مركز تحميل الصور والملفات
 

العودة   ¬°•| منتديات نبـض الإمارات |•°¬ > ღ♥ღ النبض الأدبي ღ♥ღ > [ نبض القصص والروايات ~

الإهداءات

إضافة رد
 
أدوات الموضوع انواع عرض الموضوع
#1  
قديم 05-04-2011, 08:26 AM
●ღ qĻόόвἍ7
نبض اماراتي ماسي
●ღ qĻόόвἍ7 غير متواجد حالياً
 رقم العضوية : 14465
 تاريخ التسجيل : Dec 2008
 فترة الأقامة : 4008 يوم
 أخر زيارة : 25-07-2011 (06:35 PM)
 العمر : 29
 المشاركات : 2,734 [ + ]
 التقييم : 129
 معدل التقييم : ●ღ qĻόόвἍ7 will become famous soon enough●ღ qĻόόвἍ7 will become famous soon enough
بيانات اضافيه [ + ]
افتراضي { طرح مميز } رُحِتً وِغَأُبٌتِ أُلٌفٌرًحٌهُ وُرًى لٌيُلً مّنً أًلُحٌرّمِأِنَ.





مميز رُحِتً وِغَأُبٌتِ أُلٌفٌرًحٌهُ وُرًى



صّبّأُحُ أَلٌخِيٌرٌ حّبًأٌيُبُ أٌلَبٌيً !!...


هَمّمَ .. طٌبٌعّأٌأَ قَلَوَوّوُبُهً قَأَطَ۶ـتًڳًمً طِشًوًوِنِهّ وًلّڳُنّ رَدًتً أَلَڳٌمُ بِقٌصُة يُدِيُدَهَ .. وّأًنّ شُأُء أًلُلَهٌ تٌنًأِلّ أِعًجُأُبّڳًمَ ..



ڳّأِلُعُأَدّهٌ مَأُ أَحَبٌ أَحُطِ أًجًزّأُء .. وَيًأَڳِمُ أِلَقَصٌهُ ڳُأَمِلًﮭ ..




تدور احداث قصتي .. في الامارت ... تحكي عن قصة خيالية بين مها وعبد الرحمن.. و عن حب صادق جمع الاثنين يا ترى هل عبد الرحمن راح يكون من نصيب مها ؟؟ ام ان الحظ ماراح يحالفه ان ياخذها؟؟


و أبطال قصتي هم .. مها وعبد الرحمن.. وعت مها على دقة الباب .. وصوت امها يناديها.. وكانت ام مها يايه توعيها لان عندها مقابلة في دائرة الاقامة والجنسية في امارة رأس الخيمة.. نشت وتزهبت مها .. وهي تحس بربكه .. وتفكر هل ان راح يقبلونها .. ويلست تقول .. اصلا غصبا عن عينهم بيقبلوني انا عندي ماجستير.. وامها كانت يالسه تسمعها .. وتضحك .. وكانت تقول الها بنتي ما تغيرتي طول عمرج بتمين مغروره وشايفة عمرج ع الناس .. يارب الله يرزقج بواحد فقير عسب يعلمج التواضع والادب.. ردت مها وقالت حرام عليج يا اميييييييه .. لا تقولين جي .. انا باخذ وزير و ولا مدير ف وزارة مهمه ولا و لا ولا...الخ.. سكتتها امها وقالت الها عن هالرمسه الماصخه ويالله سيري الدريول يترياج .. ودعت مها امها ووصلت الدوام .. ودخلت عند قسم الموارد البشرية ... اللي يهتمون بالتوظيف... يأ دور مها .. ودخلت بكل غرور وتكبر .. وقابلت وهي كلها ثقه .. ولكن في اخر المقابلة قال لها المسئول شكرا لحضورج .. جان ترد عليهم يعني شو ما قبلتوني .. ضحك عليها الموظف وقال : هالشي راجع النا ... رفعت حواجبها وطالعته بكل احتقار .. قال الها على هالاسلوب ما اعتقد حد بيوظفج في اي دائرة حكومية .. قالت بتوطف وغصبن عليك تسمع .. تجاهلها الموظف .. وقال يزاج ربي كل خير .. طلعت وهي معصبة .. ويلست تسبه ولله انه غبي وحمار .. الخ ومن هالكلام .. وهو كان يسمعها ويضحك ..رد عليها وقال : بنات اخر زمن .. عندهم شهادات وما يستحقونها .. خل يتعلمون الادب والاحترام .. اول .. ردت مهوي البيت .. وهي معصبه ومحرجه من هالموظف ... وخبرت امها السالفه .. وقالت امها .. ولله انتي طول عمرج لسانج طويل وما بتتأدبين .. حد يرمس مسؤول كبير في الدوام بهالطريقة؟ .. قالت انا براويه قسما بالله... بشتغل هناك يا أنا يا هو .. كاشخ بعد من زين كشخته ولله .. العقال مفتر والويه حدث ولا حرج .. ام مهوي .. بسج مب زين تسبين خلقت ربج هاي .. يلست مهوي تفكر وتفكر وتفكر وذكرت ان ابو ربيعتها عواش يداوم هناك ومدير في احد الاقسام .. طبعا يأ وقت المصلحه .. واتصلت لربيعتها وقالت الها ان تبا ابو ربيعتها يتوسط الها هناك عسب اداوم ... قالت عواش: ابشري .. دامج عندج شهاده عاليه ابوي بيوظفج بهالشهر .. فرحت مهوي ويلست تناقز ..



توظفت مهوي .. في دائرة الاقامة والجنسية في راس الخيمة ، ومرت اسابيع وهي تداوم هناك .. استغربت ، ويسلت تسأل عمرها ياخي هذاك الغبي من داومت ما شفته .. ليكون يوم قبلوني غفط .. وفنش من اهني.. ههههه.. ويلست اتيها افكار كلها اضحك .. في اليوم الثاني.. طبعا مها اداوم في قسم الموارد البشرية اللي هو نفس المكان اللي مداوم فيه عبد الرحمن ، فجأه شافت عبد الرحمن يأ صوبها ، وقال الها صباح الخير، استغربت ضحكت وقالت ، اي خير دام شفتك ، استغرب عبد الرحمن وقال الها خير اختي ، انا غلطت معاج بشي ، قالت لا طبعا ليش تروم .. سير اتيسر احسن لك ، قالها خلاص شكرا ومبروك ع الوظيفة ، طبعا عبد الرحمن نسى ويه مها عسب جي بدأ صفحه يديده وياها.. وهي كانت منقهره لانها كانت تبغي تضارب وياه ، قالت مسوي عمره شي وهو اي شي ..


كان عبد الرحمن يفكر يقول بلاها علي هاي الموظفه ، انا شو سويت فيها ، وشوي يت مها ودقت عليه الباب : قالت: ايه انت .. اهني عصب عبد الرحمن وقال يا اختي انا اسمي عبد الرحمن ومديرج في الشغل ، ردت عليه خير ياطير شو صار الحين .، حرج عبد الرحمن قال انتي شو فيج علي هذا اول يوم اشوفج فيه.. ياخي ضايجتج بشي ارمسي ؟ يالله يالله اليوم اول مره تشوفني جذاب واحد . بقق عينه عبد الرحمن وقال وين شايفنج قبل والله ما اذكر ، قالت انا اللي قلت عني مب متأدبه .. استغرب وقال انا قلت عنج مب متأدبه ياخي شكلج غلطانه مب انا اصلا انا ماعرفج .. قالت تباني اذكرك قالت ياربت .. انا يوم ييتك ........الخ ... ضحك وقال انتي هاي .. قالت هي جي مب عايبتنك .. قال انا ما قلت انج مب متأدبه قلت عندج شهاده لكن ما تستحقينها لان ماعندج اسلوب.. قالت له رايك ما يهمني انزين ... وبعدين يايه اخبرك ان عندنا اجتماع عقب نص ساعه في قاعة الاجتماعات ... وجان تظهر عنه .. وهو مستغرب لحقها وقال الها انتي شو اسمج ؟ قالت له ليش تبا تخطبني ؟ ضحك وقال استريحي انتي بس .. انا مسؤولج ولازم اعرف اسمج .. اسمي مها .. زين يا مها منو وظفج عندنا؟ ضحكت وقالت الله يخلي الواسطه .. قال لها احمدي ربج اني كنت طالع اجازه ولا اصلا كنتي تحلمين اتكونين في هالدائرة المحترمه، ردت عليه وقالت له شو قصدك .. هااا ؟؟ قال ولاشي انسة مها .. ضحك عليها وراح عنها..وطبعا مهوي شابه ضو وتبغي بس تضارب وياه .


يأ وقت الاجتماع وهو كان يضحك لما يشوفها وهي كانت معصبه . عقب ما خلص الاجتماع مها سارت حقه .. وقالت عبد الرحمن ...ضحك قال انا يسموني استاذ عبد الرحمن لو سمحتي ... رفعت حواجبها وقالت جي يالسين في مدرسه نحن ... قال الها نعم بغيتي شي.. ؟ قالت هممم ابا اجازه .. رد عليها وقال نعم .. ليش فيج شي اختي مها؟ قالت لا الحمدلله مافيني شي بس ابا اريح شوي .. مليت .. ضحك ورد عليها سيري الله يرضى عليج شوفي شغلج .. فرحت وقالت يعني انت موافق ؟ قال لا طبعا .. عصبت وهي طالعه يالسه تتحرطم ..


ردت مها البيت وريحت شوي وعقب ردت ظهرت ويا رباعتها وراحو يتمشون ع الكورنيش، وجان تطري مهوي لرباعتها سالفه مديرها .. ضحكوا عليها وقالوا لها الصراحه انتي تحفة ... وبعدين انتي جي حاطة دوبج من دوبه .. قالت يخسي هو ولله ... هو اصلا شايف عمره وايد ماعرف على شو اونه دارس وعنده شهادات خير يا طير اللي يقول انا الحين عندي شهادة ثانوية بس.. عواش قالت ليش ما تخلينه يحبج .. قصي عليه .. قردنيه اونج تحبينه .. وعقب راويه الويل.. ردت مها وقالت جي ماعندي سالفه اقول حق عبود احبك .. انتوا جايفين ويهه اصلا مول مايعرف الرومانسية .. منو هاي اصلا تعيسة الحظ اللي بتاخذه ، اصلا انا لو فكرت اخذه بس عسب منصبه .. ولا هو اصلا مافي شي ينحب ..


طبعا في نفس الوقت كانت ريم ربيعت عواش تسجل صوت مها وهي ترمس... وعواش ما كانت تعرف ان ريم تستوي بنت عم عبد الرحمن .. وان ريم كانت تحب عبد الرحمن من يوم ما كانت صغيره .. اتأخر الوقت وردن البنات البيت ..


يوم ردت مها البيت .. شافت امها وقالت الها تعالي .. اليوم ناس اتصلوا وقالوا يبونج حق ولدهم .. ضحكت مها وقالت .. منو هاييل الناس بعد ؟؟ وين شافوني ؟ قالت لا هم ما شافوج بس ناس مرشحينج حقهم ... قالت لاحول انا ما ابا اتزوج جي زواج تقليدي.. تعال شوفني وبشوفك وبعدين استويت حرمتك .. مابا جي اميييه .. عصبت ام مها وقالت شو تبغين عيل حبني وبحبك واخر شي تودرون بعض .. ولله بنات هالايام مافيهن عقل ولا حيا .. خوزي عن ويهي احسن لج .. لاعطيج كف ع ويهج ... راحت مهوي الحجره ولا اهتمت بكلام امها .. وسارت ترقد ..


مرت شهور على دوام مهوي ... وطبعا شافت ان المدير ما قام يسولف وياها شرات قبل.. وحتي في الاجتماعات ما يتهم لرمستها .. وشافت انه يهتم في باجي الموظفين اكثر عنها .. عصبت .. ويلست تفكر وتقول يمكن هو زعلان من اسلوبي وياه .. حرام انا وايد غلطت عليه وهو ماكان يقولي شي.. تحول الكره اللي في قلب مهوي الى حب .. بدت تحب الدوام والشغل وكانت تحب تتأخر في الرده لين ما يظهر المدير من الدوام .، المدير استغرب من اهتمامها في الدوام واستانس عليها وايد .. وكرمها جدام الموظفين ... وقال لهم ان مها موظفة مجتهده وملتزمه بدوامها .. الخ ومن هالكلام .. استانست مهوي من المدير .. ولاحظت ان المدير دوم يسولف ويتناقش وياها .. وفسرت اهتمامه الزايد فيها بأنه بدأ يحبها ،،



عقب كم اسبوع .. مها تفكر بطريقة تبغي تعترف فيها بحبها للمدير .. ملت من كثر ما تتريا ،، تبغي تصارحه بشعورها ،، فكرت .. و كتبت له رسالة حب ..وفي نفس الوقت عبد الرحمن كان يكتب الها رسالة حب يعبر فيها عن حبه .. قبل لاا يظهر المدير من الدوام حط رسالته على الكرسي اللي تيلس فيه مهوي .. وهي سوت شرات الحركه اللي سواها لها المدير،،


وطبعا الكل كان على اعصابه .. ويفكر برد الثاني له .. يأ اليوم الثاني .. طبعا مها تعمدت تتأخر ،، لانها كانت تبغي المدير يشوف رسالتها ،، وصلت الدوام متأخره ،، و استغربت لان المدير ما وصل الدوام ،،سألت وقالوا لها،، المدير طلع اجازة مرضية ...بيسوي عمليه .. زاغت مها وقالت ليش هو شو فيه ؟ قالوا لها لا ما في شي خطير،، بس هو عنده الدوده الزايدة،، طبعا مهوي اول ما يسلت ع الكرسي شافت رساله استغربت ،، قرت اول سطر،، وعبد الرحمن كان كاتب فيها ،، يمكن مضمون الرساله ما يعيبج يا حبيبتي... واسمحيلي اني كتبت لج هالكلمه ،، بس انا احبج واموت فيج .. وخاطري تكوين زوجتي على سنة الله ورسوله يا مها ،، اتريا ردج على احر من الجمر ،، تراني شارنج وابغيج يا مهوووي,, مديررج المزعج .. ضحكت مهوي .. وفرحت في نفس الوقت ..و ما صدقت اللي قرته ... وطبعا طول اليوم تفكر فيه وبرسالته اللي هزت مشاعرها..


.. اليوم الثاني، مها قررت تسير حق عبد الرحمن المستشفى ،، وصلت المستشفى ،، ودقت الباب ،،، وطبعا دخلت وهي مستحية لان اهله كانوا حذاله،، قالت له سلامات استاذ عبد الرحمن ما تشوف شر،، رد عليها وقال الشر ما ييج مها،، نورت المستشفى فيج ,, ردت عليه منوره فيك استاذ... يالله عاد رد النا الدوام ترا الدوام بدونك ما يسوى شي.. ضحك عبد الرحمن واستانس وايد من ييتها المستشفى ،، وعقب شوي في حد كان يدق الباب .. استغربت مها لانها شافت ريم ،، في غرفة عبد الرحمن،، دخلت وسلمت وعليه،، قالت مها لريم : انتي تعرفينه ؟ الكل استغرب،، قالت اكيد اعرفه هذا ولد عمي طال عمرج ،، زاغت مها وتذكرت انها دوم تري عبد الرحمن بالشين ،، ماعرفت شو ترد .. وترخصت بسرعه.. ولما طلعت سأل عبد الرحمن ريم عنها ،، قال الها من وين تعرفينها؟؟ قالت هاي ربيعتي من ايام الجامعه لين الحين اتواصل وياها .. استانس عبد الرحمن وقال بصوت عالي ان شاء الله بتكون زوجتي المستقبلية .. بققت عينها ريم.. وعصبت وقالت في خاطرها .. ولله بتغير رايك لما اسمعك اللي عندي ،، يا أنا يا هي... هاللي ناقص بعد .. تطلع لي مها الحين ،،


عقب اسبوع .. عبد الرحمن رد الدوام وتعافى , وهو طول الدرب يالس يفكر في مها ... هل قرت الرساله اللي كتبها لها ولالا؟؟ اول ما وصل عبد الرحمن الدوام ارتبك وخاف من ردت فعل مها .. شاف مها يالسه ع المكتب .. قالت له صباح الخير استاذ .. نور المكان بوجودك .. استانس عبد الرحمن وقال منوره فيج مها,, سار على طول مكبته . ويلس يدور ويدور ويدور على اي شي يكون ردت فعل مها .. ما حصل شي, انحبط .. يقول معقوله ما شافت رسالتي ؟ وطول الوقت كان شارد يفكر بهالسالفه .. ومها كانت تضحك طول الوقت لانها حاسه ب عبد الرحمن .. وقالت بخلي اعصابه تغلي شوي..


خلص الدوام وعبد الرحمن وهو طالع كان خاطره يشوف مها قبل لا يروح البيت .. ولكن مها استنذلت عليه وطلعت قبل الوقت بشوي .. انقهر عبد الرحمن و يلس على كرسي مها وقال فديت ريحتج ولله .. كان خاطري اشوفج .. الله يصبرني لباجر بس .. والله اني ولهت عليج من الحين .. ياخي احبج احبج احبج .. دخل عامل النظافه وشاف المدير وقال له خير بابا فيك شي ؟؟ جان يرد عليه عبد الرحمن بصوت واطي اريد مها .. هاتها لي الله يخليك .. رد عليه العامل وقال مافي معلوم باباه شنو انت في يريد ؟؟ ضحك عبدالرحمن مافي شي خلاص .. و طلع من الدائره .. اول مارد عبد الرحمن البيت سار وكلم الوالده وقال لها يا امي انا ابغي اتزوج .. فرحت ام عبد الرحمن وقالت له هاي الساعه المباركه يا ولدي . عاد اتصدق انا مخططه حق السالفه كلها ,, بقق عينه عبد الرحمن وقال اي سالفه ؟ انتي عن شو يالسه ترمسين ؟؟ قالت انا عاد اتصلت ف بنت عمك ريم عسب اتي تزورك المستشفى .. كنت اعرف انك اول ما تشوفها مهتمه فيك راح تحبها وتفكر فيها كزوجه .. والله انها تصلح لك وفوق كل ها هي منا وفينا .. عبد الرحمن : لا يا امي انتي فهمتيني غلط .. ام عبد الرحمن: كيف يعيي فهمتك غلط ؟ انت مب توك تقول تبا تعرس؟ ضحك عبد الرحمن وقال جي ف هالكون كله ماشي بنت غير بنت عمي ريم ... عصبت ام عبد الرحمن وقالت له ها عيل منو تبغي انت؟ قال يا امي انا احب وحده في الدوام .. قالت له نعم نعم ما سمعت ... من متى انت بعد قمت تحب بنات خلق الله ؟ لا يا امي لا تفهميني غلط ولله مافي شي امبينا .. ام عبد الرحمن .. تقول تحبها كيف عيل مافي شي بينك وبينها ؟. لغز هو ؟ ضحك عبد الرحمن وقال هذي وحده تشتغل وياي بنت عرب وناس .. محترمه وماعندها هالسوالف وابا اخطبها يا امي انتي تعرفينها,, ام عبد الرحمن : من وين اعرف البنات اللي يداومون وياكم لا تيلس اطلع علوم انت بعد .. قال هي زارتتي المستشفى .. ام عبد الرحمن : يلست تذكر وتذكر واخر شي قالت هي صح صح اذكرت هاييج اللي يت وحليلها حبيتها ولله مبين عليها وايد محترمه .. بس اخاف عمك يزعل لان من زمان هو يلمح لي عن ريم .. الله يستر بس .. انزين انت متأكد ياولدي انها مب مخطوبه ولا محيره لحد ؟ قال لا الحمدلله مافي حد .. ام عبد الرحمن : تضحك وتقول ولله كبرت يا ولدي قمت تحب بعد .. اهني استحى عبد الرحمن وقال يالله همتج وياي عاد .. ردت عليه فالك طيب بس انت هات لي رقم امها ولا رقم بيتهم عسب اخطب لك البنت..


في اليوم الثاني اول ما وصل عبد الرحمن الدوام على طول زقر مها .. فتح وياها السالفه .. وقال لها انا مستعيل وما فيني اتريا عاد انتي تعرفين اني واحد غرشوب وكل حد يباني .. اهني مها رفعت راسها وضحكت وقالت ها بدينا .؟ ضحك عبد الرحمن .. وقال لا لا اسولف ولله عن اتهونين بس .. عقب بموت بحسرتي .. ردت عليه مها بكل عفويه وقالت له اسم الله عليك ان شاء الله عدوينك .. عبد الرحمن : من قلبج مهوي ؟. مها: اوهوو عاد .. خلاص تبا شي ثاني ولا ارووح ؟؟ عبد الرحمن : هههههههه فديت اللي يستحون انا ولله .. مها: غدى ويها احمر وقالت يالله انا عندي شغل ... عبد الرحمن ممكن طلب: قالت له امر .. عبد الرحمن : ما يامر عليج ظالم .. امي تبغي رقم امج عسب في سالفه امبينهم .. مها: ههههههههه خلاص اوكي .. كتبت له الرقم وطلعت على طول.. استانس عبد الرحمن وقال لا شكلها تحبني بس تتغلى .. اففف بس لين متى بتتغلى؟ .. ولله ما فيني صبر اتريا اكثر..



في نفس اليوم .. الساعه 7 المغرب في بيت مها .. يرن تلفون البيت .. ردت على التلفون الخدامه : الوو .. ام عبد الرحمن: الوو .. السلام عليكم ورحمة الله وبركاته ,. وعليكم السلام ماماه .. ام عبد الرحمن : ماما موجود ؟؟ الخدامه : هي صبري شووي .. يت ام مها وردت ع التلفون .. الوو السلام عليج اختي : ام عبد الرحمن وعليكم السلام هلا الغاليه .. ام مها : اسمحيلي فديتج ماعرفتج .. منو وياي ؟ أم عبد الرحمن: لا مسموحه الغاليه لانج اول مره تسمعين صوتي.. ام مها : اها امري الغاليه بغيتي شي ؟؟ ام عبد الرحمن : انتي عندج بنت اسمها مها و اداوم في الجوازات ؟ ام مها : هي الغاليه هاي بنتي مها جي بلاها؟ مسويه شي ؟ ام عبد الرحمن : هههههه لا اطمني ما فيها شي وحليلها ,, بس ولدي اللي هو مديرها اللي في الدوام يبا يتقدم الها اذا ما كان عندكم مانع؟ استانست ام مها وقالت : هاي الساعه المباركه ولله نتشرف فيكم .. ام عبد الرحمن ما تقصرين فديتج .. الله يبارك في حياتج .. ام مها: اذا ما عليج اماره ممكن تعطيني اسم الولد كامل نبغي نسأل عنكم .. ام عبد الرحمن عطتها الاسم .. وام مها قالت لها اتري برد لج خبر الغاليه عقب كم يوم .. ام عبد الرحمن: خذي راحتج واهم شي رضا البنية عندنا .. ام مها : ان شاء الله يالله في وداعة الله .. ام عبد الرحمن : مع السلامه ..



ردت مها البيت وشافت امها مستانسة وقالت تعالي يايبه لج بشاره .. مها : ها امي خير شو عندج ؟ ام مها: تعرفين واحد ينقال له عبد الرحمن ؟ مها: هههههههههههههه هي يا امي اعرفه . هذا مديري اللي في الشغل .. ام مها: امه اليوم اتصلت وقالت انه يباج .. شو رايج في الريال زين ؟؟ مها: ها .؟ ماعرف ليش ؟ اما مها: حق شو بعد ليش ؟ انا عيل شو يالسه اقول ؟ مها : ههههه ماعرف ماعرف اسألوا عنه انتوا.. ومها فخاطرها تقول فديته كامل والكامل الله ... ام امها: يا حليلج يا مهوي كبرتني وصرتي عروس .. مها : احم .. يالله انا بسير ارقد تعبانه. ام مها: هههههههه من متى غديتي تستحين .. والعشا انزين ؟؟ مها: كلت برع مابا.. طول الليل مها كانت تفكر ف عبد الرحمن .. وفي نفس الوقت عبد الرحمن كان يفكر في مها .. وكل واحد منهم يتريا الصبح عسب يشوفون بعض. عبد الرحمن عقب ما قالت له امه عن السالفه ماصدق وقال اخيرا الحلم بيستوي حقيقه..


استوى الصبح .. وعبد الرحمن اول ما وصل صوب مكتب مها شم ريحة عطر حلوه .. اول ما جرب صوب مها .. عرف ان مها هي مصدر هالريحة الغاويه .. سار لها وقال : لو سمحتي مره ثانيه لا تحطين هالعطر في الدوام .. استغربت مها وقالت بصوت زعلان .. ليش مب حلوه ريحته ؟ عبد الرحمن : شو مب حلوو . افففففف ريحته وصلت المخيخ مالي .. مها: هههههه .. عيل ليش ما تباني احطه ؟ عبد الرحمن : بكل اختصار اغاااااااااااااااااااااااااااااااااااااااااااااااا اااااااااااااااااااااااااااااااااااااااار.. مها : بس بس بس ولله سمعت خلاص روح فضحتني.. طول الوقت كانوا يضحكون على بعض .. الكل مب مصدق ان راح يكون للثاني عن جريب.. مها: فددديته هذا من الحين رومانسي ياحظي فيه ولله .. الله يتمم السالفه على خير يارب .. سمعها عبد الرحمن لان كان واقف وراها.. وقال اميييييييييييييييييييييييييييييييييييييييييييييييي ييييييييييييييييييييييييييييييييييييييييين يارب العالمين ..مها: اووووويه .. سمعني .. الله يغربل بليسي .. فضيحه انا . عبد الرحمن : لا تستحين حبيبتي .. انتي بتصيرين حرمتي . اباج تتعودين علي واتعود عليج .. مها سوت له طاف وسوت عمرها ما تسمع ولهت عمرها بالشغل .. عبد الرحمن: ههههههه يا حلوها يوم تستحي ..



عقب اسبوع اتصلت ام مها وبشرت ام عبد الرحمن انهم موافقين على عبد الرحمن .. واتفقوا على يوم انهم ايون ويشوفوون العروس.. في نفس اليوم .. مها اتصلت وبشرت رباعتها ريم وعواش بالسالفه .. طبعا عواش استانست لمها وايد ولكن ريم اعلنت الحرب وبتقوم القيامه على مها .. ويلست تفكر ريم بطريقه عسب تبعد مها عن عبد الرحمن .. اتصلت المسا في مها وقالت لها يالله انا عازمتنج اليوم على العشا اترياج ها .. سارت مها بيت ريم .. و عقب ما سلموا على بعض... مها قالت : شحالج ريمو حبيبتي ؟ ريم : مب بخير.. مها: ليش شو فيج ؟؟ حد مزعلنج ؟؟ ريم: هبت في ويه مها قالت انتي السبب بعد لج ويه تسأليني شو فيني ؟ مها: انا جي شو سويت فيج ماحيدني سويت شي يضايجج.. !! شو سويت خبريني عاد؟؟ ريم : شوفي عاد اباج ترفضين عبد الرحمن تسمعين ولا لا؟ مها: تفاجئت !!! ليش عاد عبد الرحمن ريال طيب ومحترم وما اظن بحصل واحد احسن عنه ... ريم : شوفي عاد انتي ما اظن تحبينه بس اللي اعرفه ان عبد الرحمن يحبج وهذا من سوء حظي .. انا احب ولد عمي من يوم كنا صغار تعرفين شو يعني احبه ؟؟ اصلا انتي ولا مره حبيتي من قلبج .. فرجاء خلي ولد عمي حقي لاني اباه واحلم فيه من يوم كنت صغيره .. مها: ولله لو هو كان يميل لج ويحبج جان خطبج وماتريا لين مها تطلع فحياته !! ريم : انا ما يمشي عندي هالكلام تسمعين يا سراقة الرياييل.. مها : حدج عاد ... انا لو اعرف انج تحبينه جان ما وافقت عليه لكن خلاص .. نحن وافقنا وخطبتي بتكون باجر تسمعين .. ريم : انتي متأكده ؟؟ مها : هي ليش عندج شك .. ريم : بسمعج شي وعقب بشوف كلامج بيتغير ولالا؟؟ مها : شو بتسمعيني ؟؟ ريم : اسمعي: الصراحه انتي تحفة ... وبعدين انتي جي حاطة دوبج من دوبه .. قالت يخسي هو ولله ... هو اصلا شايف عمره وايد ماعرف على شو اونه دارس وعنده شهادات خير يا طير اللي يقول انا الحين عندي شهادة ثانوية بس.. عواش قالت ليش ما تخلينه يحبج .. قصي عليه .. قردنيه اونج تحبينه .. وعقب راويه الويل.. ردت مها وقالت جي ماعندي سالفه اقول حق عبود احبك .. انتوا جايفين ويهه اصلا مول مايعرف الرومانسية .. منو هاي اصلا تعيسة الحظ اللي بتاخذه ، اصلا انا لو فكرت اخذه بس عسب منصبه .. ولا هو اصلا مافي شي ينحب .. مها : انتي ليش سجلتي صوتي ؟؟ وبعدين ها كان كلامي قبل لكن الحين انا احب عبد الرحمن واباه ومستحيل افرط بحبه .. ريم: لا بتفرطين تسمعين ولالا .. مها:ياخي مب ع كيفج ريم : با ترى عبد الرحمن لما بيسمع الشريط شو راح يكو موقفه يوم بيعرف ان حبيبت القلب تحبه عسب بيزاته مب عشانه هو .. هههههههههههههه .. يا حليله قلبه بينكسر وبيكرهج طول عمره .. مها : حرام عليج لا تعطينه التسجيل ولله العظيم ان نظرتي تغيرت لـ عبد الرحمن .. وصرت احبه وما اتخيل حياتي بدونه .. الله يخليج لا تسمعينه التسجيل .. ريم : خلاص انا موافقه بس بشرط .. مها : موافقه بس شو هو الشرط .. ريم: دام يهمج شعور عبد الرحمن قولي له ان اهلج غيروا رايهم .. يبغونج لحد من اهلهم و بجذي بتكون صورتج جدام حبيبج حلوه .. وما راح يكرهج طول عمره .. وبيرد السالفه لاهلج .. مها: يلست تصيح وقالت حرام عليج .. كيف يهون عليج تفرقين اتثين يحبون بعض .. ؟؟ انتي مب انسانه وما تحسين .. و طلعت وهي تصيح ..



مها لما رجعت البيت يلست تصيح .. و عرفت ان كل شي انتهى بينها وبين عبد الرحمن .. وفكرت بطريقه عسب ما تجرح فيها عبد الرحمن.. ولله العظيم اني احبه ياربي.. لا تحرمين من الانسان اللي حبيته وحبني . ساعدني ياربي شو اسوي .. في اليوم الثاني .. سارت مها لـ عبد الرحمن واول ما دخلت المكتب : قال لها حياج حبيبتي .. والله نور المكتب فيج ... مها: وعينها مليانه دموع .. عبد الرحمن : شو فيج مها؟؟ ليش ويهج اصفر ؟؟ مب على بعضج اليوم !!! مها: عبد الرحمن ترى ماشي نصيب بيني وبينك .. انسى كل شي .. عبد الرحمن : نعم !! شو ما سمعت ؟؟؟ مها انا احبج كيف يعني انساج ؟ مها: صاحت جدام عبد الرحمن : اهلي يبوني لـ ولد عمي .. عبد الرحمن : بس بس بس عمتي قالت لامي انكم موافقين .. مها صارخت هي اعرف كل هالكلام بس خلاص انسى .. ماشي نصيب ماشي نصيب .. انا مب لك .. نصيبك ويا حد ثاني .. طلعت من المكتب وهي كانت تصيح .. وعبد الرحمن مب مستوعب اللي قاعد يصير .. ليش ؟؟ شو استوى؟؟؟ طلع من الدوام وهو زعلان ودموعه على عينه.. ومها في نفس اليوم وقعت على طلب انها تبغي تنتقل لقسم ثاني بعيد عن عبد الرحمن .. ووافقوا على طلبها . عقب كم يوم .. زعل عبد الرحمن وايد .. وقال يالله لها الدرجه حتى ما تبا تشوفني .. ؟؟؟ ولله كنت قاص على عمري كنت اتحرى انها تحبني وتموت فيني شراتي .. لكن من البدايه كنت لازم اعرف انها ما تحبني بس حبت تلعب وياي .. اااااااااه يادنيا كسرتيني وانا حي ..



مرت شهور . بالرغم ان عبد الرحمن ومها يداومون في نفس الدائره لكن محد كان يشوف الثاني.. ولكن في نفس الوقت محد كان يغيب عن بالي الثاني .. لان حبهم كان كبير وفوق الخيال .. يأ سالم ربيع عبد الرحمن الدوام .. ويلسوا يسولفون عن العرس .. سالم : اتصدق والله مليت من حياة العزابيه .. ابا اعرس واستقر.. عبد الرحمن : انزين ماشاء الله بنات البلاد وايد جي ما تخطب وحده منهن .. انت ريال طيب ومحترم والله لو كانت عندي اخت جان خطبتها لك .. سالم : الله يخليك ما تقصر ولله يالشيخ .. لا تقول لي جي عاد عقب بشوف عمري ههههه . عبد الرحمن : هههههه انزين ما قلت لي خطبت ولا بعدك؟ سالم : بيني وبينك انا حاط عيني على وحده وادعي ربك انها توافق.. انت تعرف ان اختي اداوم اهني .. وهي محصلتلي وحده ويانا في الدوام .. عبد الرحمن : يالله ان شاء الله على خير.. عقبال ما نفرح فيك ونرقص في عرسك .. ههههه .. سالم : الله يسمع منك ان شاء الله .. والبس البشت .. ها اهم شي... هههههههه.. عبد الرحمن : مستعيل الاخ .هههه .. سالم : تعال انت اكبر عني جي لين الحين ما خطبت ؟؟ عبد الرحمن : خلها على الله .. الله كريم بس.. سالم: افاا وانا ربيعك .. شايل هموم الدنيا فوق راسك .. خبرني وانا ربيعك خير شو فيك ؟؟ عبد الرحمن لا ماشي .. يالله قوم خلنا نسير نصلي الظهر .. قامت الصلاه .. يالله سرينا..



عقب كم يوم مها كانت يالسه تفكر.. وقررت تخبر عبد الرحمن الحقيقه .. وقالت فخاطرها انا احبه وهو يحبني ومستحيل افرط بحبنا ... وبعدين عبد الرحمن يحبني واكيد بيصدق كلامي ..سارت مها لمكتب عبد الرحمن .. وعبد الرحمن اول ما شافها ضحك ولكن ضحكة حزن .. قال فخاطره شو تبغين يايه ارجوج روحي ما اقدر ايود عمري جدامج .. اخاف اصيح جدامج .. آآآه .. مها: ممكن ارمسك شوي . عبد الرحمن : امري اختي.. مها: انا مب اختك تسمع ؟!! كانت ترمسه وبصوتها نبرة حزن . عبد الرحمن : سمعتج بس لا تحرجين .. امري اي خدمه ؟؟ مها: ابا اصارحك بشي عبد الرحمن .. عبد الرحمن انا احبك والله العظيم اني احبك وما اقدر اخش عنك اكثر.. ويلست تصيح جدامه . عبد الرحمن طاحت دمعه من عينه .. قال لها لا تصيحين يا مها ولله دموعج غاليه علي .. مها: انا اباك واحبك .. واهلي كانوا موافقين بس انا جذبت عليك . عبد الرحمن : انتي شو يالسه تقولين .. السالفه صار لها 5 شهور وانتي الحين يايه ترمسين ؟؟ مها: انا مالي ذنب قسما بالله .. هاي بنت عمك ريم .. عبد الرحمن : ريم!!!!! شو سوت بنت عمي ؟؟؟ ارمسي.!! .. مها: انا قبل لا احبك وفي بداية الشغل كنت اكرهك وانت تعرف هالشي صح ولالا؟؟ عبد الرحمن هي احيد هالشي.. مها: في مره كنت طالعه اتمشى ويا رباعتي ع الكورنيش .. وكنت ارمس عنك وكنت اقول عنك اشياء مب زينه من القهر اللي في قلبي.. عبد الرحمن : انزين كملي وبعدين .. مها : بدون ما احس بنت عمك كانت يالسه تسجل صوتي .. وهي تحبك .. فهددتني اني اذا وافقت راح تسمعك التسجيل وراح تقول اني قلت هالكلام الحين .. انا خفت تكرهني عسب جي وافقت على كلامها .. مابغيتك تكرهني .. بس ولله انا احبك .. واكثر عن قبل .. عبد الرحمن : كفايه يا مها.. الله يخليج خلي مكانتج في قلبي نفس ماهي لاتشوهين صورتج في قلبي .. مها: ليش تقولين جي يا عبد الرحمن مب مصدقني.. ؟؟ عبد الرحمن : يمكن تحبني وهذا ولله اعلم .. !!! بس خلاص مافي شي راح يتغير ... و بعدين يمكن انتي يايه تقولين لي هالرمسه لانج تعرفين ان ملجتي على ريم اليوم .. مها : بققت عينها وقالت .. انت خطبتها ؟؟ عبد الرحمن هي .. هي بتصير حرمتي اليوم .. ويمكن في شي بينج وبينها عسب جي يايه تخربين بينها وبيني !.. انا اعرف بنت عمي من يوم كنا صغار .. وعمرها ما ضرتني بشي.. وهي لو كانت تحبني جان ما وقفت بطريق سعادتي.. مها: والدموع تنزل من عينها .. صح كلامك .. وابتسمت ابتسامه مليانه حزن وقالت لـ عبد الرحمن : مبروك يامعرس.. وعقب ما طلعت من المكتب عبد الرحمن يلس يصيح لان لين اليوم وهي في باله كان متوقع ان راح ينساها لما يرتبط بوحده غيرها . ولكن الحب الحقيقي عمره ما ينتسى بهالسهوله ..



تزوج عبد الرحمن ريم.. ومر على زواجهم تقريبا سنتين .. ريم كانت ومازالت تحب ولد عمها بجنون ... وحاولت دايما تسمع كلام عبد الرحمن .. لانها ما كانت تبغي اي شي يأثر على زواجها .. واقنعت عبد الرحمن عقب الزواج ان يغير مكان دوامه وينتقل لمكان ثاني .. طبعا عبد الرحمن وافق ..لان كان يبغي يحاول ينسى شي اسمه مها في حياته .. ريم ربت ويابت بنت .. ومن كثر حب عبد الرحمن لمها . سمى بنته الاولى مها.. وريم نست ان عبد الرحمن كان يحب بنت اسمها مها .. في يوم من الايام اخترب موبايل عبد الرحمن .. وسأل حرمته .. ريم عندج موبايل ما تحتاجينه ؟؟ ريم :هممم هيه حبيبي داخل الدرج شي موبايل جديم .. واعتقد في بطاقتي الجديمه .. تقدر تستعمله .. عبد الرحمن: اوكي بشوفه الحين.. ماعرف فوني شو استوى فيه مب طايع يشتغل.. هذا وقته عاد مواعد الربع نروح البحر .. يلس عبد الرحمن يدور الموبايل وحصل موبايل جديم مال حرمته .. وفجأه طاح عن ايده .. واشتغل شي في الفون.. وهو التسجيل اللي كان في صوت مها ..وكان التسجيل يقول: الصراحه انتي تحفة ... وبعدين انتي جي حاطة دوبج من دوبه .. قالت يخسي هو ولله ... هو اصلا شايف عمره وايد ماعرف على شو اونه دارس وعنده شهادات خير يا طير اللي يقول انا الحين عندي شهادة ثانوية بس.. عواش قالت ليش ما تخلينه يحبج .. قصي عليه .. قردنيه اونج تحبينه .. وعقب راويه الويل.. ردت مها وقالت جي ماعندي سالفه اقول حق عبود احبك .. انتوا جايفين ويهه اصلا مول مايعرف الرومانسية .. منو هاي اصلا تعيسة الحظ اللي بتاخذه ، اصلا انا لو فكرت اخذه بس عسب منصبه .. ولا هو اصلا مافي شي ينحب!!! رفع عبد الرحمن راسه .. وشاف حرمته واقفه صوب الباب وسمعت وياه التسجيل..ريم : ههههه هاييل رباعتي. ماعليك منهم .. ومبين عليها الربكه والخوف..هات بمسحه .. عبد الرحمن : حرام عليج !! ليش سويتي جي فيني وفي مها ليش؟؟ ريم : بصوت مرتبك انت عن شو يالس ترمس؟؟ عبد الرحمن : خليتني اهين البنت واطلعها جذابه وقلت انج مستحيل تسوين هالشي وطلعتج بريئه ليش انتي قلبج اسود ليش حرام عليج .. مافيج ذرة احساس... فرقتي اثنين كانوا يحبون بعض.. عيل بصارحج انا لين الحين احب مها .. وانتي اسم كزوجه بس.. مشاعري صوبج ما تغيرت .. انتي بس ام عيالي لكن مها: هي حبي الاول والاخير سمعتي ولالا.. ياليتني ما خذتج وتميت عزابي.. الله يغربل الساعه اللي طاوعت امي فيها وخذتج .. ريم :عبد الرحمن اسمعني صبر لا تروح .. عبد الرحمن : انتي اصلا مريضة نفسيا ولازم تتعالجين .. خوزي عن ويهي .. وطلع وخلاها..



في اليوم الثاني راح عبد الرحمن الدوام .. وكان متعني يروح يشوف مها .. سأل عنها قال لين الحين مها اداوم اهني ولا غيرت دوامها .. قالوا لها لا هي بعدها ادام اهني.. والحين عندها اجتماع وبيخلص عقب 5 دقايق.. سار عبد الرحمن مكتب مها ويلس يترياها .وتذكر احلى ايامه كانت ويا مها.. واول ما دخلت مها .. ويلست ع الكرسي .. قالت نعم اي خدمه ؟؟ بعدها ما شافت ويهه.. عبد الرحمن : مها !!! اول ما سمعت الصوت رفعت راسها : وتفاجئت ان عبد الرحمن يذكرها لين الحين .. استانست وايد .. وهو فرح وايد يوم شاف ان مها ما نسته وان فرحت بييته لها .. عبد الرحمن : انا اسفه يا مها ولله العظيم اسف جذبتج .. وصدقت ريم .. سامحيني يا مها .. ارجوج سامحيني .. انا ولله لين الحين احبج واموت فيج .. مها: كفايه يا عبد الرحمن .. انا مسامحتنك دنيا واخره و شاله في قلبي عليك .. مكانتك كبيره في قلبي..عبد الرحمن : بعدج تحبيني يا مها؟؟ رفعت مها راسها وشافت سالم واقف عند الباب .. سالم بدون ما يشوف ويه عبد الرحمن : انت يالحقير يالس تغازل حرمتي .. !!! عبد الرحمن : سالم !!!! .. سالم : انت .؟؟؟؟؟؟ .. مها: لالا تفهمنا غلط .. ولله اني ما خنتك ويا حد .. عبد الرحمن : انت تزوجت مها؟؟ سالم : شو تشوف انت ؟؟ مها: كانت تصيح .. سالم تقدم لي وانا وافقت .. عبد الرحمن بصوت فيه غصه : اسمح لي سالم انا كنت بس ياي اعتذر لمها اني اسأت الظن فيها .. السموحه منكم.. مها: مسموح يا عبد الرحمن .. وطلع عبد الرحمن من المكتب وهو كان يصيح .. يلس يسأل عمره كيف قدر يجذب حبيبته ويصدق بنت عمه .. ويلس يلوم نفسه لان ضيع مها.. وطبعا عقب هاليوم . سالم اجبر مها تستقيل واتم في البيت .. مها تزوجت سالم ولكن ما كانت تحبه .. و عبد الرحمن ما قدر يطلق ريم لانها بنت عمه وام بنته .. وعاشوا حياتهم على ذكريات الماضي الجميل .. وفي الاخير في عيد ميلاد مها حب عبد الرحمن .. يطرش لها باقة ورد .. وكتب عليها ..


تذكرتك وانا الطير الجريح مفارق الخلان..
ونار البعد وفراقك تعل اقصى شرايني..
حبيبي لرحت عني وانت لاراضي ولا زعلان..
تذكرتك عذاب ولونسيتك منت ناسيني؟؟
ابي اعرف في غيابك ليه شوقي يمتلي دخان..
واحس اني لحالي واقرب اصحابي حواليني ..
رحت وغابت الفرحه ورى ليل من الحرمان..
ورجعت لصوتك اللي كان يملا الكون يدعيني..


أِسُمُحَوِلٌيِ عِ أَلَأَخِطِأٌء أَلّأٌمّلّأَئيِة ... وًبّأِبَ أًلّنٌقِدِ مّفَتِۇۈۉحّ




V 'vp lld. C vEpAjW ,AyQHEfRjA HEgRtRvWpRiE ,EvWn gRdEgW l~kW HWgEpRv~lAHAkQ> lh[sjdv l,fhdg lql,k lrhfgm hglhqd hggi hgl,hv] hgfavdm hgh[jlhuhj hghkshk hgehkd hgj,hqu hgodlm hgd,l hg,rj hf, h[h.m hvd] hsf,u h;ev ehk,dm vHs hgodlm vrl wh]r aih]m aih]i uf]hgvplk K rsl ;hlg






آخر تعديل دموع البعد يوم 12-04-2011 في 03:47 AM.
رد مع اقتباس
قديم 07-04-2011, 09:59 AM   #2
راعية الاحساس
نبض اماراتي مثابر


الصورة الرمزية راعية الاحساس
راعية الاحساس غير متواجد حالياً

بيانات اضافيه [ + ]
 رقم العضوية : 12111
 تاريخ التسجيل :  Oct 2009
 أخر زيارة : 26-02-2015 (09:42 AM)
 المشاركات : 743 [ + ]
 التقييم :  13
افتراضي رد: رُحِتً وِغَأُبٌتِ أُلٌفٌرًحٌهُ وُرًى لٌيُلً مّنً أًلُحٌرّمِأِنَ.



وعليكم السلام والرحمة..

قصتج حزينة بس حلوة..
الله يسامح ريم اللي فرقتهم...

نرقب الزوؤد من يداج..
وربي يعطيج العافية..


 
 توقيع : راعية الاحساس

بينـَـَيـﮱ ۈبينڪـَـَ عهّــدَ مآ نفتـَـَـَـرقّ يـَـَـۈمّ ●●



أبقـَـَـى أنــَآ ۈيآڪـَـ رفـَـَقـه ۈخـَـَـلآنْ ●●




رد مع اقتباس
قديم 07-04-2011, 10:59 AM   #3
●ღ qĻόόвἍ7
نبض اماراتي ماسي


الصورة الرمزية ●ღ qĻόόвἍ7
●ღ qĻόόвἍ7 غير متواجد حالياً

بيانات اضافيه [ + ]
 رقم العضوية : 14465
 تاريخ التسجيل :  Dec 2008
 العمر : 29
 أخر زيارة : 25-07-2011 (06:35 PM)
 المشاركات : 2,734 [ + ]
 التقييم :  129
 MMS ~
MMS ~
افتراضي رد: رُحِتً وِغَأُبٌتِ أُلٌفٌرًحٌهُ وُرًى لٌيُلً مّنً أًلُحٌرّمِأِنَ.



اقتباس
المشاركة الأصلية كتبت بواسطة راعية الاحساس
وعليكم السلام والرحمة..

قصتج حزينة بس حلوة..
الله يسامح ريم اللي فرقتهم...

نرقب الزوؤد من يداج..
وربي يعطيج العافية..


.. مرورج الاحلى .. حبيت قلبي..!
تسلميييين الغلاا ع المرور وقراءتج لـ قصتي ..
..

لا خلا ولا عدم منج يارب..
ودمتي بحفظ الله ,^^



 

رد مع اقتباس
قديم 07-04-2011, 02:38 PM   #4
3la.8lbi..^^
نبض اماراتي ساخن


الصورة الرمزية 3la.8lbi..^^
3la.8lbi..^^ غير متواجد حالياً

بيانات اضافيه [ + ]
 رقم العضوية : 16910
 تاريخ التسجيل :  Feb 2011
 أخر زيارة : 21-12-2011 (08:16 PM)
 المشاركات : 270 [ + ]
 التقييم :  59
 MMS ~
MMS ~
افتراضي رد: رُحِتً وِغَأُبٌتِ أُلٌفٌرًحٌهُ وُرًى لٌيُلً مّنً أًلُحٌرّمِأِنَ.



وعليكم السلام ورحمه الله وبركاته.....
القصه وااااايد وااايداات حلللوة وحزيينه واااايد الصراحه الصراحه صحت من الخاااطر*-*
ياخي حراااااااام عليييها ريم.....؟؟!!><
واللله حناااام....
نرتقب الزوود منج غناتي....^^


 
 توقيع : 3la.8lbi..^^


تِصصَدق‘بسِمتَگگ وآللہُہُ تففَرحِ خخآطرِي الولههآنِ


رد مع اقتباس
قديم 08-04-2011, 10:45 PM   #5
●ღ qĻόόвἍ7
نبض اماراتي ماسي


الصورة الرمزية ●ღ qĻόόвἍ7
●ღ qĻόόвἍ7 غير متواجد حالياً

بيانات اضافيه [ + ]
 رقم العضوية : 14465
 تاريخ التسجيل :  Dec 2008
 العمر : 29
 أخر زيارة : 25-07-2011 (06:35 PM)
 المشاركات : 2,734 [ + ]
 التقييم :  129
 MMS ~
MMS ~
افتراضي رد: رُحِتً وِغَأُبٌتِ أُلٌفٌرًحٌهُ وُرًى لٌيُلً مّنً أًلُحٌرّمِأِنَ.



اقتباس
المشاركة الأصلية كتبت بواسطة 3la.8lbi..^^
وعليكم السلام ورحمه الله وبركاته.....
القصه وااااايد وااايداات حلللوة وحزيينه واااايد الصراحه الصراحه صحت من الخاااطر*-*
ياخي حراااااااام عليييها ريم.....؟؟!!><
واللله حناااام....
نرتقب الزوود منج غناتي....^^


الحمدلله ان القصة أثرت فيكم .. وها المغزى من كل كاتب ..

ان رسالته توصل للقراء..

تسلميييييييين حبيبت قلبي ع قراءتج لقصتي..

لا خلآ ولآ عدم منج يآآرب..

...



 

رد مع اقتباس
قديم 12-04-2011, 03:39 AM   #6
دموع البعد
مشرفة قسم القصص


الصورة الرمزية دموع البعد
دموع البعد غير متواجد حالياً

بيانات اضافيه [ + ]
 رقم العضوية : 14195
 تاريخ التسجيل :  Nov 2008
 العمر : 31
 أخر زيارة : 28-09-2013 (08:51 PM)
 المشاركات : 1,666 [ + ]
 التقييم :  236
 الدولهـ
United Arab Emirates
 الجنس ~
Female
افتراضي رد: رُحِتً وِغَأُبٌتِ أُلٌفٌرًحٌهُ وُرًى لٌيُلً مّنً أًلُحٌرّمِأِنَ.



السلام عليكم ورحمة الله وبركاته

يامرحبااا بقلووووووبه .. شوووو هالطله الحلوووة يا قلووووبه ..

كيف اتنزلين قصه من تاليفج ومااتخبرييييني هااااااا ><

ماشاء الله عليج يا قلوووبه كالعاده متألقه في كتابة القصص والخواااطر ..

الصراحه قصه راااائعه جداَ جداَ .. ومب شي يديد عليج هالابداااع خيتووو ..

خليتينا انعيش احداث القصه .. ونتخيل الشخصيااات ..

الصراحه اتخيلت عبدالرحمن واحد طويل وحلوو .. ومها اشوي قصيره وضعيفه خخخ

ماشاء الله عليج كل مره تتحسن كتاباااتج .. واتمنى لج كل خير ورقي في مجال الكتابه وانجوفج كاتبه يوم من الايااام .


ربي يعطيج العافيه على هالطرح المبدع ولج مني ختام التميز + التقييم ^^

تقبلي مروري . خويتج : دمـــ البعد ــــوؤوؤع



 
 توقيع : دموع البعد

CoMe BaCk SoOoN


رد مع اقتباس
قديم 15-04-2011, 11:12 AM   #7
●ღ qĻόόвἍ7
نبض اماراتي ماسي


الصورة الرمزية ●ღ qĻόόвἍ7
●ღ qĻόόвἍ7 غير متواجد حالياً

بيانات اضافيه [ + ]
 رقم العضوية : 14465
 تاريخ التسجيل :  Dec 2008
 العمر : 29
 أخر زيارة : 25-07-2011 (06:35 PM)
 المشاركات : 2,734 [ + ]
 التقييم :  129
 MMS ~
MMS ~
افتراضي رد: رُحِتً وِغَأُبٌتِ أُلٌفٌرًحٌهُ وُرًى لٌيُلً مّنً أًلُحٌرّمِأِنَ.



اقتباس
المشاركة الأصلية كتبت بواسطة دموع البعد
السلام عليكم ورحمة الله وبركاته

يامرحبااا بقلووووووبه .. شوووو هالطله الحلوووة يا قلووووبه ..

كيف اتنزلين قصه من تاليفج ومااتخبرييييني هااااااا ><

ماشاء الله عليج يا قلوووبه كالعاده متألقه في كتابة القصص والخواااطر ..

الصراحه قصه راااائعه جداَ جداَ .. ومب شي يديد عليج هالابداااع خيتووو ..

خليتينا انعيش احداث القصه .. ونتخيل الشخصيااات ..

الصراحه اتخيلت عبدالرحمن واحد طويل وحلوو .. ومها اشوي قصيره وضعيفه خخخ

ماشاء الله عليج كل مره تتحسن كتاباااتج .. واتمنى لج كل خير ورقي في مجال الكتابه وانجوفج كاتبه يوم من الايااام .


ربي يعطيج العافيه على هالطرح المبدع ولج مني ختام التميز + التقييم ^^

تقبلي مروري . خويتج : دمـــ البعد ــــوؤوؤع




وعليكم السلآأأم ورحمة آلله وبركآآآته ..~
تسلميـــــن حبيبت قلبيي وآلله ~...
الصرآآآآحه آشتقت لردودج الحلوة..
الله يسمع منج آن شاء آلله ..
لا خلآ ولآعدم منج يآآآرب..
نورتي صفحتي بردج المميز ..
..

وثآآآنكس ع التقيــــم ..
والرب لج حآآآآآآفظ ..^^




 

رد مع اقتباس
إضافة رد

مواقع النشر (المفضلة)

الكلمات الدلالية (Tags)
ماجستير, موبايل, مضمون, مقابلة, الماضي, الله, الموارد البشرية, الاجتماعات, الانسان, الثاني, التواضع, الخيمة, اليوم, الوقت, ابو, اجازة, اريد, اسبوع, اكثر, ثانوية, رأس الخيمة, رقم, صادق, شهادة, شهاده, عبدالرحمن, ،, قسم, كامل


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 03:28 PM.

Powered by vBulletin® Copyright ©2000 - 2019, Jelsoft Enterprises Ltd. , Designed & TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الآراء المطروحة بالمنتدى تعبر عن أصحابها و لا علاقة لصاحب المنتدى بها

تصميم : المصمم العربي .. Design By : www.araby4design.com