¬°•| منتديات نبـض الإمارات |•°¬

¬°•| منتديات نبـض الإمارات |•°¬ (http://www.uaepulse.net/vb/index.php)
-   [ نبض التراث ~ (http://www.uaepulse.net/vb/forumdisplay.php?f=84)
-   -   كلام اليهال فالتراث لا يفوتكم ^_^ (http://www.uaepulse.net/vb/showthread.php?t=63861)

Q6waa 02-07-2007 10:08 PM

كلام اليهال فالتراث لا يفوتكم ^_^
 
--------------------------------------------------------------------------------
كلام اليهال فالتراث لا يفوتكم ^_^

اليوم أنا عندي لكم موضوع حلو ..بندخل شويه في عالم الأطفال

كيف كانوا أمهاتنا يتعاملون مع الأطفال او يتكلمون معاهم؟ عن طريق استعمال

بعض الكلمات اللي تسهل الكلام بين الام وصغيرها..

عندي لكم بعض الكلمات مثل..

الأكل يسمى : نم نم أو نميه أو هم

الماء يسمى : امبوه و امبواه

( ويقولون للطفل تبا امبوه أو امبواه ) يعني هل تريد تشرب/ ماء

قول الأم للطفل كــــخ : تعني الزجر عن تناول الشيء

قول للطفل أوف او اوفيه : عندما تحذره من لمس شيء حار

وهذه أسماء الحيوانات في لغة الأطفال

الكلب : الدهدوه أو الواواه

القطة : مياو أو امباويه

العنز والخروف : امباع أو امباعيه

الجمل : عاعاه

البقرة: انكوح

الدجاجة: تيتيه

و الديك : كوكوه

ملاحظة : -
معظم الحيوانات سموها بأسماء شبيهه للصوت الذي يصدر منها .!

و يقولون للطفل : ( إذا ما سكت باسويلك .. تـــــح .. )

تعني فعل الضرب بلغة الأطفال.!

ويسمون الطفل : دودوه و داداه

ويسمون الشيء الجميل : النيني

ويسمون السيارة : البيب ( من صوت بوقها )

ويسمون النوم : هوا





وبصراحـــــه لين يومنا هذا نحن الكبار أنكلم الصغار جيه ^.^



شورايكم كلااااامي صح و لا غلط

قـــــلب حساس 03-07-2007 04:26 AM


لا صح الغاليه والله زين بعد مانسينا شي من تراثنا ومن لهجتنا الاوليه هههههه
نحن هالرمسه لين الحينه نستخدمها ويا اليهال والله

يعطيج العافيه حبوبه عالطرح الحلو

ونتريا الاحلى منج

والسموحه منج

Q6waa 03-07-2007 05:22 PM

فديتج الغلا تسلمين على المرور
نورتي مواضيعي كلها بردج

لا تحرمينا من ردودج

و سلامتج
^__^

تغـــرودهـــ 06-07-2007 02:43 AM

ههههههههههههههههههههه

هذي رمستيه انا

دوووم جيه ارمس

شوي يعيبون عليه مشكوره الغاليه عالموضوع

سلعاوي الارهاب 06-07-2007 06:04 AM

هههههههههههه

ذكرتوني بولد خالتي
اسمه مبارك بس يسمونه عوكي

ولا بعد ما دلعوني مثل ما دلعوه مخصصين غنيه له خاصه

عوكي سرق بوكي ههههههههههههه

ولا تنسين يا مياو
اذكر يوم يبوني ارقد يغنولي غنيه حوى حوى من العوى ههههههههه

اونه ارقد ولا الثعلب بياكلك هههههههههه


تسلمين والله على الموضوع الحلو

اقول اذا انتم مثلي حسيت بحنيه الشيبان على الصغار ههههههههههههه

الف شكر لج

Q6waa 06-07-2007 01:20 PM

احلى عوكي والله
تسلم على المرور

بس احنا للحين نقول لليهال ارقدووووووا و لا الشيطان بيكم و بياكلكم

يحليلك انت من الذيب
هههههههههههههههههههههههههههههههههههههههههههههههههه ه
اذكر اني كنت عنيده ما اكل و ارقد جيه و امي كثر ما تخوفني اعطي طااااف فديتني كنت قويه من صغري
هههههههههههههههههههههههههههههههههههههههههههههههههه ههه
واله حنيت على ايام قبل
ويا ليت الزمان يعود يوما

تعال لالا يكون حنيت على ايام البامبرز يعني؟؟؟؟؟

خربوشه_مربوشه 06-07-2007 07:49 PM

رووووووووووووووووووعه الموضووووووووووووووووع

تسلمين اختي ويعطيج العافية

Q6waa 06-07-2007 08:02 PM

العفوووووووووووووووو
و تسلمين على المرور الغلا

عســل صافــي 06-07-2007 09:36 PM

لوووووووووول هههههههاي

والله كلامج صج لين الحين تقريبا الكلام كله اقوله لاخوي الصغريوني هزاع

وادلعه دودي فديته سلمتي الغااااااااااليه صح لسانج

سوااااااف 06-07-2007 11:29 PM

هههههههههههههههههههههههه

ما فيني اظهر فضايحي يوم كنت صغير وشو يقولولي

الله يستر علي

ثانكس على الطرح


الساعة الآن 12:56 AM.

Powered by vBulletin® Copyright ©2000 - 2018, Jelsoft Enterprises Ltd. , Designed & TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الآراء المطروحة بالمنتدى تعبر عن أصحابها و لا علاقة لصاحب المنتدى بها