونترا البارت 3 على احر من الجمر وموفقه غنااتي

حفظج الباري . . . .




’،

ولكم أني تااايم سوريووتي ^_^ .. خمني عطينا من اللي عندج
يمكـن كل شي جااايز .. !
أنا صح أكتبْ عَـنُ ميُولـيْ ، اهتمَـآمَـأتي و قنأعَـآتـيْ لكن للعُلم مب قصَة حيآتيْ
هي قصَـة مب من آلوَاقعْ ’، . .
صَح مافيه غُموضْ ..

البارتْ الياي انتظروهـْ ، يمكن يغير فكرَة الأم فنظركم هعْ

تحيتي لكل متابعْ


 

رد مع اقتباس
قديم 21-08-2010, 03:54 PM   #19
شيخة الحلوين
نبض اماراتي ماسي


الصورة الرمزية شيخة الحلوين
شيخة الحلوين غير متواجد حالياً

بيانات اضافيه [ + ]
 رقم العضوية : 5970
 تاريخ التسجيل :  Nov 2008
 العمر : 12
 أخر زيارة : 13-05-2019 (03:04 PM)
 المشاركات : 3,177 [ + ]
 التقييم :  1504
افتراضي رد: [ طرح ممــيز ] أنا / آلوَآقفْ { عَلـِىْ آلقمـَِـِۃ }* قلـم شوآخْ ينآدي . . !




[ البارت الثانــــي ]


مـع صباح يوم الاثنينْ .. 6 - 7 - 2006


بطلت عيووني بكسل ، : آآآآه
و نشيت عدلت يلستي شكلي أمس رقدت و مب حاسَة بعمري
يوم أشوف الساعة كانت ، 10 صباحا
نشيت عسب أتغسل و مريت ع منظرتي اللي فالحجرة ، ههههـ ضحكت على عمري
عيووني منتفخة من الخاطر .. من صياح البارحة ، يلا ماعليه و ابتسمت و أنا أطالع المنظرة
سرت غسلت ويهي عدل و خذتلي شاور حااار و ظهرتلي جلابيَة خضرا ،
نشفت شعري و رفعته .. تجحلت و حطيت قلوز خفيف و تس تس ، رشتين عطر تنعنش ع الصبح
^^
نزلت تحـت و كنت راااايقة و ناسية كل شي استوى البارحة

بصوت حيوي : السلااااام عليييييكم
سيف + هـزاع + حمدان + أمي و أبويه: و عليكم السلام و الرحمـة
بست راس أبوية و أمي ، شدعووة عاد ! تظل أمي مهما كان
لكني اللي لفتني إن أمي يودت ايدي و باستها ، : سامحيني بنتي
سيف : و أكييد لطييفة طيبة و بتسامحج

//

سيف ، إنسآن حنوووون واايد .. أعتبره أعز إخواني ، ماجد يوم ردلي طلب !
دايما هو مقدر لمشاعر الناس .. و يوم إني معاه أشعر بالأمان من الخاطر ،
عمرهـ 23 يشتغل كابتن طيارة يعني شي شي ، مع إنه صغيير لكن ماشاء الله علييه

//

أبويـة : صح كلام ولدي
ههـ ابتسمت ابتسامة استغراب ، و قلت بطيبة : ولوو أنتي أمي
أمي : فدييتج أنااا
ابتسمت و يلست عدال سواااف ، و تساندت ع ورى و البقية كانوا ع الغنفة اللي مجابلتنا
: انزين ماقلتولي ، متيمعين ماشاء الله و ع الساعة عشــر الصبح ! شو سالفتكم ؟
أبويـه : جيه سوااف ماخبرج ؟
تجدمت و حطيت المخدة فحضني و صديت صوب سواف مبتسمة : شو يخبرنـي ، ؟
و شو عندهـ شيخي سوااف أصلا و أنا ماعرفـــه ؟ ^^

هزاع بسرعة رد : بيخطـب
بصدمــــــــــــــــــــــة مع تغيير ملامح الويه للجدية: هااااا
هزاع : بيخطب بيخطب

//

هزاع : دلوووع أمـه ، إنسان طايش .. مسرف .. فوضوي ! ههـ
لكنه طييب ، و كرييم بعـد بس تراه معيز الوالد و الوالدة !
عمـرهـ 16 سنـة ، ساير ثاني ثنوي .. و هو أصغرنا ،

//

لفيت بكبري صوب سواف و بكل عطف: صدق سيفوووه بتخطب ؟
: هي ياختيه
: و منوو هاي اللي يا سعدها و يا حظها الحلووو ؟
: هاي الله يسلمج ، آمنـــــــة
عقدت حواجبي باستغراب : آآآمنـة ؟ منو آمنـــة !
حطي ايده ع جتفي : هي ماتعرفينها هاي ويانا فالدوام و بصراحة إنسانة محترمة و أخلاااق
: فديييتك أنا دامها من اختيارك أكيد بتكون ذوق

و على طول رميت بعمري فحضنه و عيوني دمعت كم دمعة
ماعرف هو فرح لأخويه الغااالي ولا حزن لأني بفقدهـ و لكن اللي أعرفه إنه شعور غرييب جدا
اللي حسيت به ، حتى مع أختي القريبة حصة ماحسيت بهالشعور ، !

و رفعت راسي من حضنه : الله يوفقك ياخوويه
: تسلمييين يا أحلى لطييفة ،

أبويه مبتسم و مستانس علينا

و فجأة حمدان : أقوول سواف ليكوون انته خاطب لطووف و نحن ماندري أشوفها
سوت فلم هندي قبل الخطبة

//

حمدان : رياال فرفووشي .. يحب يمعة الربع .. اجتماعي و حبوووبْ ،
و هو أكبرنا ، يعني البجر .. عمرهـ 27 سنـة ، يشتغل فالشرطة
و أحبه وااايد حمدان ، أستانس باليلسة معاهـ ،

//

ههههههههههههههههـ على طول ضحكت ، والله لو يعرف شكثر أنا أغلي سيف ماقال جيه ،
: انزين قولوا قولوا متى الخطبة و هالسوالف
أبويـه : والله أنا أشوف إن الخميس مناسب ، إجازة و كل شي تمام ، شورايك يا ولدي سواف ؟
سيف : اللي تشوفه يابوويه .. شورك و هداية الله
أبويه : خلاص تم
و عقب السوالف و التخطيطات قرروا يسيرون بيت أهل البنت ع الخميس ،
و مر الوقت من غير ما نحس به و أذن الظهر ، ساروا المسيد الوالد و إخواني
و ساعدت أمي شويـــه فتجهييز الغدى ، و عقب ما تغدينا و لله الحمد ، كل حد دخل غرفته

ظهرت لابي من تحت الشبرية و فتحت المسن و صفحة الوورد اللي كل يوم أكتب فيها شي
يتناسب مع أحاسيسي و مشاعري و اليوم مالقيت كيبوردي يكتب شي إلا ل سيييف ،
عساهـــ يتوفق ياربــــ ـ ـ ـ ـــي ، !

حطيت اون لاين فالمسـن و تميت أدردش مع البناات ،
و الوقـت يمر ع السوالف و الضحك . .

ع المغـرب رن تليفووني ،
تررن تررن أنا الواقف على القمة و ألوح بانتصاراتي تررن تررن ،
هزمـت الياس في عمري تررن تررن و حلمي بعزم حققـته تررن تررن

رفعـت الموبايل // صديقتـي الصدوقة ، يتصل بك . .
ابتسمت و شليته ،

: هلااااااااااا والله
ريمـوه : أهليييين و سهلييين بالقااطعة ،
: هههههـ شحالج ؟
ريموه : بخير .. انتي شحالج !
: والله مستااااااانسة لأني سمعت صووتج ^_^
ريموه : هههههـ ...
أقوولج لطوووف ،
: قووولي ،
: قدمتـي أوراقج فمكان ؟
: هخ لا والله بعدني
: وأنا بعد مب عاااارفـة شسوي اوووف
: اوووك شرااايج بااجر أمر علييج و نسير ، منها نقدم و منها أشوفج
: خلاص اووك بس ع السااعــة كم ؟
: 11 أنا عند بيتكم ، جي اوووك ؟
: هي جي تمااام ، والله ماعرف شو كنت بسوي
: هههههههههـ ولا أنا بس نتريى حد يقولنا سيروا و قدموا
: هيييه والله هههههـ
أقولج لطووف الحين بنظهر
: اوووك بااجر نشوفج إن شاء الله
: إن شاء الله ، ، يلا فمان الله
: فمان الكرييم

سكرت و فتحت ملف الووردْ و كتبت التالي :

ريمووه :: ربيعتـي من صف رابعْ ! يعني عشـرة عمـر . .
أحبهاااا وااااااااايد صدق من قلبي ،
نحن مب مثل ربيعااات هالأيامْ ، يعني تلقون ربيعات اليوم كله ضرابة
و يسبون بعض يالدبة .. يالخبلة .... الخ
نحن مب جي حتى لو للمصخرة // بالعكس مانرضى على بعض ،
و كل وحدة تحب الخيير للثانية ،

^^ .. سيفت و سكرت الصفحـة و اللاب . .

نزلت تحت .. يلست مع هزاعوو و حمدانو شويـــه ،
هزاع : شو راايكم نشوف فلـم
حمدان : والله زين هزاعوه
: شوو عندك من الأفلاام
هزاع : والله شو تبوون رعب ولا كوميدي ولا دراما ، اللي تبونه موجوود
حمدان : أكييد رعب ما يبالها رمسة
: لااااااااااااا شو رعـب هزاعوه ييب كوميدي
حمدان : فخاطري مرة تشوفين رعـب .. هزاع الله يخليك الله يخليك ييب فلم رعب
: اووووف شو ها تعرف إني ماحب أفلام الرعب ،
حمدان : انزين جربي .. قم قم هزااع ييب أي فلـم
هزاع : اووووك
: همممممممممممممف
هزاع يى و هو شال الشريط و يأشر لحمدان : ها اووك حمدانووهـ ؟
حمدان : هي هي هااا شايفنه فنااان .. يلا حطه
هزاع : خلاص بركب الواريات و بحطه
: انزييين أقولكم لا تشغلوون ويت بييب شي
حمدان + هزاع : اوك يلا نتريااج بسرعــة

ركضت فووق حجرتـي ..

عندي سلـة كبيرة كلها جبووس و حلوياات و ثلاجـة فيها عصاير و آسكريمات
خخخخ يعني على كييف الكييفكم .. لأني مدمنـة بصراحة
تذكرت إن عندي { Pop Corn } .. ظهرت ثنينة من الكبار واحد بالجبن و واحد عادي ،
و ظهرت ثلاثة كولاا ، و كمن كاكاو .. وبسرعة بسرعة نزلت // بيني و بينكم تحمست للفلم
قلت خل أجرب شو خسرانة ،

كنت حاطة كل شي و ضامتنهم بأيادي الثنينة عسب مايطيحون

وقفت جدامهم و أن أشرلهم براسي ع البوب كورن و الكولا : هااا شرااايكم ؟
هزاع : يا سلااااااااااااااااااام
حمدان : لطوووف رهيييييييييييييبة يلا يلا تعااالي
: ههههـ يلا . .

أنا و حمدانوه شلينالنا كولا ،، و هزاع مسكين يالس ع الأرض يعابل فواريات الـ DVD

حمدان : إلا لطوووف وين أمي
: سايرة عرس !
حمـدان : و أبوويه
: عنده شغـل !
حمـدان : سواااف ؟
: راقد وراهـ شغـل . .
جان يضحك حمدان على أجوبتي المختصرة و قال : زيين زيين
نش هزاع و نفض الغبار من إييده و هو مستانس : الحييين كل شي تمام
و نقز ع الغنفة حذالنا

جان يضربه حمدااان : شوي شوي هزيت الغنفـة . .
: ههههههـ

و بطلنا الـ بوب كورن .. و بدى الفلـم //
مطولين ع الصوت آخر شي و حمدان مب مقصر مبند كل الليتات
هزاع و حمدان ميودين البوب كورن العادي بحجة إنهم مايحبون مال الجبن
و أنا مسترييحة واحد حقي بروحي .. مال الجبن لذييذ هاااع ،

و بس ناكل و عيوونا ماتتحرك من ع الشاشـة
و هزاع شال اللحاف و متغطي به بكبرهـ ، مادري خايف ولا بردان هع . .
عقـب مروور نص ساعة ع هالحال بدون صوت

: آآآآآي آآآآآآي حمداااااااان هزاااااااااااع
و شليت المخدة حطيتها جدام ويهي و كملت كلامي : يوم بتخلص اللقطة قولو

هزاع : يلا خلصت

نزلت المخدة و بسرعة ردييت رفعتها وقلت برجاء : هزاااااااااااااااع
حمدان + هزاع : هههههههههههـ
: ليش جي يعذبها أخ أخ
حمدان : جي أفلام الرعب انتي شدراااج
نزلت المخدة بحذر و حطيتها على مستوى حلجي ، و تميت أطالع . .
و عـم الهدوء في الصالـة !
و فجأأة بصوووت صارخ : بوووووووووو

نقزت بكبري و بصوت خايف : أميييييييييييييه
أبويه : هههههههههههههـ
: أبووويه شو جييي :(
أبويه : ههههـ فديت بنوتي أنااا
و يى باسني ع راسي
حمدان : أبووويه حياااك يالسين نشوف فلم رعـب
أبويـه : لا الغالي حدي تعبان و انتوا بعد نش وراك دوام الحينه الساعة وحـدة

فتحت عيوووني و تذكرت إني مواعدة ريموه : وحححححححححححدة ؟ ؟

أبويـه : هييه
: أوييييييييييييه عيل أنا بترخص
هزاع : يلا عاد يالسين بعده الفلم ما خلص
: لا بسييير أقدم أوراقي باجر ويى ريموووه ع الضحى ..
حمدان : تدرون شو .. هزاع سكر الفلم و خله بنكمله فيووم ثاني ، لأنه أنا بعد ورايه دوام ،
: اووووك
أبويه بجدية : و أمكم بعدها مايت ؟
أنا بمحاولة دفاع عنها : اممم لا بس أكيييد الحين بتي ^ ^
أبوويه : هيييييييييهااء و سار حجرته

و أنا و هزاع و حمدان بسرعة بسرعة نلقط أوصاخ البوب كورن و جي و سكرنا التلفزيون
أنا و حمدااان ركييض ع حجرنا خخخ ، أما هزاع شعليييه مرتاح ماوراه شي ،

.
.

بطلت مكتبي بس بغيت أطل عليه طلة خفيفة .. ابتسمت و سكرت الباب ، و سرت حجرتي
بدلت و لبستلي بيجاما وردية مريحة ، و فتحت شعري و لميته ع ينب بإيدي بس مب بشباصة
ضبطت المنبه ع الساعـة ، عشـــ ــ ـــر ..
جيكت ع تليفوني كان فيه مسج من أبلة شييخة ، بطلته بفضوول ،

محتوى المسـج ::
مهمـا ابتعدت هذا مكانك ، .. { صورة قلب } ..

استاااانست لآخر درجة ^ ^
و سرت سكرت الليتات و توجهت لفراشي الأبيض الناعم تغطييت عدل و خلدت في نووم عميييق ،

//

ترتيب أسرتنا للعلــم ،

1 - حمدان
2 - حصـة
3 - سيف
4 - أنـآ { لطيفـة } . .
5 - هزاعْ

، ’

أتمنـى يكون هالبارت غير أجواء القصـة شويَـة
و إن شاء الله يكون بارت حلوو لكمْ . .
متحمسـة و متشوقـة لسماعْ آرائكـم الحلوَة و تقييماتكمْ ،
و تحيتي لكم

. . . . . . . . . . . . . .

أبـى أعرف رايكم بالشخصيات ! و شخصيـة منو عيبتكم ؟
تتوقعون حصـة وينها لييش ماظهرت للحين ؟
و خطوبـة سيف تتوقعونها تغير من القصـــــ ـ ـ ـــة !

آرائكم و تخميناتكم كلها تهمني لأنها بصراحـة تبهرني . .

تحيتي لكم


 

رد مع اقتباس
قديم 21-08-2010, 09:40 PM   #20
سوريـ@ بهواها
نبض اماراتي مخضرم


الصورة الرمزية سوريـ@ بهواها
سوريـ@ بهواها غير متواجد حالياً

بيانات اضافيه [ + ]
 رقم العضوية : 9136
 تاريخ التسجيل :  Jan 2009
 أخر زيارة : 31-05-2014 (10:36 AM)
 المشاركات : 4,906 [ + ]
 التقييم :  1120
افتراضي رد: [ طرح ممــيز ] أنا / آلوَآقفْ { عَلـِىْ آلقمـَِـِۃ }* قلـم شوآخْ ينآدي . . !



شوااااخ ابدعتــــي وربي حبتييين لعيونج الصرااحه

هالبااارت واايد حلووو عشت الاجواااء مع الفيلم هههه

واشتهييت البوب كورن <<~ اهم شي بطنها خخخخ


حبيت اللي بيخطب لوول واخوها راعي الشرطه <<~ تبا تقلج حبت الشباب بس

وحبيت العيله كلها على بعضها يا هيك العيلات يا بلا ههههههه

بخصووص حصه اتوقع فبيت ريلها ~>> معرسه يعني

وانا مثل لطووف بعدني ما قدمت اوراقي هههه

واكيييد خطووبة سيف بتغير من القصه اوف كورس يعني


ويلا نتريا البارت الياي على ناار اداام لنا هالابدااع يارب



’،


 

رد مع اقتباس
إضافة رد

مواقع النشر (المفضلة)

الكلمات الدلالية (Tags)
45, لمسة برآءة, ماجد, ماسك, مدونات, مرحبا, مسلسلات, معلمة, أفلام, مفروش, له, أون لاين, مطعم, المعهد, الله, الاول, الثالث, البيضاء, البنت, الحروف, الحسد, اليوم, الروح, السابع, الصبر, الشعر, الزوج, الوقت, الوكيل, الطيب, الكريم, ابغي, ابو, احم احم, ازياء, اكثر, dvd, بلاك بيري, بارك, بسرعة, بنت, تنزيل, تقييم, free, يلا, دمج, حمدان, حبيبك, حبوب, خخخخخخخخخخخخ, حصه, حسن, خفيف, دولار, خطير, خطوة, net, رد, ردود, رسم, روعه, صادق, send, غسيل, عنوان, فلم, فيس, فعل, _, ~~~~~, ،, ،،،،, طعام, كريستال


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 05:44 AM.

Powered by vBulletin® Copyright ©2000 - 2019, Jelsoft Enterprises Ltd. , Designed & TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الآراء المطروحة بالمنتدى تعبر عن أصحابها و لا علاقة لصاحب المنتدى بها

تصميم : المصمم العربي .. Design By : www.araby4design.com